ارامكـــــــــــــــــــو !!!

[عساف التومي]

بسم الله الرحمن الرحيم
.
وعدت احد الاخوه الاعضاء بتلبية طلبه ... بتنزيل هذه القصيده ...مع التحيه له وللجمييع
.
لكن
.
قبل تقرون القصيده
احب انوه اني لا انتمي الى اي حزب ...ولست ارهابيا ...ولا ارمي الى اي شي من خلف هذه القصيده
مجرد موظف ضايق صدره ... ومندبله تسبده من وظيفته بالشركه ... ""ومنوخذ"" ومنغث من خوياه"الجحلط منهم" .. ومن البحر والبر
وووووبس

.
.
كذا ..جت ... فاقبلوها ببساطتها




معلوم تضحك خالي الهـم معلـوم = مامـر قلبـك هـم.. لوقـدر ذره
وانا همومي داخل القلـب بالكـوم = مبطي الهنا مـاخش قلبـي ومـره
وقتي غدى ياخالـي الهـم مشئـوم = اضحك معك.. وبداخل القلب حـره
امس نتواجه فلـة حجـاج وعلـوم = واليـوم تسحبنـي الليالـي واجـره
حظي عثر بي والشقا امر محسـوم = والهـم لـه بالقلـب كـره وفـره
في ديرةٍ غنى بهـا اسـود البـوم = ماذقت فيهـا يـوم طعـم المسـره
ياقل مابه مـن زحازيـح وقـروم = وياكثر من تقـدح عيونـه مضـره
ياكثرهم مادامهـا جمعـة رخـوم = وياقلهـم لاشـد بـأحـلاه مــره
ياكثرهم وقـت المعاذيـر واللـوم = وياقلهـم لالـوح الـشـر شــره
ياحبهـم للحـش والنـش والنـوم = وياكرههـم للمرجـلـه والمـبـره
ازوالهم ترهب من عظام وشحـوم = وان سولفوا عدوا حـدود المجـره
وقلوبهم طفلٍ من العطف محـروم = ياكثر منهـو غـره الـزول غـره
الحكي مرهم.. والفعل داب مسموم = اقوالهم حلـوه .. والافعـال مـره
السعر طايح والرجاجيـل بالسـوم = ومن سام ياخذ والرجاجيـل حـره
يارب.. واحرقهم قبل باكـر اليـوم = سود النوايـا داخـل الويـل جـره
لعنه تلازمهم... ولعنـه لهـم دوم = ولعنه تزيل وجودهـم 1000مـره
والله يالولالقمـة العيـش لآقــوم = واغـادر الديـره ولاعـاد امـره
من جمعتنا علهـا تصبـح رجـوم = ""ارامكـو" ياعل ربـي يـفـره
ارامكـو ياعـل مافيـك مـهـدوم = حريق مـن ربـي لبحـرك وبـره
عل السما تمطر على اآبارك سهوم = ونار الغضب وسط المبانـي مقـره
من شان افارقها ولااكـون مليـوم = ولا احدٍ يعاتبنـي.. ولااحـد يتشـره
.
.
يارب عبدك من عنى الوقت مضيوم = صـابـر عـلـى بـلـواه لله دره
ولا انت يالله بالحفر كثـر الحـوم = ماقصروا جنحانـك بالـف صـره
ربي خلقني لاسـود الهـم مكتـوم = والله خلـق قلبـك يـذوق المسـره




وسلامت قلوبكم

[هايس الشمري]

الله يفرج عليك ضيقتك..


و ما تنلاااام و الله



و ان شاء الله يفتحون فرع لارامكوا بالشمال.. :)







ياقل مابه مـن زحازيـح وقـروم = وياكثر من تقـدح عيونـه مضـره
ياكثرهم مادامهـا جمعـة رخـوم = وياقلهـم لاشـد بـأحـلاه مــره
ياكثرهم وقـت المعاذيـر واللـوم = وياقلهـم لالـوح الـشـر شــره
ياحبهـم للحـش والنـش والنـوم = وياكرههـم للمرجـلـه والمـبـره
ازوالهم ترهب من عظام وشحـوم = وان سولفوا عدوا حـدود المجـره
وقلوبهم طفلٍ من العطف محـروم = ياكثر منهـو غـره الـزول غـره
الحكي مرهم.. والفعل داب مسموم = اقوالهم حلـوه .. والافعـال مـره




اخيرا.. ان من الشعر لسحرا..




صح لسانك يا عساف..





اخوووك

[فلاح العماش]

عساف



يا سلاام عليك

رغم كبتها وضيقتها


الا أنها رااائعه


وأنت رااائع يا عساف


وماتعودنا منك غير الروعه


صح قلبك

وأضحك للدنياء تضحك لك

[عجايب بنت الشايب]

صح لسانك

وفرج الله همك

وجعها خيرتن لك ..

[مشاعـر مبعثـرهـ]

عسـ..ـاف التومـ..ـي

:361r:

.. صح لسانك .. قصيـده رائعـه ..

.. نرى بها تميزك الشعري ..

.. واسلوبك الجميل في صياغة احساسك ..

.. اللــه يفرج عنك ضيقتك ..

.. تقبل مني ارق تحيه ..

اختـ..ـك :: مشاعـ..ـر مبعثـ..ـرهـ .. roooose

[شام]

لو اراد كل موظف يهجو مؤسسته أو شركته

لوجدنا كل العالم قد اصبح عاطلاً عن العمل

فمن هو راض عن عمله

أظن قلة قليلة

أما العمل في المؤسسات الكبيرة و ذات الانتاجية

مؤكد له سلبيات والتالي ايجابيات

يعني معقول ذلك الموظف لا ينال رواتب عالية و حوافز و مكافآت

فأمام هذه الايجابيات عليه وعلينا التجمل بالصبر

بغض النظر

صح لسانك أخي عساف ..

[نواف الناصر]

الاخ عساف

صح لسانك واعتلا شانك

الله يفرج كربتك وضيقتك يابعد حيي..

هونها وتهون باذن الله

[فلاح السعد]

هي كذا عساف حال الرزق والله=يمكن يحطك في وضعِ غير لايق
بس ياصارت خليّه من المذلـــه=اصبر لوضعك وبيك تصيــــــر رايق

[عساف التومي]

الله يفرج عليك ضيقتك..


و ما تنلاااام و الله



و ان شاء الله يفتحون فرع لارامكوا بالشمال..







ياقل مابه مـن زحازيـح وقـروم = وياكثر من تقـدح عيونـه مضـره
ياكثرهم مادامهـا جمعـة رخـوم = وياقلهـم لاشـد بـأحـلاه مــره
ياكثرهم وقـت المعاذيـر واللـوم = وياقلهـم لالـوح الـشـر شــره
ياحبهـم للحـش والنـش والنـوم = وياكرههـم للمرجـلـه والمـبـره
ازوالهم ترهب من عظام وشحـوم = وان سولفوا عدوا حـدود المجـره
وقلوبهم طفلٍ من العطف محـروم = ياكثر منهـو غـره الـزول غـره
الحكي مرهم.. والفعل داب مسموم = اقوالهم حلـوه .. والافعـال مـره




اخيرا.. ان من الشعر لسحرا..




صح لسانك يا عساف..





اخوووك

اخوي هايس
.
صح بدنك ... وفرج الله كربة كل مسلم .....

.
للامانه ياصاحبي .....مرورك يعني لي الشي الكثير ......
.. دمت كما انت

[ريال الفسحه]

صح لسانك يالتومي ملايين ...ولاعدمنا هالروعه

لكن بما اننا حول بعض شه قرب ابيك شوين:)


صدز اني ليا هاللحين ماقلعوني عشان اشتغل ((متدرب))

لكن شكلك متوسده لاخر حد :) شكل ماحولك الا هالبحارنه :)

حليل زولك بينهم هم وعلابيهم لعنتن لهكالغوارب :)

اكتنك بلك بلانت ماحولك الا فلان التريكي وفلان العلي :)


الله يعينك ويكرمك يالتومي.....



ارامكـو ياعـل مافيـك مـهـدوم=حريق مـن ربـي لبحـرك وبـره
عل السما تمطر على اآبارك سهوم=ونار الغضب وسط المبانـي مقـره
لو هي سالمتن من هالبيتين تسان شي..>>وفي

شكلك كاتبه باخر ليل :)


لاهنت يالتومي

[ابو عبدالإله]

الله يحفظك ويزيل همومك ويبلغك مرامك قصيدة رائعة مع تحفظنا على هجاء صرحنا الوطني ارامكو
ارامكـو ياعـل مافيـك مهـدوم حريق من ربـي لبحـرك وبـره
عل السما تمطر على اآبارك سهوم ونار الغضب وسط المباني مقـره

أخطأت خطأ فادح اخي الحبيب بهالبيتين
ليتك تحذفهما من القصيدة

[عساف التومي]

عساف



يا سلاام عليك

رغم كبتها وضيقتها


الا أنها رااائعه


وأنت رااائع يا عساف


وماتعودنا منك غير الروعه


صح قلبك

وأضحك للدنياء تضحك لك

فلاااااااااااااااااااح العمااااش

هذي "كشره "عشااااااااانك

.
صح بدنك
.
والروعه ماتكتمل الا بمرورك ....

