اذا سمحت ياحضرة المشرف

[فواز الغسلان]

السلام عليكم ورحمة الله وبركاته :

العنوان طريقه خبيثه شوي وذلك لجلب الانتباه اولا وعلشان تعرفون اني شباب ماني شايب مدام هذي حركاتي 0000

احب اسأل الاخ المشرف اذا كان سبق التطرق لقصيدة ابن صليبيخ ورد الاشقر عليه وأين اجدها اذا كانت موجوده 0000

وما اعود لهالحركه ثاني مره 0000

ابن غسلان (((الراوي)))

[شريف روما]

ههههههههههههه


وعليكم السلام ورحمة الله وبركاته


ماعندي شي افيدك بوه
انطر المشرف

بس ان شاء الله منت شايب
بعدك بعز الشباب :)

[خالد الشمري]

حيّاك الله يابو فهد .. وايه نعم سبق التطرق لموضوع فهد ابن صليبيخ ورد المرحوم عبدالله الاشقر عليه

[عيد العنزي]

هههههههههههههه للحينك شباب يابن غسلان وان شاء الله العمر كله

بس تراني ماخذن على خاطري منك شوي ولو ماعزك ماعتب عليك يالاجودي؟؟

وليه اذا سألتك عن سالفه ابي اتاكد منها ماترد علي
او حتى قصيده ابي اعرف سالفتها واتاكد منها لانك مصدر ثقه وكلامك مابه مجاملات



اخوك / عيد العنزي

[فواز الغسلان]

الاخ عيد هلا بك يالغالي وانا والله قليل جلوسي على الجهاز وكثير النسيان بسبب كثرة المشاغل

علما اني اتشرف بك وباستفساراتك الجميله واعطيك وعد اني راح احرص اكثر يالغالي 000

الاخ المشرف والله مالقيتها 00 هي بأي عنوان لو سمحت لاني فتشت العناوين ولاشفتها 00

وعند مروري على معركة الجميماء وجدت اجمل القصايد اللي قيلت بالوقعه غير مذكوره مثل

قصيدة بدعي بن سمحان السلماني ومطلعه :

ياراكبن حرن براسه زعانيف = يزهى الدويرع والرسن والسفيفه

وقصيدة زامل السبهان وفيها :

ابن سعود اقبل على الدار صوال = وارسل لابن شعلان جو مجمليني

تواعدوا ثم ارسلوا لابن هذال = اللي يبي عز البداوه يجيني

وكذلك وجدت في المكتوب عن الجميماء بالموقع الابيات اللتي تقول :

فلاح ياشوق نشميه = ياشوق من نهدها ثمر

وقالو ان فلاح عشقة البنت 000

والصحيح ان الابيات قيلت عندما اخذت عنزه مغاتير هتاش الله يرحمه خذاهن خليف الذايدي

والعنزيه تقول : خليف ياشوق نشميه = ياشوق من نهدها ثمر

وليا ركب فوق عمليه = جاب المغاتير من شمر

واخذ الثار فلاح العبكلي اخو الكاسب العبكلي شيخ الشلقان وهو اللي تقصده الشاعره

ماهو عشقه بقولها :

فلاح ياشوق نشميه = ياشوق من نهدها نازي

وليا ركب فوق عمليه= جمع مغاتير عنازي

وعندما اخذها فلاح اتت عنزه وتقابلت مع شمر وجلس ابن مساعد والسديري بالعويقيله

ليصلحوا بينهم وحصل الصلح بفضل الله ثم قصيده لغانم اللميع من عنزه عندما اشار فيها

على الشيخ محروت بن هذال بالصلح ومطلعها :

شيخنا وان نصحته طاع شوري له = وطبقت رمعته من فوق مرماعي

ادري اني دخلت بمواضيع لكن الحديث يجر بعضه وهذا للمعلوميه فقط 000

ابن غسلان (((الراوي)))

[ريال الفسحه]

يالله حي الولد:) <<يعطيه معنويات

توك يالغالي شباب والله يرزقك الصحه والعافيه وطولت العمر....

انا بحثت لك ولقيت هذولي اذا مهن هن علمن وانا اعيد البحث والقاه لك...



