// حصريــاً // ... على فلة حجاج // غنم الشايب أبو عجايب !!

[عجايب بنت الشايب]

بسم الله الرحمن الرحيم

أخوتي في الأسلام وعلى طريق الحق ..

هنا وعلى كرسيي أمـــام شاشة المضائف أعبر لكم عن مافي نفسي من كلمات طالما ما تمنيت أحطها بين ايديكم .. وامام انظاركم .. ولكن يخوفني من ذلك

( الخوف من الحسد والضيم )

على نفسي وعلى والدي العزيز .. rooose2


لأن ( أبي ) نـــادر الوجود ..

وغريب الصفات .. وعنصر متعنصر ..

لا يقبل الجدل و لا التفاهم او حتى الشده أو الرخاء


هو الصح وهو على الحق

اينما ذهب واينما وجد كيف لا وهو الأب


دائماً ماكنت اتمتم خلفه ( علشانك ابونا خلااااص انت صح )

وبعدها لا اعرف اين انا واين وجهي :(




ابــي rooose2


كنت تخاف من العولمه والعنترنت كخوفك من ( أبو سعيبيل )

= مرض يصيب الخراف قد يؤدي بها الى الموت


تعتقد ان هالعولمه بتقطع رزقك ...

كأعتقادك بأن اهل التعداد السكاني بيعطونا شيء :puzzled:


همسه للحكومه الرشيده

"" إذا صار فيه خطأ بالتعداد السكاني تراه من ابوي يقلل عدد الغرف ويكثر من عدد الأشخاص ""


وله مقاصد هداه الله من وراء هذه اللخبطه .. :a: ( طماع الشايب )


وعلى طاري اللخبطه فيه موقف صغييير مازال عالق باذني لأنه طول عمري وهو عالق بذهني

بس عقب حرب الشيبان طاح .. :(


مرتن من المرات ..
( قال لي ياعجايب روحي جيبي الكيس الأزرق واروح وأدوره ولا لقيته قلت له : مالقيت كيس ازرق قال الا بالدرج الي فوق وحدد مكانه رحت ولا لقيت قلت : مــــالقيت في الدرج قال أهبــــي فتحي عيونتس دووري دوري ... واروح والله من القهر اوقف قدام الدرج وافتح عيوني قووه :a: مالقيت :g: وهو متأكد أنه موجود .. وطفح فيني الحيل وجيته (ولي هبد بالأرض) :مـــــــالقيت والله ..
ويقوم وهو يقول نعنبا هالعميه يالله .. و يروح يفتح الدرج ويطلع له كيس أخضر : هــــــاه هذا وشو يا عمى عيون:148r: .. قلت هذا اخضر .. قال ايه .. يوم ماعرفته قالت لونه .. :( ))


أمانه وش اسوي له ؟؟

أبوي .. مالي حيله ..




عاد اليوم انا بافضح ابوي في قوقل ( وحش البدوان ) و بانزل صور غنمه .. من رحلة اليوم اللي رحتها لأبوي ..

نوع من الزيارات المفاجئه لأبي العزيز rooose2



وأبيكم تذكرون الله في كل صوره ترى حلالنا مميــــز .. ولا له شبيه .. (أنتبهوا لهالنقطه )



يالله بسم الله


في البدايه


الجو مغري جداً .. يخلي الواحد يطرخ بالبر ويطلع راسه من الدريشه ويصااااايح

http://www.9m.com/upload/20-02-2007/0.64901171999286.gif



بعدين هالشاص سالفته سالفه

http://www.9m.com/upload/20-02-2007/0.92926011719997.jpg

مرتن ركب أبوي مع رجال على شاص وقال له الرجال وين اوديك ؟ قال ابوي:

(( ياراعـي الشاص مر بي عجايب ....... أشوف بنتي عسى عيني حظيظه ))


