المساعد الشخصي الرقمي

مشاهدة النسخة كاملة : ديوان يضم قصائد الشاعر منصور الرمالي الشمري


العبد العزيز
30-01-2007, 10:40
مساء الخير

اتمني كل من يعرف قصيده لشاعرنا الكبير منصور الرمالي الشمري ان يذكرها لنا .

ويعطيكم العافية .

اخوكم العبد العزيز الشمري
عساف التومي
30-01-2007, 18:56
موضوع جميل وفكره اجمل

.
ان شاء الله الشباب مابيقصرون ....

وسوف تكون لي عوده

لاهنت يالذيب
ريال الفسحه
30-01-2007, 21:28
هلا والله بالعبد العزيز...


ماطلبت شي....


لكــ مارادت...!!!!!!




الناس ربي من ترابٍ خلقها=وإنت الذي من جوهر الماس مخلوق
الناس ساواها الولي ما فرقها=بس إنت عن كل البشر صايرٍ فوق
إنت البحر فيك البواخر غرقها=وإنت السحاب اللي به أمطار وبروق
وإنت الجحيم اللي حياتي حرقها=وإنت النعيم اللي يشدن له الشوق
ألطف بروحي لا تسبب زهقها=وإلطف بقلبٍ من عنا الود محروق
واسق الورود اللي تساقط ورقها=وإلحق على جسمٍ غدا جلد وعروق

ولك الاخرى....



امر مـــر مــر فـي دنيتــي لــي =وامـرمــر مـــر لي في حــياتــي
الياجاني العاني وانا مامعي شــي =ودي تجيني قبل يأتــي وفـــاتــي
أن أعتذرته ظن ظــن الردى فــــي =وانا الردى ماهو صــفه من صفـاتي
أضحك وهليبه وانا منــكوي كــــي =من خــوفي التقصير في واجباتـــي
ومن لاأشتهـر بالجود صيته وهو حـي =ماطالعله صـــيت عـــقب الممـاتي


ولكــ رائعته .....



متى ياعرب نمـشي على راي بالأجـــماع=وحنـا باياديـــــــنا نفــرق تــجـمــــــعـنــــــا
متى ياعرب نسترجـع الماضي اللي ضــاع=وحـنا الســــبب في كل شـي مضـــيــعـنا
متى ياعرب جسم العرب يشكي الاوجــاع=وحـنا بنـــار الـقــــدر نــكـوي مــواجـــعــــنـا
لأمـر بعــــضـنـا نرفــض ولأمـر العدى ننصـاع=نتـــواضع للعــدى وآل بعض ماتـواضــــعنــــا
تعبنـا.. تعبنـا.. نطـرد المــظــهـــر الـــلــمـاع=وعلى ركضـــنا الفـاشل أعــدانا تشــجــعنا
تعبنا من التمثيل والشجـــب بألـــــــمذيــاع=من الشـجب ياهل الشجب ملت مسامعنـا
كبـيرة ..كبيـرة..ياعــرب نشترى ونـــبــــــاع=وايادي أعـــدانـا لـقـــتـــلنـا بعــض تصـنـعـنا
كبيرة وحنــا أهداف بمـخطـط ... الأطــــماع=وعلى بعضـنا تظـهر وتـكـــمن مـطــــامـــعنا
كبيـرة.0.كبـيرة.. والكبـيرة ..يصــير أصــــراع=على يــــــد بعـضـنــا للأسـف صـار مصـرعـنا
شــرينا المدافع ندعي نقهــر الـــــطــمــــاع=ولا كان نـدري مـوتـــنـا من مـــــدافــــــعــنـا
شـرينا نهـــــاية بعــضـــنـا من يـد الصـــــناع=وشــــرينــا الــخـــيـانة.. والأمــانـة لهـا بـعنـا
غــــريبــة..غــريبــة ما بنــا واحــــد جــــــزاع=تـمـــوت الألــــــــــوف ولا تــذارف مــدامــعـنـا
اذا كــان دم أبن العرب ســال منـه القــــــاع=ولا مــنـه نــجــزع ياعــرب ويـــش يــجــزعنــا
فـلا أدري ول أدري كــيف نــرقــد ولا نرتـــــاع=رغــم مانشـــوفه نــهتنــي في مــضاجــــعنا
نـنــام ونــقوم وهكذا يعــزف الأيـــــــقـــــــــاع=ولا شــي يشـغــلنا ..ســوى الأكل اذا جعـنا
كأنا نعيـش بـكـهـف مـــانعـــرف المـــطـــــلاع=ونبــي ننـتـــظـــر لـعل الأقــــــدار تــطــلعـــــنا
تـلاشت عـــزيمتنـــا وحـب المظــــاهر شـــاع=بـداية نــهــايتــنــا حــيــاة بـــلا بـمـــعـــــــنـــا
رضيــنا القــدر منهــج... وســـابق وفانا ضــاع=واذا كان ضيــعنا الوفــــاءياعـــرب ضـــــــعنــــا
نــسيــنا ..نســـيـنا .دينـــنــا لين صرنا أتبــــاع=ضعـفنا...ضعـفنا والسبــب ضــعـــف وازعـــــنا
تعبـــنا..تعبـــــنا.نحــترق ياعـــرب نلـــــــتــــاع=تعبـــنا.. وملينــا من الكــــذب ...والــتـعـــــنــا
على فـوهــة البركان نصـنع هـدوء أوضــــــــاع=شـــكـت كذبــنا أقـــلام بـكــــت بين أصابعــنـا
نبـي نـفـرض الـكـذبه على الـواقــع الملتــــــاع=وعلى صيغة الكذبه نبــرمج مــــطـــابـــعـــــــنا
وعمــلنـا لهــــا تـضـــخـــيم حتى خـبرهــا ذاع=وسكتـنا عليهــــا وأشتكى الـضــم واقــعـنـــــا


ولكــ,,



يا هم ياللى في خفى خافقي طلت=ارحل تــرى منصور قــرب رحيلــــــه

يا هم ؛ جاني ما كفاني ؛ وحصّلت=جسمي قضا وعضام جسمي نحيله

ياهم؛ انا اخفيتك؛ بصدري ولازلت=اخفيك خوف اهل النفــوس العــليلـــــه

اخاف قول اللى يقولون لو قلت=اللى سوالفهم ، عراضن طويــــلـــــــــــه

ولو حملوا سلمى مثل ما تحملت=صاحت ، ل اجا ، من جور حملن تشيله

ولو ان سنجار الجبل شال ما شلت=مبطي شكا،ضيــــم الحمول الثقيلـــه

أصبر، ولو شفت الزمن مال ما ملت=واقول يمكن يعتدل عقــــب ميـــلــــه



الذل انا ماارضاه مادمت حياء=ولاذل من هو في ذرا خالقه لاذ
اصبر ولولي مطلبي ماتهياء=لا سايل هذا ولا طلب هاذ
ارضا الضما مطلب من النذل مياء=واموت جوع ولااقصدالناس شحاذ
حلفت انامااطلب من الناس شياء=وضلعي على حقي حديد وفولاذ



ومن رائعاته.......!



أكتبيني ضاع في صفحة ضياع=واعربيـــــني فعل ماضي ياذهـــب

وادفـنـيـني واكتبي فوقي وداع=واشـــــعلي في مابقا مني لـــهــــب

لو بغيت انساااااك قلبي ماستـــطاع=وجرحـي النازف تزاود والتــهــب

فيك من شمس الضحى نور وشعاع=جل منهـــــو للحلا فــيكـــم وهــب

ياذهب ياماس يشــرى مايـــبــــــاع=كل من شافـــك راعــش وارتهب


ومن رائعاه..ودرره الشعريه....




ياخوي والله كل ابوهم (حقاره )=تجي ســوالفهم اليامنــي اقفيت
كل همهم حالي يكب اعتباره=وينبت بجرحي ملح كل ماتعافيت
باتت امانيهم عطاشى خساره=وانا شربت الفوز الاول وشفيت
طبعي وطبعي مايعرف الجساره=ماهي شطاره بس انا شفت واخفيت
عمري قضى وقته يطارد مساره=وجمري غضى ناره طفت بي وطفيت
شديت لك حبل مضى ساق ثاره=وعناد طفل قال : لاماتصافيت
من يوم كنا صغار ذقنا المراره=والحين شوف كبرنا دام ضفيت
ارقى تعب واجمع بقايا انتثاره=واسقي مشاوير العنا كاني اهفيت
حاولت ابكي ليل يضحك سماره=واشفي قليله بأكثري ثار واشفيت
حلم بسما عيني يفك انتصاره=ورفعت كفي للاماني ورفيت
من طيش قلبي سكرته وانتحاره=والعمر خليته وفا .. لاتوفيت
اخوك شامخ مايعيش انكساره=اشبهك وافخربك ولافيك كفيت
وفيت لك مثل الضيا في نهاره=وكفيت ماكفيت .. وانا ميت اوفيت



واذكر لك هذه السالفه....حصلت له ....



كلنا نعرف الشاعر الكبير منصور الرمالي الشمري رحمه الله الذي رحل عن هذه الدنيا وهو في عز شبابه بعد أن أحتل مكانة مرموقة في الشعر الشعبي ، كان رحمه الله عسكري في دولة قطر وبعد أن تضايق من مرؤوسيه في العمل استقال وعاد إلى السعودية وقال قصيدة طويله منها قوله عن قطر :

يا دار ما جيتك من العز عريان = من روس شمر والحفيظة سعودي
حتى قال
.............................. = ينهون فيك ويا مرون الزيودي

وبعد أن عاد إلى السعودية سجل في الدفاع الجوي في المنطقة الشرقية ، تقريبا عام 1412 هـ ، وحصل عندهم في حايل مناسبة زواج لشقيقة ، فحاول أن يستأذن من رئيسه في العمل فرفض الضابط أن يسمح له ، وتوسل إليه منصور ولكن بلا جدوى ، وكان النقيب شافي بن عبد العزيز البيضاني ، يرى ما حصل للشمري فقال له رح يا منصور على مسئوليتي الأسبوع هذا والأسبوع الجاي ، مع أن شافي لم تكن له صلاحية في ذلك ، فرفض الشمري وقال ما ودي أحرجك مع المسئول اللي اكبر منك فأصر شافي على كلامه ، فذهب الشمري إلى حائل وحضر زواج شقيقه وعندما عاد إلى العمل أعطى شافي هذه القصيدة التي يثني فيها على شافي وقبيلة البيضان وقبيلة حرب عموما حيث يقول :





سر يا قلم و أكتب حسينـات الأمثـال=أكتـب وسجـل للرمـالـي مثـايـل
مثايل اللـي يـازن القيـل يـا قـال=كـلام مــازونٍ ولا فـيـه مـايـل
ابا أمدح اللـي للثنـاء والكـرم نـال=اللـي نـزل بالمرجلـه راس طايـل
اللي وقف يوم انثنـوا بعـض الارذال=وأثبت وجوده ما أسمتع قـول قايـل
شافي عريب الساس والجـد والخـال=حاش المراجل شوق شقـراء جدايـل
الوافـي اللـي للصعيبـات حــلال=ذيـب ولـد ذيـب يحـوش النفاليـل
نعم الصديق اللي معـه يدلـه البـال=ونعم الخوي حلو النبـاء والخصايـل
وافي وفي يوفـي ويفعـل ليـا قـال=و أصله رفيع ومـن رجـال وحمايـل
ربعه لهـم تاريـخ حافـل بالأفعـال=أفعـال تشهـد بـه جميـع القبايـل
تاريخهـم زاهـر تدارسـه الأجيـال=و افعالهـم مـن نـوع مثلـه قلايـل
بيضان لا مـن الـردي شـح بالمـال=تلقـى عطاياهـم كـبـار وجـلايـل
بيضان يوم الناس في حـرب وقتـال=با السيف يا ما طوعـوا كـل عايـل
بيضان لهم الوقت شاهد و لـو طـال=من حرب مروين السيـوف الصقايـل
قوم لهم في صفحـة المجـد منـزال=ومعهم علـى فعـل المراجـل دلايـل
وعيالهم ساروا علـى درب الابطـال=و أحيـوا فعـول المقدميـن الأوايـل
ارداهم اللي يرخـص المـال والحـال=دون الخوي والضيف ما هوب سايـل
و ابيوتهـم دايـم للاجـواد مدهـال=وللضيف يا مـا قلطـوا كـل حايـل
وافين للوافـي علـى كـل الأحـوال=ونـدٍ وضــدٍ للقـلـوب الغـلايـل
للي شكى ضيم الدهـر فـي وظـلال=وللـي يـدور الشـر نـار وملايـل
والطيب باقي مـع هـل الطيـب لازال=وتبقى الفعـول لفاعـلٍ كـان زايـل
ومن خلقة الدنيا بها أجـواد وأنـذال=للخبـث نـاس وللمراجـل حمـايـل
وبالشكل ما تفرق أخر أنثـى ورجـال=لا كن تـرى فـرق الرجـال الفعايـل
والطيب .. ما يقوى على الطيب محتال=ولا تجتمع بالشخص طيـب ورذايـل
وكم واحد طيب عليـه الزمـن مـال=ضده وضد أكثر هـل الطيـب مايـل
ضدّه زمانه لين رصـه علـى الجـال=وخـلاه بالدنيـا يشـوف الهـوايـل
و كم خيبٍ يملـك عمـارات وأمـوال=لا شـك مـا يقـدر بعمـل الجمايـل
لو قلت كـم الوقـت ؟ يقـول بريـال=خبيـث سـاس ولا يعـرف الفشايـل
هذا زمان شفـت انـا فيـه الاهـوال=وقـت بـه اولاد الحمـايـل ذلايــل
احد تحمل مـن عنـى وقتـه اثقـال=واحـد عنـه وقتـه يشيـل الثقايـل
هذا الزمن يمضـي ولا للزمـن حـال=يـوم بـراد ويـوم حـر وقـوايـل
يا ما اشتكوا من جوره أجيال واجيـال=راحوا وجاء للجيل .. جيـل وبدايـل
والكل غيـر الله مـن الـدار رحـال=ركـاب حـنـا والليـالـي رحـايـل


