مشاهدة النسخة كاملة : ما يقراه ابن جمعه:)
بويتات على قد الحال معارضة للشاعر عساف حول رأيه بارامكو !
أتمنى تنال رضاكم!!
لا يبو عارف ليالعراف =الاصمعي جاك مندوبه
يقول شالراي في عساف =يوم أكثر الهرش بجنوبه
سمي شيخٍ بعصره ناف=شيخان بالطيب منجوبه
والربع تومان ريف اضياف = الفخر من قدم فازوا به
لكن شفنا بلغاه اجناف = عن الحق ، لو ناس طاروا به
يومه نوى واهتوى المحراف = لدار تذكِّره محبوبه
أصبح دوامه عليه اكتاف = وكل من حواليه (والكوبه)
يدعي على ارامكو باتلاف = وصواعق ونار مشبوبه
خطاه واضح وكلٍ شاف=وأبيات عساف مكتوبه
دون انتظارٍ لحكم ارياف=لو شعره الركب غنوا به
على الهدايا يدل غلاف=والحق مطروقه دروبه
هذا ومني وصلك القاف=ردٍ على المحرق بثوبه
وحكي خلف(1) ما عليه خلاف=الصدق عنده وفي صوبه
من تجربة وواقعٍ ينشاف=ارامكو تعز منسوبه
وانته وانا وغيرنا قد شاف=خيره وبه نال مرغوبه
لو به تعب فالتعب ميلاف=للرجل في نيل مطلوبه
والناس مختلفةٍ واصناف=ولا هي على الشغل محسوبه
ولا به مكانٍ خلي اجحاف=ولا شخص ماذْكِّر عذروبه
لكن عموماً وبالإنصاف=راعيَّها ملأً جيوبه
ومن لا بغى الما وشربه عاف=ما يرمي بمنبعه طوبه
يتركه للضامي المزهاف=المدمي الركض عرقوبه
1) الأخ الكريم خلف الرويتع له كلام جميل وواقعي برده على الشاعر عساف !
عساف التومي
29-01-2007, 07:30
ياحبنيلك يالاهدلي
صح لسانك يالذيب
.
.
ومروري على عجاله .....سوف يكون لي عوده
فيصل حمود
29-01-2007, 09:15
شاعرنا القدير ابو خالد
صح لسانك يالجزل والله لايهينك رد وافي وجزل ولايهون الشاعر عساف وقصيدته أيضا جزله و أعجبتني جدا لولا وجود دعاءه علي أرامكو لكانت قصيدته فعلا كامله.
أود التنويه فقط أن المواضيع التي نادرا مايتطرق لها الشعراء كموضوع الشاعر عساف قد أثري الساحه الشعريه وهو موضوع جميل وياليت جميع شعراءنا ينوعوا من المواضيع ولايقتصروا فقط علي الغزل حتي نستمتع بشعرهم.
تحياتي
فلاح السعد
29-01-2007, 10:09
ابوخــــــــــــــالد ايه من عياله الاوفياء :)
قصيده معبره وتعبير عن رأي لك الحق
في قول ماشئت ولن اتدخــــــــــــل
خايف من ال بي ام بي :)
تحياتي لقلبك
ابو عارف
29-01-2007, 11:06
صح لسانك يالأصمعي على هالهجينية الحلوة.
أثريك مثل فرد حمزه ثأير ثأير ، ماسمعت كلام أخوك الكبير.
قصيدتك جزلة ورائعه وإذا قراءها أبن جمعة أبشر بالترقية.
شكراً على الإسناد ، صدق خلف رويتع يوم وصفك بالأهدل صح لسانك مرة ثانيه وعساك على القوة.
هايس الشمري
29-01-2007, 13:12
الاصمعي
صح لسانك و لا هنت
اخوووك
عساف التومي
29-01-2007, 13:32
يالله حي الاهدلي
.
صح لسانك ورفع الله مقامك وشانك
وعزيز وغالي
.
.