قال الرجال : الله يرحم شيباتك هاك السيارة هديه ولا امر معك بنتك . :(



وهذا منظر الحلال وهي تلعب في البر وتجري وتجري فرحه بقدومي


http://www.9m.com/upload/20-02-2007/0.739330117337.jpg





ولكن انقطعت الفرحه بمشاهدتي لهالمشهده



( دقيقة صمت يا جماعه )


http://www.9m.com/upload/20-02-2007/0.79938011719999.jpg



وشكل العزاء مبتدي عندهم على جيتي

http://www.9m.com/upload/20-02-2007/0.3675401171999382.jpg



بس فيه نااس ماهمها الوضع تاكـــــل تبـــــــن :puzzled:

وتطالع بعد بنص عين ماناب عاجبينها بالمره




http://www.9m.com/upload/20-02-2007/0.8460117049.jpg


8
8
مالاحظتو ان ابوي مستفيد من صندوق عنده خربان ومخليه حوض يعجبوني اهل الاقتصاد والتوفير


:d:



أما هالمزيونه ماتبي احد يصورها .. بس لحقتها



http://www.9m.com/upload/20-02-2007/0.96301171999855.jpg





وبعد الجوله ووقت الراحه ننذخ عند ابوي وأسوي له حركات


http://www.9m.com/upload/20-02-2007/0.29601171999758.jpg


على فكره ابوي هاوشني على البخاخ

ونفسه يقراء وش انا كاتبه بس ماله حيله :d:


وسامحونا يااهل المطبخ هذي سفرتنا ( كيس شعير)

أوفر لا يهمكم الأسم اهم شيء الأحلاق . ..




وفي ختام رحلتي

ودعوني ربعي على غروب الشمس


http://www.9m.com/upload/20-02-2007/0.956610117495.jpg



وكلي امل بلقائهم مرتن اخرى في ربيع أخر لأنهم يفلقوني لو جيتهم بالصيف أصلن مااعترف فيهم ولا اعترف في ابوي

ساعتها كلن يقول نفسي والمكيف بس


أذكر اللي كرهني للروحه بالصيف انخداعي بوقت الفجر بحلاوة الجو وعلى الساعه 10 ونص الضحى تقل سحليه والله لو اوبي قاعد للظهر كان صرت ضب وطلعت لي عكره .

بس الله ستــر ورجعنا ..

أجل من زين شكلي نازله من السياره ويشوفني ولد جيراننا وانا و بلية الضب :d: >> وش اسمها ؟




يالله لا اطولها بعد واجيب لكم المطمه ..



يالله اتابعكم مع الردود وساطرح في ثنايها بعض الأسرار .. :a: >> تمويه للحكومه

[الظبي الدماني]

حلوة الخرفان Auntie Ajayeeb
شكرا على الصور.. بس مسكين الخروف الbaby :halelah: ليش مات؟؟؟ مريض؟؟ وبعدين اللحم قبل لايطبخونه ريحته دم!! شلون قدرتي توقفين تصورينه؟؟؟ أنا اذكر مرة في شفت برا في المطبخ توهم جايبين الذبايح الاريحة المطبخ وعععععععععع :36_1_2: وانتي واقفة تصورين!! صج متفرغة!!

[سنين]

هههههههههه

تهبل الصور عجايب ذكرتيني بزمانن قد مضـــى يوم اني اسرح بغنم ابوي :)


يسلموووو خيتووو..

[المشرف العام]

:

ابوتس تاجر غنم :148r: <<< رافع السوق عليه

قولي له يصرّف اللي عنده مادام انّها مقفله نسبة فوق

رشوا السوق بالغنم السوريه والعلم انها وصلت ميناء جدّه :)

/

عاد وش لون عرفت ، الصور تتحدّث :)

:

ويبقّي لك اصدقائك <<< استثمار :tongue:

[المتوقد]

أرضكم ماشاء الله مربعه


أما هاللقطه هااااذي غير





http://www.9m.com/upload/20-02-2007/0.956610117495.jpg



الله يخليلتس أبوتس


أما الطلعات هالوقت هي أنسب وقت ,,ولو ان المكان مهما كان حلو مايزين الا بجمعة الناس والتعاليل


وكل ربيع وأنتي بخير

[أبو فيصل]

صخال + ربيع = لو تحنقز مامن بيع

الله والعالم ان هالصخله اللي استفرديتبها ياعجايب

صارت بالماعون

ومن العجله السفره كيس شعير وعليه العلامه التجاريه

لعجائب ......والله عجائب

الا وين هالربيع ؟؟؟؟

[المطنوخ]