هذا ما حصلت عليه بهذه العجاله واتمنى من الاخوه اللي يمرون هنا التدقيق والزياده لمن يملك....


قد تكون لي عوده يالغالي العبدالعزيز وماطلبت شي....


اخوك ريال الفسحه...
شليويح
30-01-2007, 21:45
الله يرحم الشاعر


والله كفيت ووفيت يا ريال الفسحة
ريال الفسحه
30-01-2007, 22:23
تراني انطنخت وودي اخدم <<نازلتن عليه الطيبه:)


استــــلم يالعبد العزيز...


لاتأخذ القلب..!!!!



لا تـاخــذ الـقـلــب رد الـقـلــب يــــا قـلـبــي=وشـلـون تـبـغـي يـعـيـش الـلــي مـعــك قـلـبـه
كـانـك نـويــت الـرحـيـل بقـلـبـي ارحـــل بـــي=خــذ صـاحـب القـلـب هــو والقـلـب وارحــل بـــه
لــو فــي جهـنـم نـويـت الـمـنـزل انـــزل بـــي=يـرتــاح قـلـبـي ولـــو بـالـنـار تـنــزل بــــه
خـــل الـوفــا مـــن طـبـاعـك لا تـمـنـذل بـــي=حـــدد حبـيـبـك وحـــدد مـــن تـمـنـذل بــــه
مـنــك الـجـفـا طـــال والـولــوال طـــول بـــي=وقـلـبـي عـذابــك تـوحــد بـــه وطـــول بـــه
الـيـا مـتــى وانـــت ضـــدي مـوقـفـك سـلـبـي=والـيــا مـتــى وانـــت عـقـلـي نـــاوي سـلـبـه
والـيـا مـتـى الـهـم يقـفـي بـــي ويـقـبـل بـــي=ودنـيــاي قـفــت وعـيــا الـحــظ يـقـبـل بـــه
والـيـا مـتــى وانـــت بالـمـوعـد تـمـاطـل بـــي=حـــرام مـنـهـو يـبــي قـربــك تـمـاطـل بـــه
يـــا ليـتـنـي مـلــك تملـكـنـي وتـبـخـل بــــي=يـالـلـي تـمــر وصـبــاح الـخـيـر تـبـخـل بـــه
اقتـلـنـي افــضــل ولا لـلـحــب تـقـتــل بــــي=مـا اعيـش انــا بــارض شـفـت الـحـب يقـتـل بــه
لا تـقـتـل الــحــب واقـتـلـنـي ومــثــل بــــي=وقـــدام كـــل الـبـشـر مـنـصـور مـثــل بـــه



أنــــــــت الجمـــــال...!!!




انـــــــت القـمـر0والـشـمـس0والارض0والـكـون=وانــــت الـسـمـاء00وانـت الـنـجــوم الـرفـيـعـه
وانـت0الـذهــب والــمــاس غــالــي ومـكـنــون=يـــــادرة(ن) خــســـران مـنــهــو يـبـيـعــه
{وانـــت الجمـال}الـلـي بـــه الـقـلــب مـفـتــون=وانــــــت الـحـلا00يـانـوركــل الـطـبـيــعــه
وانـــت الامـــل فـــي كـــل دنـيــاي يـانــون=بــعــدك شــقــى قـلـبـي00وقـربـك ربـيــعــه
عـنــدي فـــلا مـثـلـك مـــع الـنــاس مـزيــون=يـاكـوكـب(ن)غـطــى الــكــواكــب لـمــيــعــه
مـنـســاك لا مـنـســاك وابـلــيــس مـلــعــون=أرجـــع علـي00فـرقـاك انـــا مــــا استـطـيـعـه
ولاجـفــاك لـــو تـجـفـاء ولـوخـنــت مــاخــون=وأدور وصــلــك لـــــو تـــــدور الـقـطـيـعـه



تـــــصيح من وضعــــــكــ...!!!



وافــق مـعــي0 وارفـــق بشخـص(ن)لـكـم طـــاع=والــطــف بــــذات(ن) ينـتـظـرلـطـف ذاتـــــك
الـحــق غـريـق(ن)فـي بـحــر حـبـكــم ضــــاع=وأنــقــذ حــيــاة الــلــي تـعـمــه حـيـاتــك
تـصـيـح مـــن وضعـك00وانـاأعـيـش بــأوضــاع=اخـفــهــن لــوجـــاك ســبـــب وفـــاتـــك
عـطـنـي شـقــى عـمــرك وهـمــك والاوجــــاع=خــــذ الـســعــاده واعـطــنــي مـشـكـلاتــك
احــــرق بقـلـبـي00واتـرك الـقــلــب يـلــتــاع=لاتــتــرك الـهــوجــاس يــحـــرق شـفــاتــك
الله خـلـقـك0وبـك خــلــق ســـــر الابـــــداع=مــلاك مـاحــد(ن) بـــه صـفــه مـــن صـفـاتـك
يـاعــز واغـــلا خـلــق ربـــي عـلــى الـقــاع=وشـلـون انـــا اسـهــر مـنــك وانـــت بمـبـاتـك
انـاوفــي يــــوم الــوفــي يـالـوفــي ضــــاع=وأبـغــى وفـــاء 00واعـطـيـك كـــل أمـنـيـاتـك
امـــوت فـيــك ولـــك تـــراء الـقـلـب مـابــاع=وأبـعــث بــعــد مــوتــي مــعــي ذكـريـاتــك



حمــــــــــــام ياللـــــــــــــي...!!!





حــمــام يـالـلــي بــيــح الــســد نــوحـــه=علـمـتـنـي حـســبــي عـلــيــك الله الــنـــوح
أنـــوح مـــن قـلــب(ن) لـحـونـه 00جــروحــه=الـقـلــب جـرح0وجـســم راعــيــه مــجـــروح
سـهــران لـيــن الـشـمـس يـكـمــل وضــوحــه=مــانــام0لــيـــل0ولاقـــدرامـ ـشـــي ولا روح
مــجــروح روح(ن) والــعــز بــــان بــوحـــه=وأخــاف ســـدي مـــن الـعـنـا يـعـلـن الـبــوح
وكــل(ن) يـمـوت الـيــا طـلـعـت مـنــه روحـــه=بـــس الـبـلا00مـن مـــات جـسـمـه وبـــه روح
يـتـعــب ويـشـقــى00 مـاتــحــح طـمــوحــه=ولالـــه00 بـهــا الـدنـيـا ولـوعــاش مـصـلــوح



قصـــــــــــــتي قصــــــــــــــــــه




قـصــتــي قــصـــه بـدايـتـهــا الـــعـــذاب=واخـرتـهـا الــمــوت فــــي دنــيــا عــنــاي
الـشـقـاء لـــي بــيــت 00والـحـرمــان بــــاب=والـخـيــال أفــــراش 00واحــزانــي غــطـــاي
أصــبــح الــدخــان لـــــي 00زاد وشـــــراب=والسـهـربـالـلـيـل 0والـــونــــه جـــــــداي
حــاضـــري لاشـي00والـمــاضــي ســــــراب=وكــــل مــــن نــاديــت مـايـسـمـع نــــداي
فـــي شـبـابـي مـــن عـنــاي الـــراس شـــاب=والله اعـلــم كـيــف أنــــا عــشــت بـصـبــاي




إن ضحكنــــــــــــــــا اليــــــــــــــــوم....!!!




يـابــو قـاســي شــفــت مـاشـفـتـه وعــفــت=عـفــت مـــن مـاشـفـت انـــا حـتــى الـنـظــر
إن ضحـكـنـا يـــوم 00عـشــر أيــــام زفــــت=وإن رقــدنــا لــيــل مــــا نـمـنــا شــهـــر
يـابــو قـاســي مـــن زمـــان الـيــوم خـفــت=وصـــرت أخـــاف مـــن ابـتـسـامـات الـبـشــر
لاتـلـومــن 00لـوعــقــب قـــــوه ضـعــفــت=ولاتــلــوم الـقـلــب مــــا قـلـبــي صــخــر
يــابــو قــاســي فــــي بــــلاد الله طــفــت=وأغـتـربـت وشـبــت فــــي ســــن الـصـغــر
راس مــالــي مــــن وراء الـغـربــه عــرفـــت=انــــي الـمـخـلـوق لــجــل اشــبــع قــهــر


كـــــــــــتتيف ابنســــــى....!!!




قــالــو انـسـه00قـلـت ثــامـــن مـسـتـحـيـل=يـصــبــح الـنـسـيــان لـلـعـاشــق عـــــزاء
قــالــو تـلـقــاء غــيــر مـحـبـوبـك بــديــل=قـلــت حـبــه فـــي لـجــاء جـوفــي لــــزاء
حـالـف(ن)مـانـســاه الايــــــوم الــرحــيـــل=ولا تـنـاسـا الـزيــن لــــو عــشــت بــــوزاء
كـيـف ابـنـسـى مـــن مـعــي ســـواء جـمـيـل=والـردا00لـلـطـيــب مـايـصــبــح جـــــــزاء
بـالـولـيـف الـحـلــم يــاتــي كــــل لــيـــل=وكـــل مـارقــد فـــي مـنـامـي لـــي غــــزاء




أعطنــــــــــــــــــــي يمناكـــ...!!!




اعـطـنــي يـمــنــاك عـاهــدنــي واعــاهـــد=مـانـخــون الـعـهــد00 لــوكــل(ن) يــخـــون
أعـطـنــي يـمــنــاك والله خــيـــر شــاهـــد=عــالــم الــلــي كــــان والــلــي مـايـكــون
فـــي سـبـيـل الـحــب جـاهــد وانـــت جـاهــد=ونــاخـــذ بــثـــار الـمــواجــع والـطــعــون
وان ضـهـدنـا مـــن عــنــا الايــــام ضــاهــد=كــــل واحــــد عــنــد الاخــــر مـايـهــون




أنـــــــــــــا من يعانــــــــــــــــي...!!!!




