المساعد الشخصي الرقمي

مشاهدة النسخة كاملة : صف اول ابتدائي!!!!!!!!!!!!!اتسفتوا ياالفضوليين


مهاجرة باحساس
20-02-2007, 15:02
السلام عليكم هلي وناسي


هكااليوم كان واحد من اخواني يسولف عن المدرسه(((بصراحه انا اسحب بوه قديه يحتسي مدري احس ان بوه بلا بس مايحتسي هو على فكره هو بصف ثاني)))


شكلوه ياخذ مخمسات على صوابروه



الزبده وان ارتسي على المشد وقدامي دلة القهوه *اللحين تحسبوني وليد بس نو ايام غيرل بس شمريه*

واتذكر اول يوم بصف اول طبعا مابي احتسي عن الاستعدادت لان ماخليت شباصه ماشريته ولادفتر ولاكراسه ولابرايه ولامحايه ...هذلن لناسي اذكروه ادوات مدرسيه


المهم وتقعدن الماما((لبنانيه)) واقعد وافطر مع اخواني وابوي الوالد بهكا السنون والضروس عسكري

ويقوم الوالد يالله عالسياره وتقول الماما لحضه شوي مثلكم عارف مهاجره بصف اول

ونروح ونوصل للمدرسه وننزل الا البنات لهن جعير كلن ماسكه شليل امه وتجعر يمه لالالاتروحين

وخويتكم مهتمه بالشنطه يالله اشيله من كثر مارجدتبه واطالع بعيوني عادي لستو خايفه انا زعيمة بنات الحاره

انا اسطر عيال جيرانا اذا قربوا لسيكل اخوي انا اقدر اتشلبا على السطح وانا اقدر استخدم النبيطه اذا لزم الامر

اوكيه تستت يو بيبي واعقل على نفسي وهي تلقى امي حرمه تعرفه وجايبه بنته بصف اول

وانا وش توقعون لقيت








بنات جيرانا جيزانيات واتبسم لهن يقال اعرفهن وهن كذالك


عاد هاذي اللى لقته امي قالت وشوله نضل عندهن انا بروح واخليه لحاله تعني بنته

وهي امي تفكر شوي الا وبحسابات بسيطه المدرسه طلعت بجنب بيت ناس من عربنا وهذولا عندهم عجز يونسن وهي تقولي مهاجره قلت نعم مامي قالت ابي اروح لقوم فلان ولاتطلعين لمن اجيتس والا ابوتس يجيتس قلت اوكيه مام


وهي تروح

واطالع الاالبنت اللى امي تعرف امه وانا اعرفه لان امهاتنا خويات واطالع الاتجعر وصوته تقل مكينه خربانه
وانا اجيه واهدي عليه لاحيات لمن تنادي واحاول واحاول مستحيل تسمعن
وانا اهل كم دمعه موكثير شوي اجامله0(هين الارقعتي بالصوت)
وافكر

وافكر


الا هالخبله ماراح تسكت وفيه مسابقات وناسه
والله وانا اندمج وانسى هذيتس البنيه اصلن اناجاملته بس ماتنعطي وجه


واستانس واكل مويوزعون الفسحه بلاش وناسه وريالاتي بجيبي افكر اشتريبهن لاطلعت شوف الطمع



ويجي اخر الدوام وتذكرون بنات جيرانا(((الجيزانيات)))
قالن حنا نبي نروح ابينا جا تروحين معنا
واقضب وانا اروح معاهن واطنش كلام امي..... وامي بهالحتسي تعلل وهي تجي على وقت الطلعه وتدورن ومافيه احد ويجي ابوي ويقعد يصرقع عليه وهي المسكينه بغت تنشل من الخرعه
وهم يرتسبون الددسن((ايه ددسن ابوي عندوه غنم))
ويطير بين السماء والارض وعلى البيت يبي يجدع امي عشان اخواني اللحين بعد وقت طلعتهم ويروح يبلغ يوم وصلوا الا مهاجره قدامهم شاريتن من البقاله ..الجيازنه مروا البقاله وانا معهم وشروا لي ...........طبعن ريالاتي بجيبي

