راحت ,,,,

[الــوهــم]

:g: :goooood: :goooood:

هذي مشاركه بسيطه وأتمنى إنها تعجبكم.......




أصعب ظروف الوقت مرة به الحال = وامشي طريقن للسهر طال فيه
البال ظايق وانتهت كل الآمال = وحالي عقب فرقاه صارت رديه
لي قصتن غنابها الهم موال = قصه لشاعر شاف خافي بنيه
حبيتها ياناس حبن ولاطال = واصبر على فرقاه لو هي قويه
أخلصت له بالحب والقلب له مال = واوفيت له بالعهد في كل نيه
ضحيت في عمري وبدلت الأحوال = أعطيتها قلبي وروحي هديه
أمشي معه في عالم الحب رحال = أغوص في بحره وقلبي بيديه
قالوا لي الأصحاب يابدر غربال = وربعي نصحوني بس مافاد فيه
أسكت وعيني تذرف الدمع همال = أمشي وحيد وضيقتي دوم فيه
أقول لأجله ترخص الروح بريال = أسوق له موتي ولابي جزيه
قالت تواعدني على الحب لو طال = وانا اوعدك معاك ببقى وفيه
قلت أبشري بعطيك حبن مع هبال = ونقضي سنين العمر عشق وهنيه
نمشي دروب الحب لوكانت طوال = مانفترق للموت نبقى سويه
ماكنت أظن الغدر يطري على البال = لين إتظح غدره وبين خفيه
ثم إتركتني وانتهى الوصل بإهمال = وراحت وانا روحي عليها شقيه
قالت وداع وقلت يازين غربال = ماقوى فراقك ليه والله بليه
لاوحسافه جازت الحب بإهمال = الله يسامح جرحها والخطيه
سألت قلبي ليه ياقلب محتال = خله يولي من بدى بالجنيه
الحب ماعذرب صناديد الرجال = قبلك بهيجن حدرته المنيه
أبنتظر واصبر لو الزمن طال = وعسى الفرج للقلب عجلن وتيه
دار الزمان وراحت أعوام واجيال = وأدري مصير الحي يلقى خويه
مرت علي عامين والهم مازال = يلطم بوسط القلب جروحن نديه
جتني تقول الحال وشفيه ياحال = وشفيك تبكي ليه حالك رديه
ناظرتها ثم جاوب الدمع همال = قلت السبب إنتي ولعبك عليه
ماتدري إن الحب له سهم قتال = واقوى سهامه منك جتني قويه
أذكر تقول أوعدك لو جوني عيال = منساك دام الروح يابدر حيه
واليوم أشوفك صرت خاين ومحتال = ظاقت عليك وجيتني بغنجهيه
وإنته على ماقيل في بعض الأمثال = القلب فندق صار باللاذقيه
لكن قبل ماتروح خذ مني سؤال = وابغى الإجابه منك ثم الوصيه
ياخي أبفهم ليه عهد الوفا زال = عطني سبب واحد يكرهك بيه
أدري مكرر قاف لكنها أجزال = وادري مطول بس غصبن عليه
صدري وسيع ولكن الهم أجبال = مايحتمل ثقل الجبال العتيه
وانا بشر ياهيه ماني بتمثال = لجل إتجاهلني بروحه وجيه
لكن وداعه لارحلت من الشمال = تذكر وهم بالخير صبح وعشيه




وسلامتكم , ,

أخوكم:بـ ـ ـدر الـ ـويـ ـبـ ـاري roooose roooose

[أم نــــــــــواف]

أخي الكريم الوهــم

قصيدة رائعة ليست مجرّد محاولة شعرية لذا نقلتها إلى مكانها المناسب هنا ..

صح لسانك اخوي

عندي لك ملاحظتين بسيطتين جداً :



لكـن قبـل ماتـروح خـذ مـنـي ســؤال

لكـن وداعــه لارحـلـت مــن الشـمـال

حركة الضمّة على حرف السين في كلمة (السؤال)
وحركة الكسر على حرف الشين في كلمة ( الشمال )

أثقلتا إنسيابية الشطرين وخلقتا كسر خفيف

وذلك لأن حركتا الكسرة والضمة قويّتان والفتح أبسط وهو ماإستمررت عليه في بقية الأبيات


هذا فقط مالاحظت .. فإعذرني بارك الله فيك


شكرا لك

[الوهم]

قصيدة حلوة على الرغم اني ماقريتها

لكن جيتك حميا لان اسمك مثل اسمي :)

تحياتي ..

[ريال الفسحه]

بدر قصيده رائعه يالغالي وصح لسانك

\\

صح لسانك مدد بلا عدد ولاعدمتك


\\


الغالي لاتحرمنا من جزلاتك وكل ماهذا جب لنا :)

[عبدالله الجعيثن]

بدر الويباري


صح لسانك


ابيات جزله


بالاضافه لملاحظة الاخت ام نواف:

الـحـب مـاعـذرب صنـاديـد الـرجــال ** قبـلـك بهـيـجـن حـدرتــه المـنـيـه

الـحـب مـاعـذرب صنـاديـد ورجــال ** قبـلـك بهـيـجـن حـدرتــه المـنـيـه

[بنت الشمال]

صح الله لسانك اخوي الــوهــم

وسلمت يمينك على هالرائعهـ ...


دمت بإبداع

[الغريب الملثم]

ال السادة المشرفين على الضياف ومرتاديه
...................................................................

السلام عليكم ورحمة الله وبركاته .. اما بعد :

الملاحظ على مجمل المنتديات ذات الاهتمام بالشعر النبطي غض الطرف عن

ضعف في القصيدة يكون في بنائها بشكل عام , او في خلل الوزن , او في اختيار المفردة

المناسبة , اوتجاوزات ادبية غير لائقة.

اعرف ان الكثيرالكثير يكتبون تحت اسماء مستعارة,ولكن من المفترض تدخل المشرفين

على الموقع لتصحيح الخلل ايا كان شكله ومضمونه , وبهذا يساعد الوقع الشاعر او الكاتب

على الابداع والتميز.

تحياتي للجميع مع تمنياتي بالتوفيق . . . والسلام .

الغريب الملثم