المساعد الشخصي الرقمي

مشاهدة النسخة كاملة : ... عبدالله الجعيثن العتيبي ...


سعود بادي
04-03-2007, 17:15
الى الأخ المبدع والغالي / عبدالله الجعيثن الشمري
مع شديد العذر لقصورها عن مقامه ومقام قبيلته العزيزة
.
.
وانا بعد جيتك وحسب إعتقادي "=" ان الله الوالي يكلل جهودي
ربعي هل الطالات واهل الطرادي "=" وان صك جالٍ جال ربعي عضودي
بيض الوجيه اهل السيوف الحدادي "=" شمر منزحت السرب فالصمودي
مركاضهم فضّخ قلوب الأعادي "=" ومضرابهم فالي نحاهم يكودي
احبهم ياناس دون العبادي "=" وقبالهم يبري عليل الكبودي
سهم الغلا لاهل المكارم قيادي "=" سعره مع الايام دايم يزودي
أجاء وسلمى في غلاهم تنادي "=" ومن لامهن يذلف عسى مايعودي
يامرحبا مارفرف الطير شادي "=" ومافاح ريحه واينعن الورودي
خوتك منوت يالجعيثن فؤادي "=" بالروح تشرا ياوسيع البنودي
تنشد ياعبدالله وحاديك حادي "=" والي حداني عنك ماهو صدودي
انا هنا عندك وبين الأيادي "=" ضيف المضايف والمضيف يجودي
متربعن بين الحضر والبوادي "=" وباميل عقالي وبارقى سنودي
وعلى لحنك افخر واشجع بلادي "=" تبقين يادار النمر والفهودي
.
.
.
عساف التومي
04-03-2007, 18:32
سعود


صح لسانك ورفع الله مقامك وشانك

وعبدالله يستاهل


والله لايحرمكم خوة بعض
ويديم المحبه
المطنوخ
04-03-2007, 18:34
اشهد اني اليوم مشنص

تدري ليه يابوتركي؟

لاني اول من قلط عليك حتى هاللحظه

يعني ان جاء واحد بهاللحظه ورد ماهو احسن لوه:)


//

//

يابوتركي يامروي ضميان القصيد

صح لسانك

مير لو الواحد مايقرى القصيده بس شوفة اسمك تنعش العين



ابوجعيثن آآآآه منه .... مادري وش اقول له لكن مايحتاج احتسي وقصيدتك حاضره

لاعدمناك يابوتركي
ريال الفسحه
04-03-2007, 18:57
صح لسانك وعلا شانك وشانوه

\\

اهدمناكم والله يدوم ويزيد المحبه بينكم

\\


لاعدمتك
هايس الشمري
04-03-2007, 19:04
الاستاذ/ سعود بادي..


صح لسانك مدد.. بلا عدد..


لا هنت والله يا بعدي..




اخوووك
هواوي نجد
05-03-2007, 13:32
الاخ/ سعود

صح لسانك على مجاراتك الرائعة وعبدالله يستاهل

عساك على القوة
شموخ
05-03-2007, 14:10
احبهـم يانـاس دون العـبـادي "
" وقبالهم يبـري عليـل الكبـودي
سهم الغلا لاهل المكـارم قيـادي "
" سعره مع الايـام دايـم يـزودي


صح لسااااااااااااانك ودام ابداعك وادام الله المحبه بينكم :)


تحياتي
شموخ
ابو خليف
06-03-2007, 00:22
صح لسااااااااااانك ولاهنت
المهرة
06-03-2007, 01:26
مساء الطيب

ياراعي الطيب / والشعِر الجزل


احبهـم يانـاس دون العـبـادي "
" وقبالهم يبـري عليـل الكبـودي


سهم الغلا لاهل المكـارم قيـادي "
" سعره مع الايـام دايـم يـزودي


أجاء وسلمى في غلاهـم تنـادي "
" ومن لامهن يذلف عسى مايعودي





شاعر يخاطب الشِعر بعذوبة البر
وجماليات القصيد
وشموخ الجبال
ورشاقة الظبي / وبراعة الخيل العربي الأصيل

قليل من يكتب الشعر بلاخيلاء


ابدعت 00 ورسمت 00 فكانت لوحة شعِرية
عالية المستوى


دمت بخير
اختك / المهرة
عجايب بنت الشايب
06-03-2007, 01:39
سعود بادي صح قلمك وسلم مدادك


انا هنـا عنـدك وبيـن الأيـادي "
" ضيف المضايف والمضيف يجودي
متربعن بين الحضـر والبـوادي "
" وباميل عقالي وبارقـى سنـودي


الف صح لسانك .....
فلاح السعد
06-03-2007, 07:04
ابوتركي


تلك صوت وصدى


لن تحتاج الى تعليق



فقط للمرور والسلام


قبل القراءه وبعد القراءه


لك المحبه
ابو فارس
06-03-2007, 10:12
صح لسانك وسلمت


ياعل ديرة مابها ريح عتبان
...............يهزها الزلزال كل ضحوية


لك كل الغلا ياغالي

دمت بخير
عبدالله الجعيثن
07-03-2007, 14:20
على راسي من فوق يالذيب


سعود بادي


صح لسانك وعلا شانك


وسام على صدري ابياتك


وتاج على راسي معرفة الطيّبين امثالك

والنعم بربعك شمر والنعم بربعي عتيبه


لاهنت يالجزل
فايز عيد الشمري
07-03-2007, 20:22
أخوي سعود صح لسانك ولاهنت
ويستاهل أستاذنا المبدع عبدالله الجعيثن ماكتب له
لاهنتوا وبارك الله فيكم 00000000
فلاح العماش
07-03-2007, 23:21
شامخ يا أبو تركي


و وافي دائماً وأبداً




صح قلبك والله لايهينك


يا الذيب
عبدالله المهيني
08-03-2007, 13:07
ابو تركي




بيض الله وجهكـ



جزل ولا جديد في ذلكـ







لكـ القلب يا رائع
نافع بن طواله
08-03-2007, 13:45
احبهـم يانـاس دون العـبـادي "
" وقبالهم يبـري عليـل الكبـودي

احبهـم يانـاس دون العـبـادي "
" وقبالهم يبـري عليـل الكبـودي

احبهـم يانـاس دون العـبـادي "
" وقبالهم يبـري عليـل الكبـودي



ابو بادي


عسى يحبك مولاك رب البيت


وصدقني من يحبه الله يحبب الناس فيه


وانت بالحيل محبوب ماشاء الله عليك