وهاذي قصتي مع اول ابتدائي وكانت بداية بطولاتي

باي
ريال الفسحه
20-02-2007, 15:11
الفسحه

دقت بالقلب :)


لي نكسه يالمهويهn)



تشاووو
الشاهري العبيدي
20-02-2007, 15:34
الله يعيد ها عليك بالخير

ما اجمل سنوات العمر والطفوله


حفظك البارئ ورحم والديك
مهاجرة باحساس
20-02-2007, 16:41
انا ادري وش اللي اثربك هالريالين اللي مانصرفن متجودتن بهن

ريالوه تضل ريال فسحه خردتن اربع وعشرين ساعه
المطنوخ
20-02-2007, 22:28
صف اول ابتدائي لازلت اتذكر فارس المجنون اللي كان هو آخر سنه بالابتدائي وسقّيط وحنا بأولى ابتدائي وكان يغولنا وياخذ فسحتنا وحنا قامطين العافيه :)


لكن قدر الله وانتقمنا منه بعدين بواسطة احد الاشرار:)


الزبدة يامهاجره

ياحلالي انتي شايفتن الفله عياده نفسيه يوم انتس تقولين قصة حياتس؟

حنا نبي مواقف مبدعه ومضحكه فعلا

ومو شرط انه يكون حقيقي حتى لو خيالي لكن يخاطب عقول الكبار يعني يرسم البسمه على شفاه الكبار

عرفتي؟

ترى ردي هذا مو قمعي ولا هو شي

بس علشان ارسم عندتس الفكره

لان انتي عندتس بداية الكتابة فقط تحتاجين الى توجيه

مهاجره

كلي امل ان مشاركتس القادمه تحفر مكانها في قسم المواضيع المميزه
تحملت!!
21-02-2007, 05:01
اوووووووووووووووووووووووه اول ابتدائي


والله الظاهر انا الوحيده اللي من حظن ابله لحظن الاخرااااا


لاني نتيفه واقصر وحده بالمدرسه <<< يحسبوني اهلي قزمه:surprised >>بس الله ستر ....


كلن يشريلي اذا جت الفسحه ما ابلش بنفسي

................................................................................ ........................................
مهاجرة باحساس
21-02-2007, 06:53
ريالوه قلته من زمان ......موزمان حيل قبل دقايق في متسان اخر انك من يشجعن

استنى نكستك .........وعبر عن شعورك وذكرياتك
مهاجرة باحساس
21-02-2007, 07:01
اخوي واستاذي المطنوخ انا شاكره لك على ملاحظاتك المهمه

بس والله ان ابليس قام يوسس لي يقول :هاذا يالخبله يبي يحطمتس هذا مايعجبوه العجب ويحتسيبك


وانا اقوله: بلسان لمتى تدخل بحياتي انت وهاالشوكه اللي شايله لاتاكل به ولاله داعي مغير تنوقل به انت وقرونك يله انقلع وانا اتعوذ منوه وهو يهج يركض هو وذويلوه هالحيمر

وانا ارجع لصوابي



ودمت بود
مهاجرة باحساس
21-02-2007, 07:02
مشكور الشاهري العبيدي ومشكوره تحملت..

