......... يالله دخيـــــلك

[مشــــعل]

يالله دخيلك ماقشر الوقت...لامال=نوبٍ يحدك..يم..ناسٍ هزالـا
ياشينها لاحدك الوقت لانذال=يالله دخيلك عن هوان السؤالـا
وقت الرخا..تجهل بها كل رجاّل=ووقت الشدايد..تتضح لك ..رجالـا
مادامها..ضحك..وسواليف..وجدال=ياكثر لمة...شاربين البيالـا
والياغدالك..ساحة الضيم..منزال=تفرقو عنّك..يمين..وشمالـا
احدٍ يشابه بالوغا..."لابس الشال"=واحد يشرّف غترته والعقالـا
دنياك يامحمد..تجاريب..واهوال=غرايبٍ...صاب الزمان اختلـالـا
وانا بها مع باقي الخلق رحاّل=من وين مازانت...نشد الرحالـا
ان زانت الدنيا...لنا الطيب مدهال=وان شانت الدنيا...نقص الحبالـا
ماهو ردى...لاشك..ضيمٍ..وغربال=والعبد ماله بالليالي احتمالـا
احيان نجفل من ردى بعض الاحوال=واحيان ندله به.. على كل حالـا
كم جمعةٍ لفيتها...ضايق البال=قالوا:عسى ماشر وانا اقول:لـا..لـا
اخاف سري يكشفه كل ختّال=ويفرح بها خطو الخبيث الحثالـا
يالله تجملنا مع الناس...بأفعال=بالفعل نرقى فوق روس الجبالـا
ولا الحكي..سهلٍ على كل قوّال=ياكثر ماقالوا..وقالت..وقالـا
الله يساعدنا على الدرب لو طال=والله يوفقنا على كل فالـا
مالي على المخلوق شرهه ومدخال=حوايجي في يد ربٍ تعالـا


مشعل حاشم الشمري

[عبدالله الأسلمي]

مشعل عزالله صح لسانك والله لايهينك عزالله صيحيح ايه بس

مااقول الا ماعلى الدنيا عتب

[سلطان الشمري]

حكمه
ان زانت الدنيا...لنا الطيب مدهـال
وان شانت الدنيا...نقص الحبـالا
ماهو ردى...لاشك..ضيمٍ..وغربال
والعبـد مالـه بالليالـي احتمـالا

.

صدقت ..

يقول الشاعر ..

ان سانعت نحط كبش على مير ..
.................. وان عاضبت تكفيك قولت هلابك ..



نفتقدها كثيراً ..

صح قلبك .. (اشتقنا لك )

[ابو عبدالإله]

حكم فالشدائد تبين الرجال ومعادنهم صح لسانك بعد حيي

[شقـــاوي]

مشعل

صح لسانك ،، وعلا شانك ،،

أبيات فيها من التجارب والحكمة الشيء الكثير ،،

تقبل أجمل تحية .

[مشاعـر مبعثـرهـ]

مشعـ..ـل الغفيلـ..ـي

:361r:

.. قصيـده تأخذ من الواقـع الكثيـر ..

.. صــح لسانــك ولاهنــت ..

اختـ..ـك :: مشاعـ..ـر مبعثـ..ـرهـ .. roooose

[ابو عارف]

صح لسانك يامشعل الغفيلي لاهنت

عز الله إنك عبرت عن واقع حال الناس في مختلف الأزمنه , كفانا الله وإياك جور الوقت وأدام علينا نعمة الإسلام ورغد العيش والله يحفظك ويرعاك.

[فايز عيد الشمري]

صح لسانك أخوي مشعل عزالله كل بيت القصيده يدل على الواقع
وعلى حال بعض الناس بالوقت الحالي لاكن لازال بالدنيا
رجال فيهم خير وهذي نعمه من الله لاهنتتتتتتتتتتت يامشعل

[هايس الشمري]

رب تعالا


لا اله الا الله ..



مشعل



من طول الغيبات.. جاب الغنايم..



وينك قاطعنا؟؟ مهي عوايدك..





قصيده جزله.. و الجزاله ليست غريبه عليك..



