مسكـــينات

[سنجاريه]

قلوب كثار...
عيـــون كثار ...
تركض ورا حلم النهار...
ذولي البنات ... مسكينات

وحده... صوته يملا سماها ...
ضحكته تذوب بحشاها ...
وليلةٍ سوداا... احلك من سواد الهدب ...
تقلب ( الجوال) على الوساده ...
وش فيه مادق ؟!!
الساعه وحده وزياده ....
وينه ياناس ؟؟ ماهيب عاده...

ووحدةٍ تركض على رصيف الهوى...
تروح ... تفتح الشاشه...
ووجهها ... كله ضحك وبشاشه...
( انترنت) منهو اللي ماعشه...
تدوّر على رفيقها ... كل يوم يقرب لها ...
أوّل معارف ... صاروا صداقه ... وشوي ويذبحها غرامه
تقدر تقول ... يسحرها كلامه
" قلبك طيب ... ياخف دمك ... والله ياهي ابتسامه"
تمر ساعات ... وتمر ايام ...
الشاشه انمحى منها الكلام ...
والبسمه ضاعت مع اسراب الحمام...

يـــا قلبها ... حبت لها ... ولد عمها...
ساكته ... من سنين
وعيونها تفضح حنين...
وبروحها جرح ... جرح ياناس ... يون انين
وش تقول ؟؟ ... وهي حتى قربه ماتطول...
خافت يكشفونها ...
" انتبهي يابنت ... اقارب .. عقارب " !!!
ياليتهم يفهمونها... يهدونها
مجنونه صارت ... بحب واحد ... ماعمره يوم التفت لها...

ووحدةٍ تقدم لها شايب ...
قالت " يمه انا توني صغيره "...
قال ابوها ..." الرجال مايعيبه ... غير جيبه"
تزوجيه... وكلها خمسة سنين ... ستة سنين
ويودعك ... ويروح لقبيره ...
زوجوها ... وليلة الدخله ... ماتدري وش صار
خافت من الرجال ...
خافت من هالدجال...
مرت سنه ... وتحملت ...
مرت ثلاث ... مرت عشر...
دمعتها نزلت ... على شبابها اللي منها فلت...
على كل السنين اللي خلَت...
يـــــــاحسافه ... ويـــــاحسافه...
ويابعد المســافه....

وش السواة ... ذولي البنات ... حيل مسكينات ...
ومااتعبهن ... غير انهن بزياده حساسات ...!!
|512| |512| |512|


هاذي وحده من محاولاتي اللي مستحيه اوريكم اياهن:cool:

[وميض]

سنج سنج .. :)
أنا أقول هالمنتدى منوّر .. وش السر ؟؟ أثاريك فيه ..
يا حبيلك ..
والله كلك مشاعر .. وشفافية ..
وتقولين مستحية تورينا محاولاتك .. ؟؟
لا تستحين وأنا أختك .. حطي اللي عندك .. كلها فيض خواطر ..
وموضوعك يعالج مجموعة قضايا جوهرية .. وهو أعتقد يمثل اتجاهين :
الأول ظلم البنات لأنفسهن .. والثاني ظلم المجتمع لهن ..
وهن في الحالتين .. مسكينات .
والله الموضوع متشعب ومهم ؛ ولا تكفيه خاطرة في فيض الخواط ..
شكراً لك من الأعماق ..
يا غالية ..
أختك : وميض .

[فلاح السعد]

اختي سنجاريه

سلمت يدك فانا لااعرف اهي اليمنى ام اليسرى او كلاهما


احاول ان اكتب مايعجب اختي وميض كي لاانحرم من الميراث :)

نعم اختي كما قالت اختنا وميض فخاطرتك عباره عن مجموعة خواطر وانت جمعتيها في واحده ربما لسبب ما ولكنها فعلا تعالج قضايا

البنت في طبعها حساسه بل للغايه وربما احيانا لدرجة اللامعقول حيث نظن انها تلعب بعقل من يخاطبها ولكن متى كان ذلك؟؟

يجب ان نعرف ان الوقت مع انني ضد ذلك التبير لان الوقت هو الوقت لم يتغير به شيء ولكن من يجرك ذلك الوقت وهم البشر من تغير واصبحت الفتاة كالشاب تقريبا وليس هناك من الفروق كثيرا وولى زمان ابن العم الذي كان يوما ما الطابع والمتحدث الرسمي باسم بنت عمه اما زواجها من الشايب بهذه تجاره اتفق عليها الاب مع ذلك التاجر وتمت البيعه

اشكرك اختي على كل حرف كتبتيه واتمنى ان ارى قلمك يتمخطر هنا وهناك


وبالتوفيق


اخوك فلاح

[سنجاريه]

وميض....

ياحلو اسمي وانتي تدلعينوه ....:p

ومن ناحية الظلم بهاذي صدقتي ... احيانا البنت تحط نفسها بمواقف مالها داعي ... واحيانا مجتمعها يجبرها على اشياء ماتبيها .....

وصدق اننا مسكينات:( |512|

-------------------------------------

فلاح....

قد يكون الوقت تغير ... عند بعض الناس ... وقد يكون الزمن قد توقف ... عند اناس اخرون .... واللي كتبته ظواره اجتماعيه تصير موب شرط دايم بس تصير

وشكرا على الررررد :D

[ظبيانيه]

عزيزتي واختي سنجاريه

ما صدقت يوم شفت انج محطيه موضوع واستانست على هالخاطره الرائعه جدا والله

جميله ورقيقه الكلمات والاسلوب


تسلمين عزيزتي ويعطيج العافيه

[الوبـيـــري]

صور وجوانب متعدده

وخيال مسترسل

وطرح سلس وجميل


أتمنى لك التوفيق....وأن لاتكوني ضمن هذه السلسلة

تحياتي ،،،،