اللي بلاه الوجـع فالبـر دكتـوره

[سعد الحامد]

يازين وطي الرجل في خد ممطـوره=زبارةٍ تـروح المـاء فـي نواحيهـا
ارضن بعيده ودون الناس مقصـوره=ما داجها كود مـن يطلـب مفاليهـا
لبست من العشب باكـوره وتنـوره=يوم الله اعطى وهلّ الخيـر ناويهـا
كن الخزامى على الريضان منثـوره=ثوب العفيفه يجي واسـع وكاسيهـا
حتى المرو من شعاع الشمس سبوره=مرسوم فيها الذهب والعقـد ماليهـا
صوره رسمها الولي ياوي من صوره=لون الطبيعه بـلا تركيـب ضافيهـا
شبيت ضوي وهاض الفكر واشعوره=في ساعةٍ مايـرد الصـوت ساريهـا
وبهرت لي دلتن بالكيـف مزبـوره=شوقي اذا ضاقـت الدنيـا براعيهـا
وسجيت عن دنيتي والحظ وشـروره=يوم العرب تشتكي من حـر مافيهـا
النفس ماهي على الضيقات مجبـوره=يوم المدن ضايقتنـي فـي مبانيهـا
واللي بلاه الوجـع فالبـر دكتـوره=دكتـور مافيـه علّـه مـا يداويهـا

[هايس الشمري]

ما يداويها


الله الله..



سعد الحامد..




صح لسااانك يا بعدي ولا هنت..



اخوووك

[فيصل اللويش]

الشاعر

سعد الحامد


صح لسانك



اخوك... فيصل اللويش

[زاهي التومي]

سعد الحامد


صح لسانك

قصيده جميله لكنها تقليديه بحته

عدا البيت الأخير من القصيده فيه صوره جماليه جيده جدا ً


تحياتي لك

[الاصمعي]

لبست من العشب باكـوره وتنـوره=يوم الله اعطى وهلّ الخيـر ناويهـا
كن الخزامى على الريضان منثـوره=ثوب العفيفه يجي واسـع وكاسيهـا
حتى المرو من شعاع الشمس سبوره=مرسوم فيها الذهب والعقـد ماليهـا
صوره رسمها الولي ياوي من صوره=لون الطبيعه بـلا تركيـب ضافيهـا

ياه ما أجملها من صورة وما أدقك من مصور:goooood:

صح الله لسانك يابو عبدالرحمن

واللي بلاه الوجـع فالبـر دكتـوره**دكتـور مافيـه علّـه مـا يداويهـا

صادق والله:goooood:

تحياتي

[أم نــــــــــواف]

وسجيت عن دنيتي والحظ وشـروره
يوم العرب تشتكي من حـر مافيهـا
النفس ماهي على الضيقات مجبـوره
يوم المدن ضايقتنـي فـي مبانيهـا


وأنا أشهد

قصيدة رائعه بموسيقى إنسيابيه قريبه الى النفس


رائع أخي الكريم سعد

بارك الله لك وفيك

[عساف التومي]

واللي بلاه الوجـع فالبـر دكتـوره
دكتور مافيـه علّـه مـا يداويهـا

عزالله صدقت


صح لسانك.......ورفع الله مقامك وشانك

بانتظار جديدك شاعرنا سعد

[مستر كشخه]

صحححححححح لسانك يابو عبدالرحمن

قصيده جميله

ولو اني شايف ان البيت هذا مهو مضبوط

زبارةٍ تروح المـاء فـي نواحيهـا
لكن عموما القصيده جمييييييييييييله

[سعد الحامد]

ما يداويها


الله الله..



سعد الحامد..




صح لسااانك يا بعدي ولا هنت..



اخوووك


الفاضل هايس الشمري

صح بدنك ولا هنت ياغالي

شكراً لك

[سعد الحامد]

الشاعر

سعد الحامد


صح لسانك



اخوك... فيصل اللويش

الغالي الشاعر فيصل

صح بدنك وسم راسك

تحياتي لك

[سعد الحامد]

سعد الحامد


صح لسانك

قصيده جميله لكنها تقليديه بحته

عدا البيت الأخير من القصيده فيه صوره جماليه جيده جدا ً


تحياتي لك

ماشاء الله يازاهي

شكلك متأثر بالدكتور الحسن

صح بدنك وخلنا في التقليدي احسن

[عبدالله الجعيثن]

سعد الحامد


صح لسانك


ابيات جزله من جزل

[فلاح السعد]

يازين وطي الرجل في خد ممطـوره
زبارةٍ تـروح المـاء فـي نواحيهـا

ناسٍ تاطا خد ممطوره وناسٍ تاطا خد ادمي :)

جميله تلك الصوره اباعبدالرحمن ولكن ياخي

ليش ماتصير حنيّن على العشب وطي الصابر

فيه شيء من القساوه وألا لا :)



زبارةٍ تِ رَ وّ ح لو استعملت التشكيل

والحركات لكانت اسهل لكل قاريء لانها

بإمانه ليست سهله على الكل فالبعض

يقف عند البيت يعتقد انه مكسور اظن

انه ليس كذلك بل نقصه تعشيقات الحركات :)


ابوعبدالرحمن بيّض الله وجهك والبساطه جميله

عندما تقرأ كما هي القصيده بدون ماندخل الى بطن

الشاعر لأننا ليس في كل حال نستطيع ان نفعل وربما

احياناً يكون له اكثر من بطن :)


لك المحبه