عبدالرحمن عادل الشمري

[أعماق الشمري]

أعزائي الاحباء

السلام عليكم ورحمة الله وبركاته..

أسعد الله صـ ب ـاحكم / مـ س ـائكم
بكل الحب والود والخيرات..
وعبر كلمات الشعر وابياته واوزانه احييكم كل تحيه
أود ان تتعرفون عليه من قريب

http://www.arb-up.com/get-3-2007-zfhtvhgu.jpg

هو الشاعر / عبدالرحمن عادل الاسلمي الشمري
من المنطقه الشرقيه من المملكه العربيه السعوديه تحديداً من محافظه حفر الباطن
*******************
http://www.arb-up.com/get-3-2007-qe9fdhdm.jpg

رقمه من بين قائمة المتسابقين 18
شاعر كتب أبياته
للـ قضيه الاسلاميه
للـ قضيه السياسيه
للـ قضيه الاجتماعيه
للـ أنواع الشعر فيه عدة أنواع
كتب على للسامري والهجيني والمسحوب والبحر البسيط والرباعي والتفعليه.بجميع أغراض الشعر ..

من اشهر قصائده التي تحضرني ::
(( الشاميه))و((رد الشاميه))و((الفقر))و((حجاج العرب))و((عيال نوح))
((عروش هاويه))و((السحر وعصا موسي))و((كونداليزاراز))و((المرتزقه))
((شعارات عربيه))و((هبل العصر))و((عشرون اذار))و((فلسفات قرأنيه))
((بين الصوفيه والوهابيه))و((إسرائليات))و((الموت بنكهه امريكيه))و((ال جرباء))
((الملحمه الشمريه))و((بالاضافه الي القصائد في برنامج شاعر المليون))

.
.
.
.
لم يبقا من المتسع وقت ولم يبقا الا لحضات التتويج من هو شاعر المليون

فـ لنكن نخبويون نصوت لـ شاعرنا / عبدالرحمن عادل الشمري

http://www.arb-up.com/get-3-2007-lxg524hv.jpg

مع فائق أحترامي للشعراء المتسابقين

لندعم مسترته الشعريه فـ هو شاعر نخبوي
والنخبويون مثل الاحجار الكريمه ........ قلائل

فـ لنكن جميعاُ نخبويون
مع فائق أحترامي للشعراء المتسابقين
http://www.arb-up.com/get-3-2007-j6o1cj2u.gif


دمتم بكل الود والاخاء

[أبوطروق]

roooose صباح الخير ‏
يستاهل أبو عادل
هذا الرجل طلع بفعله ولم يخدمه أحد ولم تكن له )واسطة( عند المجلات الشعرية مثل غيره شاعر حساس وأنيق ويعرف من أين تؤكل الكتف .
ألله يوفقه وأن شاء الله يرفع روس شمر بكرا الثلاثاء بس لا ننساه بالتصويت وهذا حقه علينا أفراد القبيلة ...
وشاكر لك بالنيابه عن ابوعادلroooose

[خلف الرويتع]

شكراً أعماق الشمري

نعم يستاهل

تكفون لاتخلونه

انا معي شيبان في الشبه كل ليله يصوتوله ويقولون لاتخلون والدنا يجب على الجميع التصويت له مابقي شي يومين فقط همتكم