هاذه احد قصائدة فهد ابن صليبيخ:


يانجد من سماك نجد(ن)غوا اسماك=هو ليه ماسماك بأم البلاوي

عسى الذي سوى رسومك وسواك=يرسل عليك من المياهيف هاوي

ابي اليا من الطريقي تمثناك=يمسي على تالي ارسومك خلاو

بس الطيور وناعي البوم ينعاك=والذيب من قل الأزاويل عاوي

يانجد والله ماتسوى سواياك=نفسك علينا مثل نفس المهاوي

جيل(ن)تجلينه وجيل(ن)تبلاك=وجيل(ن)تكوينه بحمر المكاوي

واللي وطاه العسر واجزل بفرقاك=داج الديار وصار دنع دناوي

ياخذ ويدله تالي العمر ينساك=وتشيب عين اللي لعزك رجاوي

يوم(ن)ابن مقرن بسيفه تولاك=خلا سنامك مع الردوف امتساوي

ركب عليك وطوعك لين خلاك=اطوع من النظوا ذلول اللحاوي

قصيدة عبدالله الأشقر في رده على فهد ابن صليبيخ:


يالله يامنشي السحاب لدار=عليم مايخفى عليك مدار

ياواحد كل ذليل لسطوتك=بك نستاجير بحيث اجارك يجار

وخلاف ذا ياعيال حوفوا على النضا=باكوار مامونات حوفوهن بكار

حوفوا على مثل الادامي بزيهن=طفقات يا طال المغار اسطار

عجلات وجلات خفاف على الوطا=تعاطن المكنون طوعات ذعار

لاهاوزوهن ثم لجن ولجلجن=شراد فراد عن الناس نيار

انا اذكر الله يوم علق دلاهن=بيض تمارى في ضحى العيد زمار

بالله عليكم يامحيا نون بكم=لامحت المعلوق للفن استدار

قالو لحايل حياها عزوة لنا=حاجة حزين القلب ماعنها عذار

قد قلت لهم بالله عليكم تريضوا=حيث انكم لدار السلام اشطار

وصلت جمالتكم وشيلوا وصيتي=سيروا جناح الليل مع نور النهار

اسركم وليا وصلتو دياركم=اسرارنا معكم تصير جهار

اضفوا على دار الضياغم سلامي=سلام مادام السلام يدار

عداد ماحدره وفوقه من الملأ=وعداد مايرمي الحجيج جمار

وماسمعت الاذنين واللي يرى البصر=وماشالت البيداء ثرى واثمار

سلام من قلب من الحب مستقي=وداد ماناح الحمام وطار

احلى من الصحة بعد سقم انجلى=والذ من يسر يسوق اعسار

دار الصخا والجود من قام ساسها=دار بها للغانمين وقار

دار بها يكسى الارامل ومن عنا=دار اهلها للديار دمار

ياما فنت من دونها من قبيلة=وتعشت الاخيار من دونه عمار

هي امنا خيرة وشره يعمنا=لو شان وقته مالنا عنها منار

عيبا على رجل صغير كبر به=كبرت متونه بالمضيف ونار

ياكل حلاويها ويشمت بمرها=ويدعي عليها بادهر والدمار

قلت قال نارك غير دارك عدو له=تر والدك عقه عذاب وعار

ياقايل الطليان خاب الرجا بك=الزير مايذكر يجيب جفار

لولا عمامك كبر عضاك فضلهم=ينسا ثنا المعروف من حظه هيار

ذولا الجنايز سدهم فعل جدهم=ذولا وبا الفرسان برماح قصار

اخوان نوره سترها لا عتزو بها=مل كادهم تلقى العثار كثار

ياويل جمعا بالملاقا بلي بهم=عزي لقوما تقتديهم جهار

قون بسون ولا عن الضد صده=للجار كار وللحريب فقار

اللهعلى لانبهوا ثم سببوا=شبيب وعياده عطوا خبار

قدا لهم من رزت الجيش صيحه=جض النضا محترين مغار

قالوا ترا باكر تمد ثقالنا=قادوا من الطفقات عبرات عبار

مدوا هل البيرق وشمر تقدموا=وصفوا ورا الدمام دربين كثار

بيرق اهل حايل توسط دموعنا=عبده يمين الشيخ والصايح يسار

قالوا مغرب قلت هذا مرادهم=تلقا حلال الشرق من قبله كثار

قوما تعداهم وقوما عدا بهم=وقوم خذاه بليل والاخر نهار

جون لقاه خلو وعليه استراح=وبعد ذا بايام للغرب استدار

خلا عليهم يشيب الشاب ماجرا=خلج النساء والنيب تسمع له صرار

ثم انتسف لديار حيه وعزوته=لقصرا زما مبناه حامينه نمار

