دمعة حزن

[مالك الحزين]

شاعر عراقي (معارض سابقا) يرثي الشهيد صدام حسين !
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
الشاعر عباس جيجان وبعد معارضته للرئيـــــــــس العراقي
الراحل صدام حسين وعيشه في اوربا لاجئا،يعيد اكتشاف
ان عراقيته اقوى من معارضته وان صدام حســــــين رئيسه
ومصدر فخره،فكانت هذه القصيدة:
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

ويه الفجر

يوم العيد

وي نحر النحور

صدام قدم للوطن روحه

إجه مثل الاسد مجروح

يمشي وتضحك جروحه

هم شايف جبل ينكاد

وإذا شفت الجبل مكيود

تلكه العلة بسفوحه

مثل النخل مات وكوف

شاخص شامخه صروحه

لك لو هيجي الرجال تموت

لو غم الرجال بموت ماصخ ما به ملوحه

بجيت وما بجيت عليك

بجيت على الزمان الضمك بلوحه

بجى حتى الفرات عليك

ونهر دجله إنتحر موحه

إذاً تستاهل عليك ينوح

شاعر ما بطل نوحه

لأن إنته الوحيد إلذي خليت

المشانق للرجال تصير مرجوحه

رغد يا رغد لا تبجين

بس دمعة حزن للزين مسموحه

أبوج ألكتب إسمه بجبهة التاريخ

كعبه عنده الوطن وعاليه سطوحه

الزمن يشهد لابو الليثين

ولو آنه شهادتي بصدام مجروحه

ما دنك براسه وانحنى للجلاد

رغم سلسلوا رجله وشدوا جفوفه

رفض يلبس نكاب الموت

وضحك على الموت سنه وعينه تشوفه

عجل والله يتباهى يسجل التاريخ

عنه وتكتب حروفه

مو حبل العلى الركبه طلع ملفوف

ركبه على الحبل طلعت الملفوفه

إذاًحقها العرب تحزن عليه وتنوح

وكع خيالها والشمس مكسوفه

من صغره عجيد عنيد وضد الاستعمار

أبوج الوصل سابع جار معروفه

وأذا البصره حزنت مصباح يوم العيد

يـم تكريت طلعت تلطم الكوفه

وإجت نينوى محنية ظهر وتصيح

وين ابن الرمادي الباطشه سيوفه

سووها العلوج ودنسوا بغداد

وعاصمة الرشيد اصبحت مجتوفه

إذاً تستاهل عليك ينوح

شاعر ما بطل نوحه

لأن انت الوحيدإلذي خليت

المشانق للرجال تصير مرجوحة

[فلاح السعد]

أظن راح يطب عليك احد المشرفين يقول لك ليش ماتحطه بمضيف الشعر المنقول :)

اهل العراق يسبونه حي ويمدحونه ميّت

الله يرحم اموات المسلمين

[عساف التومي]

هم شايف جبل ينكاد

وإذا شفت الجبل مكيود

تلكه العلة بسفوحه

انا اشهد

شفته وهو رايح جبل
وياصغرهم حدر الجبل
اقزام ...اقزام


صح لسانه "والله اني كنت احسبه دجه..."

والله يرحم ابو الليثين

[هايس الشمري]

^
^
^

اما تحسبه دجه.. :)





و الله كلنا نحسبه دجه..











رحم الله الشهيد... ابو الشهداء..




و تسلم يا مالك حزين..





اخووك

[مالك الحزين]

الاخوة


فلاح السعد,عساف التومي,هايس الشمري


تحياتي لكم

لكن لم اعرف معنى(((دجه)))