ياجماعه انا معلمكم هذي بنت تكرونيه من اصول صعيديه بالضبط من الجيزة وقيل انه اجدادها كانوا قصابين وجزارين يعني هي ماراحت بعيد عنهم

وقسم بالله تنسيم هالبنت

ياناس اخبر البنات يصورن دباديبهن يصورن غرف نومهن وفرشهن الورديه او شباصاتهن منشان ينقال عنهم انهن دلوعات

اما وحده تصور شبك غنم وصخله ميته وشاص ولحم مطبوخ !!!

هذي وكاد نغزة يعني اللي يبي يجزر ذبيحة يقرطه عليها ههههههههههههههههههههه

لعنبوا ابليستس انا قمت احس بالانوثه عقب موضوعتس هذا احس اني ماش كود احط صور غرفة نومي:)

عجايب

ابصم بالعشر يالو مصورة روحتس حرام نحسبه سواق الوايت ولا حدى الرعيان مير ادري انتي ماتبين تكسرين قلوبنا بمناظر وحشيه وقاسيه مثل وجهتس النفطي يالعبده هههههههههههههههههههههه


http://www.9m.com/upload/20-02-2007/0.29601171999758.jpg
هههههههههههههههههههههههههههههههههههههههه ههههههههههههههههههههههههههه
هههههههههههههههههههههههههههههههههههههههه هههههههههههههههههههههههههه
هههههههههههههههههههههههههههههههههههههههه هههههههههههههههههههههههههه

لعنبوا التنسيم يالمهويه
اجل طحياتي على كيس الشعير هههههههههههههههههههههههههههه
ياحلالات ياللي يخنقتس بالكيس وتشوفين الكيس كله باللون البرتقالي هههههههههه

[تحملت!!]

يااااااااااااااه ذكرتينا بغنم خالي والله انوه عندنا احلى من روحتن للأكوا باركــ<<<<<< تدرون ليه انتم منتم مصدزيننا يالبنات اننا نحب هالطلعات ونبدع بعد تسانوه بتصوير والاغيروه <<<<<<<<<<نبيكم تفهمون ان البنت الشمريه غيييييييييييييرn) n) n)
يعطيتس العافيه خيتي عجايب والله عدي معتس يازين تقطع الذبيحه<<<<< نغزه ترا نقدر نقصب رجال...
:d: :d: هههههههههههههههههههههههههههههههههههههههه ه:d: :d:

[شام]

تصوير رائع

لأن المناظر اروع

بارك الله لكم اختي بالرزق و الحلال

و مشكورة لإمتاعنا بجميل المناظر

يعطيك العافية عجوبة

[الشاهري العبيدي]

الله يطول عمر الشايب

هذا اولا

وثانيا


الله يعينه على ............:)


ثالثا

ارشح الاخت عجاب بمنصب وزير التخطيط بالمناطق البريه البعيده جدا (( طبعا واضح السبب...اشغالها بالبريه بعيد عن فلة الحجاج حتى البعض (ريال طبعا) ياخذ حقه بالمنصب الى تعب وهو يدوره مكان المشرفه حفظها الله واسعدها وشايبها)


رابعا....انا احيي الشايب على معاملته مع عجائب الاامور...



شكرا لك اختنا عجا(ي)ب

[ابو عارف]

الله يعين هالشايب عليك ياعجايب المصيبة لو كل يوم تزورين هالشويهات ثم تموت واحدة وتأكلين الثانيه وتروحين ، أشوى إن الزيارة موسمية وإلا كان راحن الشياه وطي.