بصراحه يالاصمعي حاولت اجنب واعطي صم الاذان ....ماقدرت
يالله دخلك تقل حكةٍ بين هالضلوع هههههههههههههههه
الوكاد ....لو انه مهي مسنده لي .....لكن اسمحلي اني اعترض ... انا المعني بالقصيده
..
.
ان قلت ياراس عطها طاف = صارت على صدري عقوبه
وان قلت يا"رد" كن شفاف = جنتي خطيره وملعوبه
من وين ماحاول الميقاف = هبهب على الصدر لاهوبه
والاصمعي نايد المشراف = غالي ..ولوكشر نيوبه
الشعر له انظمه واعراف = وكلن يجي حسب اسلوبه
وانا من القلب للاهداف = مارد قافي ولا اهوبه
صريح من فكرتي مااخاف = ولااعل فكري ولا اشوبه
شايم عن الحقر والاسفاف = ولابيع سلعه تشاروبه
قبل امس سيرت واسمي حاف = طرقي والاشعار مركوبه
واليوم ضدي تصير احلاف = وش قصة الناس مرعوبه
يالاصمعي وارقب الميهاف = وعن "بهت" عساف قل توبه
ماقلت كل "الفرند" اضعاف = عزيت ربعٍ لهم حوبه
نعمين وفعولهم نياف = لاناشب الحر منشوبه
مار اللهد عند شين اوصاف = مااعطاك لوتطلب ذنوبه
خايب رجى للبلس مرجاف = ماغير ..قالو ووسووبه
جعفر وعباس والقلاف = والنعم ..ماوالله احرو به
وارانكو جعلها السقاف = دامه لهم فاتحه بوبه
رايي وانا صف ضد اصفاف = وكلن يجي عند ماجوبه
وان طولت شوروا الاوقاف = وهاتو فتاوا من افتوبه
غبرا.. وحنا نحوف اطراف = حاست عن الطير مشروبه
.
واسمحلي يالغالي اني نزلتها هنا ... لاني لو نزلتها بموضوع منفصل بيزعلون علينا ويقولون طولوها وسوو زحمه
.
.
نحياتي يالذيب
احــمــد ال علي
29-01-2007, 13:41
أصبح دوامـه عليـه اكتـاف وكل من حواليـه (والكوبـه)
صــــــــــــــح لسانك يالذيب
تحياتي + اعجابي
سلمان النبهان
29-01-2007, 14:10
تسلم اخي شاعر ارامكو السعودية ( الاصمعي ) ماقصرت
وصح لسانك وحقيقة موقف يسجل لك ولحبك لهذة الام ارامكو
كما اشكر اخوي عساف على رده الجميل على القصيدة ...
ابو عارف
29-01-2007, 15:11
يالأصمعي ونت ياعساف *** أطيـعوا العـود هــالنوبـه
أشعاركم ماعليها خلاف *** كله جنيــهـات مصبـوبــه
ونصيحتي توقفون القاف *** ياطال شرحه بلشتوابـه
===============================
ابو عبدالإله
29-01-2007, 15:32
السلام عليكم
قصيدة رائعة تحياتي بعد حيي
سلطان الشمري
29-01-2007, 17:24
والله حماس ..
انت ماينخشك الشي الهيّن ..
صح قلبك وروحك ..
انا مالي بارامكو ..شي ولا كان وريت عساف الشغل :)
رايي وانا صف ضد اصفاف = وكلن يجي عند ماجوبه
كفو كفو :goooood:
لي رجعة للردود ولا لمحارشك التوبة:)
تحياتي
وانته وانا وغيرنا قـد شـاف ......... خيـره وبـه نـال مرغوبـه
لو به تعـب فالتعـب ميـلاف ......... للرجـل فـي نيـل مطلوبـه
لو به تعـب فالتعـب ميـلاف ......... للرجـل فـي نيـل مطلوبـه
لو به تعـب فالتعـب ميـلاف ......... للرجـل فـي نيـل مطلوبـه
صح لسااااااااانك يابو خالد :thumb: :thumb:
ذكرتني ببيت يقول
طبع البدو فيني يجدد شجوني ........... أكره حياة نيلها بالسهوله
صح لسانك ولسان الاخ عساف ومساجلات رائعه بينك وبين الأخ عساف يعطيكم العافيه :thumb:
تحياتي
شموخ
ريال الفسحه
29-01-2007, 23:16
ياهلا والله بالاصمعي...