انــا مــن شـقـاء وأهتـز0انـا مــن طــواه الـيـاس=انــا مــن سهـر00واصـل السـهـر ساكـنـن عـيـنـه
انــا مــن يعـانـي شى00مـامـنـه عـانــو الـنــاس=انــا مــن خـسـر دنـيـاه 0وايضـا(ن)خـسـر ديـنــه
انــا مــن عـذاب(ن)لـي جـرى00بـان شـيـب الــراس=انــا مــن تـقـرض للقـهـر00انـا مـــن موالـيـنـه
انــا مــن وطــاه الـحــظ الاقـشــر وفـوقــه داس=انـامــن طـعـنـه الــوقــت الاغــبــر بسـكـيـنـه
انــا مــن ســرى ليـلـه مــع الـهـم والـهـوجـاس=وانــا مـــن جـفــاه الـوقــت وايـامــه الشـيـنـه
انـا اضحـك واجامـل نـاس 00مـن شـان خـاطـر نــاس=وانــا احـــس فـــي قـلـبـي 0تـفـجـر براكـيـنـه
شكيـت وبكيـت وصـرت00 انـا امشـي بــدون احـسـاس=ولا قــــول غــيـــر الله يــعـــدل مـوازيــنــه
انــا اخــاف مــن ريـشـه تـلامـس وتــر حـسـاس=ومـــن ثـــم يـبـحـث كـــل خـافــي بتلحـيـنـه



أحــــــــــــــلام ليــــــــــــــــــل...!!!



صــدفــه بــــلا مـيـعــاد جـيـتــه وجـتـنــي=وصـدفــه بــــلا مــوعــد مـعـاهــا تـلاقـيــت
مــديـــت يـــــدي يـمــهــا وصـافـحـتـنـي=ولـيـتـي سـلـمــت ولالــهــا الــيــد مــديــت
حـسـيـت انـــا فـــي شـــي يـــوم امسكـتـنـي=شـي(ن)كـمــا الـكـهــرب نـتـلـنــي وفــزيـــت
فـــزيــــت لــيــانـــا نـايـم(ن)مـاوتـتـنــي=فـــي غـرفـتــي لاجــــت بـيـمــي ولاجــيــت
ولـعــت انــــا الـلـمـبـة وقــلــت اتـركـتـنـي=وقـفــت انــــا حــايــر وبـالـصــوت نــاديــت
اخــــــذت ســـاعـــه واقـف(ن)واشـغـلـتـنـي=وشـكـكـت انـــا بــاالــي جــرالــي وشـكـيــت
احــــلام لــيــل عــــن الـمـنــام حـرمـتـنـي=لـيـتــه حـقـيـقـة مــــع حـبـيـبـي تـلاقـيــت


قلــــــــــت اتـصــــــــل....!!!!





قـلــت اتــصــل قــــال اتـصـالــي قـضـيــت=تـثـيــر شــــك الــنــاس والــــي مـعـاديــن
بــــس ابـتـعــد لاتـشـمــت الــنــاس فــيــه=خــلـــك بـعــيــد ومـاحـصـلــي يـكـفــيــن
قـلــت آه لــــو دونــــك حــيــاض الـمـنــه=لاآجــيـــك والـــــي قـــــدرالله يــآتــيــن
مـــادام تـشــوف الـعـيــن والــــروح حــيــه=عــــن شـوفـتــك مايـمـنـعـونـي حـســوديــن
قـــال الفضـيـحـه كــيــف تــرضــاء عـلـيــه=وتـحـكـي بــنــا الالــســن وحــنــا بـريـيــن
قـلــت الــــردا طــبــع الـنـفــوس الــرديــه=وحـــنـــا بـعـيــد(ن)عــن دروب الــرديــيــن
الـقــصــد اشــوفـــك والـنــوايــا بــريـــه=وحـــب الـشــرف قـبـلـي مـشـوبــه شـريـفـيـن




مـالــوم صـــدري لوتـضـايـق وانــــا ضــقــت=دام الفضاء رغم اتساعه على ضاق
ياناصر من رحت أتصل ماتوفقت=حظ التعاسه ماسعى لي باالارفاق
سئـلـت باالـهـاتـف عـــن الـــي لـــه اشـتـقـت=من زود ماباالقلب من ود واشواق
قالوا حبيبك من وفاته مضى وقت=عنا وعنك بدل القرب بفراق
كــذبـــت مـاقــالــوا ورديـــــت صــدقـــت=وعـنـد الكبيـنـة طـحـت انـــا وســـط الاســـواق
بغيـبـوبـتـي مـضــيــت يـومــيــن مـافــقــت=والـــي فـقــد نـصـفـه مـعــذب ولـــو فـــاق
لـلـمـوت مــــن شــــي جــرالــي تـشـفـقـت=عـفــت الـحـيـاة وصــــرت لـلـقـبـر مـشـتــاق


وفيه قصيدته المشهوره بالطنايا وابجيبه انشاءء الله...


وبوه قصيده او ثنتين مااوردتهن لبعض االاسباب....


آمل من المشرف على هالمضيف التدقيق لانـــي اجيبهن وأنا دايخ وأخاف وانا
انقلهن زل حرف والا بيت والا قصيده :)


كلمه بحق الشاعر رحمه الله...!!!


توفي وهو شاب ووالله لو كان له من الشعر فقط مايحتويه هالمتصفح لكفته
فكيف لو ان الله امد بعمره....


لي عوده...


ادعول له بالرحمه الواسعه والجنه دار...آمين
ريال الفسحه
30-01-2007, 22:56
والكـــل يعلم انه لم يكن له سوى عشيق واحده وهـــي نوف ويتغزل به يقول....!!!



ياللي جرحت القلب بإيدك و أنا أشـوف=حـرام قلبـك ليـه مـابـه مـرافـه

أرحم جريـح طـاح و بحالتـه روف=اللـي حياتـه لأجـل فرقـاك عـافـه

تركتني في ظلمـه الخـوف مكسـوف=و ألبستنـي ثـوب الشقـا و الكسافـه

يا بو جديـل فـوق الأمتـان منسـوف=تلحـق علـى رووس الأرداف ظفافـه

أدعج غنج بالملح و بالزين موصـوف=مـن ينهبـه يملـك عـذر لاختطافـه

في حب ذاك الزين مغـرم و مشغـوف=اللـي جمـع بيـن الجمـال و عفافـه

وا وجد حالي وجد من جيـب مكتـوف=حطـوه فـي سجنـه و شـدوا أكتافـه

مطلوب دم و لحظـه الجـرم مشيـوف=و أخو القتيل اللـي لـه الثـار شافـه

عليك ياللـي لأجلـك الدمـع مـذروف=دمعـي علـى فرقـاك زاد انـذرافـه

بالقلب من فرقـاك هاجـس و لافـوف=يـزود مـع زايـد جـفـاك التفـافـه

دقاته صارن لهـن رجـف و رجـوف=زود الجفـا و الصـد زاد ارتجـافـه

أرجيك رجوى اللي مع الموج مجروف=و المـوج حطـم مركبـه بانجـرافـه

في ليل مظلم و أعتـل فوقـه الطـوف=و أطلق عنان الصـوت بآخـر مطافـه

سوي و لـو مـرة بدنيـاك معـروف=تماكـنـي قـلـب ببـدايـه تـلافـه

روفي بحال اللـي طعنتيـه بالجـوف=اللي علـى شانـك حـلا النـوم عافـه

أعفي عن اللي بيـن أياديـك موقـوف=فكـي قيـاده و أسمحـي بانصـرافـه

و ردي علي و بـددي ظلمـه الخـوف=لا تتركينـي فـي هـوان و مخـافـه

و إن ما رجعتي لي فأنا أموت يا نـوف=و لا علـى دنيـاي بعـدك حسـافـه


راجع لك:) <<<ماودك يفزع لمسلم:)
ريال الفسحه
30-01-2007, 23:02
وله هذه القصيــــــــــــــــدهــ...!!!!!




أمس الضحى فى رأس ظايف تعليت=مابيه حدن يم عاليه حادى
دعانى الهاجس برأسه ولبيــــــــت=حييت ياللى بالرقيبه تنــادى
وخذيت فى رأسه دقايق ولا ابطيت=وشيطان شعرى بالضماير يدادى
قمت أتذكر مامضى واستخفيــــت=واشتبت النيران داخل فؤادى
ون الجبل من ونتى يوم ونيــــــــت=حركت جو بالجبـــل كان هــادى
من حر مابى نحفت الحـــال واذويت=شربى مرار وأشقر اللون زادى
صرت انثر العبرة وبينت ماأخفيـــت=اتلى هوى نفسـى على غير قادى
أبكى على ربع بنوا وأسسو بيت=ماله شبيه الجزيره مشـــــــــادى
البيت ورث للذى يارث الميــــت=وشلون يارث مال ميت معــــــــــادى
صارت وعن شرح الخطاء ماتقديت=فى صفحة التاريخ شى وكادى
ولا نى بحال الناس لو قالوا أخطيت=ولا همنى لو قالوا الناس غادى



راجع:)
ريال الفسحه
30-01-2007, 23:08
ولـــــــــــــــه أيضـــا....!!!



الرأس شاب وشيب الرأس من شى=شى خفا غيرى وأنا ماخفانى
حسبى على حظ دفنى وأنا حى=فى عالم النسيان حظى نسانى
حظ الردى اللى جابنى من جبل طى=ومابين جدران الكتيبه رمانى
متعلق لانا بشمس ولا فى=عند اللحوج وجور وقت جفانى
حظى رمان بظلمة مابها ضى=وعشت بشقاء مع ما بقاء من زمانى



وله ايضا...!!!




يانجم ياللى غبت من غبت مابنت=وشحال بين ايام مجدك وبينك
الشمس تطلع وأسال الصبح وين انت=وتغيب شمس وأسال الليل وينك
وين انت انا منهان منهان لاهنت=منهان من شخص عجز لايهينك
ارجع متى ترجع انا انهنت واسجنت=واللى سجنى كان قبلى سجينك
ارجع ورجع مجد ماضى كما كنت=ورجع من المديون لاهنت دينك
ياقاسى فى وجه الاضداد مالنت=ومن صاحبك ينعم بعطفك ولينك
حتى على خصمك من أحسانك أحسنت=وياما عطت من كل غالى يمينك
بالسيف فى شبه الجزيره تسلطنت=اخضعت اهلها وملكنه يدينك
مثلك ولد والله فلا جابته بنت=لاشك عين يمهلنك سنينك
أقولها وينك وانا ادل وين انت=لاشك من زود القهر قلت وينك
وياقصر ياللى بدلوا طينك سمنت=احذر تخون وتنكر اصحاب طينك
الله يخونك كان لأهل الوفى خنت=وأوفيت للى بالخفى خاينينك
ياقصر لاتسكن وان انضمت واسكنت=اخفس قهر واخفس معك ساكنينك
ياقصر مهما زينوا فيك مازنت=زينك رحل وان عادلك عاد زينك
ابن جشعم
30-01-2007, 23:19
ياسلااااااااام عليك ياريال الفسحة:thumb:

وضعت لنا ديوان الشاعر رحمة الله في مشاركة وحده


لاتعبت يالطربه
ريال الفسحه
30-01-2007, 23:19
وقال في الغزل ولكن بلهجة الغضب





مـحـتـار فـيــك الـيــوم واحـتــرت مـبـطــي=وش قصتك بالضبط حيرتنـي فيـك
تـخـطـي تجـيـنـي تـعـتـذر ثــــم تـخـطــي= وتزعل وترضى قبل اجيلك وراضيك
أطـلـبـك مـــا تـعـطـي وتبـغـانـي أعــطــي=وياما عطيتك بس ما عدي أعطيـك
وأحـكـي مـعــك بـإسـلـوب لـلـصـوت أوطـــي=وإنت بكلامك تزعج اللـي حواليـك
لا شـــك رايـــح نـكـشـف الـلــي تـغـطــي=وافهم حقيقة حاضرك قبل ماضيـك
بـقلـبـي سـطـيـت ورايـــح بقـلـبـك اسـطــي=واخذ بثار جـروح قلبـي وخليـك



وقال....




أكتبي ماأبيك بالخط العريـض=وأضربي في حبنا حايط جفـاك

وأتركي دمعي على خدي يفيض=يمكن أنه لا أنتثر يروي ضماك

في فراش الموت خليني مريض=أنتظر..موتي ولا أعيش برجاك

أشهد إنيّ يوم فارقك حضي=ضلو نهاية رحلتي صارت هـلاك



راجع ...بعد قلائل...
ريال الفسحه
30-01-2007, 23:34
ويقال ان من اخر قصائدهــ...!!!!