لاهنت

[ابو عارف]

عساف التومي

لست معك في هجا وذم شركة أرامكو السعودية صرح إقتصاد بلادنا الحبيبة المملكة العربية السودية , الوظيفة التي تشغلها يتمناها الملايين ومن المعلوم بأن العمل في أرامكو السعودي هو حلم كل شاب طموح فهي شركة عملاقة في كل المقاييس حيث توفر لموظفيها العديد من المزايا والحوافز التي لاتتوفر في غيرها من الشركات فهي توفر السكن والعلاج والنقل والرواتب العاليه والعلاوات الصنفيه للكثير من المهن والزيادات السنوية والترقيات والإدخار والتدريب والتعليم المتخصص المجاني والتأمين الوظيفي كل هذا وفق نظام منضبط ومنقطع النظير.

فأرامكو السعودية هي شركة البترول الأولى في العالم من حيث الكفاءة والنظام والحجم وفيها عشرات الإلوف من الموظفين المتميزين ومن ضمنهم مايفوق ال3000 آلاف من أبناء عمك شمر ومثلهم أو يزيد من كل قبيلة من أبناء الجزيرة العربية دون إستثنى فلا يجوز لك أن تتجاهل كل هذا وتفرط في الهجوم على الشركة وموظفيها على شأن تبي تجلس عند خالك وتسامره , أنا معك أن أرامكو شديدة بعض الشيء وهذا سر نجاحها وفيها منافسة قوية وأحياناً يكون للرئيس المباشر بعض الصلاحيات و الميول في تقييم بعض الموظفين إلا إن هذه الظاهرة لاتشكل ظاهرة مشكلة كبيرة بحيث إنها نادرة الحدوث وإن حدث ذلك فلا يكون على حساب موظف آخر مع العلم إن المشرفين قليلي الإستقرار في موقع عمل واحد وعليه فإن ظلمك هذا ينصفك ذاك.

ملاحظه:
إذا هناك شيء يمكن نساعدك فيه تر الربع حولك و مايقصرون بس لاتزعلهم.

هذا وتقبل تحياتي.

[أم نــــــــــواف]

شعراً : هي رائعة

معنى : قد يكون لها سبب ومُسبب

ويبقى المعنى في بطن الشاعر

( الله يعطينا خير ارامكو ويكفينا شرّها )

بارك الله فيك

[يفــ الوصف ــوق]

http://up.joreyat.org/19Jan2007/flawers.gif

عســاااف ..

\

/

نص رااائع .. رغم الألم ..

رغم ( التعب ) .. وبور الأصحااااب ..

\

الـ غ ــربــه .. ( شينه ) !!

بس الحيــّـاااة .. صـ ع ــبه .. وأشين ( أحيااانااا ) .. ..



والله يالولالقمـة العيـش لآقـوم
واغـادر الديـره ولاعـاد امـره

\

/

وأوافقك الرأي .. ( أرامكو ) .. فيها من المآآسي .. الشئ الكثير ..

> من خلال ما سمعت .. فقط !!

\

ولكن ..

صدّقني .. ( بدون البترول ) و أرامكو و سابك ..


>> محد جاب خبر ( السعوديّه ) واللي فيهااا .. :)


\

صح لساااانك حتى ترضى .. وتحظى ..

من الحروف .. بما تستحق ..

/

تحيــّــه .. تبقـــى .. ..
http://up.joreyat.org/19Jan2007/flawers.gif

[المتوقد]

صح لسانك


الظاهر انك تبيني ,,أطلع من البلنت وأنا مداوم آخر ليل

قصيدتك تخرب البيوووت:)

[سامي الشمري]

خالي ..!



الشيء اللي يدبل تسبدك و يضيّق صدرك ..!


إذا كانت الدعاوي تونّسك أدع عليه ولا عليك من أحد :thumb:


إذا كان مثلا ً هندي غلط عليك بالشارع .. و هو مسلم قلت له ( ألعن الله آبوك ) ..!


و هذي تطلع من غضب ..!


فـ مابالك من شركة دابلتن تسبدك :) ..!


لله درّك ..!


و الله يقوّيك يا الخال ..!


تحياتي لك


roooose

[عساف التومي]

صح لسانك

وفرج الله همك

وجعها خيرتن لك ..

كل الاعجاب بمرورك اخي "كلي اعجاب"

صح بدنك ...وفرج الله همي وهمك وهم كل مسلم
.
والخيره فيما اختاره الله ...

.
لاهنت

[عساف التومي]

عسـ..ـاف التومـ..ـي



.. صح لسانك .. قصيـده رائعـه ..

.. نرى بها تميزك الشعري ..

.. واسلوبك الجميل في صياغة احساسك ..

.. اللــه يفرج عنك ضيقتك ..

.. تقبل مني ارق تحيه ..

اختـ..ـك :: مشاعـ..ـر مبعثـ..ـرهـ ..
.
مشاعر مبعثره

كل الشكر لمرورك الجميل واطرائاتك الرائعه

.
صح بدنك
.
والله يفرج ضيقة كل مسلم

[عساف التومي]

لو اراد كل موظف يهجو مؤسسته أو شركته

لوجدنا كل العالم قد اصبح عاطلاً عن العمل

فمن هو راض عن عمله

أظن قلة قليلة

أما العمل في المؤسسات الكبيرة و ذات الانتاجية

مؤكد له سلبيات والتالي ايجابيات

يعني معقول ذلك الموظف لا ينال رواتب عالية و حوافز و مكافآت

فأمام هذه الايجابيات عليه وعلينا التجمل بالصبر

بغض النظر

صح لسانك أخي عساف ..

ايمان قويدر

.
اولا كل الشكر على مرورك ....
.
اما عن ارامكو
فبالتاكيد لها ايجابيات جمه "وهي ماديه بحته"
لكن لو حسبنا سيئاتها ..لكانت ضعف الايجابيات
.
لكن يااختي
انا كتبت من ضيق ... والسبب هي الاجواء التي انولدت فيها حياتي العمليه .... والتي هي النقيض تماما لما تربيت عليه
.
عموما سأتطرق لهذا بردود قادمه
.
صح بدنك اختي
.
ويعجبني الانسان اللي ينقد .... لان النقد اوكسجين النجاح

[عساف التومي]

الاخ عساف

صح لسانك واعتلا شانك

الله يفرج كربتك وضيقتك يابعد حيي..

هونها وتهون باذن الله

نواف الناصر

.صح بدنك يالذيب
.
وان شاء الله انها هينه ....
...
الثصيده مجرد تفجير لشئ مكبوت ...ليس الا

[عساف التومي]

هي كذا عساف حال الرزق والله .. يمكن يحطك في وضعِ غير لايق
بس ياصارت خليّه من المذلـه .. اصبر لوضعك وبيك تصير رايق

ارحب يابو ظاري
.
يابو ظاري علت المقرود عله
................................ "فينت" حظ المساري والطرايق
عقب مافوحت فوق العز دله
................................فاح راسي من دنيات الحرايق
يجذبون الطيب من حظني ..واتله
................................ جوج ماجوج البلاسه والنفايق
شلةٍ تتلي لها تسعين شله
............................... وقايد الشله على الشله يوايق
ول ياحظٍ نكس بي عن محله
.............................. ومن يعذرب ..ماعرف كل الحقايق
.
.
اسمحلي ابو ظاري ...تعديت الحدود بعدد الابيات...بس من ميانه والله
ابيها بيتين ...جت هاللون

[عساف التومي]

صح لسانك يالتومي ملايين ...ولاعدمنا هالروعه

لكن بما اننا حول بعض شه قرب ابيك شوين


صدز اني ليا هاللحين ماقلعوني عشان اشتغل ((متدرب))

لكن شكلك متوسده لاخر حد شكل ماحولك الا هالبحارنه

حليل زولك بينهم هم وعلابيهم لعنتن لهكالغوارب

اكتنك بلك بلانت ماحولك الا فلان التريكي وفلان العلي


الله يعينك ويكرمك يالتومي.....





ارامكـو ياعـل مافيـك مهـدوم حريق من ربـي لبحـرك وبـره
عل السما تمطر على اآبارك سهوم ونار الغضب وسط المباني مقـره



لو هي سالمتن من هالبيتين تسان شي..>>وفي

شكلك كاتبه باخر ليل

صح بدنك ريال باشا

وترن ماني بعيد عنك ... قبلك بكم شهر بس .... يعني توي

اما عن الربع اللي ذكرتهم ...... عد واغلط ..وكل طبع احسن من الاخر
.
اما البيتين
فهم متعلقين بالبيت اللي بعدهم
لاني تمنيت الامر هذا ..... عشان افارقه من دون محد يشره علي وانا اخوك
لاني لو تتركه "هلون" ... صارت عيب
وعلى قولة ابن رشيد ...... عيبٍ على اللي يتقي عقب مابان
.
عموما انا ذكرت بالبدايه انه جت كذا ..... وخوذوها زي ماهي
يعني من القلب لاسماعكم ...دون تحفظات
.
الف شكر اخوي ريال ...