والله يجزى عساف الخير يوم نخشك وخلاك تطلع هالقصيده الحلوه
صح قلبك وحسك وفكرك....
وصح لسانكــ...ولاعدمتكـــ
لا يبـو عـارف ليالـعـراف=الاصمعـي جـاك منـدوبـه
يقول شالـراي فـي عسـاف=يوم أكثـر الهـرش بجنوبـه
سمي شيـخٍ بعصـره نـاف=شيخـان بالطيـب منجوبـه
والربع تومان ريـف اضيـاف=الفخر مـن قـدم فـازوا بـه
لكـن شفنـا بلغـاه اجنـاف=عن الحق ، لو ناس طاروا به
يومه نوى واهتوى المحـراف=لــدار تـذكِّـره محبـوبـه
أصبح دوامـه عليـه اكتـاف=وكل من حواليـه (والكوبـه)
يدعي على ارامكـو باتـلاف=وصواعـق ونـار مشبوبـه
خطاه واضـح وكـلٍ شـاف=وأبيـات عسـاف مكتـوبـه
دون انتظـارٍ لحكـم اريـاف=لو شعره الركـب غنـوا بـه
علـى الهدايـا يـدل غـلاف=والحـق مطروقـه دروبــه
هذا ومنـي وصلـك القـاف=ردٍ علـى المحـرق بثـوبـه
وحكي خلف(1) ما عليه خلاف=الصدق عنـده وفـي صوبـه
من تجربـة وواقـعٍ ينشـاف=ارامكـو تـعـز منسـوبـه
وانته وانا وغيرنا قـد شـاف=خيـره وبـه نـال مرغوبـه
لو به تعب فالتعـب ميـلاف=للرجـل فـي نيـل مطلوبـه
والنـاس مختلفـةٍ واصنـاف=ولا هي على الشغل محسوبـه
ولا به مكانٍ خلـي اجحـاف=ولا شخص ماذْكِّـر عذروبـه
لكـن عمومـاً وبالإنـصـاف=راعيَّـهـا مــلأً جيـوبـه
ومن لا بغى الما وشربه عاف=مـا يرمـي بمنبعـه طوبـه
يتركـه للضامـي المزهـاف=المدمـي الركـض عرقوبـه
رااااااااااااائع:thumb:
ان قلت ياراس عطها طـاف=صارت على صدري عقوبـه
وان قلت يا"رد" كـن شفـاف=جنتـي خطيـره وملعـوبـه
من وين ماحـاول الميقـاف=هبهب على الصـدر لاهوبـه
والاصمعي نايـد المشـراف=غالـي ..ولوكشـر نيـوبـه
الشعر له انظمـه واعـراف=وكلن يجي حسـب اسلوبـه
وانا مـن القلـب للاهـداف=مـارد قـافـي ولا اهـوبـه
صريح من فكرتـي مااخـاف=ولااعـل فكـري ولا اشوبـه
شايم عن الحقـر والاسفـاف=ولابيـع سلعـه تشـاروبـه
قبل امس سيرت واسمي حاف=طرقـي والاشعـار مركوبـه
واليوم ضدي تصير احـلاف=وش قصة النـاس مرعوبـه
يالاصمعي وارقـب الميهـاف=وعن "بهت" عساف قل توبـه
ماقلت كل "الفرنـد" اضعـاف=عزيـت ربـعٍ لهـم حوبـه
نعميـن وفعولهـم نـيـاف=لاناشـب الحـر منشـوبـه
مار اللهد عند شين اوصـاف=مااعطـاك لوتطلـب ذنوبـه
خايب رجى للبلس مرجـاف=ماغيـر ..قالـو ووسووبـه
جعفـر وعبـاس والـقـلاف=والنعم ..ماوالله احـرو بـه
وارانكـو جعلهـا السقـاف=دامـه لهـم فاتحـه بوبـه
رايي وانا صف ضد اصفـاف=وكلن يجـي عنـد ماجوبـه
وان طولت شوروا الاوقـاف=وهاتـو فتـاوا مـن افتوبـه
غبرا.. وحنا نحوف اطـراف=حاست عن الطيـر مشروبـه
صح لسانكــ عدد وصح قلبكــ مدد...لاهنت يالتومــــي...!!!
