كنه الرماليه

[طلال صعفق الحافظ]

-----------------------------------------------
باقي العرب موتهم تخفيف **** مار البلا موت عبدالله
مرحوم يا مهلي بالضيف **** يامكثر الهيل يالدله
إذا مسك زينة التوصيف **** الدم من مضربه شله
ياما صفق هن ووردن عيف **** ويا ما حمى كل منتله


----------------------------------------------------------------------

الغوش ما أحلى محازمهم **** ياحلو غوش الرمالات
يازين صفة ركايبهم *** مع كل ريع مويقات
العام هاذي منازلهم **** واليوم يم الحويطات
ياطير بالله سايلهم **** من حي منهم ومن مات
سايل وجب لي علايمهم **** هو ما لهم بنجد لفتات

----------------------------------------------------------------------

ياطير ياضارب المشهاة **** يامقطع القاع بالريشي
دور عشيري لياما تلقاه **** قله تره ربع الجيشي
و أغبن قلبي على لاماه **** ياناقضاة العكاريشي
كم عقله ذوقوهن iiماه **** ماهن ركايب حواشيشي

---------------------------------------------------------------------

[فلاح السعد]

ابيات جميله من تراثنا ولك مني كل الشكر والعرفان وياليتني رايتك بالاجتماع

[ابو يزيد]

وانا كذلك اقولك

تسلم ياابا صعفق على طرحك لقصائد كنه الرمالية

واكرر ماقاله الأخ فلاح

ياليت شفناك بالأجتماع

ولا تنسى أنك للأسف خسرت الكثير

في غيابك ولا كيف الطنايا كلهم مجتمعين يابو صعفق ولا كحلت عيونك بشوفتهم.

ولاكن مااقول الا الغايب حجته معه

وحسبي الله على الدكتور اللي حط لك اختبار يوم الخميس.

تحياتي