[عساف التومي]

الله يحفظك ويزيل همومك ويبلغك مرامك قصيدة رائعة مع تحفظنا على هجاء صرحنا الوطني ارامكو
ارامكـو ياعـل مافيـك مهـدوم حريق من ربـي لبحـرك وبـره
عل السما تمطر على اآبارك سهوم ونار الغضب وسط المباني مقـره

أخطأت خطأ فادح اخي الحبيب بهالبيتين
ليتك تحذفهما من القصيدة

ابو عبدالاله
ويزيل همك يالغالي
تحفظك على العين والراس وانا اخوك
.
لكن .... ماكتبت هالبيتين وانا ابمسحهن
.
لاهنت يالذيب

[عساف التومي]

عساف التومي

لست معك في هجا وذم شركة أرامكو السعودية صرح إقتصاد بلادنا الحبيبة المملكة العربية السودية , الوظيفة التي تشغلها يتمناها الملايين ومن المعلوم بأن العمل في أرامكو السعودي هو حلم كل شاب طموح فهي شركة عملاقة في كل المقاييس حيث توفر لموظفيها العديد من المزايا والحوافز التي لاتتوفر في غيرها من الشركات فهي توفر السكن والعلاج والنقل والرواتب العاليه والعلاوات الصنفيه للكثير من المهن والزيادات السنوية والترقيات والإدخار والتدريب والتعليم المتخصص المجاني والتأمين الوظيفي كل هذا وفق نظام منضبط ومنقطع النظير.

فأرامكو السعودية هي شركة البترول الأولى في العالم من حيث الكفاءة والنظام والحجم وفيها عشرات الإلوف من الموظفين المتميزين ومن ضمنهم مايفوق ال3000 آلاف من أبناء عمك شمر ومثلهم أو يزيد من كل قبيلة من أبناء الجزيرة العربية دون إستثنى فلا يجوز لك أن تتجاهل كل هذا وتفرط في الهجوم على الشركة وموظفيها على شأن تبي تجلس عند خالك وتسامره , أنا معك أن أرامكو شديدة بعض الشيء وهذا سر نجاحها وفيها منافسة قوية وأحياناً يكون للرئيس المباشر بعض الصلاحيات و الميول في تقييم بعض الموظفين إلا إن هذه الظاهرة لاتشكل ظاهرة مشكلة كبيرة بحيث إنها نادرة الحدوث وإن حدث ذلك فلا يكون على حساب موظف آخر مع العلم إن المشرفين قليلي الإستقرار في موقع عمل واحد وعليه فإن ظلمك هذا ينصفك ذاك.

ملاحظه:
إذا هناك شيء يمكن نساعدك فيه تر الربع حولك و مايقصرون بس لاتزعلهم.

هذا وتقبل تحياتي.

ابو عارف

وانا اخوك ..والله ياجلستٍ عند خالي انه تسوى ارامكو وتسوى غيره بعد
عموما انا ماتطرقت لخالي .... فيما بعد ان شاء الله بنزل قصيده بوه
.
اما عن ماذكرته يالذيب
فانا معك ... ارامكو قدمت الكثير والكثير لموظفيها ..ولازالت تقدم
لكن
بلاها من موظفيها
.
تبيها بصراحه
انا رجال بدوي .. ولا اعرف باللكاعه ... متعود على دله وقهوه ويالله حيوه
بغمضة عين
صرت بوسط ناس مايعرفون يرحبون .... حكمتهم بالحياه "اللهم نفسي" ... يموتون بالبلاسه ... رياء......ناس يدورون الزلات على بعض ... رئيسك على صح دايما ...وووووووووو
بصراحه عجزت اطبق الكلام هذا كله ......
والمشكله لو ماطبقته صعب انك تمشي مع الناس
.
عموما يالغالي
انا مو مشكلتي مع التعب او الشغل ..... انا مشكلتي مع طبايع الناس هنا
.
.
وما اعمم كلامي هذا على كل الموظفين ... يمكن الكلام هذا بس عندي
.
.

عموما

الف شكر يالذيب على تعقيبك .... ولك كل الاحترام

[عساف التومي]

شعراً : هي رائعة

معنى : قد يكون لها سبب ومُسبب

ويبقى المعنى في بطن الشاعر

( الله يعطينا خير ارامكو ويكفينا شرّها )

بارك الله فيك

ام نوف
.
يعجبني تفكيرك قبل تدبيرك

.

والله يبارك بارامكو "ويسنع اموره "

الف شكر ام نوف

[عساف التومي]

ملاحظه:
إذا هناك شيء يمكن نساعدك فيه تر الربع حولك و مايقصرون بس لاتزعلهم.

هذا وتقبل تحياتي

ابو عارف

نسيت ملاحظتك هذي
.
مكثور الخير ..... وذاخرينك للي اكبر منه

[عساف التومي]

عســاااف ..

\

/

نص رااائع .. رغم الألم ..

رغم ( التعب ) .. وبور الأصحااااب ..

\

الـ غ ــربــه .. ( شينه ) !!

بس الحيــّـاااة .. صـ ع ــبه .. وأشين ( أحيااانااا ) .. ..



والله يالولالقمـة العيـش لآقـوم
واغـادر الديـره ولاعـاد امـره

\

/

وأوافقك الرأي .. ( أرامكو ) .. فيها من المآآسي .. الشئ الكثير ..

> من خلال ما سمعت .. فقط !!

\

ولكن ..

صدّقني .. ( بدون البترول ) و أرامكو و سابك ..


>> محد جاب خبر ( السعوديّه ) واللي فيهااا ..


\

صح لساااانك حتى ترضى .. وتحظى ..

من الحروف .. بما تستحق ..

/

تحيــّــه .. تبقـــى .. ..






__________________

يفوق الوصف
.
والله اني اعلم اننا بدون البترول "ندحدر" للعالم العاشر مهو الثالث

لكن ............

ربك يحلها

عموما صح بدنك يالذيب ......

ولاهنت على المرور والتعليق الجميل

[عساف التومي]

صح لسانك


الظاهر انك تبيني ,,أطلع من البلنت وأنا مداوم آخر ليل

قصيدتك تخرب البيوووت

المتوقد

عين خير يابن الحلال ... تر البلنت مايسوى بدونك << يرفع ههههههه

صح بدنك يالغالي

ولاهنت على مرورك

[عساف التومي]

خالي ..!



الشيء اللي يدبل تسبدك و يضيّق صدرك ..!


إذا كانت الدعاوي تونّسك أدع عليه ولا عليك من أحد


إذا كان مثلا ً هندي غلط عليك بالشارع .. و هو مسلم قلت له ( ألعن الله آبوك ) ..!


و هذي تطلع من غضب ..!


فـ مابالك من شركة دابلتن تسبدك ..!


لله درّك ..!


و الله يقوّيك يا الخال ..!


تحياتي لك

.
يناخيي

"
.
..................... ينصر دينك ياشيخ................
ياكذا البنيخي ..يافلا
..
.
وعلى فكره والله ترى كلامك صح .. وتمثيلم صح

هي مثل اللي تدبل تسبده سيارته ويقول "ليته تحترق واخلص منه" .... لانه يدري انه مايقدر يتركه دامه صالحه ...
.
.
الف شكر غربه ...
وصح بدنك ...

[ابو عارف]

وانا همومي داخل القلـب بالكـوم
مبطي الهنا ماخـش قلبـي ومـره
وقتي غدى ياخالي الهـم مشئـوم
اضحك معك.. وبداخل القلب حـره
امس نتواجه فلة حجـاج وعلـوم
واليوم تسحبنـي الليالـي واجـره

هلا والله بالأخ عساف
فكرت إنك تخاطب خالك في هذين البيتين
على أي حال كانت القصيدة جميله , لكن رأيت فيها ظلم للشركة مصدر رزق الكثيرين والعيب لم يكن فيها بل في بعض زملاءك في العمل وإذا أعدت قراءتها تجد إنها أخذت صفة التغليب القريب من التعميم وهذا الشيء الذي جعلني إذكرك بأن الشركة ماتستأهل منك كل هالهجوم الحاد.

وتأكد بأنها لو كانت شاعرة لردت عليك الصاع صاعين.