يالله ياللي لك على الخلْق سلطـان=ياواحـدٍ كـل الخلايـق تهيـبـه

يا رافعٍ سبع على غيـر عمـدان=ياعالـم الدنيـا بيانـه وغيـبـه

يابانيِن دينك على خمسة اركـان=وأرسل رسولـه للبشـر تهتديبـه

ويا واحدٍ فوق المخاليق لك شـان=يا مْرَجعٍ يوسف عقب طول غيبه

أرجيك حيث اللي ترجاك ربحـان=واللي رجا غيرك تردّى نصيبـه

أسألك عفوك وامتانك و الإحسان=وأسألك أنا عَطفٍ ولطفٍ وهَيبـه

ربي وأنا عبدك وعندي بك إيمان=ما خش قلبي فيك شكٍ و رَيبه

ربي وأنا عبدك ترجّـاك شفقـان=أنت الذي مـن يطلبـك تستجيبـه

يا جاعلٍ للخيـر والشـر ميـزان=يا غافـر الـزلاّت سَتّـار عَيبـه

أدعيك وأنت مصوّر الأنس والجان=والنمل فوق القاع تسمـع دبيبـه

أسألك في دنياي سترٍ على أيمـان=وأسألك أنا التسبيح عند المصيبـه

وألوذ بك يارب عن كل شيطـان=وأعوذ بك عن الضَّيم هو الغليبـه

واليا خذيت الرّوح تاخذ بالإحسان=وتوسن يا صرت تحت النصيـب

وأسألك أنا يارب رحمه وغفـران=في يوم ما ينفـع قريـبٍ قريبـه

في يوم ما ينفع قرايب ولا إخوان=يومٍ صغير السـن يغشـاه شيبـه

يومٍ عظيم فيه رابـح وخسـران=أحدٍ سعيد الحـظ واحـدٍ بخيبـه

الناس حفيانـة شبـابٍ و شيبـان=كلٍ بنفسـه مـا يهمـه صحيبـه

من عظمة الأحداث زاغن الأذهان=كلٍ يشوف بعينه أشيـاءٍ غريبـه

يارب ياللى خالقٍ كـل مـا كـان=تعطي ليا من العرب شـح جيبـه

أسألك أنا الجنة وطالبك رضـوان=وتفكني من نـار يشعـق لهيبـه

وتجعل لنا مع صفوة الخلق مسكان=يـا شافـيٍ جـرحٍ تعذرطبيبـه

وصلاة ربي عد ما كاينٍ كان=على رسـولٍ سنتـه نقتـد يبـه
شليويح
31-01-2007, 00:23
والله صدق...

ومشكور يا ريال:)
راعي الوقيد
31-01-2007, 06:58
بعدحيييييييييييي والله

خوش سؤال وخووووووووش جواب

يسسسسلمو:)
العبد العزيز
31-01-2007, 08:46
اخوي ريال الفسحه ( بعد جدي ) تسلم على المشاركه ولب النداء

وتسلم على الانطناخ والله انك جييت من اقصاك وتعجبن بالفزعه حبيب ريال وكل من شاركو معنا

عساف التومي
شليويح
ابن جشعم
راعي الوقيد

شكرا على مروركم

ريال كل مافي مخابيييك من قصايد طلعهن خلنا نستمتع فى شاعرنا الكبير رحمة الله عليه .

عندي سعال - متي توفي وشلون توفي _ واجسر عليك كل تعرفووه هاتوه .

ترا منصور الرمالي عشق ولوه مكانه اعتز بحملها فى حنايا الصدر .

كل الشكر
العبد العزيز
31-01-2007, 10:32
اخوي ريال بعد جدي انت يعني بعد حيي

قصيدة يانجم متي قالها شاعرنا وهو يقصد منو ويين كان يوم قالها ودي اعرف ادري ثقلتها بس ابن عم واسمحلي .

كل الشكر
راعي الوقيد
31-01-2007, 15:45
لاتعبت ياريال:)

بعد اذنك ابي اعدزبك:)

****

اول قصيدة :-


اول قصيدة قلتها فيك قرّب = وآخر قصيدة قلتها منك هارب
ما اقوى على التدريب وانت المدرب = ولا يحتمل موج البحر كل قارب
لاجيت اصلّح جيت بعدي تخّرب = وبعد اتفاق الصلح ترجع تحارب
وان رحت يمك شرق ترجع مغرّب = وشوهتني بين الأهل والأقارب
والناس كله تستشير المجرّب = وعنك نصحوني سابقين التجارب

****

صرختي :-


انولدت ابكي وانا مادري واصيح = صرختي مادري ليوم ادري ندى
صرختي كانت وانا مادري صحيح = ترفض اول يوم في عمري بدى
صرختي قبل انجرح صرخة جريح = انجرحت وصرت للصرخة صدى
يحسدوني يحسبوني مستريح = ما دروا بي من ردى رحت لردى
إن جلست إحترت وان وقّفت اطيح = والأمل دونه مسافات ومدى
عشت عمري في وطن يأسي طريح = وآه غير الآه ما عندي جدى

****

كنت انتظر :-


كنت انتظر من وقت الاقيك يازين = وصدفة تحقق حلمنا واجتمعنا
وصار اللقاء الساعة من الليل ثنتين = بعد التفاهم للحواجز قطعنا
وتم اجتماع الود بين المودين = ماحد سوى الله غيرنا كان معنا
وحل ... وصار من بين الأثنين = اخذ وعطا من نفس فيه اقتنعنا
لين اذن التالي ونادى المصلين = قمنا عقب وقت ٍ قصيرٍ جمعنا
وياناس ساس الحب وصل المحبين = حتى يصير لكلمة الحب معنا

****

يانفس صبرك :-


ياقلب مادام الزمان متحديك = اصبر على ميلات وقتك وجوره
ويانفس صبرك والفرج عند واليك = كوني على ما قدّر الله صبوره
هذي هي الأيام لابد تسقيك = عقب الحلا كاس الكدر والمروره
وهذي هي الأقدار لابد ترميك = من برّه الآمن لمظلم بحوره
لا تجزعي دام الممات متقفيك = وكوني على صعب المواقف جسوره
ولا تيأسي من رحمة الله يخليك = الله هو القادر على حل اموره

****

اموت واحيا :-


اموت واحيا فارس للأحلام = وارتاح واشقى وانت غاية مرادي
واسهر على شانك بليلي ولا انام = وسهر الليالي عقبكم صار عادي
عذبتني واشقيتني عام واعوام = ماتدري إن الصد جرّح فؤادي
وادخلت في قلبي وساويس واوهام = وخليتني عقبك طريح الوسادي
عدي سجين ينتظر حكم الإعدام = حطوا برجلينه ثقيل القيادي
ولا انساك مع مر الليالي والأيام = ودونك فلا يهنا منامي وزادي
انسى هلي وانسى الجماعة ولا الام = ولا انساك لو تنسى الصلاة العبادي

****

هي وحدها :-


لا تسألوني عن عناي إسألوها = ولا تسألوني ياهلي ليه مكسوف
هي وحدها تعرف بلاي انشدوها = وهي وحدها اللي عندها السر مكشوف
وليا عرفتوا علتي عالجوها = وعلاج خافي علتي ياهلي نوف
ولكان ماتقوون بس اخبروها = في حالتي قولوا تجي يمي تشوف

****

قالت ابعد :-


في محيط الحب في بحر الغرام = كادت الأمواج تغرق مركبي
وفي سواد الليل في عتمة ظلام = حقق الله بعد يأسي مطلبي
جيتها في بيتها قلت السلام = قالت الله لا يجيبك وش تبي
قلت ابي عطفٍ ولطفٍ واحترام = وفي شعور اهل الهوى لا تلعبي
وابغى اضمك لي وترخين اللثام = حيث بين شفاك يوجد مشربي
وابغى إرصك والعالم نيام = لين انا اتعب منك وانتي تتعبي
قالت ابعد مطلبك هذا حرام = قلت لكن صار في وقت النبي
الحرام الصد يابدر التمام = والحرام البعد لكن قرّبي

****

جليس الشمس :-


ارحم جليس الشمس ياجالس الفي = يرجي لقاك ولا حصل منك لقياء
إن صرت ما اسوى في حياتك ولا شي = انت الحياة وغيرها شي واشياء
يا اقفيت ياقف نبض قلبي وانا حي = ومع رجعتك ترجع حياته ويحياء
ارفق بحال اللي كواه الجفاء كي = واسق العروق اللي لها وقت ضمياء
العين دمعة دم ما عاد به مي = وإن طال هجرك صارت العين عمياء
واعرف ترى مبداي في دنيتي ذي = الفاء والأول واو والثالث الياء

وسامحونا على القصور ،،،

لكم التحية ،،،

والسلام ...
راعي الوقيد
31-01-2007, 15:50
مثلك ولـد والله فـلا جابتـه بنـت ** لاشـك عيـن يمهلـنـك سنيـنـك

دايم يقولون المعنى ببطن الشاعر:)

ولكن يظهر للجميع من هو المقصود بهذهـ القصيدة !!؟

الله العالم انه يقصد :-

الأمير الفارس / عبدالعزيز المتعب آل رشيد الملقب بالجنازة !!

لكم التحية

والسلام ...
ريال الفسحه
31-01-2007, 16:43
من جديد ....


حلفــــت انا مااشكـــــــــي...!!!





حلفت أنا ماأشكي على الناس همي=الا على رب البشر...جالي الهـم
عناي أنا ماأشكيه حتى على أمـي=لو كان مابه حي أرحـم مـن الأم
وعندي خبر..صفو الزمن..ايتمي=لو يستمر سنيـن وشهور...ماتـم
دنيـا تفرق.ياسعـد.. ماتلـمـي=شره يعم..وخيرها...خص..ماعم
ياأخوك أنا.منها ارتفع ضغظ دمي=حتى نحلت وصرت عظم بـلادم



شفت الجمــــــــــال..!!




قابـلـتـهـا فــــي مـلـتـقـى بــيــن بـابــيــن=بـــاب(ن)عـــذاب لــــــه 0وبــاب(ن)عــذابــي
سـلـمـت وابـديــت الـتـحـيـت عــلــى الــزيــن=وتـبـسـمــت لـــــي بـالـثـمــان الــعــذابــي
شـفـت الجـمـال وشـفــت انـــا الـكـحـل بالـعـيـن=وشـفـت النـهـود وشـفــت انـــا الـــردف نـابــي
قـربــت مـنـهــا قــلــت يـابـنــت 00تـكـفـيـن=حـبــه عـلــى الـطـايـر تـــرى الـقـلـب ذابـــي
وطــالــع وانـاطـالـعـت بـالـعـيــن شـخـصـيــن=وصـــاح الـولـيـف وقــــال لــــي يـاخـرابــي
مــــاادري مــــن الـجــيــران والاحـســوديــن=يـاعـلـهــم لـلــنــار يــــــوم الـحـســابــي
مـشـيـت انــــا والـقـلــب يـطـعــن بـسـكـيـن=حــتـــى شـعــرراســي تــوقـــف وشــابـــي
والله مـانــســا مــاحـــدث يـــــوم الاثـنــيــن=يــامــا عــلــى راســــي يــهــال الـتـرابــي
ريال الفسحه
31-01-2007, 16:57
سيناريو حبي معك فلم كرتون=تجي النهايه ماعرفنـا البدايـه
قصه غرام بين فاتن ومفتـون=صارت ودارت بينهم دون غايه
قصه غريبه بين عاقل ومجنون=وصاروا مجانين سوى بالنهايه
تفرقوا صدفه ومكانو يـدرون=وتقابلو صدفه بـدار الرعايـه
قصة غرامً كلها الام واحـزون=احسن لها ننشر ونعمل دعايـه





ثلاثــــة أبيات عن ثلاثين قصيدهـ..!!!


لو جو صدري صار للمملكـه جـو=ماتوا ضمـا سكانهـا فـي ثوانـي
ولو كان صدري للبشر مصدر الضو=باشعاعه احـرق ساكنيـن المبانـي
ياناس مهما الناس صاحـوا وعانـو=مافيه ابـد مخلـوق مثلـي يعانـي



أبــــــــــوكــ ظالـــــــم....!!!!


أنا على لقياك يازين شفقان=حسبي على اللي عن مجيك منعني
ألشايب اللي دونكم تقل شيطان =ومنين ماحاولت اجيلك تبعني
أبوك ظالم ظلم ماعنده أيمان =أحذر تطيعه ياهوى البال طعني
خلك معي دام أمرنا سر مابان =وأجلس معي دام القدر بك جمعني
كلش يهون وعندي الحب ماهان =ولا هنت هذا الحب عندك وضعني
ريال الفسحه
31-01-2007, 17:12
من قصائـــــــــــدهــ...!!!