سلمي على الوالد وقوليله ينتبه لحلاله من الحرامية ألي سرقوا فلوسه ويسرح شياهه وراه عن شياهنا ويسكر الشبك من جهت الشرق لاتطلع صور غنمنا في المنتديات ثم تنظر

[المشرف العام]

/

تم ختم الموضوع عن طريقي http://www.shmmr.net/vb/smiles/009.gif

[الشمـــ نور ــــري]

اااااااااااااااااه ياقلبي
لاتحريني هالسنه مارحت البر ولا طلعت:g:
بس وربي الصور مو طبيعيه
وتصوريتس روعه :thumb:
ينطيتس العافيه :goooood:

[سامي الشمري]

http://www.9m.com/upload/20-02-2007/0.956610117495.jpg


ألا هذولي هن طليان ؟؟ :puzzled:


أخاف ضباع ؟؟


أدري تبين تقولين ثعالب يا الثعلبه


:)


عجايب ..!


صور مثمّنه


و الله يعطيكم خير هالطليان و يكفيكم شرّهم

[مهاجرة باحساس]

اختي عجايب سيري ونحن من وراتس تراتس الملهمه لي


يزين غنم ابوتس ويزين طلعة البر قحصي ودوجي وجيبي صور حنا عطاشا محبوسين

ماوصيتس

[ابو ياس المدهر]

البنت هذه مهوووووويه مامن عقل
:)



فاصله العــــــــــــــــــــــــداد مبـــطي:)








ايه يازمــن المطنوووخ رحــــت فيهاااااا






ان اشهــد إنكـ عجااايب :)












بس انا عندي سؤال محير وش سالفه قارورة (( هالميرندا )) :) :)

[الدكتور محمد الشمري]

roooose -=-=-=-=-=-=-=-=- roooose
عجايب
roooose -=-=-=-=-=-=-=-=- roooose
الله يخلى شايبكم ولا يحرمكم ظله

وما شاء الله عليك
/\
يا رب
دوم السعادة مغطيتكم

roooose -=-=-=-=-=-=-=-=- roooose
تحية من القلب

[عجايب بنت الشايب]

الظبي الدماني

:7ayyoh:



حلوة الخرفان Auntie Ajayeeb

تحلوووو ايامك يالغلا


ومن ناحية الدم وريحته عااادي مااشم

وتقدرين تلطمين بشيلتس لو بغيتي


عااادي



حياك الله ياراعية الاوله ولا تفاااطعيييييين

^^^,,,.......طحيــــــــاتي ........,,,^^^

[عجايب بنت الشايب]

سنيييييييينووووه علينا

انتي تسرحين بالحلال

ان اسرحت كوندليزا بتسرحين انتي




مير حيااااك الله والله لا يهيييينك على المرور الطيب




^^^,,,.......طحيــــــــاتي ........,,,^^^

[عجايب بنت الشايب]

المشرف العام

:a: المعلم أبو سلطان :a:




:7ayyoh:




ابوتس تاجر غنم :148r: <<< رافع السوق عليه

:g: هـــو اللي رفعه انا ما لي شغل


ويقول ابوي


والله مانزل السعر لين تنزل سعر الكوسه :puzzled:



قولي له يصرّف اللي عنده مادام انّها مقفله نسبة فوق

أمممم يابري حالي

جبتها على الجرح .. واللي راح منها ماتذكره ؟





/


عاد وش لون عرفت ، الصور تتحدّث :)

وانا كاتبه ان غنمنا لبنانيه مث راعيهــا ؟ :puzzled:






حيـــــــاك الله يابو سلطان

واسفين اننا عطلنا مخيكم سبب رفعنا لاسعار الاغنام

بس وش نسوي الحياة عااايزه كدا :d:





تقول :(( موضوع مميز ))


7
7

ميــــز الله حياتك بالخيرات والليرات والمسرات .. :d:





الطالبه / عجايب


^^^,,,.......طحيــــــــاتي ........,,,^^^

[عجايب بنت الشايب]

المتوقد


:7ayyoh:







الله يخليلتس أبوتس

اللهم أميـــن ويخلي لبناتك أبوهن :d:




حياك الله يالذيب


وترى هالموضوع نوع من المجاراه لموضوعك الرائع


وانت حطيت صور بناتك وانا حطيت صور اصدقائي .. :d:



لا هنت

^^^,,,.......طحيــــــــاتي ........,,,^^^

[عجايب بنت الشايب]