.................
المطنوخ
21-02-2007, 07:42
ابليس قام يوسس لي يقول :هاذا يالخبله يبي يحطمتس هذا مايعجبوه العجب ويحتسيبك

ابليس كان عضو معنا مير مره كتبت موضوع يوم قراه قال لا انت مايحتاج اوسوس لك وطلع:)

لاوالله يامهاجره ماهو تحطيم

لكن فلة الحجاج ماهي عباره عن قسم لوضع اي شي

لو كانت لاي شي كنا نسميه قسم الفرفشه والضحك ووالله حتى انتي ماراح تشاركين فيه من زود مصالته ودبلة التسبد

انا ابي قسم يكون عنصر جذاب بمواضيعه بطريقته

ابي عياااااره ابي مواضيع صرقعه

صدقيني ماهي صعبه

شوية خيال على فكره معينه + كم ذبه

يطلع معتس موضوع كلن يهذري بوه

مير اقول لايكثر ويالله انجزي ونبي موضوع خيالي منسم لا اقلب موضوعتس هذا لحسينيه وهذا انا جايبن معي سلسله بخاطري امسجركن بالغارب يعني تسن صيدي الطم:)
مهاجرة باحساس
21-02-2007, 09:35
اوكيه مان

راح احاول اطبق النصايح
قلم شمر
21-02-2007, 20:26
لي نكسه مستعجل هالحين
يالله لا تبلانا مشاغل هالدنيا...

لكني حسيت ان الموضوع من البدايه مطلفح قلت ارجع ( صورة لزقه ماسكن لوه موضوع والله مايفك الطلفحه لو يصب عليه جركن قاز ) ( صورة اختصار للصوره اللي قبل)
مهاجرة باحساس
21-02-2007, 21:32
قلم شمر احنا عم نستناك والمشاوي والكباب راح يبرد

وانت تقول هذنا جاي وينك
قلم شمر
22-02-2007, 02:00
مهاجره دام الموضوع مشاوي وكباب
ابي اضرب لي موال شامي

جيتك من حايل مطلفح ... مطلفح على رجليه... مطلفح على رجليه

يانتي مطلفحه فهلاً ماخلصن اشغالي
بس نكست





السلام عليكم هلي وناسي


هاااااي ماي بيبول ( ناسي بالانقليزي )





هكااليوم كان واحد من اخواني يسولف عن المدرسه(((بصراحه انا اسحب بوه قديه يحتسي مدري احس ان بوه بلا بس مايحتسي هو على فكره هو بصف ثاني)))


أنتي يامطلفحه يامسحبه




شكلوه ياخذ مخمسات على صوابروه



عادي ياخيتي ياما خذينا من الكفوف المخمسه على صوابرنا بس المخمسات تطلع الرجال




الزبده وان ارتسي على المشد وقدامي دلة القهوه *اللحين تحسبوني وليد بس نو ايام غيرل بس شمريه*


كفوووو والله ياخطات القيرل عن ون هندرد مان




واتذكر اول يوم بصف اول طبعا مابي احتسي عن الاستعدادت لان ماخليت شباصه ماشريته ولادفتر ولاكراسه ولابرايه ولامحايه ...هذلن لناسي اذكروه ادوات مدرسيه


ودي ادخل معك بالذكريات بس والله ماعرف الشباصات والدفاتر والبرايات على وقتي فحمه وغربه ( صورة ابلكاشه )




المهم وتقعدن الماما((لبنانيه)) واقعد وافطر مع اخواني وابوي الوالد بهكا السنون والضروس عسكري


الله9 يخلي الماما لبنانيه أصبري ابي أكشخ :)





ويقوم الوالد يالله عالسياره وتقول الماما لحضه شوي مثلكم عارف مهاجره بصف اول


بداية الالف ميل هجره لأول ابتدائي





ونروح ونوصل للمدرسه وننزل الا البنات لهن جعير كلن ماسكه شليل امه وتجعر يمه لالالاتروحين



عاد اول الامهات ثيابهن مقاطع ولهن شلان لكن الحين امهات هالوقت بناطيل وش يمسكن بناتهن بس ان بنات هالوقت جن يجن للمدرسه ماسكة شليل السواق




وخويتكم مهتمه بالشنطه يالله اشيله من كثر مارجدتبه واطالع بعيوني عادي لستو خايفه انا زعيمة بنات الحاره


اكيد شنطتك فله والا توم وجيري وبعد لستو خايفه يالزعيمه احسك اخذتي طاوله بربعة الفصل اخر شي