السعـاده حلـم تفسيـره نفـي=والحقيقه ياس والواقـع أسـى
والامل مقتـول والقاتـل خفـي=مات ما عقب سوى عل وعسـى
في زماني خانني حتـى الوفـي=كود هـم للصداقـه مـا نسـى
صار لي سلطان يسجن ويعفـي=وان بغى يقلب علي صبحي مسى
ماهو ذنب العين وشلون تغفـي=ياهلي ذنب الزمان اللـي قسـى


...... ألأجـــــــــــودي...!!!!!!






الاجــودي تلقــاه عاجــز ومعسـور=والنــذل من بخلـــه جـيـوبه مـلايـاء
ولأجــودي مـا يـاخـذ مـنـه الـشـــور=والـنـذل لـه كـلـمـه وشــورِ ورايــاء
ولأجــودي تـلــقـاه مــنـفـي ومـبـثـور=والـنـذل هـمـه صـورتــه بـالـمــرايـاء
دار الـزمــان وصـار لـقـلـبـي دور=وأهــل الـوفـاء راحـــوا لــغـدره ضـحـيـأء
الـحـصـنـي يـسـكـن فـي عـمـارات وقـصـور=والــذيــب يـسـكـن مـظـلـمـات الـــزوايــاء
ويـابـيـض شـومـن عـن أهـل الـزيـف والــجــور=حــذراكـن الـنـــمـام شـيـن الــسـجـايـاء
وحـذر اكـن اللـي بالـرداء صــار مـخـبــور=شـومـن عــنـه يــالابــسـات الــعـبـايــاء
وخــوذن كـريـم الـنـفـس لــو كـان مـعـسـور=الـلـي دلالــه عـنـد نـــاره مـــلايـــاء
ويــاعـل بـيـت الاجــواد دوم مــعــمــور=بــحـــسـنـاك يـارفــاع ســــبع عـلايـاء
والــنذل يـاعـلـه لـتـسـعـيـن ثـابـور=وعـسـى عـلـى قـبـره تـحـط الـرزايـاء
لـيـاصـار فـي دنـيـاه مـاهـوب مـذكـور=خـسـارةِ لـيـا مـات تـذبـح لـه ضـحـايـاء
والـلـي يـقـول الـناس جـنـسـيـن مـغـرور=مـغـرور لاجـلـه مـايـعـرف الــخـفــايــاء
جـنـسِ طـلـع لاهــم حـريـمِ ولاذكــــــور=جــيـلِ جـديـدٍ لـه وصـف وحـــلايـــاء
وابـي انصـــح الـلي يـاخـذ الـنـصـح والــشـور=نـصـيـحـةٍ مـن مـخـلصٍ بــالـنـــوايــاء
عـن قـصـره الـلي بـاذيـه الــجـار مــشــهـور=بــعــده ولآ قـــرب ,,,يــسـبـب قــضـايـاء
قــاصـر شـجـاع بـالـمهـمـات مــسـطـــــور=عــزيـــز جــاه ,,,ولايـمـن الـــعـطـايـاء
والـنذل لاتـنـزلـه بــقــربـك ولادور=وأســـال وتـلـقـاء الـلـي بـقـصـره (طـنـايـاء )
الـلـي يـجـيـب حـكـي نـســوان وبــزور=لاتــا مــنـه الأان ومــــنــت الـحـيـايـاء
يـجـيـك مـشـتـبٍ مــولــع ومــزجـــور=وتــصــيـر تـالـي قـصـرتـك لـه شـكـايــاء
راعي الوقيد
01-02-2007, 08:07
الديوان الصوتي للشاعر منصور بن سعدي الشمري (http://www.shmmr.net/vb/showthread.php?t=35974)
ريال الفسحه
01-02-2007, 10:54
بسم الله الرحمن الرحيم...



أولا يسرنـــي ان اشكر راعي الوقيد على الاضافه الصوتيه وعلى تثبيته الموضوع ..

\\
//



سأورد لكم قصيدته بالطنايا هذه المعلقه هذه الملحمه الرائعه
فرحم الله منصور رحمة واسعه واسكنه فسيح جناته...


قال هذه القصيده قصيده ردا على قصيده هايف المطيري


..قصيدة هايف بن نعيم المطيري يقول فيها

على الويلان ساعدنا الطنايا ...وردينا لعظمتهم يقينا
وابن رشيد أخذنا جواده ...وخذت في ملك فتنان سنتينا
الي ان قال
حربنا كلكم شر القبايل ...وعبرنا نجد منكم ما انثنينا
واكلنا راس عباس الظفيري ...وياما روس من مثله كلينا