عساف يالغالي تسانه تبي تقلب أحزاب ترانـــي عصاك اللي ماتعصاك
وتراني اصلح وزير اعلام ((تسثير حتسي وفعل خرطي:) ))
وكان ارامكو تبي تطلع مواهبكم وهالقصايد الرائعه تراه فدوتن لكم<<مادروبنا:)
يالله نبي قصايد والله اني مستانس على هالروعات
لاهنتوا...
أود التنويه فقط أن المواضيع التي نادرا مايتطرق لها الشعراء كموضوع الشاعر عساف قد أثري الساحه الشعريه وهو موضوع جميل وياليت جميع شعراءنا ينوعوا من المواضيع ولايقتصروا فقط علي الغزل حتي نستمتع بشعرهم.
هذا بيت القصيد:goooood:
تسلم والله يالسمي كأنك تتكلم على لساني وما طرى بخاطري وأنا أكتب القصيدة!
فلا الأخ عساف لم يتعرض لشركة (ارامكو) كرهاً أو زهداً بها ولكنه موقف حركه وأراد التعبير عنه بصورة مبالغة ليصل للمتلقي مدى تفاعله في نفسه!
وأخوك فيصل ليس بالمحامي عن الشركة ليحصل حقوقه المادية أو الأدبية ولا بالواعظ المواجه لخطأ استفز مبادئه واهتماماته ولكنه شاعر حركه تصوير زميله لشجونه ووجد من خلال ذلك مدخل له ليعبر عن الحدث بطريقته ويبث من خلال ذلك رسائل تذكيريه لنفسه أولاً ولمن يقرأ بعقله قبل قلبه ثانياً وهم كثير ولله الحمد!
وأنت وكل متابع قرأتم كيف حرك موضوع الأخ عساف المضيف النبطي شعراً من خلال القصيدة نفسها ثم قصيدة ريوف البالغة الجمال والتميز ثم قصيدة أخوك ورد عساف الجزل والسريع والمنبئ بموهبة قادمة بسرعة الصاروخ ، وحرك الموضوع المضيف قرآءً من خلال الردود والقراءات الكثيرة للقصائد مدار الموضوع!!
صح بدنك أخي فيصل وسرني مرورك وتعليقك
تحياتي
قصيده معبره وتعبير عن رأي لك الحق
في قول ماشئت ولن اتدخــــــــــــل
تسنه مهو معجبك حتسيي:(
هههههههه أدري والله انه مندبلة تسبدك منه يبو ضاري :)
بس تره ما مثله خاصة مثل هالشهر:thumb:
لا هنت على المرور العذب يالغالي
تحياتي
صح لسانك يالأصمعي على هالهجينية الحلوة.
أثريك مثل فرد حمزه ثأير ثأير ، ماسمعت كلام أخوك الكبير.
قصيدتك جزلة ورائعه وإذا قراءها أبن جمعة أبشر بالترقية.
شكراً على الإسناد ، صدق خلف رويتع يوم وصفك بالأهدل صح لسانك مرة ثانيه وعساك على القوة.
هلا بأخونا الكبير ابو عارف
صح بدنك والله
وأنا طامع بتحريك قرائح الشعراء الي مثلك ووناسة المتذوقين!!
مثل ما بينت لأخوي فيصل المقصد فقط تحريك المضيف بمثل هالموضوع الغير مطروق بكثرة والحمد لله عارف سعة صدر رفيقي وكبر عقليته!!
تحياتي
الاصمعي
صح لسانك و لا هنت
اخوووك
صح بدنك أخوي هايس
حياك وبياك يالغالي
تحياتي
عساف التومي
30-01-2007, 13:35
الاصمعي
لك تحية اخ <<<هذا بعد المعمعه ههههههه
....