انا اسطر عيال جيرانا اذا قربوا لسيكل اخوي انا اقدر اتشلبا على السطح وانا اقدر استخدم النبيطه اذا لزم الامر



الله والعالم انك من جيراننا اذكر حمامن لي كل بالنبيله مصيود عشر ويوم تلطمت وراقبت لقيته بنت الجيران ( صورة واحد يقول ماهو مصفق من بنت الجيران )




اوكيه تستت يو بيبي واعقل على نفسي وهي تلقى امي حرمه تعرفه وجايبه بنته بصف اول


قايل حريم اول مامثلهن يعرفن الجيران والا الحين اللي بالغرفه الثانيه بنفس البيت مايتعارفون




وانا وش توقعون لقيت


اتوقع لقيتي سندويست الجبن حقت الفسحه




بنات جيرانا جيزانيات واتبسم لهن يقال اعرفهن وهن كذالك


جيزانيات :puzzled: وين ساكنه بخنشليله




عاد هاذي اللى لقته امي قالت وشوله نضل عندهن انا بروح واخليه لحاله تعني بنته

وهي امي تفكر شوي الا وبحسابات بسيطه المدرسه طلعت بجنب بيت ناس من عربنا وهذولا عندهم عجز يونسن وهي تقولي مهاجره قلت نعم مامي قالت ابي اروح لقوم فلان ولاتطلعين لمن اجيتس والا ابوتس يجيتس قلت اوكيه مام



وين حسابات بسيطه الا معقده والله ياهو افتر مخي قلتي نعم مامي وعجز يونسن يعني ختيارات وقوم فلان يعني بيت آل ميشيل اوكيه هذي جت شطف بالموضوع
عاد مام سامعها بفلم هندي
شوي عمركز عهيك مواديع الا معئد هالمئطع





واطالع الاالبنت اللى امي تعرف امه وانا اعرفه لان امهاتنا خويات واطالع الاتجعر وصوته تقل مكينه خربانه
وانا اجيه واهدي عليه لاحيات لمن تنادي واحاول واحاول مستحيل تسمعن
وانا اهل كم دمعه موكثير شوي اجامله0(هين الارقعتي بالصوت)



وين النبيطه اكيد ناسيتها والا ماهليتي كم دمعه كان تتسلين بلنبات الفصل او تكتبين باء على السبوره وتنبلين النقطه اعرفك الحمامه ماتصيبينها الا مع العين كل حمام الحاره عميان





وافكر

وافكر



ماضيعنا الا التفكير بأولى ابتدائي واستهلكنا المخ يوم جينا المتوسط يمار كل التفكير مستنفذ






الا هالخبله ماراح تسكت وفيه مسابقات وناسه
والله وانا اندمج وانسى هذيتس البنيه اصلن اناجاملته بس ماتنعطي وجه


مدزديه اللي ماعطيتيها وجه





واستانس واكل مويوزعون الفسحه بلاش وناسه وريالاتي بجيبي افكر اشتريبهن لاطلعت شوف الطمع



ريالات والا ريال الفسحه والله اثريه حاضرن المدارس من اول يومهن من طين
تدرين وشي عاد فسحتي بأول ابتدائي مصابيب ومشربه بمرق باميا





ويجي اخر الدوام وتذكرون بنات جيرانا(((الجيزانيات)))
قالن حنا نبي نروح ابينا جا تروحين معنا



خخخخخخخخخخخخخخخخخ أبينا جا خخخخخخخخخخخ
بيي ايجا الله خلق وفرق





واقضب وانا اروح معاهن واطنش كلام امي..... وامي بهالحتسي تعلل وهي تجي على وقت الطلعه وتدورن ومافيه احد ويجي ابوي ويقعد يصرقع عليه وهي المسكينه بغت تنشل من الخرعه
وهم يرتسبون الددسن((ايه ددسن ابوي عندوه غنم))
ويطير بين السماء والارض وعلى البيت يبي يجدع امي عشان اخواني