تلقا مراكيب الاجانيب لا لفوا=غاشيهم الذل والكبار صغار

كلا يريد الصلح يسوق ماطلب=من عقب ذاك الطول غادين قصار

هذولا مسايير هاديين بالمهل=وذولا بعيدين يبون اخبار

وهذولا اهل سيه وحسنا تعمها=يبغون من مرعا الحماد جهار

مار سبحان من يدير الاملاك بيده=مغير دهور الدور من دارا ً لجار

مار افتكر ياصاح في نثر شملهم=راحوا هل الطولات باحول انحدار

راحوا هل المعروف عنا تقربو=واختارو الاجناب عن دار الاقراب

قوم الندا ضيم العدا صفوة الملأ=ترعا بهم الجيران بدروب الاخطار

ياجا الخبر منهم لقوماً تكفكفوا=الكل يطق لبيت في خافي غتار

يخشون قوما روسها تنقل العيا=ربيعهم يوم وحلاه مرار

شمر اهل ضمر وقحصاً من المها=شمر ليا غشا الكرار كرار

يحيا وربيعيه والاسلم وزوبع=يالابة بالكون ماتعطي قرار

عبار جبار صبار على اللقى=لهيب الجموع للحريب اصقار

غلاب جلاب فهودٍ زلازل=فهودٍ زهود نكود وانمار ضرار

تكره ملاقاهم كما تكره الوهم=ماصٍ به المفراص مايشكي الغيار

اعيادهم بانكادهم ساعات اللقى=شلع العدا والعاديات اطيار

ولاينشمت بأمرٍ ليا حل القدر=امر يديره واحدٍ قهار

يوم انها شامت لشيخاٍ شقا بها=سلطان نجد طلابٍ بثار

شامت لابن مقرن قديماٍ من اهلها=مالومحت ... ... والناس الثبار

عبالها جزل العطى مدلهمه=سباع عل عيال الباع شطار

شيوخا بظل شيوخ قبلٍ بظلهم=تر مثل هذاقبلٍ عليهم صار

الله ينصر من نوى نصر ديننا=ويديم للدين العزيز انصار

تمت وصلى الله على صفوة الملأ=ماهل همال المخيل بدار

لعلي اكون وفقت للرد الصحيح وان لم يكن هو فالمعذره وابشر باللي يبحث لك عنوه...

شكر لك ايها الشاب:) ...

[عيد العنزي]

الاخ عيد هلا بك يالغالي وانا والله قليل جلوسي على الجهاز وكثير النسيان بسبب كثرة المشاغل

علما اني اتشرف بك وباستفساراتك الجميله واعطيك وعد اني راح احرص اكثر يالغالي

المهلي مايولي يابو فهد وعسى الله يذكرك بالشهاده ان شاء الله
الشرف لنا يابن غسلان هذا العشم فيك

اخوك / عيد العنزي

[فواز الغسلان]

الاخ ريال فسحه عز الله انك ذويبان الله لايهينك000

اشكر لك اهتمامك والمساعده على طرحتهن 000 يالله تلولست بهن 00

تقبل وافر الشكر والاحترام 0000

الاخ عيد حياك الله ونتشرف 000

ابن غسلان (((الراوي)))

[المشرف العام]

/

هلا باخوي فواز

http://www.shmmr.net/vb/showthread.php?t=30410

وايضا لها موضوع اخر لم يسعفني الوقت لاخضره

ولكن دعني اعلمّك كيف تصطاد :)

ملاحظة :
بأغلب المواقع التي لها عدّة سنوات وبها كم هائل من المواضيع والمشاركات يتم تفريغ محرك البحث بحكم زيادة حجمه بصورة هائله اضخم من قاعدة البيانات الفعليه بعدّة مرات ، عليه يلجأ اغلبهم إلى تفريغ جدول محرك البحث كل فتره .

وعِوضا عن ذلك إذا كان الموقع برمجته جيده ومحرك البحث يقرأه ، فبإمكان المتصفح البحث في الموقع عمّا يريده ، كمثال :

http://www.google.com.sa/search?as_q=%D8%B5%D9%84%D9%8A%D8%A8%D9%8A%D8%AE&hl=ar&num=10&btnG=%D8%A8%D8%AD%D8%AB+Google%E2%80%8F&as_epq=&as_oq=&as_eq=&lr=&as_ft=i&as_filetype=&as_qdr=all&as_occt=any&as_dt=i&as_sitesearch=shmmr.net

كم ماعملته انني وضعت الاسم واسم الموقع الذي ارغب بالبحث فيه [ فقط ] كالتالي :

صليبيخ site:shmmr.net

آمل ان افدتك

تقبل تحياتي

[المشرف العام]

/

ريال ..

لاهنت على المتابعه

شكري وامتناني