وصدقوني ابو عادل يستاهل لو لم يقدم غير قصيده الملحمه لكفاء

اليكم قصيده ملحمه شمر وهي بالحق ملحمه


قـال الـذي ينظـم بديعـات الالحـان
أبيات شعر صاغها من ضميـره
مثايـلـه در ولـولــو ومـرجــان
وحقايقه في عز مجـد العشيـرة
لـي لابـة يـوم اللقـى شانهـا شـان
عز العميل وضد وجـه المغيـره
كانـو ولا زالـوا للأمـجـاد عـنـوان
هل الوجيـه الطيبـة والسفيـرة
شاهدهم التاريخ مـن ماضـي الأزمـان
قليـل منهـم والاوادم كثـيـرة
غـل لكبـد المعتـدي ســم ثعـبـان
غلبا ولا دارت عليهـم كسيـرة
شمر ليا غطـى سمـا الكـون دخـان
لهم الطويلة مايبـون القصيـرة
من صلب حاتم نسـل حميـر وكهـلان
مارددت صلف الريـاح تحفيرة
أبين مـن النجـم الشمالـي ليـا بـان
واشهر من اللي بالسما مستنيـرة
لـه فـارق مابيـن حضـر وبــدوان
الطيب واحد والسميـه خشيـرة
من قلب نجد وبصمـة الوقـت عنـوان
يامـا تطـب ديارنـا بالجزيـرة
كـل ديـرة فيهـا لنـا نـزل واعيـان
وان لحت الدنيا لنـا كـل ديـرة
مرويـن مـن دم العـدا كـل عطشـان
السيف معنـا مايعرفـه جفيـرة
ماهـو ردب سبـع القبايـل وحقـران
كلن ليا هبـت لفـح زمهريـرة
لاقسمـوا حـق النشـامـا بمـيـزان
حنا لنـا حـق العقيـد ووزيـرة
هـل الطنـا غلبـا سناعيـس يمنـان
زهيـد لادق البعيـر بهـديـره
هل اللحيسه لادبـر الوقـت وان شـان
راهين وكبار المناسـف نديـره
لنـا علـى الـردات عـادة وديــدان
ياما يسوق من البشايـر بشيـره
عبده وسنجارة والاسلـم هـل الشـان
ربعي ليا شـح الزمـان بغديـره
قبـايـل مـنـا شـيـوخ وفـرسـان
خضنا بهم جم البحـور الغزيـره
منا العقيـد الصيرمـي طيـر حـوران
فارس ولا عرفوا هل الجود غيره
ابـو المحمـد مثقـل المـزن هـتـان
يالله عسى ماتنقطـع لـه بذيـره
ومنـا بنيـه لا ارزف الجمـع دنـدان
كم من عشير فرقه عن عشيـره
نعم بابـو عبطـه سعـد كـل بلشـان
الشيخ زيزوم الجمـوع الكثيـرة
وصفـوق وان قيـل المحـزم بليهـان
يثني ليا بات الردي في حصيـرة
وعدة لأبـو خـوذه ربيـع السـوادان
عبدالكريم اللي كسا الناس خيـره
وتل اللحـم وسميـر واسعـد وزيـدان
ومسلط ليا جار الزمن نستجيـره
وفرحان والعاصـي ومطلـق و وطبـان
ويكفيك بالهادي جنبهـا واميـره
وان جيـت لليـاور لنـا فيـه نيشـان
مادار في وسط المحاكـم يديـره
واللي عتق شمر عن المـوت مشعـان
مرسـل لبغـداد العذيـة سفيـره
جربان من جربان من سـاس جربـان
شيوخ الجهامة والسلف والمسيره
نعـم بهـم لاشبـت الكـون نـيـران
يملون من حجر المعادي حجيـره
ومنا ليـا عـدوا هـل الفعـل فهـران
جدير بالفرسة وهي بـه جديـره
ياجاهـل الصـيـداد ينبـيـك بــأذان
خذ الخبر لامن لفـا بـه خبيـره
يعطيـك مـن ميـزر لمالـك لكنـعـان
لإخوان رفعة والصيارم خطيـره
ومنا شهوان الضيغمـي طلـق الايمـان
له سيرة ماله مع النـاس سيـرة
ومنا عـرار الخيـل للغـوص سلطـان
ومنا الشجاع عمير اخو عميـره
وعبيـد قــواد السبـايـا بـالأكـوان
ابن رشيد اللـي سواتـه كبيـرة
هان الصفا من ضرب صرخـه ولاهـان
ماطال من كف بتر لـه جريـره
ومحمـد المهـاد مـروي شفـا الـزان
ماداس من جدبا جعلها خضيـره
ومنا الجنـازة يـوم روغـات الاذهـان
تبرك ملوك الموت مبرك بعيـره
ماهـاب مجلـول المهـابـه كحـيـلان
يفوح من طيب الضياغم عبيـره
يشهد لهم قصـر الاعيـرف وبـرزان
ومن سيس الاولى طلع بالأخيـرة
وابن علـي راعـي الطويلـة بعيجـان
سمـن العرابـي منخلـط بـه بعـيـره
وان قيل ابن ماجـد تناهـض عقابـان
ابن عجل سيل الربيـع ومحيـره
وابن سعيـد مشبـع الذيـب سرحـان
مغنيه يـوم ان القبايـل فقيـره
ومنا المسمـى بالعـرب ابـن جبهـان
شبرم زبون الوانيـه المستنيـره
والقرم ابن سوقي على المـدح زافـان
مافات من ورده لفا بـه صديـره
وابن جدي راضي وابا اللميـخ فنخـان
وطلال ابن غازي كعام المغيـره
ومنا ابـن هبـاس كـان اللغـا شـان