صح لسانك يا بعدي




اخوووك

[أم نــــــــــواف]

-


رائعـــــــــة


قصيدة تحمل من الحكمة الكثير


رائعة بكل المقاييس ماشاء الله عليك

سلم راسك وبارك الله فيك اخوي مشعل

-

[ريال الفسحه]

لاتأتي الا بجديد ...

\\
//

لاتأتــــــي إلا برائع...

//
\\

صح قلبك..ولسانك ...وسلم فكرك..

\\
//

قصيده جزله ..مليئه بالحكم والمعاني ...

\\
//

مشعل يالغفيلي لك يحق أن اقول ....مبدع




هي أربعة أبيات عن أربع قصائد...

\\

//


ياشينهـا لاحـدك الوقـت لانـذال=يالله دخيلك عـن هـوان السـؤالا
وقت الرخا..تجهل بها كـل رجـاّل=ووقت الشدايد..تتضح لك ..رجـالا
مادامها..ضحك..وسواليف..وجدال=ياكثـر لمة...شاربيـن البـيـالا
والياغدالك..ساحة الضيم..منـزال=تفـرقـو عنّك..يمين..وشـمـالا

أقف صامت أمام هالابداع يالغفيلـــــــي..!!

[عساف التومي]

وقت الرخا..تجهل بها كـل رجـاّل
ووقت الشدايد..تتضح لك ..رجـالا
ذكرتن بالشاعر اللي يقول
انا خويك بالليال المعاسير ... والا الرخا كلن يسد بمكاني
.
مشعل الغفيلي
.
قصيده رااائعه ...تميل في موضوعها للنصح

بصراحه قل ما نقرأ قصائد في مثل معاني هذه القصيده .... وفي مثل هذه الحبكه الشعريه

.
صح لساااااااانك ورفع الله مقامك وشانك اخوي مشعل
بانتظار جديدك

[جمال الشمري]

ان زانت الدنيا...لنا الطيب مدهـال
وان شانت الدنيا...نقص الحبـالا
ماهو ردى...لاشك..ضيمٍ..وغربال
والعبـد مالـه بالليالـي احتمـالا

نحن انتصرنا بنا لـ هذه الحكم يامشعل
سأتركك للشعر يارفيق المكان والحرف
وأترك بعضك لي
كن بخير

[فلاح العماش]

مشعل



صح ألسانك


جزل


ومتفرّد ومنفرد بالجمال دوماً



لا عدمناك يالغالي

[تواصيف]

صح الله لسانك يااخوي
مميز دائما
الله يعطيك الف عافيه
تحيتي لك
اختك

[مالك الحزين]

وان شانت الدنيا...نقص الحبـالا

ان شاء الله قول وفعل وصح لسانك يا مشعل

[المخاوي]

صح لسانك يامشعل

قصيده فيها من الحكم الكثير

وجزله من جزل



بيض الله وجهك يالغفيلي

[منوخ العمودي]

كم جمعةٍ لفيتها...ضايـق البـال
قالوا:عسى ماشر وانا اقـول:لا..لا
اخاف سري يكشفـه كـل ختّـال
ويفرح بها خطو الخبيـث الحثـالا
مشعل
بيض الله وجهك صح اللسانك

[المهرة]

مساء الشعر

مساء الجزالة


ان زانت الدنيا...لنا الطيب مدهـال
وان شانت الدنيا...نقص الحبـالا

ماهو ردى...لاشك..ضيمٍ..وغربال
والعبـد مالـه بالليالـي احتمـالا

احيان نجفل من ردى بعض الاحوال
واحيان ندله به.. على كـل حـالا


والله ماذا اقول !؟
في حضرة الابداع / والحكمة والجزالة

تطرق كل ابواب الشعر وتأتيك طوعا وكرهاً
تُدير مفاتيح الشعر

تحول الحرف النحاسي الى ذهب

جرس
عمق
الفاظ
محتوى
وفكره

شُكراً لـ هذا الاشراق

وهذا السمو بالحرف


دمت بخير

اختك / المهرة