وهذه القصيده سبب رد الشاعر منصور عليه






بديت بذكر من فيه استعينا=اله الكون فى ذكره بدينا

عظيم الشان رب الخلق الاوحد=تعالى الله خير الخالقينا

اله حرم الظلم وتوعد=توعد بالعذاب الظالمينا

ومن بعد ذكره بدينا بالمثايل=تركت النقص واخترت السمينا

ارد الرد لبن نعيم هايف=احذر من سب الغافلينا

أحذر مثل هايف كل هافي=يتجنب لابشره يبتلينا

يتجنب كان هو يبغا حياته=وياويله كان هو طاح بيدينا

يعيف الاوله هى والتوالى=ويعرف افعالنا ليا من بلينا

ويعرف ان الفعول فعول شمر=وشمر بالفعول المثبتينا

وانا ماذم حمران النواظر=ولانا من يسب الغافلينا

اخاف الله انا و ادارا عذابه=وعسى ربى من الظلم يحمينا

ولكن ابتلانى هايف اللى=ذكر لى غلبنا غلبن علينا

بدا فى ذمنا والبادى اظلم=فتل حبله وبالنقض ابتدينا

تمادا بالغرور وبالمذمه=ظلم نفسه جعل حضه دفينا

غزانا الهيس بلسانه اخذنا=ذبحنا بالكلام ولا درينا

ردى النفس مدرى ويش اصابه=ولادرى وشبلا الخايب علينا

ولادرى وين ربعه من كلامه=علامه مالقاله ناصحينا

قليل العرف مثل الورع ينصح=ولكن مانصحوه العارفينا

ولا درى ويش بلا الجاهل تجاهل=فعايل من لهم فعل يقينا

جعل فعل القبايل غير شمر=وتقول مطير نجم معتلينا

ولكن ماأحد حسب احسابه=ولا لحساب من مثله خذينا

احده وان بنا بيت نهده=واذا عاند على خشمه وطينا

اهينه لين ينسى بأمس وينه=ولايعرف اليسار من اليمينا

وينسى كيف ينظمن القوافى=ويتبدل زجرت الماضى ونينا

الا يالذيخ وش خلاك تكذب=وتحط نفسك بمقام الكاذبينا

تقول فى بكير ذبحت الطنايا=متى ذا صار ياابليس اللعينا

على كيفك تذبحنا بزيفك=بزيف وكذب وأوهام تغزينا

ترى فى كير ماذبحت شمر=خذيتوا مثل ماحنا خذينا

ولكن اذكرك باام الجماجم=بها زدنا عليكم واعتلينا

هزمناكم بها اكبر هزيمه=وترى ماسلموا الا الهاربينا

بها صلنا وجلنا لين نلنا=ورجعتوا خاسرين ونادمينا

تندمتوا على حرب الطنايا=ورجعنا للغنايم كاسبينا

طنايا نروى الظامى من الدم=على راس المعادى له حنينا

واذا يالهيس تجهل فعل شمر=سل التاريخ يعطيك اليقينا

واذا انك ناسيله ماتذكر=ترى التاريخ يذكر مانسينا

سل الاجواد عن تاريخ شمر=كبار السن والى فاهمينا

يعدون الصحيح ويقنعونك=والى يخفاك منهم لك يبينا

هل الذمه هل التاريخ سلهم=ولو هم من عربك الا قربينا

تركد وانشد العقيل عنا=قبل تظلم وبالقيل تهجينا

تقول مطير صاروا عون شمر=على الويلان معنا قايمينا

متى شمر طلبوا العون منكم=كذيت ولالكم فظل علينا

ولكن قول مع ابن سعود قمتوا=ومع مبارك وقفتوا ولتقينا

وعليكم بالصريف الرعب خيم=ورجعتوا مع مبارك خاسرينا

اعنتوهم علينا وان هزمتوا=عوين خيب ظن المستعينا

فلا نلتوا مديح وملا سلمتوا=مثل من عاد يم القريتينا

وتقول الظيغمى شلتوا جواده=وخت في ملك فتنان سنتينا

اقول انت تهبا كاذب وكاذب=فلا شالوا عموم مطير شينا

كذوب وبالخطا عمدٍ تعمد=لعنك الله لعنه كل حينا

تقول انه قليل اللى غلبكم=وتقول بكل وقعه فايزينا

ونسيت الغزوه الى كد غزاها=حدا اللى بالحجاز مسيطرينا

ابن عون الشريف اسمه محمد=غزاكم وين فعلك مايبينا

وذكركم عن ملاقاه انتحيتوا=ولاتخفا عليك ولا علينا

وشواهدها قصيده من غزاكم=ونفس النص موجود لدينا

وغزانا والتقينا به بموقق=وحنا الى ثبتنا ماانتحينا

تقابلنا وصار الصبح ظلما=يشيب من الفزع راس الجنينا

صمدوا فريسنا تسعين ليله=سناعيس لضده ماتلينا

وجت زوبع وطير العز غنى=اناشيد النصر للصامدينا

بذاك اليوم سمينا الطنايا=طنايا مانهاب ليا طنينا

طنايا مارضينا بالمهونه=ولانرضى المهونه ماحيينا

طنايا الذل ماننزل جواره=وعلى انفسنا المذله مارضينا

طنايا وان نطحنا كل غازى=تيراعد خوف من يقبل علينا

طنايا من حربنا له ضربنا=نصب الويل فوق اللى يجينا

طنايا نارد حياض المنايا=اسود بالحروب مجر بينا

طنايا عندنا تحل القضايا=احرار بالعلا لى معتلينا

طنايا نكرم العانى ونعطى=وعطايانا الجزايل ليا عطينا

طنايا وان نصانا كل ضايم=يشوف العز من ساعه يجينا

فكم من واحداً ضاق وزبنا=زبنا مستظيم وله حمينا

حمينا من لجا يطلب احمانا=ودحرنا كل غدار ونحينا

طنايا يوم ارماح القوم تخطى=تصيب ارماحنا من به رمينا

طنايا فعلنا فعل يترخ=ويبقى ماعلى البيدا بقينا

تدارسه الاجيال غير حنا=عظيم ولو جحده الجاحدينا

طنايا هم سلاطين الجزيره=هم الحكام فى ماضى السنينا

طنايا من الزمن قرن احكموها=اضف عشرين معهن حاكمينا

تسيدنا وسدنا بالقبايل=قبايل نجد كله له ودينا

وتسلطنا بحد السيف الابتر=أزحنا من تولاه ولينا

على يدنا هدمنا حكم دوله=وعلى يدنا لدولتنا بنينا

حكمناها بقوه ماهى هدون=اخذناها بدينا واعتلينا

وكتبنا اسم الطنايا فوق عرشه=واسم من كان يحكمها محينا

وفتحنا فى سجل الحكم صفحه=وصفحه من حكم فيها طوينا

حكموا فيها ال الرشيد ابطال شمر=نعم هم من حكم حكمن مكينا

وترى شمر فعايلهم تعجز=تراهم باالفعول المثبتينا

تلقبنا بغلبا ماا نغلبنا=لكثر غلبنا العايل علينا

على الاعداء قاسين وصيارم=يلينن الجبال ولا نلينا

طنايا وان نخانا كل مبلى=توشحنا الهنادى وانتخينا

ونخينا كل مقدام مجرب=وجمعنا الجمع وبالجمع التقينا

واخذنا بثار من صوت لشمر=بدل هذلول شيخينن رمينا

مشى هايس لهم لعيون هيفا=تنخوا وانتخا ذرب اليمينا

وفعل فعلٍ رفع روس الطنايا=وعلى فعله اخصومه شاهدينا

ونوانا الشيخ ابن هندى بحايل=وحنا من نوانا له نوينا

تحركنا ونزلنا له بعــــــــروى=قصرنا عنوة الشيخ وعنينا

تقابلنا الضحى والشمس حيه=وخسر فيها وحنا الرابحينا

ورجعنا للجبل معنا الغنايم=عوايدنا ليا منا غزينا

وفعلنا المعجزه فى كون بقعا=ذبحنا كل طاغى ماطغينا

ثلاث آلاف من مات وتصوب=نهارٍ فيه شاب المرضعينا

نهارٍ فيه سوينا الهوايل=على اغلب جمعهم حنا قضينا

صفا بقعا عليها الدم غطا=وكم راس شيخ له وطينا

شريدتهم حلف واقسم وطلق=فلا يغزا مداعمره يمينا

وحاصرنا الكويت اشهور اربع=وثلاث قلاع بالجهراء بنينا

ولاذوا فى حما الانجليزعنا=وفعلنا المعجزات ولا انثنينا

ونخانا الشيخ ابن ثانى واجبنا=كما العاده ليا نخينا مشينا

امرنا الضيغمى نمشى وسرنا=لبني ياس وهل البحرين جينا

وصلنا لدار ابن ثانى واغرنا=على جمع الغزات الطامعينا

وهزمنا جمعهم والكل يشهد=وشواهد ماذكرت القلعتينا

الى يومك باسم برزان تعرف=دلايل فعلنا لو مااحيكنا

يكونن الفعول بفعل فاعل=وحنا للصعاب الفا علينا

وغزينا الجوف يوم رويل زادوا=وهدمنا دونها الحصن الحصينا

وذبحنا بالهنادي كل خير=بقطع الراس للغادر جزينا

حصدناهم وابدناهم ابادة=هزمناهم واخنا البيرقينا

علينا يبتغون الزود لكن=تطيح الروس ماتعلا علينا

وغزينا المنتفق باطراف دجله=وهزمنا جمع خزعل و ارتكينا

هزمنا اللى مع مبارك يحامى=وعن الفزعات ياما له نهينا

ولكنه تمادى فى غروره=تناسى فعلنا مادرى نسينا

دفع قيمه غروره نصف جيشه=جزا للكبر واستهزاه فينا

يقود اجموعنا شبل مجرب=شجاعن مايذل ولايلينا

شجاعن كل اهل نجد تهابه=ويهابونه هل البصره وسينا

له الشيخان يهدون الهدايه=وله الفرسان هيبه خاضعينا

سلاطين الدول تاخذ احسابه=ولااحدن فيه يقدر يستهينا

وجميع ال الرشيد ابطال شمر=لهم فعلن وتاريخ مبينا

جمعوا مابين الاماره والشجاعه=ومابين اللين والعزم المكينا

ولو نجد وحموها واحتموها=اسود الغاب حامين العرينا

اسود مايهابون المعادى=اسود يقهرون المعتدينا

اسود اسياد سادو بالجزيره=اسود عيال اسود محنكينا

اسود اسياد سادو كل سيد=هم الاسياد رغم المنكرينا

وترى شمر تميزهم ثلاثه=بها عن غيرنا متميزينا

صخانا الحاتمى من دور حاتم=اضف معها الشجاعه ثم دينا

ورثنا الجود من ابوا الجودحاتم=بنا الامثال تضرب كل حينا

وسكنا بالجبل قبل النبوه=ومابعد النبوه له حمينا

ونحينا عن جبلنا كل طاغى=بحد السيف قطاع الوتينا

براضى نجد قد رفرف علمنا=ومن البصره الى حد الرافدينا

تحت راياتنا تمشى قبايل=ومن يعصى على داره مشينا

وحنا أهل المروة والأخوة=واذا ضاقت على المبلي يجينا

وكنا اهل الريادة والسيادة=لنا تخضع ارقاب العالمينا

طنايا للمعالي فوق نرقا=سنام المرجله فوقه رقينا

لنا التاريخ يشهد بالحقايق=مع اهل العرف فيهم شاهدينا

حقايق لو جهلها مثل هايف=كثير الناس ماهم جاهلينا

حقايق لو جحدها كل جاحد=تبين وتتضح غصبٍ تبينا

حقائق حق تثبتها وثايق=لها التاريخ واثباتٍ ضصمينا

ولا أحدٍ يدعي بأفعال غيره=سوى عن اللي بالفعايل عاجزينا



لا تحرمونا من تعقيبكم :)
ريال الفسحه
01-02-2007, 11:32
كنت ابحث بالانترنت ووجدت هذه القصيده له...

قال هدة القصيدة عندما كان موظف عسكري في قطر عــــــــام 1988


يادار من دروبك الرزق غلطان=ياديرة بك يامرون الهنودي
ليا صار من دروبك الحق ينهان=نقص بنقص ولايجي منك فودي
يادارفيك الفار منعم وشبعان=والذيب يشكي قصتة الاسودي
فيك الثعالب صاير شانها شان=تشره على قصة ..يمين الفهودي
يادار ماجيتك من العز عريان=ولاني من اللي شردوه اليهودي
يادار ماجيتك مشردن وسكران=ولاني مناللي خاينين العهودي
لي ديرتن يشبع بها كل جيعان=داري لمن حده زمانه تجودي
دار علا اسمه واعتلى فوق الاوطان=الضيف به يعطي له الحق زودي
في حكم طلقين الشوارب والايمان=اخوان نوره قاهرين الضدودي
من باب جيزان ليا باب عمان=حالو عليها بمرهفات الحدودي
دار لها في صفحه المجد عنوان=امن وأمان برها والنفودي
سعوديه تبقى على طول الازمان=في ضل ابو فيصل عريب الجدودي
فهد فهد قايد مسيره وشيهان=ماسجل الباتان هم والزيودي
شجاع ضيغام من نسل شجعان=سيفن على العدوان مرهف حدودي
سلم لمن سالم وشين لمن شان=هو مزبني ليا شفت الايام سودي
والحر مايرضى الاهانه ولايهان=وللمعركه مايقدمون الشرودي
ومن عاش بالذلات يموت ندمان=ويندم وهوفي مظلمات اللحودي
ريال الفسحه
01-02-2007, 11:46
رحمه الله رحمة واسعه ...



البــارحـه عـدى علي صـالي الـنار=سهران ليـن الصـبح بـيـن عمـوده
لـياما اذن الـتالي وأنا ادير الافكار=مـن هاجـس بـالقـلب دلآ يروده
جـبـت الـقـلم وأملـيـت أزيـن الآشـعـار=أهــايـله مــثـل مـهـامـيـل نـفـوده
مـتـعجـب مـن لـي زمـان عـلـى جــار=زمــانـنـا بــدل لــيانه بكــوده
أشــوف أنـا زمــانــنـا دار وأنــدار=وتــبدلة بـيـض اللــيالـي بـســوده
وقــت غـدى كـلــه لــوالـيـس وأشــرار=زمـان مـاتـقـدر تـحلل عــقـوده
وقــت رفــع لـه نـاس مـن حـسـبـت الـفـار=وأشـوف أنا الـحصـنـي يـبـاري فهـوده
وراعــي الــنـمـيـمه وألقـفـى صـار لـه كـار=وألكــذب هـو والـزور كـثـرت شــهـوده
وأشــوف كـثـر مـشـاكـل الـجـار للـجـار=حـتـى كـلام الله تـعـدوا أحــدوده
راح الـزمـان اللـي بـه الطـيـب يـنـدار=وجـانـا زمـان صــافـي مــع حـسـوده
الـعـبـد شـاخ ويـامـر شـيـوخ وأحـرار=والـسـيـد اول صـار عـبـده يـسـوده
وصـار الـرجـال يـاللـعجـب كـل خـمـار=الـي لـيـأعـاهـد نـقـض فـي عـهـوده
صـارت لـه الـكـلمـه ويـسـمـع لـيـا شـار=ويـحـسـب مـن أبـطـال الـعـرب هـي وأسـوده
ويـن الـرجال اهـل الـنوامـيـس واكـار=اللـي مـع المـضـيـوم تـدي جـهـوده
اللـي لـهـم مـن مـاضـي الزمـان تـذكـار=الـيـوم خـلـونا ولـجـونـا فـي لحــــــوده
خـطـوا الـولـد سـيـف للارقـاب بـتـار=شـجـاع ضـرغـام تـهـابـه ضـدوده
وخـطـوا الـولـدهـيـس خـسـيـس وهـذار=ياعـد ويـخلـف مـا عـطـا مـن وعـوده
مـحـشـوم مـن يـسمـع ولـد هـيـس وحـمـار=لـو يـنـشـد مـا أضـن يـعـرف جـدوده
ولااحـب تـبـيـن الآسـامي وألاذكـار=ولاخـيـر فـي شـي تـعـدى حـــدوده
الثــور ثـور ويـن مـاديـر يـــنــدار=والـنـاس يـعـرف ذيـبـهـا مـن شـروده
وأنـا الـذي شـربـت مـن كـاس الأمـرار=عـدى سـجـيـن مـحـكـمـات قـيـوده
غـريـب دار ولابـتي عـني بـدار=وقلـبـي مـن الفـرقـاء سـعـى فـيـه دوده
فـي ديـرة ضـاعـت بـهـا كـل الأفـــكـار=مـايـنـعـرف بـاتـانـهـا مـن زيــوده
رجـل بـلا ربـع رمـاد بلا نـــار=والـبـيـت مـا يـبـنـى بـلـيـا عـمــوده
ويالله يـاعـالم خـفـيـات الاســـرار=يــلـي نـخـضـع لـه بـا لـركـوع وسـجـوده
يـاواحـد تـامـر ولافـوقـك أمـار=وأنـت الـوحـيـد اللـي ملـكـت بـوجـوده
وأنـت الـذي مـن هـو تـرجـاك مـا بـار=يـامـن ضـفـا علـى الـمخـالـيـق جـوده
طـالـبك تـجـمـعـني عـقـب كـل مـا صـار=مـع لابـة تـصـبـر لـيـا حـل كـوده
ربـعـي غـفيـلات لـيـا أشـتـبـت الـنـار=عـدوهـم للـمـوت عــجـل وروده
ربـعـي هـل الـطـولات والـطـيـب والـكــار=ياويــل مـن ربعـي غـدوا مـن ضـدوده
وجـمـيـع (شـمـر) لابـتـي مـاكـر احـرار=اللـي سـكـن فـي مـدنـهـا وفـي نـفـوده
(شـمـر) حـريـبـه بـاســرع الـوقـت يـنـهـار=ومـن حـاربـه مـا أضـن عـقـب يـعـوده
حـريـبـنـا نـسـقـيـه مـن كـاس الآمـرار=وقـبـيـلـنـا مـا يـهـتـنـي فـي رقـوده
(يـاجـاهـل شـمـر تـرى شـمـر الـنـار )=نـار تـوقـد والـمعـادي وقــوده
حـنـا هـل الـطـولات لـيـا صـار مـاصـار=نـرسـي كـمـا تـرسـى رواسـي حـيـوده
عـاداتـنـامـن ضـدنـا نـأخـذ الـثـار=نـنـطـح جـمـوع لـو تلاحــق جــروده
تـاريـخـنـا فـي كـل دار لـه أذكـار=تـاريـخ واضـح والفـعـايـل شـهـوده
(وكـم راس شـيـخ مـن ضـربـنـاه مـا ثـار )=عـقـب الـسـطـر لابـد لـه مـن ركـوده
(وكـم فـارس مـن فـعـلـنـا للحـدر زار=مـنـا علـيـه الـبـيـض تـلـطـم خــــدوده
يـومـه للأيـدي فـعـلـنـا رج الاقـطـار=وديـارنـا مـا احــد يـقـرب حــدوده
بـاللـيـل نـسـري والـقـوايـل والأسـحـار=ولاهمـنـا نـقـصـه وربـحـه وزوده
ونـقـدر الـعـانـيـن والـضـيـف والـجـار=وكـل نـهـج مـنـهـاج ســابـق جــدوده
نـعـطـي عـطـيـات جـلـيـلات وكـبـار=ونـسـقـي لـيـا شـحـت بـمـاهـا عــدوده
(وديـار حـاتـم طـيء حـائل لـنـا دار )=حـامـيـن حــد أجـبـالـها مـع نـفـوده
فـيـهـا اشـتـهـر بـالجـود لـيـا جـاه زوار=وحـنـا ورثـنـا الـجـود مـن جـود جـوده
هـذاكـلام اللـي بـالاشـعـار بـيـطـار=خـمـسـيـن بـيـت بـالـتـمـام مـعـدوده
قـلـتـه وأنـا عـايـش علـى هـم وأكـدار=عـانـيـت مـن دنـيـاي زايــد نـكـوده
وذكـرت انـا كـل الـشـواهد بـالاشـعـار=مـن شـأن يـقـنـع بـالـفـعايـل جــحوده
وصـلـو على محمد عددطـلـع الاشـجـار=وأعدادمـاتـثـمـر وتـزهـر وروده
أوعداد مـاتـنـزل علـى الـقـاع الامـطار=واعدادمـابـالـسـحـب حنـــت رعـــوده
ريال الفسحه
01-02-2007, 19:39
باسم الذي نزل على أحمد كتابه=أبــدى قـبـل ترتـيـب الأمـثــال بـكـتـاب
يـاعـل بـيــت صـــك راعـيــه بـابــه=يفـتـح لـمـن صـكـه بـنـار اللـظـى بــاب
والبـيـت يصـبـح بـامـر ربـــي خـرابــه=مجمـع خـشـاش بــه مــن الــدود لـلـداب
يـاصـار مايلـقـى الــذرى مـــن لـجـابـه=هــذاك خـلـه للخـنـا ســـور وحـجــاب
والــراس اشــوف الشـيـب بــان وبـدابــه=واسبـاب شيـب الــراس عـيـلات الأصـحـاب
هنـيـت رجـــل قـــال مـالــي قـرابــه=حـيـث المشـاكـل كلـهـا صـنـع الاقـــراب
وســووا عـلـى بـعـض الـربـوع انـقـلابـه=مــن دون ماعـلـم بـالـدواعـي والاسـبــاب
كــل شـهـر سـيـفـه وشـطــر حـرابــه=وكــل غــدا لـلـحـق بـاغــي وطـــلاب
الـذيــب يـاصــوب كـلـتــه الـذيـابــه=وعــزي لـرجـل مــن دوانـيـه مـنـصـاب
عانـيـت مــن جــور القـريـب وعـذابــه=واصبرعـلـى ظلـمـه عـلـى غـيـر مـاطـاب
ليـاصـار بيـنـك وابــن عـمــك طـلابــه=أعـطـه رضــاه ولا تـعــرض لـلانـشـاب
وأبـعـد مــادام الـحـظ الاقـشــر بـلابــه=اخيـر مــن قــرب سـبـب شــر وأعـتـاب
وصـبـر ولــو حـقـك خـــذاه وغـدابــه=وارحــل وشــد وبــدل الطـيـن بـتــراب
وان جـــت مـــن الـدنـيـن لا مرحـبـابـه=حـاول عـلـى نفـسـك تسيـطـر والأعـصـاب
وحــاول بـقـدر إمكـانـك إقـفــال بـابــه=قـبـل الـوضـوح وهــرج حـاسـد ومغـتـاب
مـن المستحـيـل السـيـف يـضـرب نصـابـه=ولافيـه سيـف كــود لــه غـمـد ونـصـاب