على العدو دابر رهيـب صبيـره
ومنا ابـن نهيـر نـدا وابـن جـروان
هل النبا المعهود واخـوة منيـرة
ومطنـي ليـا دور رح المـوت طنيـان
يذري على روس المعادي ماتذيره
وابا الوقي وعبدالكريـم ابـن سبهـان
واللي نكر حـق الطليعـه دبيـره
وكذلـك الجبريـن لا حــان مـاحـان
عدوهم ماينعـرف وش مصيـره
واقول ابـن عـراك والشيـخ زيـدان
ويكفيك ابن هثمي مجار وجيـره
ومنـا دغيـم صـار للطيـب مـيـدان
لا شحت العسره جعلهـا يسيـره
وابن برع وابن المعبهـل لهـم شـان
وابن مصيول بالليالـي العسيـره
وان قالـوا التميـاط نعـم بضـيـدان
طير السعد بالجو محلـى مطيـره
واثنـي علـى سمـي سميـه وراكـان
وبرغش كعم اللي يتناشر نشيـره
وزيد وسند من خلقـة الربـع تومـان
ومن ذلل البكره عقد به ظفيـره
ويعيش ابـن عايـش ذرا كـل جيعـان
يعطي العطايا ولا يخلـي ذخيـره
والحثربي ويا الحـدب وابـن عـردان
وعندندح التجغيف يا وي سيـره
ومنا ابن زويمـل فهـد وابـن رمـان
وكذلك الامسح علومـه سفيـره
ومنا العجـرش مـن عدامـا وهيشـان
وشويـش نعـم فيـه عـز القصيـره
وابـن عبيكـه والعبكلـي وغضـبـان
وسفاح وابن هذيل شوق الصغيره
ومنا الطويـل اللـي يوصـف بشامـان
وابن غشم ضده حياتـه خطيـرة
وابـو وتيـد ليـا شـهـر والثنـيـان
وابن دهيثـم والمحيثـل جديـره
والموعـدي ومنيـس وابـن الهبيكـان
وابن رخيص ليـا تكتـم غبيـره
والقرم ابن دايس علـى العـي عيـان
يركي على كبد المعـادي سعيـره
وابن الشلاقـي والشريعيـب شجعـان
وابن صخيل ومن يقـرب لبيـره
ومنا ابن سويحل عـن الضيـم مزبـان
عايد تـرا والله مايطيـر طيـره
ونعم بضـاري واخـو فلـوة سليمـان
ابن محمود الفيضـة المستديـرة
والشايـب جنـاع القعيطـي ذويـبـان
اللي مثل هزر الأوافـي هزيـره
خلايف اللـي هيـس الـروح زعـلان
ماعرقله عمه نـوا لـه شويـره
هايس ليا مسـت مصاريـع الارسـان
يرد الخطر قبل يجي لـه نذيـره
وحمـود ابـن بقـار نعميـن يافـلان
كريم سبـلا والعطـا مايضيـره
والفعـل لعيـال الـطـوالات بـرهـان
طب النفوس المخبثـة والحقيـرة
نعم بهـم مـن دور برغـش وعـدوان
والحودلـة حـودل جـمـوع كثـيـرة
وضاري اخو صلفه ومثلـه فـلا كـان
عز السباع الجايعـات ونصيـره
ومنا ابـن عيـاده لا اطريـت صديـان
وفواز ابن سراي ذرب المسيـرة
ومنـا ابـو قريبـان ياقيـل جـدعـان
حماي عجلات الدبش بالظهيـرة
وذيـاب واللـي غالـط فيـه غلطـان
على الصحن لولا الحيا دق زيره
وفنيطـل الوجعـان للكـون وجـعـان
يدي من رقاب النشامـا نحيـره
وكـردي ليـا مـن دوروا فيـم بيكـان
وهيكل نظير اللي تعومس نظيـره
وجديـل قرنـاس الـهـوا والدلـيـان
عدوهم بالكون حاسـوا مريـره
وان قالـو الكتفـان مشـرف ووبـران
وتيـرة والطيـب معهـم وتيـرة
وراعي الجوار ان قلـت منـا وهيهـان
مشوط صعوط الصبة المستطيـرة
وثانـي اخوسـارة ولالـه معـه ثـان
سعد الوجيه العابسة القمطريـرة
ومنا البرازي وهـو تـروس بزبـلان
ودليم زافور السريحـي زفيـرة
والمايحـي وابـن بشـر والعنـيـزان
والفاضلي وابن كفش عن عشيرة
وطارش وابن عجرف وابن نمر عرسان
القافلة بأدنـى حديهـم غريـره
ومنا ابن سبيه ونعـم وابـن خدعـان
يكفـونـا بعـدونـا مانعـيـره
وابن شفق راضي وصـرد واللبيخـان
وابن بريطم والصقيهـي نظيـره
ومنا البدر وابن بدر وابن مروب جعيدان
وابن لويش القرم واخوة سويرة
ومنا ابن مغامس وابـن نيـف ذيبـان
غمر المراجل والثنا هـم غميـره
ومنـا القديـري والمجيحيـم وسنـان
وعظيب والزماي وابن القطيـره
وراعي البويضا لا حضر وابن نفجـان
وشخير البصري وغيره وغيـره
صيـارم تهتـز لـه سبـع الأركــان
خالين من عرق الدنس والمعيره
هذا ولا قصـدي للـي غيـر نقصـان
كلن على حقه سيوفـه شطيـره
ومــادام تـيـار الأوادم لـيــا لان
يظهر من كبود العـذارا بريـره
وتمـت قصيـدة قايلـه ابـن راكــان
يفهم لغـاي مفتحيـن البصيـرة

