انشدك عن ملحاء ولو عمرها فات

[الاعصار]

السلام عليكم

انشدك عن ملحاء ولو عمرها فات=تنجب لها من عقب ياس مغاتيـر
تنجب لها ورعين من غير مشهات=فيهم تريـح اقدامهـا بالمشاويـر
تحيتي للجميع

[راعي الوقيد]

صح لسانك على هاللغز يالعزوة

لغزك وافي وجزل يالطربة:thumb:

قريناوهـ وان شاء الله المرة الجايه بعين الصقر:)

لك التحية

والسلام ...

[الاعصار]

صح لسانك على هاللغز يالعزوة

لغزك وافي وجزل يالطربة:thumb:

قريناوهـ وان شاء الله المرة الجايه بعين الصقر:)

لك التحية

والسلام ...
صح بدنك يالغلا
الوفاء بك والجزل كلامك لاعدمناك
واهم شيء بهاللغز التواصل مع شرواك والربع اللي تلاشى مع الاسف تواصلنا معهم
تقبل تحيتي

[غيم الشمال]

شرايك بالقربه (الصميل اللي يخض به اللبن) والمغاتير الزبد والورعين العمدان اللي ترفع فيها وهن يساعدن على الخض
او انه كائن حي يبيض بعد فتره ثم تخرج له اجنحه ويطير فيها
على العموم هذي مجرد محاوله عشان نعرف اتجاه اللغز
وصح الله لسانك مليوووووووووووووووووووون

[الاعصار]

اخوي غيم الشمال
وصلت ماشاء الله عليك
نعم هي النمله
ويظهر لها جناحان وهما المقصودان بالمغاتير عند نهاية حياتها وبهما تطير
بيض الله وجهك