على أي حال إشكر الله إنك في أرامكو لا مع أحد مقاوليها او أحد العاطلين عن العمل ويقول المثل من ماغبر شاربه مادسمه والصبر مفتاح الفرج ويظهر لي بأنك شاب حديث التوظيف لذلك ماتأقلمت مع جو العمل وأصابك شيء من الهوم سك , خلني أسألك عن رأيك في أرامكو السعودية بعد إكمالك 10 سنوات من الخدمة المستمرة إذا الله أعطاك الصبر وطولة العمر.

كما تعلم بعض الموظفين القداما المتقاعدين مازالوا يترددون على مواقع عملهم من زود المحبة للشركة والولاء لها وتحية طولك عرضك.

[ريال الفسحه]

كما تعلم بعض الموظفين القداما المتقاعدين مازالوا يترددون على مواقع عملهم من زود المحبة للشركة والولاء لها وتحية طولك عرضك.


صدقت والله يابوعارف وانا اعرف لي واحد عقب ماقاعدوه
استاذن منهم انه يجي ويشتغل وبراتي تقاعده وقعد على
هالحاله حول 6شهور او اكثر الى ان فتح له شركه مدري مشروع
وتركه ....



ماعليه على المداخله...

[عساف التومي]

وانا همومي داخل القلـب بالكـوم
مبطي الهنا ماخـش قلبـي ومـره
وقتي غدى ياخالي الهـم مشئـوم
اضحك معك.. وبداخل القلب حـره
امس نتواجه فلة حجـاج وعلـوم
واليوم تسحبنـي الليالـي واجـره

هلا والله بالأخ عساف
فكرت إنك تخاطب خالك في هذين البيتين
على أي حال كانت القصيدة جميله , لكن رأيت فيها ظلم للشركة مصدر رزق الكثيرين والعيب لم يكن فيها بل في بعض زملاءك في العمل وإذا أعدت قراءتها تجد إنها أخذت صفة التغليب القريب من التعميم وهذا الشيء الذي جعلني إذكرك بأن الشركة ماتستأهل منك كل هالهجوم الحاد.

هلا وغلا يابو عارف

حصل خير ياسنايدي
.
والشركه مصدر رزقي قبل لاااعتبره مصدر رزق الكثيرين

لكن بلاه من اللي داخله وانا اخوك .

.


وتأكد بأنها لو كانت شاعرة لردت عليك الصاع صاعين.

هههههههههههههههههههههههههههههههه

تدري انا ابي انصبك مدافع عنه ..... ورد عنه ... ولك واحدٍ يتقبل ويسكت
.

على أي حال إشكر الله إنك في أرامكو لا مع أحد مقاوليها او أحد العاطلين عن العمل ويقول المثل من ماغبر شاربه مادسمه والصبر مفتاح الفرج ويظهر لي بأنك شاب حديث التوظيف لذلك ماتأقلمت مع جو العمل وأصابك شيء من الهوم سك , خلني أسألك عن رأيك في أرامكو السعودية بعد إكمالك 10 سنوات من الخدمة المستمرة إذا الله أعطاك الصبر وطولة العمر.
وانا احمد ربي صبح ومسى ,,,يابو عارف
وعسى الله يمد بعمري وعمر 10 سنين ونتقابل
.


كما تعلم بعض الموظفين القداما المتقاعدين مازالوا يترددون على مواقع عملهم من زود المحبة للشركة والولاء لها وتحية طولك عرضك.

مهو حب والله يابو عارف
الا ادمان
تخيل 30 سنه على رتم واحد ... وشلون ماتبيهم يدمنون
.
.
عموما اشكرك سيدي على تعقيباتك ....
تحياتي

[عساف التومي]

صدقت والله يابوعارف وانا اعرف لي واحد عقب ماقاعدوه
استاذن منهم انه يجي ويشتغل وبراتي تقاعده وقعد على
هالحاله حول 6شهور او اكثر الى ان فتح له شركه مدري مشروع
وتركه ....



ماعليه على المداخله
اذا مادخلت انت من يدخل ياريال باشا

عموما الظاهران نهايتك مثلهم هههههههههههه
القاك الصبح عن موقف الباصات ..تحكك صابرك
.
تحياتي ياباشا

[غريب الشرقيه]

اولا صح لسانك مليون
ثانيا اخوي دعاك على الروساء الغير منصفين في ارمكو السعوديه انا معك اقول امين امين امين
لكن دعاك على الشركه نفسها لا والف لا لنه والله هذا رزقنا من الله ثم من الشركه لكن عسا الله يرزق الشركه بناس مخلصين ويمحي منها الفساد الاداري والمفسدين

[صدى الشمال]

صح لسانك يالغالي





أنا معك مسانده






وأبيك تسمحلي
حطيت هالقصيده من ضمن توقيعي






وودي ترداهم بقصيدةٍ ثانيه





يعطيك العافيه
على القصيده

[ابو عارف]

Thanks alot Assaf
To me I have nothing to add except handing over this rooose2 fllower to you and to all Participants

[عساف التومي]

اولا صح لسانك مليون
ثانيا اخوي دعاك على الروساء الغير منصفين في ارمكو السعوديه انا معك اقول امين امين امين
لكن دعاك على الشركه نفسها لا والف لا لنه والله هذا رزقنا من الله ثم من الشركه لكن عسا الله يرزق الشركه بناس مخلصين ويمحي منها الفساد الاداري والمفسدين

غريب الشرقيه

صح بدنك هذا اولا

وجهة نظرك على العين والراس ......

والف شكر لمرورك

[عساف التومي]

صح لسانك يالغالي





أنا معك مسانده






وأبيك تسمحلي
حطيت هالقصيده من ضمن توقيعي






وودي ترداهم بقصيدةٍ ثانيه





يعطيك العافيه
على القصيده

صدى الشمال

هههههههههههههههههههههه اما "ارداهم " بقصيده ثانيه
قصيده وحده ... وبلشنا ...تبيهم "يدوحوني"
.
صح بدنك يالغالي ..... وذاخرين مساندتك للعسرات وانا اخوك
.
وتفداك القصيده

لاهنت يالذيب على مرورك .... "ومساندتك "

[عساف التومي]

Thanks alot Assaf
To me I have nothing to add except handing over this fllower to you and to all Participants

ياويحي
هذا وش يقول ..........
تدري احتياطاً ..................................الله يسامحك ههههههههههه

ابو عارف

الشكر موصول لك

والف شكر على رقي حوارك ... على الورده

[ابو عارف]

أهلاً وسهلاًYou are welcome

[ريوف الشمري]

ياقل مابه مـن زحازيـح وقـروم
وياكثر من تقدح عيونـه مضـره
ياكثرهـم مادامهـا جمعـة رخـوم
وياقلهـم لاشـد بـأحـلاه مــره
ياكثرهم وقـت المعاذيـر واللـوم
وياقلهـم لالـوح الشـر شــره
ياحبهـم للحـش والنـش والنـوم
وياكرههـم للمرجـلـه والمـبـره
ازوالهم ترهب من عظام وشحـوم
وان سولفوا عدوا حـدود المجـره
وقلوبهم طفلٍ من العطـف محـروم
ياكثر منهـو غـره الـزول غـره
الحكي مرهم.. والفعل داب مسموم
اقوالهم حلـوه .. والافعـال مـره
السعر طايح والرجاجيـل بالسـوم
ومن سام ياخذ والرجاجيـل حـره


باذخة

تنثر الملح في أشد جرورح هذا الزمان

وما ابتليت به هذه الأمة في بعض رجالها

فارعة كنخيل حائل

وتستحق ردا بمثلها

لنا فيها بعض المآخذ ولكن العزاء أننا

نعلم صفاء النيّة و أنها كما يبدو خرجت

من رحم معاناة الغريب

إلى ذلك الحين نعود

[سلطان الشمري]

ياعساف ..



للقمة العيش ياعساف .. لقمة العيش ..


.
صح قلبك .. وروحك ..

معبره ونقيه ..



احترامي

[الاصمعي]

سلط على النصراني اللي لقى الزيت=يا ليت نبع الزيت محرق عيونه

لولاه تحتاج المراجل شفاليت=تحتاج شيٍ يقصر النذل دونه

عزم على الفرجه وقطع الخلا الميت=حتى عيال البوم ما يا صلونه

أبيات للشاعر بندر بن سرور برر لغضبه من اكتشاف البترول بانتفاء قسوة الحياة التي تميز بين الرجال في اكتساب المراجل والعلم الطيب!!

وقد علق على الأبيات الأديب عبدالله بن خميس بأسطر جميلة ذكر فيها فضل الله على المسلمين باكتشاف الزيت الذي غير حياتهم للأفضل ووسع بأرزاقهم وانتقد الشاعر بقصر نظرته وتمنيه الشدة على الجميع ليتبين ما يرى أنه ميزان لتفاضل الرجال وتفاضل الرجال وطيبهم يبين بطرق كثيرة وبمواقف مختلفة لا يمكن حصرها بالصورة التي رسمها الشاعر!!



وأنت يا أخ عساف تجاوزت الشاعر بندر بن سرور بتعميم دعوتك على الناس والمنشئات وبنفس الوقت بتضييق هدفك منها وهو طلب راحتك الشخصية فقط ودفع الملام عنك بجلوسك عاطل دون عمل!!!

لأرامكو كمنشئة اقتصادية عليك حق ، وللمجموعات البشرية الذين اختلطت بهم منذ التحاقك الى الآن عليك حق ، ولمن ساعد بتوظيفك من اصغر موظف بمكتب التوظيف الى كل من ساعد بتوظيفك كبير حق!!!

ولعلنا نقرأ لك تراجع صريح عن هجومك الناري على ارامكو وموظفيها والا لا تلوم الا نفسك فأبناء أرامكو من قارضي الشعر كثير وأصحاب المواقف المنافحة عن الحق أين ما كان مصدره غير قليل !!

لذلك أنصحك تراجع بسرعة:)

صح لسانك ملايين على حسن النظم فقط وأخالفك بالمعنى جداً:thumb:

تحياتي

[عساف التومي]

باذخة

تنثر الملح في أشد جرورح هذا الزمان

وما ابتليت به هذه الأمة في بعض رجالها

فارعة كنخيل حائل

وتستحق ردا بمثلها

لنا فيها بعض المآخذ ولكن العزاء أننا

نعلم صفاء النيّة و أنها كما يبدو خرجت

من رحم معاناة الغريب

إلى ذلك الحين نعود

ريوف الشمري
.
يهمني كثيرا مرور شخصيه كـ ريوف الشمري ... شخصه ترى القصيده بعين فاحصه .. لاتمر مرور "اداء الواجب"
.
الى ان تعود الروعه ..... سأترك قلمي هنا

[عساف التومي]

ياعساف ..



للقمة العيش ياعساف .. لقمة العيش ..


.
صح قلبك .. وروحك ..

معبره ونقيه ..



احترامي

سلطان الحجاج ....


والله يلولا لقمة العيش لااقوم ...واغادر الديره ولاعاد امره

صح بدنك يالذيب

.
تصدق احيان اقول ......لقمة العيش تبي تضحيه
.
لكن على طول يطري علي بيت كتبته ولاقدرت اكمل بعده شين

لقمة الهم ماتشبع جياعا ولاتبتل ريق....دام صار الهم لقمه فياويل الرياق

لاهنت

[عساف التومي]

الاصمعي ....يالاصمعي

يالله حيووووووووووووووووووووووه

.
بعيييييد عن القصيده ورده .....تدري ان مرورك هنا ترك في نفسي الشئ الكثير <<<لاعتبارات يمكن ماتطري على بالك
عوما حياااااااااااااااااااااااااااااااااااااا اااااااااك
.




سلط على النصراني اللي لقى الزيت
يا ليت نبع الزيت محـرق عيونـه

لولاه تحتـاج المراجـل شفاليـت
تحتاج شيٍ يقصـر النـذل دونـه

عزم على الفرجه وقطع الخلا الميت
حتى عيال البوم مـا يـا صلونـه




أبيات للشاعر بندر بن سرور برر لغضبه من اكتشاف البترول بانتفاء قسوة الحياة التي تميز بين الرجال في اكتساب المراجل والعلم الطيب!!

وقد علق على الأبيات الأديب عبدالله بن خميس بأسطر جميلة ذكر فيها فضل الله على المسلمين باكتشاف الزيت الذي غير حياتهم للأفضل ووسع بأرزاقهم وانتقد الشاعر بقصر نظرته وتمنيه الشدة على الجميع ليتبين ما يرى أنه ميزان لتفاضل الرجال وتفاضل الرجال وطيبهم يبين بطرق كثيرة وبمواقف مختلفة لا يمكن حصرها بالصورة التي رسمها الشاعر!!

الله يجبر بخاطرك يومنك سويت مقارنه بيني وبين بندر بن سرور
"اطراء تشكر عليه"




وأنت يا أخ عساف تجاوزت الشاعر بندر بن سرور بتعميم دعوتك على الناس والمنشئات وبنفس الوقت بتضييق هدفك منها وهو طلب راحتك الشخصية فقط ودفع الملام عنك بجلوسك عاطل دون عمل!!!

لأرامكو كمنشئة اقتصادية عليك حق ، وللمجموعات البشرية الذين اختلطت بهم منذ التحاقك الى الآن عليك حق ، ولمن ساعد بتوظيفك من اصغر موظف بمكتب التوظيف الى كل من ساعد بتوظيفك كبير حق!!!

كل من ذكرتهم على عيني وعلى راسي ..... وكل من سعى لي من مهدي الى لحدي ..له امتناني
.
لكن لي وجهة نظري ..... ولي مغزاي من ورى هالقصيده ....فهمها من فهم ...واللي مافهمها بالطريقه الصحيحه ..""له كل اعتذار اخوه الصغير"


ولعلنا نقرأ لك تراجع صريح عن هجومك الناري على ارامكو وموظفيها والا لا تلوم الا نفسك فأبناء أرامكو من قارضي الشعر كثير وأصحاب المواقف المنافحة عن الحق أين ما كان مصدره غير قليل !!

لذلك أنصحك تراجع بسرعة
هذي اللي والله ماطرت ......
ان كان هناك من يريد ان يستميت دون ارامكو ....فاعلم ان هنا من يستميت دون مبادئه
.
لكن صدقني من ذاق علقم ارامكو ...انا ابصم بالمليون انه مايلومني على قصيدتي هذي
والشواهد كثيره من خلال الاسماء والردود


صح لسانك ملايين على حسن النظم فقط وأخالفك بالمعنى جداً

تحياتي
صح بدنك نيابتاً عن "حسن النظم"

[ابو عارف]

وجهة نظر أخوكم الكبير حول موضوع قصيدة الزميل عساف التومي أقول لجميع من قراء هذه القصيدة من موظفي أرامكو السعودية الطيبين حفظكم الله أنتم غير معنيين بهذه القصيدة على الإطلاق إنها تتكلم عن فئة معينة من الناس هذه الفئه موجودة بالشركة وفي غيرها و تعرف نفسها وقليل بحقها ماقال التومي ولن يعتذر لهم لإنهم مايستأهلون الإعتذار ولن يعتذر للخيرين بأرامكو لإنهم غير معنيين بهذه القصيدة وهم كثر والحمد لله ولا يلحقهم شك لافي أنفسهم ولا في طيبهم.

لذلك دعونا ننتظر رد الشاعرة المحايدة والجديرة ريوف الشمري حول هذه القصيدة ونقف عنده ونكتفي فيه , كلي أمل أن تكون وجهة نظري هذه تلاقي رضى الجميع وخاصة موظفي أرامكو الطيبين.

أخوكم موظف ارامكو ممن لاتعنيهم هذه القصيدة أحسب نفسي كذلك و الله من وراء القصد.

والسلام عليكم ورحمة الله وبركاته

[ريال الفسحه]

يارب.. واحرقهم قبل باكر اليـوم=سود النوايا داخـل الويـل جـره

والله ماعرف عساف ولا ادري وش بقلبه لكن اكيد مايعني اهل السنه
الطيبين هو يعني هالجحلط الشيعه ملعونين العصب....




واتوقع مع اني ليا هالحين ماطلعت لهالرقات والكرف الي لقاه التومي انه مدزدي
انا وانا اخوياي سنه وبدو من رفحا ومن حايل ومن عنزه ومن قحطان الا انهم معي
بنفس الورشه ومابيننا اي كلام لكن والله مقابل وجيههم يجيب لعنت الجدف والهم
ويكفي والله باول يوم بعد موت صدام يضحكون ويهنئون بعض بموتت صدام...


فمابالكم بواحد بلوه كنب والا رق 12ساعه مع شيعتن والا مع لوه طقعان مابهم اللي
سالفتوه سنعه وش يسوي...وش راح تكون حالتوه...

كل واحد يحط نفسوه مكان التومي وبعدين يحكي ..انا مااقول التومي مااخطا لكن مالومه
لان النفس تمل وتزهق وتطنا :) يالطنايا :)


والدعوه سهالات



مدري وش يلقفن واتدخل لكن اسمي اللي كتبت

[عساف التومي]

وجهة نظر أخوكم الكبير حول موضوع قصيدة الزميل عساف التومي أقول لجميع من قراء هذه القصيدة من موظفي أرامكو السعودية الطيبين حفظكم الله أنتم غير معنيين بهذه القصيدة على الإطلاق إنها تتكلم عن فئة معينة من الناس هذه الفئه موجودة بالشركة وفي غيرها و تعرف نفسها وقليل بحقها ماقال التومي ولن يعتذر لهم لإنهم مايستأهلون الإعتذار ولن يعتذر للخيرين بأرامكو لإنهم غير معنيين بهذه القصيدة وهم كثر والحمد لله ولا يلحقهم شك لافي أنفسهم ولا في طيبهم.

لذلك دعونا ننتظر رد الشاعرة المحايدة والجديرة ريوف الشمري حول هذه القصيدة ونقف عنده ونكتفي فيه , كلي أمل أن تكون وجهة نظري هذه تلاقي رضى الجميع وخاصة موظفي أرامكو الطيبين.

أخوكم موظف ارامكو ممن لاتعنيهم هذه القصيدة أحسب نفسي كذلك و الله من وراء القصد.

والسلام عليكم ورحمة الله وبركاته

الله يرحم والديك يابو عارف على هالتوضيح
.
والحمدلله انك من الناس اللي "فقعوا بوجهي " بالبدايه بس يالله لك الحمد وصلت للقصد بالنهايه
يعطيك العافيه يالذيب
.
وكلنا بانتظار عودة ريوف

[عساف التومي]

يارب.. واحرقهم قبل باكر اليوم سود النوايا داخل الويـل جـره




والله ماعرف عساف ولا ادري وش بقلبه لكن اكيد مايعني اهل السنه
الطيبين هو يعني هالجحلط الشيعه ملعونين العصب....




واتوقع مع اني ليا هالحين ماطلعت لهالرقات والكرف الي لقاه التومي انه مدزدي
انا وانا اخوياي سنه وبدو من رفحا ومن حايل ومن عنزه ومن قحطان الا انهم معي
بنفس الورشه ومابيننا اي كلام لكن والله مقابل وجيههم يجيب لعنت الجدف والهم
ويكفي والله باول يوم بعد موت صدام يضحكون ويهنئون بعض بموتت صدام...


فمابالكم بواحد بلوه كنب والا رق 12ساعه مع شيعتن والا مع لوه طقعان مابهم اللي
سالفتوه سنعه وش يسوي...وش راح تكون حالتوه...

كل واحد يحط نفسوه مكان التومي وبعدين يحكي ..انا مااقول التومي مااخطا لكن مالومه
لان النفس تمل وتزهق وتطنا يالطنايا


والدعوه سهالات



مدري وش يلقفن واتدخل لكن اسمي اللي كتبت

ريال فسحه
.
ايا بعد حيي والله
.
علي بالحرام كنك متربعٍ بمخي .....
.
كل اللي قلته صحيح ...
.
ولو تلاحظ البيت اللي ذكرته ..... حاول تستبدل كلمة "النوايا " بكلمه اخرى ..... تجد ان المعنى صار مفضوح

.
كل يوم تعال يابناخي ....
مرورك له طابع خاص

[خلف الرويتع]

يارب.. واحرقهم قبل باكـر اليـوم
سود النوايا داخـل الويـل جـره
لعنه تلازمهم... ولعنـه لهـم دوم
ولعنه تزيل وجودهـم 1000مـره
والله يالولالقمـة العيـش لآقــوم
واغـادر الديـره ولاعـاد امـره
من جمعتنا علهـا تصبـح رجـوم
""ارامكـو" ياعـل ربـي يـفـره
ارامكـو ياعـل مافيـك مـهـدوم
حريق مـن ربـي لبحـرك وبـره
عل السما تمطر على اآبارك سهوم
ونار الغضب وسط المبانـي مقـره
من شان افارقها ولااكـون مليـوم
ولا احدٍ يعاتبني.. ولااحـد يتشـره
.


هلا البناخي عساف صح لسانك و لست معك في هذه الجزيه من القصيده البناخي هل تعلم ان اقتصاد هذا البلد متوقف على الله ثم ارمكو لااعتقد انك تقصد المعنى الظاهر من دمار وحريق وهدم وهذا لايجوز من شخص عاقل
انا معك فيه من يفقع المراره بس وايش دخل ارمكو بتصرفات بعض البشر ارجو اعاده انظر في الابيات اعلاه وعلى قولت المثل الغلط مرجوع

البناخي احذر من الاصمعي تره مايقرض الشعر فقط الا يطحنه طحن ههههههههههههههه

البناخي فيه ناس متقاعدين من ارمكو يسوقون البشاير يبون طرحتك بس اعتذر احسلك قبل مايقع الفاس براس تراني انكرتك وقلت ماعرفه :d:

البناخي تراني في يوم من الايام كنت موظف في ارمكو وجتني القراده بعد ان خذيت اجازه في ضواحي المركوز وعند عودتي من الاجازه قدمت الستقالتي من ارمكو وذهبت للعسكريه حباً في الشمال واهله ولكن لم امضي هناك غير ثلاث سنوات وبعدها شاتوني على جيزان ومن ثم الى الشرقيه وهذه النتيجه اعظ اصابع الندم ليتني صابر على نار ارمكو ولا جنه الشمال البناخي امسك وضيفتك ولاتسوي مثلي وبعدها تندم وبعدين تعلم من زملاك ترى شوي نذاله وشوي خبث وشوي طيب تجعلك كوكتيل رجل ترى الرجل مايخلا .ترىالطيبه الزايده في هذا الوقت سذاجه هههههههههه امحق وصيه

[تواصيف]

الله يعطيك العافيه
وصح الله لسانك يااخوي


والله يعينك يارب

[عساف التومي]

هلا البناخي عساف صح لسانك و لست معك في هذه الجزيه من القصيده البناخي هل تعلم ان اقتصاد هذا البلد متوقف على الله ثم ارمكو لااعتقد انك تقصد المعنى الظاهر من دمار وحريق وهدم وهذا لايجوز من شخص عاقل
انا معك فيه من يفقع المراره بس وايش دخل ارمكو بتصرفات بعض البشر ارجو اعاده انظر في الابيات اعلاه وعلى قولت المثل الغلط مرجوع


خلف الرويتع

حياك الله ياطويل العمر.....
وكلامك على العين والراس ........
لكن زي ماقلت سابقا "كلام من القلب للورق" ..... ومن يتفحص القصيده يجد ان المعنى غير اللفظ ...
.


البناخي احذر من الاصمعي تره مايقرض الشعر فقط الا يطحنه طحن ههههههههههههههه

البناخي فيه ناس متقاعدين من ارمكو يسوقون البشاير يبون طرحتك بس اعتذر احسلك قبل مايقع الفاس براس تراني انكرتك وقلت ماعرفه
ههههههههههههههههههههههههههههههههههه
الاصمعي على العين والراس
لكن كانه يقرض او يطحن الشعر ........ فبناخيك مو قليل شر
.
اما اللي يدوروني ... مااظنك تبلس على بناخيك
اجحدن ..... وان لزم الامر "شتم"... بس خله بالريش

اما عذر
فيسمحون لي .......... ماكتبته وانا ابعتذر
.


البناخي تراني في يوم من الايام كنت موظف في ارمكو وجتني القراده بعد ان خذيت اجازه في ضواحي المركوز وعند عودتي من الاجازه قدمت الستقالتي من ارمكو وذهبت للعسكريه حباً في الشمال واهله ولكن لم امضي هناك غير ثلاث سنوات وبعدها شاتوني على جيزان ومن ثم الى الشرقيه وهذه النتيجه اعظ اصابع الندم ليتني صابر على نار ارمكو ولا جنه الشمال البناخي امسك وضيفتك ولاتسوي مثلي وبعدها تندم وبعدين تعلم من زملاك ترى شوي نذاله وشوي خبث وشوي طيب تجعلك كوكتيل رجل ترى الرجل مايخلا .ترىالطيبه الزايده في هذا الوقت سذاجه هههههههههه امحق وصيه

والله ان بغيت الصحيح ...ياتخامةٍ حول المركوز انه تسوى .......الشي الكثير ههههههه

عموما ... على هالخشم وانت تامر ويناخيك ينفذ
""احسن شي بالدنيا ارامكو" <<<< عشاااانك بس
.
لاهنت على مرورك
وبالتاكيد مرورك "يسوى عندي شيٍ كثير"
.
.
على فكره
رسالتك وصلت ....وكل ماقلته على هالخشم
بس ترى خاصية ارسال رساله "غير متاحه لي"
العذر والسموحه

[عساف التومي]

الله يعطيك العافيه
وصح الله لسانك يااخوي


والله يعينك يارب

تواصيف

الله يعافيك ... ويسلم غاليك

وصح بدنك اختي
.
الله يعين الجميع

لاهنتي

[خلف الرويتع]

تسلم يالبناخي ويسلم خشمك

بس لاترها بالنسبه الى الاصمعي والله انه مثل الاهدل شاعر المليون انتبه وعتذر منه بس

نعم ابي اجحدك واقول ماعرفه ابد ههههههههههه

منتظرين جديدك

[عساف التومي]

يسلم راسك
تبيني اعتذرله عشانك ......ابشر والله

.
بس على القصيده ..... والله اللي ماطرت

.
بس انت الظاهر تبي تزعل الاصمعي وهو مهو زعلان ......
حبيب قلبي الاهدلي ....اقصد الاصمعي

[مستر كشخه]

ياتومي ياتومي

انا بصراحه استغرب الهجوم الشرس عليك بالرغم من وضوح المعنى
واضح ان الشاعر ينفس عن مابصدره فقط
وله الحق بالتعبير عن غضبه بما شاء

لكن<<<ركزلي على لكن هههههه
انا لي عتب بسييييييييييييييط
الاهو
لعنه تلازمهم... ولعنـه لهـم دوم
ولعنه تزيل وجودهـم 1000مـره
اللعن مايجوز ياصاحبي
تمنيت ان ماكان فيها لعن عشان تصير دره

تحيات كشكش باشا

[الاصمعي]

أقول والله يبو عتيق الظاهر انك تبي تزلفيني:(

عاد أنا ما صدقت خبر عقب زجرك لي هذا وانتفخت وتخيلت نفسي العوني وتراني أبي أرمي هاللشة بحلق هالبلية والمخرج ملي:)

المهم تسان عندك اسناد لا تذخر شي سنايدي ابو عتيق:goooood:

عساف انطح عن روحك !!!

تحياتي

[عساف التومي]

ياتومي ياتومي

انا بصراحه استغرب الهجوم الشرس عليك بالرغم من وضوح المعنى
واضح ان الشاعر ينفس عن مابصدره فقط
وله الحق بالتعبير عن غضبه بما شاء

لكن<<<ركزلي على لكن هههههه
انا لي عتب بسييييييييييييييط
الاهو
لعنه تلازمهم... ولعنـه لهـم دوم
ولعنه تزيل وجودهـم 1000مـره
اللعن مايجوز ياصاحبي
تمنيت ان ماكان فيها لعن عشان تصير دره

تحيات كشكش باشا

معاك حق
واستغفر الله واتوب اليه ......

صح بدنك يامستر حلو ههههههههه

ولاهنت

[عساف التومي]

أقول والله يبو عتيق الظاهر انك تبي تزلفيني

عاد أنا ما صدقت خبر عقب زجرك لي هذا وانتفخت وتخيلت نفسي العوني وتراني أبي أرمي هاللشة بحلق هالبلية والمخرج ملي

المهم تسان عندك اسناد لا تذخر شي سنايدي ابو عتيق

عساف انطح عن روحك !!!

تحياتي

ههههههههههههههههههههههههههههههههههههه ياشين الناس اللي يرتفعون بساع

يعني كلمتين من ابو عتيق وجيتن مطوطح يدينك..... اوخذ يالاهدلي
.
عموما
مادون الحلق الا اليدين
لا خير في رجلن يحارش ولاشاش ...... ان ماطغى .. جعله لبقعا تحوشه

[ابو عارف]

تذكير في وجهة نظر أخوكم الكبير (شايبكم)

لا يالأصمعي لاتعجل إسمع كلام أخوك الكبير لقد حكٌمنا الإستاذة الإديبة الداعية والداهية بنت العم ريوف الشمري للرد على قصيدة الزميل الأخ عساف التومي ومن المؤكد بأن رد ريوف سيعالج موضوع القصيدة من الناحية الأدبية والدينية في كفاءة و حيادية وبذلك نقول كفى الله المؤمنين شر القتال.،

هذا مجرٌد رأي وكثيرين هم الذين كلموني ويقولون إنهم واضعين أصابعهم على الزناد للرد على التومي ، لكن طلبت منهم التريث والتعقل وعدم التهور ونشر الغسيل.


تعلمون إنني أول من عاتب التومي على قصيدته مخالفاً كل الذين أثنوا عليه ومبيناً للجميع تميز أرامكو السعودية وموظفيها بكل الميادين العلمية والعملية وكلام التومي يمكن أن ينطبق على نفر قليل من الناس في أرامكو وغيرها فلا أرى داعي للرد عليه من قبل أي من منسوبي الشركة لاتفرحون العدوان يا أبناء العم العنوا الشيطان.

[سالم]

.
.

عسسساف .. !!

الله يعينك .. على أرامكو :) .. و القصيده ماتبي شهادتي .. !!
رائعه بكل ماتحمله الكلمه من معنى .. !!

ماننحرم

[ابو عارف]

...

[عساف التومي]

تذكير في وجهة نظر أخوكم الكبير (شايبكم)

لا يالأصمعي لاتعجل إسمع كلام أخوك الكبير لقد حكٌمنا الإستاذة الإديبة الداعية والداهية بنت العم ريوف الشمري للرد على قصيدة الزميل الأخ عساف التومي ومن المؤكد بأن رد ريوف سيعالج موضوع القصيدة من الناحية الأدبية والدينية في كفاءة و حيادية وبذلك نقول كفى الله المؤمنين شر القتال.،

هذا مجرٌد رأي وكثيرين هم الذين كلموني ويقولون إنهم واضعين أصابعهم على الزناد للرد على التومي ، لكن طلبت منهم التريث والتعقل وعدم التهور ونشر الغسيل.


تعلمون إنني أول من عاتب التومي على قصيدته مخالفاً كل الذين أثنوا عليه ومبيناً للجميع تميز أرامكو السعودية وموظفيها بكل الميادين العلمية والعملية وكلام التومي يمكن أن ينطبق على نفر قليل من الناس في أرامكو وغيرها فلا أرى داعي للرد عليه من قبل أي من منسوبي الشركة لاتفرحون العدوان يا أبناء العم العنوا الشيطان

اخوي الغالي والعزيز ابوعارف
.
تكلمنا كثير عن وجهات النظر
وانا بينت وجهة نظري ومقصدي ........
.
اما عن الاخت ريوف الشمري
فانا اعلم مقصدها ...واعلم فحوى رسالتها ..من قبل ان ارى ردها
واعلم ماالمقصد من وراء ردها ....... ولها مني كل الشكر
.
.
اما من هم واضعي اصابعهم على الزناد ...للهجوم
فاتمنى منك ...والشكر لك ان فعلت
ان تقول لهم ان عساف التومي لازال مصراً على كلامه وعلى وجهة نظره ......
واللي له طلابه عندي .... يقول انا لي طلابه
.
اسمحلي يالغالي

[ابو عارف]

كما وعدتنا الشاعرة المتميزة/ ريوف الشمري لم تتأخر بالرد على قصيدة الشاعر عساف التومي وقد جاء ردها كالبلسم على موضوع القصيدة ، فأملي أن يكون مسك الختام وإليكم نسخة منقولة من رد الشاعرة الأديبة و الداعية ريوف الشمري حفظها الله ورعاها.



لا هاج بَحْر الشِعْر يحـلا لـي العـوم
يزْداد عندي كل مـا اهْتـاج سِحْـره
في كفي اليمنى قلـم بألـف زيـزوم
لا مِن دعيتـه نَطَّـح المـوج صـدره
و في كفي اليسرى قمر وأرْبـع نْجـوم
تَضْوي إِذَا مـا أسْبـل الليـل سِتـره
مراكبي تِبْحـر وهـي دايـم الـدوم
تطْلب موانـي كـل معنـى و فكْـره
أهْديتها يوم امْتَلـتْ شاعـر ( التُـوم)
الثايـر اللـي ثـوَّر القـاف شعـره
شَدّ الحـزام وْ لا تَهَيّـبْ مِـن اللـوم
و أهْـدَفْ لِعاقِبْـة التدابيـر نـحْـرَه
وِانْهَلِّ يِبْدِي كِـل خافـي وِ مكْتـوم
قصيـدةٍ تنْبِـش ثمانـيـن جَـمْـره
يشْكِي بها (حِفْنة) رعادِيـد و رْخـوم
زمْرَه فَـ(رَمْكو) فَيِّضوا كـاس صبـره
غريب عـن دار الحبايـب و مهْمـوم
و المغْتِـرب لا ضـاق لا زمْ نِعَـذْره
بالعون قِرْب أهْل الرِّدا يسْـرق النـوم
و (الدَّاغله ) سِمٍ على الحِـرّ خِشْـره
صِدَقت !!يا بعض الرجاجيل مسْقـوم
أعوذ بالله كِـل مـا جِيـبْ ذِكْـره
رجال طَبْع أهْل النِّـدا فيـه معْـدوم
ما صـاح فالشُـمّ الرفيعـات نجْـره
لـه خافـقٍ رَثّ العلايـق و مخـروم
ما يِحْتِجِز من طيـب السيـل قطـره
لا قـام سيفـه فالـوازيـم مَثْـلـوم
ما لـه بوقفـات الرجاجيـل خِبْـره
ما يحْترم لامِن زعـل ديـن و سْلـوم
وَلاَ يميّـزْ بيـن سهْـلـه و وَعْــره
قَمَّار ما يِغْضِي عن الكِـذْب و يْشُـوم
يِخْطي و الاقْبح من خطايـاه عِـذْره
يظْلـم وإذا عاتَبْتَـه يْقـول مظْلـوم
تاخِذْه مِن كاس (الأنا) عنْـك سَكْـره
حَبْلَه على تأجيـج الاضْغـان مبْـرُوم
ما يِنْئِمن فـي مقْبـل الوقـت غَـدْره
حَطَّاب ليلٍ لا حكـى يخْـزِي القـوم
تَنْقِد عليـه بْكـل كِلْمـه و نظْـره
عَبْل الشَّوَى /جَزْل القُوى /هَبْر و شْحوم
ساقِـط بميـزان الرجاجيـل قــدره
مكْسور لو تمْشي به السـاق و تْقـوم
كَسْر المراجل فالرجل صَعْـب جَبْـره
دينه ضعيف وْ لا حَسب لآخر اليـوم
وَ لا تخيّل فـي دجـى الليـل قَبـره
ما له على نهْج النبـي صبْـر و عْـزُوم
و لا بَلّ سَطْـر (المُسْتَحَبَّـات) حِبْـره
******
صَدقتْ يا (التومي) وما قِلـتْ معْلـوم
الليل ما يَخْفـى عـن العيـن بـدْره
و أنا أشْهد إنِك ما انْت في شي مليُـوم
ألا علـى ثنتيـن نعْتَـب و نـشْـرَه
لعْنك ولفظ اللعـن فالديـن مذْمُـوم
حقٍ علـى لسـان النِقِييـن هَجْـره
الثانيـه... والثانيـه نـار وسْـمـوم
تدْعي على (رَمْكو) بالاِحْراق جَهْـرَه
ألا عسى طير السَعَـدْ فوقـه يْحـوم
هي راس نومـاس الصناعـه و فخْـره
و عسى شِبابه قَدِّ حِمْل الصعـب دوم
عونٍ علـى يِسْـر الليالـي و عِسْـره
و عساه في نَحْر العِـدا باكـر سْهُـوم
إليـن يَزْبِـن نابـح الكُفْـر جِحْـره
*****
كانه و أنا اخْتِك للعَنَا... فالعنا كُـوم
كِلٍ يشيل مـن العنـا كِثْـر عُمْـره
كم مِن قلوبٍ كِنَّهـا و الحـزن تَـوم
و كم بسْمةٍ نِخْفي بها ألـف حَسْـره
وإنْ كانها غِرْبه تـرى وآجِـد قْـرُوم
أغْـراب فِبْـلاد الأعاجِـم و قِطْـرَه
مِن دُونهم تاقفْ جـوازات و تْخُـوم
و ألا انت في مُهْجة بِـلادك و حِجْـره
مكْتوب من رب الخلايـق و مقْسـوم
وأقدار تجري مَعْ خِطا النـاس بامـره
وِكاد بِإنِّك قلْتهـا و إنْـت مغْمـوم
و الغمّ نوبٍ ينْسِي الشخْـص حِـذْره
و َأكيد مـا فينـا نِقـيٍ وِ معْصُـوم
كِلٍ وِ له في ساحـة الحـرف عَثْـرَه
مار الرجا فـي عفـوِ حـيٍ وِ قيُّـوم
عسـاه يمْحـي للـذي تـاب وِزْرَه

[عساف التومي]

عسسساف .. !!

الله يعينك .. على أرامكو .. و القصيده ماتبي شهادتي .. !!
رائعه بكل ماتحمله الكلمه من معنى .. !!

ماننحرم

مرورك اكبر شهاده اخوي سالم .....

لاهنت

[عساف التومي]

صح لسان اختي ريوف
.
وتراني مريت على القصيده يابوعارف ....... وبمر عليها ثاني

[ابو عارف]

قصيدة جزلة وهذا المتوقع من شاعرتنا ريوف الشمري حفظها الله فيطيب لي تسميتها بشاعرة المضايف الأولى لو جاز لي التعبير وترك لي التدبير والسلام عليكم ورحمة الله وبركاته.

[الداعيه / براك الفريسي الجربا]

صح لسانك ..


بس لا تعين الشيطان بدعائك عليها ... ادعلها

[الثمالي]

ياوييييه ياعساف

منبطه تسبدك

الله يفرج لك ,,,,, دايم فراق مرابع الصبا عسر

الثمالي

[خلف الرويتع]

أقول والله يبو عتيق الظاهر انك تبي تزلفيني

عاد أنا ما صدقت خبر عقب زجرك لي هذا وانتفخت وتخيلت نفسي العوني وتراني أبي أرمي هاللشة بحلق هالبلية والمخرج ملي

المهم تسان عندك اسناد لا تذخر شي سنايدي ابو عتيق

عساف انطح عن روحك !!!
هههههههههههههههههههههههههههه

الاخ الأصمعي ماينقدر عليك ما شالله غالي والطلب رخيص بس كما قال الاخ ابو عارف كفا الله المومنين شرى القتال

الاخت الداعيه ريوف اضافه الرد المناسب واضافه ابداع الى ابداع البناخي عساف

اخي الاصمعي الحمدالله على سلامه هاللشة وسلمت من البليه عساف كفتك الاخت ريوف

البناخي عساف منتظرين قصيده ثانيه واتمناء تكون غزليه القلب خضر

[أعماق الشمري]

وكل الله يارجال

ترى محد بديرته والحال من بعضه ماهي مشكله اللي يفرج عن حاله بالقصيده

مير البلا اللي حتى القصيد ماسره


صح لسانك

[عساف التومي]

صح لسانك ..


بس لا تعين الشيطان بدعائك عليها ... ادعلها

براك الجربا

صح بدنك


وكلامك على العين والراس

[عساف التومي]

ياوييييه ياعساف

منبطه تسبدك

الله يفرج لك ,,,,, دايم فراق مرابع الصبا عسر

الثمالي

الثمالي

هههههههههههههههههههههههه تر مهو حيل

ويفرج همك يالغالي .....

لاهنت على مرورك

[عساف التومي]

البناخي عساف منتظرين قصيده ثانيه واتمناء تكون غزليه القلب خضر

خلف الرويتع

انت تامر .....
لكن بالغزل مامن حيل .......

[عساف التومي]

وكل الله يارجال

ترى محد بديرته والحال من بعضه ماهي مشكله اللي يفرج عن حاله بالقصيده

مير البلا اللي حتى القصيد ماسره


صح لسانك

اعمااااااااااااااااق


لااله الا الله

والقصيده زي ماقلت كلها تنفيس يتنفيس




صح بدنك يالذيب ......

ولاهنت على مرورك

[احــمــد ال علي]

.¸¸۝❝عـــــــســـــــاف❝۝¸¸.


انت اكــــــــثـــــــر من رائـــــع
صـــــــح لسانك وعلى شانك
يالذيب
تحياتي

[عساف التومي]

انت اكــــــــثـــــــر من رائـــــع
صـــــــح لسانك وعلى شانك
يالذيب
تحياتي

احمد العلي ...

الروعه ماتكتمل الا بمرور مثلك
.
صح بدنك يالذيب

[المشرف العام]

/

معانقه متأخره :(

اقدّم لك حرارة اعجابي . . متلحّفا بتقصيري


رغم انني عانقتها قبل ان يبرد عطرها . . واحسب انني تركت لك اثرا ، ولكن بعد المراجعه لم اجد لي توقيعا

/

أخي : عساف

لله درّك على هذه الرائعه

rooose2

[احمد الشلال]

صح لسانك

اخوي عـــــــــــــــــــــــــــــــــــــــ ــــــــــــــــــــــــــــــــــســـــ اف

ومااقول الى ماتضيق الا تفرج ’’’’’’’’’’’’’’’’’’’’’’’’’’� �’’’’’

[زاهي التومي]

عساف

صح لسانك

أنا على بالي ديره طيبه

لكن بعد قصيدتك الله يستر



تحيـــــــــــــــــــــــــــاتي

[عساف التومي]

/

معانقه متأخره

اقدّم لك حرارة اعجابي . . متلحّفا بتقصيري


رغم انني عانقتها قبل ان يبرد عطرها . . واحسب انني تركت لك اثرا ، ولكن بعد المراجعه لم اجد لي توقيعا

/

أخي : عساف

لله درّك على هذه الرائعه

المشرف العام

بارك الله بهالقصيده اللي مرت بك علينا
.
لاهنت يالذيب

[عساف التومي]

صح لسانك

اخوي عـــــــــــــــــــــــــــــــــــــــ ــــــــــــــــــــــــــــــــــســـــ اف

ومااقول الى ماتضيق الا تفرج ’’’’’’’’’’’’’’’’’’’’’’’’’’� �’’’’’

هلا وغلا

يالله حي احمد .....

وصح بدنك يالذيب ....ولاتهون على مرورك
.
مثل ماقلت
ماتضيق الا وراها وساع.....

[عساف التومي]

عساف

صح لسانك

أنا على بالي ديره طيبه

لكن بعد قصيدتك الله يستر



تحيـــــــــــــــــــــــــــاتي

زاهي حمود

هلا وغلا

الطيب يابوحمود حولكم وحواليكم .......

صح بدنك ....ولاهنت على مرورك