[خلف الرويتع]

شباب الساعه كم يبد البرنامج غداً]

[احمد الويباري]

يستاهل والله ابو عادل اللي يصوت له

وان شاء الله راح يكون اللقب من نصيبه

وشدووووا حيلكم مابقى الا يوم


شباب الساعه كم يبد البرنامج غداً]

يبدا البرنامج الساعه 8:30 مساء على قناة ابو ظبي



انا معي شيبان في الشبه كل ليله يصوتوله ويقولون لاتخلون والدنا يجب على الجميع التصويت له مابقي شي يومين فقط همتكم

:thumb: :thumb: :thumb: :thumb: :thumb: :thumb: :thumb:

[اللـــورد]

الف شكر لك اعماق الشمري

والله اني داخل اليوم كله من اجل طرح الموضوع لكن سبقتني فيها
وهذا يدل على اهتمامك يالغالي والحميه الزايده ياسنايدي
اما عني انا وعن موظفين ارامكو كلهم لاتوصي

هذا ولك جزيل الشكر والاحترام اخوك اللـــورد

[أعماق الشمري]

وانطوى الستار
عنك يا مليون شاعر وشاعر المليون
دمتم بكل الحب والحب يدوم لكم

[abo_amema]

مشكور اخوي عبد الرحمن والله رفعت راسنا

[عبدالكريم العبهولي]

شكرا على هالابداع يا اعماق الشمري وخلف الرويتع عزالله عيني عليكم باردة ماشاء الله على هالمعلومات اللي عندكم


واخيرا الغيره تظل شمريه



والسلام








اخوكم


عبدالكريم آل عبهول الشمري

[سيدة القـــــلم]

يَعنِيْ فيه مُسابقه للشاعر المليُون ثانيه..


او وش السالفه..؟!!:(



من جد.. مافهمت :surprised
















شُكْرَاً





.

.

[هند القاضي]

يا كرهج سيدة شفيج ناظري لـ تاريخ الموضوع :g:



لا تقعدين توزعي إشاعات :tongue:

[ابو راكــــــــان]

حيالله ابن العم هلا وغلا يابو عابد
والله انك غالي ياشاعر الشمرين

الشاعر عبدالرحمن عادل الاسلمي
اخوك ومحبوبك _ضيدان ابن مطر ابن عبك التومي

[ابو راكــــــــان]

ابو عابد ابي منك كلمت ترحيب لانك غالي
ومكانك عزيز والله يشهد