ريال فسحه
سنايدي ...
......
وكل الشكر لمن شكر
ان قلت ياراس عطها طاف = صارت على صدري عقوبه
وان قلت يا"رد" كن شفاف = جنتي خطيره وملعوبه
من وين ماحاول الميقاف = هبهب على الصدر لاهوبه
ألا قل الي بنفسك حتى لوهي خطيره وملعوبه كلش ولا تصير حسكله بصدرك:)
والاصمعي نايد المشراف = غالي ..ولوكشر نيوبه
ما عليك زود والقلوب على بعضه!!
وانا من القلب للاهداف = مارد قافي ولا اهوبه
صريح من فكرتي مااخاف = ولااعل فكري ولا اشوبه
ما مثل الصراحة ولا هي شينة تغييرة القماشات:thumb:
قبل امس سيرت واسمي حاف = طرقي والاشعار مركوبه
واليوم ضدي تصير احلاف = وش قصة الناس مرعوبه
من لا يعرفك ما يثمنك !!
يالاصمعي وارقب الميهاف = وعن "بهت" عساف قل توبه
يا (احذر الميهاف) يا (ارقب المشراف) والخيار لك:goooood:
جعفر وعباس والقلاف = والنعم ..ماوالله احرو به
خخخخخخخخخخخخخ منين تجمعوا هذولا:)
عز الله ما تنلام!
رايي وانا صف ضد اصفاف = وكلن يجي عند ماجوبه
كفو من هان للمركوز :goooood: !!
وان طولت شوروا الاوقاف = وهاتو فتاوا من افتوبه
غبرا.. وحنا نحوف اطراف = حاست عن الطير مشروبه
وش انت ناوي:148r:
صح لسانك ملايين
أمتعتنا متعك الله بالعافية
تحياتي
الأخ أحمد العلي
صح الله بدنك
جزيل الشكر على المرور
تحياتي
أم نــــــــــواف
31-01-2007, 00:32
هجينيّة حماسية رائعه أخي وأستاذي الأصمعي
وردّ رائع من الأخ عسّاف
وجميل أن تكون أرامكو شعلة القصيد هنا
بارك الله بكمــــــــــا
وقاعدة نصفي الكوب تنطبق عليه االرؤية هنا
فلن نلوم أحد
صحّت السنكم وبارك الله فيكم
تسلم اخي شاعر ارامكو السعودية ( الاصمعي ) ماقصرت
وصح لسانك وحقيقة موقف يسجل لك ولحبك لهذة الام ارامكو
كما اشكر اخوي عساف على رده الجميل على القصيدة ...
الله يسلمك ابو سند
وصح الله بدنك وعافاك يا عزيزي
شرفني مرورك لا هنت
تحياتي
يالأصمعي ونت ياعساف *** أطيـعوا العـود هــالنوبـه
أشعاركم ماعليها خلاف *** كله جنيــهـات مصبـوبــه
ونصيحتي توقفون القاف *** ياطال شرحه بلشتوابـه
====
لا لا تغدي عودنا خواف=على بنيخيك بالشوبه
صدور وَسعه وقلبٍ صاف=وكلمة زعل منه مشطوبه
ونصيحتك فوق بالمشراف=دره من البحر مجلوبه
السلام عليكم
قصيدة رائعة تحياتي بعد حيي
عليكم السلام ورحمة الله
وأنت الرائع يا حيي
تحياتي
والله حماس ..
انت ماينخشك الشي الهيّن ..
صح قلبك وروحك ..
انا مالي بارامكو ..شي ولا كان وريت عساف الشغل :)
يا هلا ويا مرحبا بنبراس الشعر
صح بدنك يالغالي
كان ودنا نشوف مصامخكم شعرياً :) <<يقولون الولد ما يخاف الا من تنينه:thumb:
تحياتي
صح لسااااااااانك يابو خالد :thumb: :thumb:
ذكرتني ببيت يقول
طبع البدو فيني يجدد شجوني ........... أكره حياة نيلها بالسهوله
صح لسانك ولسان الاخ عساف ومساجلات رائعه بينك وبين الأخ عساف يعطيكم العافيه :thumb:
تحياتي
شموخ
صح بدنك
يعطيك العافية على التعلق المطعم بعذب الشعر
تحياتي
الأخ الكريم/ريال الفسحة
صح الله بدنك
ويعطيك العافية على المرور والتعليق الجميل والطريف
وجزيل الشكر على تنسيق وجمع القصيدتين مع بعض
وأبعد عن حزب عساف أحسن لك ولا ترى
أصف معكم :thumb:
تحياتي
صح الله بدنك
جزيل الشكر أختي أم نواف على مرورك وردك الطيب
وطيب تطبيق قصائدنا على نظرية الكوب (النصف المملوء والنصف الفارغ)
تحياتي
ابو عارف
03-02-2007, 11:10
لا لا تغدي عودنا خواف=على بنيخيك بالشوبه
صدور وَسعه وقلبٍ صاف=وكلمة زعل منه مشطوبه
ونصيحتك فوق بالمشراف=دره من البحر مجلوبه
==================================
سلام يالاصمعي آلاف *** وألف هلابه ومندوبه
بالأمس تقولي عراف *** وأهل المضايف تغنوبه
طلبتك قبل يشيب القاف *** ومن قبل ماتعلن التوبه
قلت إترك القاف يالمزهاف *** إتركه لريوف وإسلوبه
واليوم تقولي خواف *** والخوف ويش جاب ماجوبه
قاله إسعيد زمان طاف *** في كلمة ماهي محسوبه
يقول كل شاعر مرجاف *** وعدوان ماكان زاروبه
والخوف وارد من الأحلاف *** ومن قال بالناس قالوبه
حكمه خذيته من الأسلاف *** صارت على عفير عقوبه
================================
كان الكلام ومازال وسيبقى في طور الميانه وإستعراض لموهبتنا الشعريه المصديه.
================================
نبي نخوٌف بها عساف*** ونبي نشغله في دوبه
وإلا نحطه بحوض جاف *** لصيانة السفن وضروبه
عساف التومي
03-02-2007, 11:32
الاصمعي
.
.
لك المشراف والرايه البيضا
.
.
وانا اردد معك
.
صدور وَسعه وقلبٍ صاف ... وكلمة زعل منه مشطوبه
==================================
سلام يالاصمعي آلاف *** وألف هلابه ومندوبه
بالأمس تقولي عراف *** وأهل المضايف تغنوبه
طلبتك قبل يشيب القاف *** ومن قبل ماتعلن التوبه
قلت إترك القاف يالمزهاف *** إتركه لريوف وإسلوبه
واليوم تقولي خواف *** والخوف ويش جاب ماجوبه
قاله إسعيد زمان طاف *** في كلمة ماهي محسوبه
يقول كل شاعر مرجاف *** وعدوان ماكان زاروبه
والخوف وارد من الأحلاف *** ومن قال بالناس قالوبه
حكمه خذيته من الأسلاف *** صارت على عفير عقوبه
================================
كان الكلام ومازال وسيبقى في طور الميانه وإستعراض لموهبتنا الشعريه المصديه.
================================
نبي نخوٌف بها عساف*** ونبي نشغله في دوبه
وإلا نحطه بحوض جاف *** لصيانة السفن وضروبه
يا مرحبا عد نبتٍ زاف=واعداد مالشعر خاضوا به
للي ندبناه للميقاف=وحُزم الشواعير مكروبه
بمزوح والطعن بالأطراف=ولا به فناجيل مشروبه
وقدم عذر واضح وشفاف=ونصيحه بعطف مكتوبه
قلنا هلا مسهلا بزَّاف*=كلامك الراس مركوبه
لكن رده رجع لي جاف=وفهم معانيّْ مقلوبه
يوم ظنني بالحكي نقّاف**=والعُمله الـ جته مضروبه
وانا ومن نزّل الأحقاف=شين المعاني فلا اهوبه***
وهذا عذر منك واستعطاف=وكلمه تشكّك مسحوبه
* كثير جداً بالمغربي!
** مستهزئ!
*** أقربه!
الزبده يبو عارف اني استغربت منك فهمك لكلمتي بهالمعني الي ما طرى على بالي بنوب!!!
فأنا قلت (لا تغدي خواف على بنيخيك) أي حريص زياده عليهم كما يفعل الأب الحنون على أبناءه وليس في ذلك ما يغضب حسب اعتقادي فكلنا نخاف على من نحب ، وهذا ما قرأته في نصيحتك لنا وما أعرفه من أخلاقك!!
ولو أني قلت (خواف من) لأصبح المعنى غير جيد أما (خواف على) فهو معنى جيد ولا غبار عليه!
فالحرف (على) هذب معنى الكلمه وأوضح المقصود منها ..
تحياتي
ابو عارف
03-02-2007, 23:13
يا مرحبا عد نبتٍ زاف=واعداد مالشعر خاضوا به
للي ندبناه للميقاف=وحُزم الشواعير مكروبه
بمزوح والطعن بالأطراف=ولا به فناجيل مشروبه
وقدم عذر واضح وشفاف=ونصيحه بعطف مكتوبه
قلنا هلا مسهلا بزَّاف*=كلامك الراس مركوبه
لكن رده رجع لي جاف=وفهم معانيّْ مقلوبه
يوم ظنني بالحكي نقّاف**=والعُمله الـ جته مضروبه
وانا ومن نزّل الأحقاف=شين المعاني فلا اهوبه***
وهذا عذر منك واستعطاف=وكلمه تشكّك مسحوبه
* كثير جداً بالمغربي!
** مستهزئ!
*** أقربه!
الزبده يبو عارف اني استغربت منك فهمك لكلمتي بهالمعني الي ما طرى على بالي بنوب!!!
فأنا قلت (لا تغدي خواف على بنيخيك) أي حريص زياده عليهم كما يفعل الأب الحنون على أبناءه وليس في ذلك ما يغضب حسب اعتقادي فكلنا نخاف على من نحب ، وهذا ما قرأته في نصيحتك لنا وما أعرفه من أخلاقك!!
ولو أني قلت (خواف من) لأصبح المعنى غير جيد أما (خواف على) فهو معنى جيد ولا غبار عليه!
فالحرف (على) هذب معنى الكلمه وأوضح المقصود منها ..
تحياتي
====================================================
يالاصمعي يابعد من طاف *** في بيت مكه وصلوا به
أنا أشهد إنك من الأشراف *** من شمر الطيب ودروبه
ياناس ودوني الإسعاف *** من نار بالكبد مشبوبه
من سؤ فهم تلاه خلاف *** فهمي قصر دون ملعوبه
نرفزت من كلمة الخواف *** عند العرب ماهي محبوبه
خواف ماهي مثل يخاف *** صفه ذميمه ولها حوبه
أنا ما بيها حلول أنصاف *** أنت أبيض الوجه من صوبه
يابعد حيي كلامك واف *** وحقك علينا ماهو دوبه
حقك خروف عريض أطراف *** سير علينا وابشروابه
هلابك مع فيصل وعساف *** ومن بغا خوٌتك حيوبه
والله ماقوله ولي أهداف *** والطيب قبلي سبقتوبه
وارجوكم حطوا عليها لحاف *** قصايد(ن)زاد مسحوبه
ابو عارف
04-02-2007, 09:26
====================================================
يالاصمعي يابعد من طاف *** في بيت مكه وصلوا به
أنا أشهد إنك من الأشراف *** من شمر الطيب ودروبه
ياناس ودوني الإسعاف *** من نار بالكبد مشبوبه
من سؤ فهم تلاه خلاف *** فهمي قصر دون ملعوبه
نرفزت من كلمة الخواف *** عند العرب ماهي محبوبه
خواف ماهي مثل يخاف *** صفه ذميمه ولها حوبه
أنا ما بيها حلول أنصاف *** أنت أبيض الوجه من صوبه
يابعد حيي كلامك واف *** وحقك علينا ماهو دوبه
حقك خروف عريض أطراف *** سير علينا وابشروابه
هلابك مع فيصل وعساف *** ومن بغا خوٌتك حيوبه
والله ماقوله ولي أهداف *** والطيب قبلي سبقتوبه
وارجوكم حطوا عليها لحاف *** قصايد(ن)زاد مسحوبه
============================================
أخي العزيز الاصمعي ابو خالد
تحية طيبة أخوية صادقه وبعد
أولاً إستبيحك عذراً على كل مابدر مني من سؤ فهم وردة فعل تفتقر إلى اللباقه آملاً من شخصك الكريم العفو وقبول العذر.