وجدتها بإحدى المنتديات وعلى حسب راويها انها ليست مكتمله ...!!!!!


من يملك البقيه ليضعه مشكورا ....
ريال الفسحه
01-02-2007, 19:58
مستمرين مع الشاعر...!!!!



هذا انـا وابقـا انـا … ماتغيـرت=مبـداي ثابـت ماتغيـر طبـوعـي
لا . لاتحسب انك على قلبي اثـرت=أو تحسب اني من فراقك جزوعـي
لاتحاول اخضاعي ترانـي تجبـرت=وأبعد عليك مـن الثريـا خضوعـي
البادي اظلم وانـت بالظلـم كـدرت=صفو المحبه بيننـا رغـم طوعـي
واليـوم يالغـدار لفراقـك اختـرت=ولاعاد تذرف لـو توفـى دموعـي
عن عالمك ياخاين العهـد هاجـرت=واعطيتك الايضاح عن ذات نوعـي
في مركبي عن جاير امواجك ابحرت=خلاص مابعـد ارتحالـي رجوعـي
ريال الفسحه
01-02-2007, 20:04
رائعه من روائع الشاعر...!!!


ياناس هذا هو بـلا القلـب ودواي=وهذا هو اللي لجله الدمـع سايـل
هذا هو اللي عشت لجلـه بدنيـاي=وهذا الذي ماريـد غيـره بدايـل
قريب اقرب من يسـاري ليمنـاي=وابعد من الدوحه عن جبال حايـل
ابو ه وامـه مايطيقـون طريـاي=حالوا عليـه ولا تجيـه الرسايـل
ابغى لقاه وهو يبي قـرب لقيـاي=واصبر وانا تصلا الضمير الملايل
ويامن يساعدني على حـل بلـواي=عيت معي تجدي جميـع الوسايـل
وعسى وليف الروح يسمع بشكواي=وليته باريج الشرق يقـرا الدلايـل
ريال الفسحه
01-02-2007, 20:09
لاتترك المجروح يشكي .. ويشقـا=واعرف ترى كثر الجفا منك جراح
وان مارحمت الحال وش عاد يبقا=غير الرحيل لعالم فيـه .. نرتـاح
كـل يـدور عـن حبيـب ويلقـا=شخص بلقياه الهواجيـس تنـزاح
ومي البحر لو منه الزرع .. يسقا=يموت حتى لو يحاضيه .. فـلاح
ريال الفسحه
01-02-2007, 20:34
منصور بـــن سعدي الرمــــــالـــي....!!!!





قم ياسعد هات لي حبر وقرطاسه=النوم يأخوك عيا قرب عيوني
شف حالتي من عناء الأيام ملتـاسه=سهران أنا الليل والعالم يناموني
بداء للقلب أنا هاجوسه وهوجاسه=وأكوي هواجيس قلبي بأشقر اللوني
أبي اشرح الواقع إاللي تجهله ناسه=ولاهمن الناس من يزعل ويرضوني
مايقطع الراس غير إللي غرس راسه=الواحد إللي له عباده يصلوني
وياحيف ياناس أول عالي ساسه=اليوم للبن بالمجلس يعدوني
وياحيف ياناس جدوده كانوا بساسه=اليوم صاروا شغابيبٍ ويدروني
المــــال خلا الحصاني يكبر قياسه=وخلا هل العرف والشيمه يهانوني
وخلا الحمايل جواسيس ٍ وبلاسه=كم واحدٍ من بلى الدانين مسجوني
الناس تشتكي وشر الناس من ناسه=ولولا الحسد بينهم ماكان يشكوني
ريال الفسحه
01-02-2007, 20:41
يـا غنـت القمـرا تغنـي طنـايـا=لاجا وسلمى صيحـت العـز رمـان
سنجـار يـوم ان الطنايـا عـرايـا=من كل عـرق فيـه انـه وشويـان
وما فيه شمر نجـد وشمـر شوايـا=الشمري هو شمري وين مـا كـان
ان كـان فـي مدريـد والـلا بتايـا=تلقى بـه الطنيـا ويبقـى كحيـلان
ويا غنـت القمـرا تمـوت الحيايـا=وسم الافاعي بسـر خاتـم سليمـان
والليل وان عسعس غلـس او تعايـا=نجرح سمار الليـل بوجيـه شيبـان
فيها كـرم حاتـم وعـذب السجايـا=وحكمت عمر وسطوت علي او عثمان
ويا غنـت القمـرا بزيـن المزايـا=حنا لنا في صفحت الجـود عنـوان
يكفي بنا حاتـم مـن اهـل القرايـا=وعبد الكريم اللـي هدايـاه قطعـان
ريال الفسحه
02-02-2007, 00:27
بسم الله الرحمن الرحيم...
\\
//

ختاما لقد انهيت ماوجدت في الحث عبر النت عن الشاعر بل الصرح الكبير
منصور الرمالي الشمري ...

\\
//

اما بالنسبه لتساؤلك عن سبب وفاته فاقول لك اللي نعرفه من يوم وفاته
انه توفي بحادث منهم من يقول على طريق القصيم ومنهم من يقول على
طريق قطر والله العالم بالسبب لكن لاتاخذ بهذا ولا ذاك وقل

((اسكن الله منصور فسيح جناته وغفر له ))

\\
//

وبالنسبه لعمره يوم وفاته اللي اعرفه انه حوالي25 سنه لكن عجبت من
كلام احد الاخوه بالمنتديات انه توفي وعمره 40عام ...لكن الاغلب والله العالم
انه مات وهو صغير اي بالعشيرينيات من عمره .....

لكن ماانقول الا رحمه الله ويبقى السبب سبب والله كتب له الوفاه ...

\\
//

اخيرا شكرا لك اللي سالت لنجعل هنا موسوعه لهذا الشاعر الفحل
وشكرا لك لاني وجدت له القصائد الكثيره اللتي لم اقراها ابدا..

\\
//

اللهم اغفر لعبدك منصور وارحمه وعافه واعف عنه واكرم نزله ووسع مدخله
واغسله بالماء والثلج والبرد ونقه من الذنوب والخطايا كما ينقى الثوب الابيض
من الدنس...
اللهم اكتب له الجنة دار وقرار اللهم اجمعه بمن يحب في جنتك....

آميــــــــن...آميــــــــــــن.....



ريال الفسحه...
راعي الوقيد
02-02-2007, 00:46
ل ل ل

يابعدحي مادري سنة كم توفى الشاعر/منصور الرمالي الله يرحمه ..؟؟

نكون لك من الشاكرين من غير الناكرين:tongue:

ولكم التحية
ريال الفسحه
02-02-2007, 01:17
هلا والله براعي الوقيد اما السنه تمام ماادري لكن واانا ابحث وجدت
من يقول انه توفي بعد ازمة الخليج بقليل وبنهاية العشرينات من عمره
وهذا الغالب والمعروف...

\\
//

الغيب اني لقيت واحد ويجزم ان منصور رحمه الله توفي بعد تقاعده من
شركة الزيت اللي بالخفجي وبالاربعينات من عمره...

\\
//

ومنهم من يقول ويجزم انه توفى بعد مرض عانـــى منه ثلاث اعوام
وكان يتردد على شيخ بالخفجي وتوفي بحادث اثناء احد زيارته للشيخ

\\
//
لذلك لم اجزم بسبب وفاته الا ان المشهور انه توفي شاب وبحادث
وهذا المعروف .....


هذا والله اعلم ...
راعي الوقيد
02-02-2007, 03:12
اهلين بالليـ خردتن 24 :)


يقول انه توفي بعد ازمة الخليج بقليل

يعني بين عامي 1411ــ 1412هـ


وبنهاية العشرينات من عمره

المرحوم انا اخبرهـ درس عندنا بالولاية بالابتدائي على ما اظن<< هو اصغر مني:)

اتوقع ميلاهـ بحدود عام 1388هـ

وبذلك يكون عمرهـ يوم توفي لا يتعدى الرابعة والعشرين عاماً .. والله اعلم ...

تحيتي لك
ريال الفسحه
02-02-2007, 14:52
هو اصغر مني

ثريك شويب:)



وبذلك يكون عمرهـ يوم توفي لا يتعدى الرابعة والعشرين عاماً .. والله اعلم ...

جزاك الله خير على الاهتمام ..

\\

والله يرحمه برحمته..
العبد العزيز
10-02-2007, 19:12
آميـــــــــــــــــــــــــــــــــــــ ــــــــــــــــــــــــــــــــــــــن

يسكنة فسيح جناته .

راعي الوقيد _ اخوي ريال الفسحه اشكركم من كل قلبي على هذه الفزعه وعلى تعبكم

وانا اسف اني ثقلت عليكم بس منصور علم من اعلام الشعر وكنز من كنوز شمر رحمة الله عليه وحبيت ان لا يغيب هذا النجم واتمني منكم المزيد وفيتم وكفيتم .

_بالنسبه لو فاتو ه الاغلب انوه توفي بالعشرينات بحادث .كل الشكر

والله عاجز عن شكركم

يابعد حيي وانتم لاتنسوني بأي ماضوع عن شمر عن فزعه رساله بسيطه وانا عند وجهكم (داشين هوشه)ها

لأستمرار مورووووووووووث القبيلة
ريال الفسحه
11-02-2007, 19:12
لاهنت يالعبدالعزيز ومتى مابغيت شي امر اقرب واحد مننا اذا مايملك
المعلومه يبحث لك عنه وماقدمنا لك شي ولك حق علينا ومنصور رحمة الله
عليه لوه حق وحنا مقصرين ...