اها يعني الطلفحه وراثه
الله يعطيهم الصحه بعذرهم لو انخرعوا من طلفحتك اللي مالها سنع انتي وقريناتس





اللحين بعد وقت طلعتهم ويروح يبلغ يوم وصلوا الا مهاجره قدامهم شاريتن من البقاله ..الجيازنه مروا البقاله وانا معهم وشروا لي ...........طبعن ريالاتي بجيبي



اجل شروا بدون قطه فعلاً كل منطقه له نصيبه من الطيبين
لكن ودي لو انتي مسترسله وش شروا
والله اني احس ان ريالتس تصفطن




وهاذي قصتي مع اول ابتدائي وكانت بداية بطولاتي


ياملا العافيه قصة جزله وفالتس البطوله




باي


وين باي المشوي والكباب وبعدين الله يسهل دربتس



تشكرات مهاجره
عجايب بنت الشايب
22-02-2007, 08:06
ماشاء الله علييييييك ذيبه

ما خربتي قروشتس


وامتس لبنانيه

وتقولين مامي وجعير


يعجبوني الناس الحلاوه كدا


:)



ننتظر جديدك ......>> تقل ماجاز لها قديمك :)



طحياتي يالغلا ....,,
مهاجرة باحساس
22-02-2007, 15:25
شوف قلم شمر انا مريت اسلم مالقيت الا شخابيطك هون يعني مطلفح وشلون تفوتك المشاوي

بحركه طلفوحيه متمركزه غير غوغائيه وغير شيطانيه ........كان وصلت ياخي ولهطت هالمشاوي

اناايام بزي بزي والا تسان طالبتن لك مشاوي غير الي فاتتك

..................لنا عوده قريبه ليست ببعيده
ابو عبدالإله
22-02-2007, 15:40
بهالسنين هذي ماشاءالله عليهم طلاب الصف الأول
بسكوت وعصير وغرفة العاب خاصة ومسابقات وتشجيع وتدليع والأبو بجنبه والأم تتصل كل ساعة
الله يرحم اول كف على الوجة وياويلك لو تصيح والمدرس كأنه داخل حلبة مصارعة مهو فصل والأبو يدفك مع الباب ويطلع
لكن انتي شكلك متعودة على مشاكسة البنات بسرعة تاقلمتي
تحياتي بعد حيي
مهاجرة باحساس
23-02-2007, 20:53
ابو عبدالاله مشكور عالمرور........

صحيح فرق بين زمنا وزمن اخوانا عشان كذا نغار منهم حتى واجبات مايعطونهم زينا حنا اللي حتي نوم باليل مانام نحلم بالمدرسات والله زمن رعب عشنابوه
,,,,,,,,,,,,,,,,,,,,,,الله يرحم حالنا,,,,,,,,,,,,
عجايب بنت الشايب
24-02-2007, 22:07
ههههههههه


ياحبي لك يامهاااااجره ...


تعجبني سياسيتك في الرد على المواضيـــــع


واصل والله معاااك



قصدي والله يرزقك ...:thumb:


طحيااااااااااااااتو ....,,
مهاجرة باحساس
24-02-2007, 23:39
مشكورة اختى عجايب حنا مندونتس مانسوى شي

مرورك لطيف مثلك
بالمختصر..
26-02-2007, 20:52
مهاجره

:

ذكرتينا بصف أول إبتدائي

الصبح أشبع بتساء <<ماشبعت نوم

:
مهاجرة باحساس
22-03-2007, 18:46
انا ادري انتس بتسايه درجه اولى ولا احد يقدر يغلبتس بالجعير عوذه:408r: :408r:

ولا لتس اي ذكرى الا البتسي كش عليتس :408r:

اجل ليه القساوه اللحين لواحد يبي يموت قدامتس تقولين عادي مصيروه المحتوم قدر ولامنه مفر

ولا احيانن تضحكين تقولين سخرية الغدر:242r: