فواز الغسلان
08-02-2007, 22:05
السلام عليكم :
كنت اتصفح مواقع هذا المنتدى الاصيل للاستفاده فلاحظت ان الاخوه ذكروا قصة الشيخ دهام الجرباء مع غريب الشلاقي بشكل بسيط وهناك من يسال عن القصيده بشفقه ولم اجدها مفصله اللهم الا ان كانت في مكان لم اتوصل اليه لذلك احببت التطرق لها بما اعرفه انا وهي كالتالي:
عندما دخل الملك عبدالعزيز ومن معه من الاخوان حايل خرج غريب الشلاقي لشمر الشمال وكان الشيخ دهام الجربا قد اتاه امر من الدوله عندما قوي عودها بمنع مغازي الباديه وانهم سيحاسبون من غزى .. ولم يعلم غريب بهذا الامر فغزى ناحية تبوك وخذى حلال الحويطات وكان وسمهم يطلق عليه- الافيحج - وكسب ثلاثماية بعير وعندما رجع قام بوجهه ابن فهد الجربا وهو من احفاد مطلق الجربا وزعم ان الحويطات يدفعون له الخاوه كل سنه مقابل انه يحميهم من غزاة شمر وقال انه راح ياخذ كسبه ويرجعه لهم فغضب غريب وقال انت متمركي بالظلال وتاخذ كسبنا بدون سبب وجيه ثم قال لدهام يرضيك كلام ابن فهد فقال دهام انا بلشان بالدوله ماني يمك انت وابن فهد .. عند ذلك طلب غريب مهله ليجمع الحلال ثم زبن على العقيدات يوم يقول :
يابن فهد عيفتنا للجزيره = وخليتنا لديار الاجناب ننزاح
يابن فهد ماطعت هرج المشيره=حطيت دونك مقعدن وابن جراح
يقصد شيوخ العقيدات وعندما امن غريب على نفسه ارسل قصيدته اللي يعاتب فيها دهام الجربا لسكوته ويتعجب من رغبة ابن فهد اخذ كسبه بارد مبرد فقال :
قم ياخطيب اكتب بحبرن وقرطاس = للشيخ شيال الحمول الثقالي
يادهام ياحماي وندات الافراس = عريب وجد وعم واب وخالي
يامارثة قومن لهم كل نوماس = ياللي فعايلهم قديمن وتالي
وياملبست سرد السبايا بالالباس= ويامسقية كبد الحريب العلالي
ويامبيده برباعهم كل حماس = وبالقول يعطون الهدايا الجزالي
يادهام نبهتكم لنا تقصم الباس= وش علمكم يامفنية كل غالي
حنا غدينا بين شالي وحباس = ضاقت وعند الله فرج كل مالي
خوفو منشي الغيم حشار الانفاس=كيف الافيحج تودعونه حلالي
يابن فهد لو تاصله كان لاباس= ورى الحصى الوقاف تاخذ ليالي
متمركي مابين دله ومحماس= وتنقل وسادك في مسيح الظلالي
وتبي مهاوي مبعدت كل ملماس= اللي لهم باقصى بسيطا مدالي
دوالي ببحور الادراك غطاس = عقبان عقباتن تنوش المفالي
تاتي بعركاتن يشيب لها الراس= عركاه عند معبسات الشمالي
ياما وقع بنحورهن كل مدباس = مروه ماكنه على القوم غالي
ربعي هل الجدعا لياهب نسناس=اللي سقو بيصن غبون الليالي
وابيات من فكري كتبته بقرطاس =نصيحتن يقراه الاول لتالي
ذكر المهادي ياهل الجود والباس =كان انت عن مثله لمثلي تسالي
واما الجزيره يوم نجيه من الراس= نبي بها عن ميل بقعاء ظلالي
شلنا عليهن من مزابير الاطعاس=وجينا لملفانا وعز الاهالي
ياما ذبحنا دون نجدن من الناس= وياما بها افنينا رجال وحلالي
وياما بها دسنا على كل منداس = ولحقت علينا بالحيل نجد تالي
نجدن ولاه معرب الجد والساس = بالفعل والحيلاه والاحتيالي
حزم هل العوجا على الحرب علاس= وعقب الكدر شرب القراح الزلالي
متعلمن به قبلنا شلع الاضراس = كم واحدن ياما حربها وزالي
وين الشريف اللي تخاضع له الناس= يذكر بباريسن غروب الشمالي
وين الشيوخ اللي على الزبر جلاس = مثل ماقال جديع ياهملالي
وقد تركت منها ثلاث ابيات عمدا لعدم مناسبة ذكرها ومن ارادها يستطيع طلبها عن طريق الاميل وتقبلو تحياتي ......
