المساعد الشخصي الرقمي

مشاهدة النسخة كاملة : ابن فزير مع جيرانه


فواز الغسلان
22-02-2007, 03:55
بسم الله الرحمن الرحيم



مشعان بن فهيد المشعان من الجعفر من عبده كان يعيش مع جماعته

في بقعاء الشرقية ونزل قريبا منهم فريق من احدى القبايل في سهلة (( الفزير ))

وخرج ذات يوم وكان الجو برد شديد يبحث عن همل من الابل وغابت عليه

الشمس قريبا منهم فجاء اليهم جيعان وبردان ودخل عند احدهم وكانت النار طافيه

فقام المعزب بالجلوس معه ولم يشعل النار ثم قدم له طاسة لبن مشنون

(( مخلوط ماء ))

ودخل المعزب للداخل فظن مشعان انه راح يجيب له طعام او حطب يوقد النار

او فراش ينام فيه 000


وعندما طال الوقت نظر مشعان من فوق رواق البيت فوجده نايم مع زوجته عندها

قرر مشعان الرحيل ركضا لعله يدفى من الركض فتفاجأ بالكلاب تطرده وتعظ رجليه وعندما

وصل جماعته واهله لقى النار والطعام فقال:



لاواهني من شاف ربعه يجونه =عمومن من الصايح وكل السناعيس

هل البيوت اللي تكرب شطونه =مثل الهضاب وبه عذاب المحاميس

وليا لفاه الضيف شمر ردونه =وكلامن احلى من حليب العراميس

مع حايل المصلاح له يذبحونه =وصياني تبنى سوات الطخاميس

ياناس وين الفرق وين النمونه =وش يجمع النيره لباق التغاليس

اللي لياجاء الضيف ورمت جفونه =وعن النسيه تقل يظهر من الكيس

وكلابهم مثل الحواجيز دونه =تزمل ولو تقضب طويل المكانيس

عسى تسيل ديارهم ينحرونه =وديارنا لمحصلين النواميس

الله يقلعهم بستر ومصونه =مثل السحاب ليا حدته النسانيس
أبو فيصل
22-02-2007, 04:12
اخينا الكبير قدرا ومقاما الراوي
فواز الغسلان

ايراد رائع
يبين حق من حقوق الضيف من الواجب التمسك بها

ومن قصر بذلك فليس له من العلم الغانم نصيب

لا خلينا ولا عدمنا تواجدكم
دمتم بخير
ابن جشعم
22-02-2007, 16:43
مشعان بن فهيد المشعان من الجعفر من عبده كان يعيش مع جماعته في بقعاء الشرقيه

ونعم والله ببو ماجد ولاتهون يابو فهد ومن يقراء.

تقول يابو فهد انه كان في بقعاء الشرقيّة واللي انا خابروه

انه كان ومازال في بقعاء الشرقيّة الا اذا استجد شي :232r:

اما راعي البيت راح نام وخلاوه بدون عشاء !! هذي كبيره عند العرب.


تحياتي لك
فواز الغسلان
22-02-2007, 18:11
الاخ نايب المشرف العام شكرا جزيلا لكلماتك الرايعه والمشجعه0000


الاخ ابن جشعم ابوماجد اسمه راشد محمد المشعان 000


واما صاحب القصه فهو عم ابوماجد وهو الملقب (( مهلي بالبقر ))


لانه سمع صوت بالليل وظنهم ضيوف وقال يالله حيهم وعندما خرج لقاهن

بقر اهل الشرقيه فسمي بهذا الاسم رحمه الله000
ابن جشعم
23-02-2007, 00:55
يجزاك خير على التصحيح ولا تواخذن لأن الكبر شين والنسيان وارد بهالحالة:)

الله يرحم امواات المسلمين ويرحمنا برحمته



تحياتي
شموخ
23-02-2007, 01:54
الله يقلعهم بستر ومصونه =مثل السحاب ليا حدته النسانيس


هههههه الله يعينه زين اللي وصل اهله ماكلته كلابهم :)



رحم الله اموات المسلمين وعلى قولت ابن جشعم كبيره عند العرب ايه والله جريمتن كبرى وعظمى وشنعى :(

تسلم يابو فهد .

تحياتي
شموخ
فواز الغسلان
23-02-2007, 03:39
المشكله يااخت شموخ ان كلابهم من النوع اللي مايخاف من العصى0000


يقول تزمل ولو تنقل طويل المكانيس0 والمكناس عصى طويله وبراسه مثل


السكين نصيد بهن الضبان بوسط الجحر ومع ذلك ماهمهن العصى وادري انا

وش السبب : الجوع اللي مقطع مصرانهن عند الضربون هذا0000

الراوي ابن غسلان000
راعي الوقيد
23-02-2007, 14:54
الجوع اللي مقطع مصرانهن عند الضربون هذا0000

صح لسانك يالغالي .. ولاهنت

وافي يابو فهد .. وصيدك سمين ما تصيد الضعيفة

لك التحية

والسلام ...
فواز الغسلان
24-02-2007, 02:23
تسلم ياراع الوقيد دايم كلماتك ذوق مثلك00

لاهنت ياعزوتي0000

الراوي00 ابن غسلان00
خالد الشمري
27-02-2007, 14:27
ابو فهد تسلم والله يعطيك العافيه على كل ماتورده
الاصمعي
10-03-2007, 10:46
عسى تسيل ديارهم ينحرونه =وديارنا لمحصلين النواميس

الله يقلعهم بستر ومصونه =مثل السحاب ليا حدته النسانيس[/QUOTE]
دعوة على من قصروا بحقه بالستر والمصونة ما سبق عليه ابن مشعان

حلوه هالدعوة لهم بالسيل:goooood:


بالعادة الي يتعرض لمثل موقفة يدعى على من قصر بحقه ، ولكن هو دعى لهم ولو ان دعوته مبررة بفراقهم الغير مأسوف عليه عنده:)

لا هنت يابن غسلان

ووصل سلامي لبو بدر سعود المشعان تسان بينكم تواصل

تحياتي
فواز الغسلان
19-03-2007, 01:21
اخوي الاصمعي تسلم يالغالي الله لايهينك يالغالي


((( الراوي )))
أسم
22-05-2008, 15:27
مالك لواء يأبن غسلان

السالفه جرت على جدي حماد المحمد المشعان
في زرود وليسة في سهلتنا


و القصه الصحيحة أن المعزب قال له أسر ( روح لم أهلك) مدام أن الكلاب رقود
ولم يتجسس على المعزب

بل ذهب و لما وصل الى أهله وجد عمه فهيد المشعان وقص عليه السالفة

وقصد عمه فهيد هذه القصيده اللي أوردت

وتأكد جزاك الله خير

أنت راوي و الراوي لازم يتأكد
شباط
23-05-2008, 00:33
يالله اني داخلن عليك من الردى والعلوم الرديّة:a:

الله يجزاك خير يابوفهد على هالسالفه الممتعه جداً
فواز الغسلان
26-05-2008, 03:12
يالله اني داخلن عليك من الردى والعلوم الرديّة:a:

الله يجزاك خير يابوفهد على هالسالفه الممتعه جداً




حياك الله اخ شباط ومشكور لاهنت

تحياتي لك