النــــــائب

يالله وعينا من صدمة المشرف يجينا النائب كلهم بصفحتن وحده



يابو فيصل هالربيع ما نعلم وينه ... وذلك لأشرار الرحله

وابوي يقول لا تعلمين احد علشان ما ياكلون العشب علينا والشعير غاالي


وهو بقى شيء بالدنيا ماهو غالي



تسلم يالذيب على المرور لا تقاطع الفله . وشعب الفله



:)


سلمت...,,




^^^,,,.......طحيــــــــاتي ........,,,^^^

[عجايب بنت الشايب]

يارب انت ربي لا اله الاانت لمن اروح وانت ربي

انا يالله خلصت من الصدمتين المشرف ثمن نائبه وهاللحين بليتي مديري


وش عنده ؟


7
7



المطنوخ

:puzzled: :7ayyoh: :puzzled:



ياجماعه انا معلمكم هذي بنت تكرونيه من اصول صعيديه بالضبط من الجيزة

:puzzled: كم رقمي السجل بعد ووين درست رابع ب ؟


استغفر الله والشكر داحل مدرعم الاخو ؟



وقيل انه اجدادها كانوا قصابين وجزارين

اشواا انك داري علم روحك ... لا نجزرك ترى مااهون من الذبيحه الا الادمي :a:





ياناس اخبر البنات يصورن دباديبهن يصورن غرف نومهن وفرشهن الورديه او شباصاتهن منشان ينقال عنهم انهن دلوعات

:( الله يسامحك ... تحب الهمز واللمز .. الله يسامحك :(





اللي يبي يجزر ذبيحة يقرطه عليها

على عشره ياولد على العشره :)



لعنبوا ابليستس انا قمت احس بالانوثه عقب موضوعتس هذا

هههههههههههههههههههههههههههههههههههههههه ههههههه
هههههههههههههههههههه وه و ه وه ههههههههههههههههههه





ابصم بالعشر يالو مصورة روحتس حرام نحسبه سواق الوايت ولا حدى الرعيان مير ادري انتي ماتبين تكسرين قلوبنا بمناظر وحشيه وقاسيه مثل وجهتس النفطي يالعبده

وهاك بصماتي مع بصماتك ماقول غير فالك التوفيق عز الله صادق

علشان كذا انا اجبر خاطري بعلم لبنان اللي تحت اسمي يعطيني دافع للحياه شوي





لعنبوا التنسيم يالمهويه

خلااااااااااااااااااص ماصارت تحطيم :148r:






طنخان ايه الدكتاتور

اني لارى فيك من اعوام ليست قريبه وانت تحاول بكل اساليب التطفيش والتقهير أن تضيق بعيني هالحياة
وأن تخبرني وانا خابره ان الأنوثه في شرق وانا في شمال الجنوب

حتى ان بوصلة الأنوثه لدي لا تعلم اين تتجه في داخلي :(


هذا ولك جزييييييل الطحيات




^^^,,,.......طحيــــــــاتي ........,,,^^^

[عجايب بنت الشايب]

تحملت!!

:7ayyoh: rooose2


حياك الله يالغلا مرورك شرف كيف ردك ؟

لا تقاطعين الفله ومواضيع الفله ...


دمتي سالمه غانمه رراعية غنم ..:)

^^^,,,.......طحيــــــــاتي ........,,,^^^

[عجايب بنت الشايب]

ايمان قويدر


rooose2 هلااااا وغلااااا اموووون rooose2

الله يعافيك و يحييك و يكثر لنا من جياتك

مرورك غالي يالغلا

^^^,,,.......طحيــــــــاتي ........,,,^^^

[عجايب بنت الشايب]

الشاهري العبيدي


:7ayyoh:




الله يطول عمر الشايب

وعمرك جزاك الله الجنه






الله يعينه على ............:)

:puzzled: قــول




ارشح الاخت عجاب بمنصب وزير التخطيط بالمناطق البريه البعيده جدا

كأني بك وانت تقول ( جداً ) من قلب الهذا انا غثيثه :( ؟






رابعا....انا احيي الشايب على معاملته مع عجائب الاامور...

ماله حيله ابوها

يقولون

هذا طبخك يالرفله واكليه

وانا اقول انا بنتك يابوي و تحملني :d:




شكرا لك اختنا عجا(ي)ب

العفو يالذيـــب .. ما شوينا شيء ...