الراوي فواز الغسلان
كنت اتصفح مواقع هذا المنتدى الاصيل للاستفاده فلاحظت ان الاخوه ذكروا قصة الشيخ دهام الجرباء مع غريب الشلاقي بشكل بسيط وهناك من يسال عن القصيده بشفقه ولم اجدها مفصله اللهم الا ان كانت في مكان لم اتوصل اليه لذلك احببت التطرق لها بما اعرفه انا وهي كالتالي:
عندما دخل الملك عبدالعزيز ومن معه من الاخوان حايل خرج غريب الشلاقي لشمر الشمال وكان الشيخ دهام الجربا قد اتاه امر من الدوله عندما قوي عودها بمنع مغازي الباديه وانهم سيحاسبون من غزى .. ولم يعلم غريب بهذا الامر فغزى ناحية تبوك وخذى حلال الحويطات وكان وسمهم يطلق عليه- الافيحج - وكسب ثلاثماية بعير وعندما رجع قام بوجهه ابن فهد الجربا وهو من احفاد مطلق الجربا وزعم ان الحويطات يدفعون له الخاوه كل سنه مقابل انه يحميهم من غزاة شمر وقال انه راح ياخذ كسبه ويرجعه لهم فغضب غريب وقال انت متمركي بالظلال وتاخذ كسبنا بدون سبب وجيه ثم قال لدهام يرضيك كلام ابن فهد فقال دهام انا بلشان بالدوله ماني يمك انت وابن فهد .. عند ذلك طلب غريب مهله ليجمع الحلال ثم زبن على العقيدات يوم يقول :
يابن فهد عيفتنا للجزيره = وخليتنا لديار الاجناب ننزاح
يابن فهد ماطعت هرج المشيره=حطيت دونك مقعدن وابن جراح
يقصد شيوخ العقيدات وعندما امن غريب على نفسه ارسل قصيدته اللي يعاتب فيها دهام الجربا لسكوته ويتعجب من رغبة ابن فهد اخذ كسبه بارد مبرد فقال :
قم ياخطيب اكتب بحبرن وقرطاس = للشيخ شيال الحمول الثقالي
يادهام ياحماي وندات الافراس = عريب وجد وعم واب وخالي
يامارثة قومن لهم كل نوماس = ياللي فعايلهم قديمن وتالي
وياملبست سرد السبايا بالالباس= ويامسقية كبد الحريب العلالي
ويامبيده برباعهم كل حماس = وبالقول يعطون الهدايا الجزالي
يادهام نبهتكم لنا تقصم الباس= وش علمكم يامفنية كل غالي
حنا غدينا بين شالي وحباس = ضاقت وعند الله فرج كل مالي
خوفو منشي الغيم حشار الانفاس=كيف الافيحج تودعونه حلالي
يابن فهد لو تاصله كان لاباس= ورى الحصى الوقاف تاخذ ليالي
متمركي مابين دله ومحماس= وتنقل وسادك في مسيح الظلالي
وتبي مهاوي مبعدت كل ملماس= اللي لهم باقصى بسيطا مدالي
دوالي ببحور الادراك غطاس = عقبان عقباتن تنوش المفالي
تاتي بعركاتن يشيب لها الراس= عركاه عند معبسات الشمالي
ياما وقع بنحورهن كل مدباس = مروه ماكنه على القوم غالي
ربعي هل الجدعا لياهب نسناس=اللي سقو بيصن غبون الليالي
وابيات من فكري كتبته بقرطاس =نصيحتن يقراه الاول لتالي
ذكر المهادي ياهل الجود والباس =كان انت عن مثله لمثلي تسالي
واما الجزيره يوم نجيه من الراس= نبي بها عن ميل بقعاء ظلالي
شلنا عليهن من مزابير الاطعاس=وجينا لملفانا وعز الاهالي
ياما ذبحنا دون نجدن من الناس= وياما بها افنينا رجال وحلالي
وياما بها دسنا على كل منداس = ولحقت علينا بالحيل نجد تالي
نجدن ولاه معرب الجد والساس = بالفعل والحيلاه والاحتيالي
حزم هل العوجا على الحرب علاس= وعقب الكدر شرب القراح الزلالي
متعلمن به قبلنا شلع الاضراس = كم واحدن ياما حربها وزالي
وين الشريف اللي تخاضع له الناس= يذكر بباريسن غروب الشمالي
وين الشيوخ اللي على الزبر جلاس = مثل ماقال جديع ياهملالي
وقد تركت منها ثلاث ابيات عمدا لعدم مناسبة ذكرها ومن ارادها يستطيع طلبها عن طريق الاميل وتقبلو تحياتي ......
الراوي فواز الغسلان