وللاضافه صورة الشاعر منصور بن سعدي

http://www.jubbah.net/uP/files/nauf-1156127234.jpg


متى مابغيت شي اسدح بهذا موضوع وانشد ولاتشيل هم الغالي


......اخوك الصغير:puzzled: ريال الفسحه..........
ريال الفسحه
12-06-2007, 00:49
خلال تصفحي الليله قرات هذه القصيده ولا اعتقد انها هنا



أنا يوم ميلادي صدف مولـد الماسـات=وكبرت وكبرت مع همومـي وماساتـي
انا للاسى مرسى وانا شاطـي الاهـات=ولا للامل مرسى على شاطـي اهاتـي
انا الياس لي موطن وانا موطن اللوعات=تضيع السعـاده بيـن ياسـي ولوعاتـي
انا الحاظر الهارب من الماضي اللي فات=وانا الماضي الهارب من الحاظر الاتـي
مواطن بلا موطن ولا لي وطن واثبـات=سوى اني بشر حساس واحساسي اثباتي
انا عادتي مااحسب على غيري الـزلات=ولكنـي ابكـي يـا تذكـرت زلاتــي
انا يوم غيري عاش فـي دنيتـه لـذات=انا اعيش في عزلـه والامـرار لذاتـي
انا يوم غيري يا سعـد همـه السفـرات=مع الهاجس اللي يسبق الطيـر سفراتـي
انا يوم غيري همه الضحك والسفـرات=مواعيده افـراح ولـه الهـم مـا ياتـي
انا موعدي في كل يـوم مـع النكبـات=وانا حظي العاثـر سبـب كـل نكباتـي
وانا يوم غيري ياسعد في منامـه بـات=اخوك المعنا يسهـر الليـل مـا باتـي
وانا يا سعد حيلي تردا وجسمـي مـات=وبقى القلب ينبض يا سعد والجسم ماتـي
اعيش العذاب بكل لحظه من اللحظـات=من الهم تمضـي كنـه ايـام لحظاتـي
غدرني زماني ياسعد واخلـف الهقـواتي=غدر وانقلب واخلف ظنونـي وهقواتـي
وحتى الصديق اللي وقفنا معـه وقفـات=تنكر معـي وانكـر جميلـي ووقفاتـي
تنكر وجـازى فاعـل الخيـر بالسيـات=جزاني بعكس الطيـب ياخـوك سياتـي


رحم الله منصور الرمالي ..
شموخ
12-06-2007, 01:39
رحم الله منصور الرمالي


حقيقه استغرب لماذا لاتتم طباعة ديوان يحمل اسم هذا الشاعر المبدع ....


ياليت والله يتم هالشي ويكون ريعه لصالح الجمعيات الخيريه كصدقة جارية للشاعر المرحوم ....



تحياتي
شموخ
عبدالله المهيني
12-06-2007, 02:04
هلا بأخوي ريال الفسحه

أولاً
الله يعطيكـ العافيه


ثانياً
رحم الله منصور الرمالي




ثالثاً

أوردت القصيدة التاليه


وهي ليست للشاعر منصور بن سعدي

إنما هي للشاعر

حماد الخريصي



وبالمناسبة الشاعر حماد الخريصي

عضو هنا بمضايف شمر

وإن لم تخني الذاكرة نزل هذه القصيدة هنا

كما أن أحد الأعضاء نقلها وهي موجودة أيضاً بالشعر المنقول



وسمعتها أكثر من مره في أكثر من مناسبة

يلقيها الشاعر حماد الخريصي بنفسه









يـا غنـت القمـرا تغنـي طنـايـا=لاجا وسلمى صيحـت العـز رمـان
سنجـار يـوم ان الطنايـا عـرايـا=من كل عـرق فيـه انـه وشويـان
وما فيه شمر نجـد وشمـر شوايـا=الشمري هو شمري وين مـا كـان
ان كـان فـي مدريـد والـلا بتايـا=تلقى بـه الطنيـا ويبقـى كحيـلان
ويا غنـت القمـرا تمـوت الحيايـا=وسم الافاعي بسـر خاتـم سليمـان
والليل وان عسعس غلـس او تعايـا=نجرح سمار الليـل بوجيـه شيبـان
فيها كـرم حاتـم وعـذب السجايـا=وحكمت عمر وسطوت علي او عثمان
ويا غنـت القمـرا بزيـن المزايـا=حنا لنا في صفحت الجـود عنـوان
يكفي بنا حاتـم مـن اهـل القرايـا=وعبد الكريم اللـي هدايـاه قطعـان








من جديد

الله يعطيكـ العافيه



roooose
عبدالله المهيني
12-06-2007, 02:10
ل ل ل

يابعدحي مادري سنة كم توفى الشاعر/منصور الرمالي الله يرحمه ..؟؟

نكون لك من الشاكرين من غير الناكرين:tongue:

ولكم التحية







توفي الشاعر / منصور الرمالي رحمه الله


سنة 1994م


توفي عصراً أو قرابة المغرب ولعبت السعودية مباراتها الأولى أمام هولندا فجراً
في منديال كأس العالم لكرة القدم في أمريكا





والله أعلم





لكم الود



rooose2
ريال الفسحه
12-06-2007, 16:58
هلا والله بشموخ ..

\\


الغالي عبدالله مشكووور على التنبيه ونبي من راعي الودزيد يتاكد
ويحذفه ان لم تكن له :)



لاهنت
عبدالله المهيني
13-06-2007, 10:30
\\


الغالي عبدالله مشكووور على التنبيه ونبي من راعي الودزيد يتاكد
ويحذفه ان لم تكن له :)



لاهنت








عجيب !!!


تأكد يابو الليد
سيف الشرق
20-06-2007, 20:28
رحم الله منصور وتجاوز عنه ذنوووبه


وغفر الله له انشالله


فقيده على اهله وجماعته وشمر


لاهنت ياصاحب الفكره وجزاك الله خير وغفر الله لك


يارب ارحم المسلمين ياارحم الراحمين واكرم السامعين
المشرف العام
17-01-2008, 12:31
اخوي ريال الفسحه

لا هنت والله .. وبيض الله وجهك

بعد اذنك ، بفتح له ديوان خاص بالديوان الشعري ، وانسخ القصائد فيه لتكون مرجع دائم

بس .. انت متأكد انهن له ؟ shlwee7

ترى بذيل اسمك كمرجع لقصائده :)


تسلم يامللي roooose
وحش الاسلم
23-01-2008, 16:41
السلام عليكم ورحمة الله وبركاته وبعد انا هذولي القصايد كلهن عندي بكتاب اسمه اللسنة اللهب اكيد تعرفونه على العموم فيه قصيده ادوره قصده منصور على امه ماحصلتها اللي عنده يعطيني خبررررررر ولكم جزيل الشكر:thumb:
حماد الخريصي
08-04-2008, 16:19
السلام عليكم ورحمة الله وبركاته وبعد انا هذولي القصايد كلهن عندي بكتاب اسمه اللسنة اللهب اكيد تعرفونه على العموم فيه قصيده ادوره قصده منصور على امه ماحصلتها اللي عنده يعطيني خبررررررر ولكم جزيل الشكر:thumb:




كل القصايد فدوه لــــــروح منصور"......"انا حلالــــــــــي من حلال الرمالي

وياغنت القمرا رمق ريق بأبحور"....." في شعر غالي وفدوته كل حلالي




اخي فسحة


رحم الله منصور


اما ياغنت القمر فهي كما ذكر اخوي عبد الله المهيني


فهي لي وهي اطول من ماذكرت




يعطيك العافيه



وانا اتبرع بأمسيه منقوله ....احياء لذكرى منصور الرمالي



على قناة الساحه .. بعد أذن القائمين عليها



حماد الخريصي
ماجدالزوبعي
17-04-2008, 20:19
تســلم اخــوي (( ريال الفسحة ))

على الديــوان الرائع لشـاعر \نا منصور الرمالي رحمه الله

تقبــل مــروري ..

دمــت بــود...
ولد الباتع
28-04-2008, 14:07
بيض الله وجيهكم:3ajebni:
كروش كروش
31-05-2008, 13:45
السلام عليكم ورحمت الله وركاته اما بعد البارحه كثر الهموم اتعبني 00 من عز نومي يافهد ايغضني 00 اخواني بعد السلام وتحيه ارجو من يعرف صاحب البيت هذا ان يخبرني به وارجو ايضا من يعرف القصيده كامله يكتبوها ولكم مني احلا تحيه
حاتم الشلاقي
07-06-2008, 04:59
الله يرحمه ويكنة فسيح جناته ويرحم أموات المسلمين جميعا
فتى الأدغال
18-09-2008, 12:48
والله أنكم ما قصرتوا . بس ياليت لو فيه كتاب يجمع قصائده تدلوننا عليه . وبأي مكتبة .


فزعتكم .
silntassassin
25-09-2008, 22:01
رائع
عمار السعدي
18-12-2008, 11:49
شـكــ وبارك الله فيك ـــرا لك ... لك مني أجمل تحية . الله لايهينك\ورحم الله منصور
راعي البيرق
30-12-2008, 01:25
وله ايضا...!!!




يانجم ياللى غبت من غبت مابنت=وشحال بين ايام مجدك وبينك
الشمس تطلع وأسال الصبح وين انت=وتغيب شمس وأسال الليل وينك
وين انت انا منهان منهان لاهنت=منهان من شخص عجز لايهينك
ارجع متى ترجع انا انهنت واسجنت=واللى سجنى كان قبلى سجينك
ارجع ورجع مجد ماضى كما كنت=ورجع من المديون لاهنت دينك
ياقاسى فى وجه الاضداد مالنت=ومن صاحبك ينعم بعطفك ولينك
حتى على خصمك من أحسانك أحسنت=وياما عطت من كل غالى يمينك
بالسيف فى شبه الجزيره تسلطنت=اخضعت اهلها وملكنه يدينك
مثلك ولد والله فلا جابته بنت=لاشك عين يمهلنك سنينك
أقولها وينك وانا ادل وين انت=لاشك من زود القهر قلت وينك
وياقصر ياللى بدلوا طينك سمنت=احذر تخون وتنكر اصحاب طينك
الله يخونك كان لأهل الوفى خنت=وأوفيت للى بالخفى خاينينك
ياقصر لاتسكن وان انضمت واسكنت=اخفس قهر واخفس معك ساكنينك
ياقصر مهما زينوا فيك مازنت=زينك رحل وان عادلك عاد زينك




وله أيضاً


بديت بذكر مـن فيـه استعينـا

الـه الكـون فـى ذكـره بدينـا

عظيم الشان رب الخلق الاوحـد

تعالـى الله خـيـر الخالقيـنـا

الـه حـرم الظـلـم وتـوعـد

توعـد بالـعـذاب الظالميـنـا

ومن بعد ذكـره بدينـا بالمثايـل

تركت النقص واخترت السمينـا

ارد الـرد لبـن نعيـم هـايـف

احـذر مـن سـب الغافليـنـا

أحذر مثل هايـف كـل هافـي

يتجـنـب لابـشـره يبتليـنـا

يتجنب كـان هـو يبغـا حياتـه

وياويله كان هـو طـاح بيدينـا

يعيـف الاولـه هـى والتوالـى

ويعرف افعالنا ليـا مـن بلينـا

ويعرف ان الفعول فعول شمـر

وشمـر بالفـعـول المثبتيـنـا







اليوم في مجلسنا .. جا ذكر هذا الشاعر العملاق ..
فالكل حب سماع قصائده .. فوعدتهم بجلب ما يتيسر لي من شعره ..
فيوم سويت بحث بقوقل .. ووجدت هذا المتصفح .. في منتدانا ..
أخذني الفخر .. والسعادة .. :)
فوجدت قصيدتين .. من ما جاء ذكرهن وطلبهن .. وغابت
عن هذا المتصفح قصيدتين .. فياليت أنها تجلب
ومنها بيت ما ذكره أخي راعي الوقيد ..
.
فعزمت على رفعه .. ليطلع عليه .. البقيه ..
وأثناء تصفح للمشاركات .. وجدت وعد أبو سلطان
بفتح ديوان خاص بشاعرنا ..
فقلت لا داعي .. للرفع .. بوجود الديوان ..
ولكن خشيت أن أبو سلطان من كثرة المشاغل نسي
هذا الوعد .. فؤريد العودة لرفع الموضوع فلا أجده ..
فقلت أرفعه على كل حال .. :)