اسعدنا مرورك وشرفنا ردك


حياك


^^^,,,.......طحيــــــــاتي ........,,,^^^

[عجايب بنت الشايب]

ابو عارف

:7ayyoh:

حيا الله صاحب البيت اللي يقول :

للشايب اللي صار ضايق وزعلان *** أبشر ترا ياشيخ ماضايعن شيـن

وعز الله انك صدقت .. :)



المصيبة لو كل يوم تزورين هالشويهات ثم تموت واحدة وتأكلين الثانيه وتروحين ،
أشوى إن الزيارة موسمية وإلا كان راحن الشياه وطي.

هههههههههههههههههههههههههههههههههه

أجل انت المتحدث بلشان ابي هنا .. مااحد قاله لا جيناه ينذخ عندنا ويذبح لنا طليانه



سلمي على الوالد وقوليله ينتبه لحلاله من الحرامية ألي سرقوا فلوسه

ابشرك قلت له وقلت له

ومشاكل الدنيا نشوفه بالأعيان *** شف العراق وشوف غـزة فلسطيـن




ويسرح شياهه وراه عن شياهنا

:d: ماتذبحون لنا بنجيكم :d:




ابو عارف حياك الله حضور مميز كتميز هالموضوع >>> بدويه ونرجسيه :puzzled:


^^^,,,.......طحيــــــــاتي ........,,,^^^

[عجايب بنت الشايب]

نور الشمري

هلا والله


طيب الحقي لا يخلص الربيع


تمصلحي مع احد من اهلك وروحي للبر

ترى والله النفسيه تغير

ويرتاح بالك ...


خصوصاً اذا انتي عطاليه مثلي اهلي مايسالوني ولا يدوروني كل يوم هاجتن لي مع ربعن لنا

سراحه معهم للبر ... :) وناااسه والله


حياك الله يالغلا ...





^^^,,,.......طحيــــــــاتي ........,,,^^^

[عجايب بنت الشايب]

غــُــربــة .. !!


:7ayyoh:


أوووه مغبـــر انت علمي بك يوم الحرب :a:







ألا هذولي هن طليان ؟؟


لااا طليـــــان :puzzled:








صور مثمّنه


جزاك الله خير rooose2



و الله يعطيكم خير هالطليان و يكفيكم شرّهم

جزاك الله الجنه


غربه مرور شايب ( مؤدب) بارك الله فيك .. كلمتين ودعوه

شرفتن يالذيب


^^^,,,.......طحيــــــــاتي ........,,,^^^

[عجايب بنت الشايب]

مهــــــــــــاجره


هلا والله


ابشري بسعدك يالغلا


بس الحقي على الربيع قبل لا يخلص ثمن يجي الصيف و تنطقين بالبيت لا روحه ولا جيه


حياااك الله

مرورك شرف يالغلا ....,,



^^^,,,.......طحيــــــــاتي ........,,,^^^

[عجايب بنت الشايب]

ابو ياس المدهر

:7ayyoh:




البنت هذه مهوووووويه مامن عقل

خليته للي يبيه .. :puzzled:




فاصله العــــــــــــــــــــــــداد مبـــطي:)


التوفيــــــر زين :puzzled:






ان اشهــد إنكـ عجااايب :)

وانا اشهد انك مدهر :d:







بس انا عندي سؤال محير وش سالفه قارورة (( هالميرندا ))

مثل سالفة الونيت اللي عندك ... :puzzled:


وبعدين هذا برندا مو ميرندا

وتراه مفوح

وسالفته هنا

اثبات ان هالبرندا هو الراعي الرسمي لمواضيع عجايب بالفله


وبس



اي خدم ياافندم




حياك الله شرفتنا يالذيب بمرورك لااااااهنت

^^^,,,.......طحيــــــــاتي ........,,,^^^

[عجايب بنت الشايب]

الدكـــــــــتور محمد

حياااك الله ..

وجزاك الله خير على هالدعوه


شرفتنا بمرورك فكيف بردك


حياك الله مرتن ثانيه وثالثه


لا هنت


^^^,,,.......طحيــــــــاتي ........,,,^^^

[ابو عبدالإله]

السلام عليكم
صور رائعة
يقولون كل ماكبر الرجال زادت حب الدنيا بعيونه وغليت الحياة بقلبه

وصار يفكر بالأمور من ناحية تجارية حتى مع بناته كم يبيعهن وكم يسون قصدي يزوجهن

وبعدين وشلون تبينه يقتنع بكلام اطفال بتصوره وهو له من الخبرة والسنين مااشرب عليها الدهر وأكل
اطال الله بعمر شايبك وعجوزك وشيبان المسلمين وعجزهم
تحياتي بعد حيي

[خطيره شمر]

اختي عجايب موظووعج جميل والاجمل انه طالع منج

اهنيج علي روحج الطيبه .... rooose2 rooose2

تحياتي لج

[عجايب بنت الشايب]

ابو عبدالاله


حيااك الله


وجزاك الله خيـــــر



شرفتنا يالذيب



^^^,,,.......طحيــــــــاتي ........,,,^^^

[عجايب بنت الشايب]

خطيــــــــــــــــــرة

هلا وغلا

تسلميييين ياقلبي والله ان عيونتس أحلى × أحلى



لا هنتي ..,,



^^^,,,.......طحيــــــــاتي ........,,,^^^

[غاده]

http://www.9m.com/upload/20-02-2007/0.96301171999855.jpg


ماشاء الله تهبــــــــل

يعطيك العافيه عجايب موضوع رايق وتصوير اروق

[بالمختصر..]

عجـــــــــــايب

.
.

ماشالله تباركـ الله

بس وين صورة الوايت وراعي الغنمـ الهندي والماطور :a:

وألا أبوتس مثل أبوي لاطلعنا للبر = المخيمـ يصّرف الهندي (يستحي علينا n) ) >> وترى هندينا مو راعي غنمـ .. راعي قهوهـ ويسقي الزراعه :)

.
.

وأنا بصرااحه ماأداني الغنمـ لعدة أسباب:

<< ماتاكل لحمـ الغنمـ :a:

<< ماتحب ريحتهن

<< ماتحب تسمع صوتهن .. مزعجات مااااااااع مااااااااع

.
.

تحياااتي

[ريال الفسحه]

انا لله وانا اليه راجعون

تصدقين من امنيات ريال انه يعرف ابوتس تدرين ليه ....؟؟

عشان يقول الله يخلف عليك :)

خخخخخخخخخخخخخخخخخخخخخخخخخخخ

منسمه والله تسان منزلتهن بالاهداءات وقايلتن
من صميم القلب لك صاحب معزا:)


بالنسبه للاقتباس فراسي مستدير وغادين تقل رضمه مااقدر اشيلوه
من ثقلوه احس بوه يروح يمين ويسار فنبي نرد وسامحونا على القصور<<ذابحن ذبيحه:)


بالنسبه لابوتس الله ينطيه طولت العمر ورايه السديد فهذا عندنا وعندتس خير :)

اما سالفة الكيس ههههههههههههههههههههههههههههه عدي اشوف وجهتس يسحب:)


الا يالموليه تكتبين على كيس الشعير بالبخاخ:)


سوال لي ماعنده غنم ..؟؟؟

وشو له اهل الغنيم يستخدمون البخاخ ..؟؟؟


الجواب للفائده والا تبون اخليكم يومين تبحثون بقوقل:) <<عاد يبون يلقونه

يستخدم لتوسيم الطليان فمثلا ابو عجايب يمكن يكتب طحياتي على شياهوه:)
وابوي يكتب خرده :)



موضوعتس مميز وبالنسبه لراي الشيبان اللي مايخطي:puzzled:

فاذكر ان اخوي شرالوه كامري وسافر بالشايب ويمشي 140:) وابوي
يقولوه جلي الدورية تلحقك ياوليدي يوم انك تبي تطير :)
وبعد ان استلم القياده اصبح العداد على 170فما فوق قال اخوي ليه هاللون
جليك متسحوت:) قال وانت وش عرفك للسواقه ياوليدي:puzzled:




عالمهم عالم مظلم وبه الكثير من المتاهات :)


عجايب الى الامام يالمميزه:)


طحياتي

[عنزي خواله شمر]

والله الصوووور شششي

بس كسر خاطري ياحري اللي ميت < يبتسي خخخ


.
.
ضنتي ابووتس رزلتس على البخاخ خخخ
.
.
يعطيتس العافيه
.
.
.