لقد كنت أتصور أن المعنى لكلمة خواف = عراف صفات كل في معناها ولو قلت مثلاً ( لا يابو عارف لا لاتخاف ***على بنيخيك بالشوبه) لاختلف المعنى وأصبح فعل أمر بدلاً من أن يكون صفة تعادل إحدى هذه الصفات: شجاع- جبان- كريم - بخيل- خواف - مقدام الخ حسب فهمي ، ولعدم ثقافتي ومحدودية تعليمي تصورت أن السم قد دس لي في العسل الصافي أبياتك الرائعه حفظك الله ورعاك.
وقد كان الشايب متشيش من قبل لعدم الإستجابة لنصائحه المتكرره حول عدم الرد والإشتباك في القصائد الهجومية ، إلا أن الزعل و القطيعه كانت جداً مستبعدة من قاموس العود البته.
للمعلوميه تر الأخ العزيز فيصل حمود يعرف العنوان ولا تنسى العزيمه
وشكراً لسعة صدرك بارك الله فيك وكثر من أمثالك.
ابو عارف
04-02-2007, 09:31
...
صدور وَسعة وقلبٍ صاف***وكلمة زعل منه مشطوبه
بدينا بها وننتهي عليها:goooood:
لا هنت يا عساف وبيض الله وجهك
جزيل الشكر والتقدير
تحياتي
ابو عارف الله لا يهينك يا بعد حيي والله
والله اني قريته من الصباح وشكرت لك تجاوبك وقلت بنفسي لاحقٍ على الرد أهم شي ان النفوس صافية هالحين !
وبيض الله وجهك على طيب النفس وحسن الرد وهذي الهقوة فيك ..
بالنسبة للحقوق ما بين الأخوان حقوق وعساك على القوة وبيننا تلفون ان شاء الله
صح الله لسانك على هالأبيات الجزلة والمعاني الوافية وعساك والله سالم !
أكرر أسفي على التأخير الغير مقصود!
تحياتي
ابو عارف
04-02-2007, 15:37
ابو عارف الله لا يهينك يا بعد حيي والله
والله اني قريته من الصباح وشكرت لك تجاوبك وقلت بنفسي لاحقٍ على الرد أهم شي ان النفوس صافية هالحين !
وبيض الله وجهك على طيب النفس وحسن الرد وهذي الهقوة فيك ..
بالنسبة للحقوق ما بين الأخوان حقوق وعساك على القوة وبيننا تلفون ان شاء الله
صح الله لسانك على هالأبيات الجزلة والمعاني الوافية وعساك والله سالم !
أكرر أسفي على التأخير الغير مقصود!
تحياتي
===========================================.
صدقت والله أخي أبو خالد
أهم شيء هو صفاء النفوس ولاتأسف على شيء أنت ماسويت إلا بياض وجهك ، ومن ناحية الأبيات فلا عليك زود يالغالي ، أما من ناحية الحقوق فمثل ماتفضلت مابيننا حقوق لكن تشريفكم لنا مكسب كبير لو حصل ونتركها للضروف والله أسأل أن يوفق الجميع ودمتم بخير.
الله يعطيك العافية ويسلمك أخوي ابو عارف أنت وكل من رد أو قرأ !!
وبما أن القصيدة المحركة للموضوع قصيدة الأخ الشاعر المبدع عساف تراجعت للصفحات الداخلية فسأقفل متصفحي هذا بعد ان استمتعنا بمناوشات شعرية اخوانية جميلة!!!
تحياتي
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir