المساعد الشخصي الرقمي

مشاهدة النسخة كاملة : تعالو يالاخوان .........؟


ثامر
10-03-2007, 01:21
اخواني مساكم الله بالخير / صبحكم الله بالخير

(( ودنا بتحريك المضيف )) :tongue:



نرجع للموضوع بعض الاحيان وانا جالس في مجلس او ما شبه ترد علينا بعض الالفاظ ولا نعرف وش تعني هذه الكلمة فكرة وتفكرة قلت يولد وش رايك اشارك الربع في ادراج بعض الكلمات ونشوف وش معناه ونختبر معرفتنا وهلله هلله بالمشاركه
ولكم اول المواضيع

قال الشاعر حميدان الشويعر :

وعنده عذرا مثل الحوارا = نورها يقادي البنوره
كتف وردف ونهد زامي = و ( شاخة ٍ ) شبر مشبوره

وقال محمد عبدالله القاضي :

ترى اول النجوم القيظ سبع رصايف = كما جيب وضحا ضيع الدرك دالق
او نعل ( شاخ ) والتوابيع تبيعها = في برجها الجوزا كما الدال دانق


وقال مبارك البدري :

الصاحب اللي في عيوني تحليت = ذوايت اطرافه على السط دوار
ما احلى الى منه قبال ٍ مشي هيت = في مدمجاته شلخ ( الشاخ ) حيار



اخواني بالابيات السابقه شفنا تكرار كلمة ( شاخ )
المقصود في هالابيات وش معنى كلمة شاخ في لغتنا العامه
ريال الفسحه
10-03-2007, 01:38
رائع ياثامــــــر وتاكد انـــــي اول المشــــــاركـــــــــين

فكرة رائده ورائــــــــــعه وجيده لنا عشان نتعلم ...


اما بالنسبه للكلمه [...شاخ...]والله ماعرفتـــــــه:puzzled:

بس باتســــــــر ان شاء الله لي عوده وعسانـــــن افلح ...



وما ادري نقدر نورد ابيات ونستفسر والا وش طريقتكم...

\

/


اخوك ريال الفلس:) <<ملاحظه الفلس هنا هو الهلله بالكويتي:) <<عشره صفر

تقبل مطخاتي ...:)
مانع السرحاني
10-03-2007, 01:39
والله مادري بس يمكن قصده الشيخ بهلجة الجنوب الشاااخ أو مقدمة الجمع
ثامر
10-03-2007, 02:46
هلا والله وغلا بريال فسحه ..

مشاركتك شجعتني على الاستمرار بهذا الموضوع ويحق لك اخوي ان تورد ابيات ولا مانع في ذلك

تقبل تحياتي
ثامر
10-03-2007, 02:47
هلا بأخوي مانع السرحاني ..

مشاركتك ابهجت في خاطري السرور ولكن اقول ماهي على ماقلت (( الشيوخ )) في لغة الجنوب

معكم وقت وانشدو شيبان والله يعطيهم طولت العمر ان شاء الله

تقبل تحياتي
غاده
12-03-2007, 01:11
حيالله االفاضل الغائب ثامر
وفكره اكثر من رائعه
دورت ع معناها بقوقل ما حصلت شيء :)
تحيـــــroooose ـــاتي
ثامر
12-03-2007, 04:14
مرحبا بالاخت ملاك غيداء

حياك الله ومرورك شرف ولكن الكلمة اللي كتبته معذرة غير موجود في قوقل بس كان به من الشيبان الله يطول بعمارهم الحيين انشاء الله وانشديهم ويعلمونك ابمعناه
ريال الفسحه
13-03-2007, 21:39
هل انت متاكد من الابيات ...اقصد الحروف مابه اخطاء....؟؟؟



ودي لك..
الشاهري العبيدي
13-03-2007, 21:46
ما ادري صراحه

ولكن لعل لها علاقه بالارتفاع والسموا




والله اعلم
ثامر
14-03-2007, 02:09
هلا والله بريال فسحة

انا متأكد من الكتابه مثل ماأنا اكتب لك هالحين لكن المعنى واضح

هلا اخوي شاهر العبيدي

يالله حيوه مرورك شرف اخوي العزيز وقلمك وسام اتقلده في صفحات مضيفي

لكن مدري وش اقول الرمعه مالك لوا ( وفالك التوفيق )
ريال الفسحه
15-03-2007, 00:31
ثامر عجزنا وبحلنا تكفى علمنا ذبحتنا الشفايه هههههههههه


يالله انتظر
ثامر
15-03-2007, 03:44
لا توووك نبيك تكبر على سنع ؟؟

تمعن زين بالابيات راح تلقى معناه بس اقر ابوضوح
sna3es_5
05-05-2007, 02:15
والله اعلم هي البرقع او شئ تلبسها الحرمه

انتضرر ردك اخوي
ثامر
06-05-2007, 01:24
مرحبا بالاخ sna3es_5 وحياك

مرورك شرف ونفتخر فيه لكن مدري وش اقول لك (( مالك لوا ))