[ابو عارف]

سرتني صورة هالمزيونة وأفرحني ذكر بعض أبيات قصيدتي في ردك لاهنتي ولاهان الشايب وغداكم يوم الخميس الجاي عندنا وجيبي معك سكينك لجزر الذبيحة وجز الشياه بعد الغداء.

[عجايب بنت الشايب]

مليكاااااااان هلا وغلا

والله يعافيييييك


بس من ناحية صور رايقه لا والله مهي رايقه الا مهويه


:)


لا هنت على المرور شرفتينا هوون وهونيييك :)




^^^,,,.......طحيــــــــاتي ........,,,^^^

[عجايب بنت الشايب]

بالمختصر نقطتين

:)

الله حييييييها

لا لا مااصور الراعي راعينا فتنه على البنيات اخاف كلكم بكره تقولن عطينا عنوانه ورقمه

:)


والماطور ماعندنا رايحيين للبر نرتاح ولا نزعج نفسنا


هذا وانتي ماتحبين الغنم لانها مزعجه انا مااحب الماطوور

:)


الله يخلي البجلي و السرااااج :)



كلمة اخيره

حطيها بعقلتس



اللي مايحي الغنم خسراااااان >> تشجع ؟



بالمختصر ههلا والله لا تقاطعيييين حياك الله


دوم مو يوم




^^^,,,.......طحيــــــــاتي ........,,,^^^

[عجايب بنت الشايب]

ريال الفسحه

حياك الله


انا لله وانا اليه راجعون

أقــدار ....


تصدقين من امنيات ريال انه يعرف ابوتس تدرين ليه ....؟؟

عشان يقول الله يخلف عليك :)

داري من زماااان قال له المطنوخ قبلك .. اول ماجيت هنا :d:






راسي مستدير وغادين تقل رضمه مااقدر اشيلوه

من عمايل هالراس الشينه :thumb:




بالنسبه لابوتس الله ينطيه طولت العمر

الله يجزاك الجنه







سوال لي ماعنده غنم ..؟؟؟

من هو ؟ :puzzled:

ابوي ؟ :puzzled:


واللي تشوفه ماهي غنم .. يالغنم :puzzled:



وشو له اهل الغنيم يستخدمون البخاخ ..؟؟؟

علشان يرقمها و يعرف الخروف من طليه علشان مايتخالطون في الرضاااعه ثمن تختلط الانساب

ونفتضح في غنم قصرانا :(




يستخدم لتوسيم الطليان


هههههههههههههههههه البخاخ في التوسييييم ؟

هههههههههههههههههههه خبل انت خبل ؟

التوسيم بالنار والسكيين على اذن الصخل ولا الطلي

ياناي من يرحمني ويفقع وجه هالخبل






قال وانت وش عرفك للسواقه ياوليدي

هههههههههههههههههههههههههههههههههههههههه

هلا والله روووووح ياهالشايب :thumb:





حياك الله ياريال يافسحه


ولاااااااهنت .....,,على المرور

^^^,,,.......طحيــــــــاتي ........,,,^^^

[عجايب بنت الشايب]

يالعنزي ياللي خوالك الطنايا

حيااااك الله


وابوي ماسوالي شيء وبخاخ بخاخنا على كيفي >> وغدااااان :)



لا هنت على المرور يالذيب





^^^,,,.......طحيــــــــاتي ........,,,^^^

[عجايب بنت الشايب]

حيااااااك الله يابو عارف نوبتن اخرى

وابياتك تستاهل انها تذكر

بعدين هاللحين نتغدى ذبيحه ثمن نذبح الشياه

اجل هذي وش هي وهذي وش هي

تبيني اصير أسد ؟؟


لا هنت يالذيب .,,,,,


^^^,,,.......طحيــــــــاتي ........,,,^^^