الفلوس تغير النفوس [الأرشيف]

مشاهدة النسخة كاملة : الفلوس تغير النفوس

قلم شمر

17-01-2007, 16:47

أيييييه الله يرحم ايام العز
يوم كنت ادخل البنك وينطلق مديره ويجيب لي القهوه ويقول سم ياشيخ خربط ايام الهومره ( ماخوذه من هامور اسهم )
والناس مالهم سالفه غير جا الشيخ خربط راح الشيخ خربط
والصحافه :mf_bookre
غادرنا المليونير خربط لخارج ارض الوطن :6_f:
ووصل الشيخ خربط بحمد الله الى أرض الوطن:6_f:
<<<يسمع ان لكل موضوع مقدمه
ماعلينا من المقدمات
كان بوه واحد من طرف الربع ثقيل طينه كل ما أتصل صكيت السماعه بوجهه ويتلزق فيني بالمناسبات ولا أعطيه وجه ماهضمته
<<<<<غصب يعني لازم يهضم كل خلق الله ( وجه يقول معصي )
بس هالنمس طلع ذكي تزوج يوم المؤشر 18000 نقطه
وزادت شيطانيته وشرى بيت يوم وصل المؤشر 21000 نقطه
ويقولون القواله انه تزوج وحدة بعد ماهي بسيطه وارثه :5_1_123v: ( عقبالي ) عندها كم ارض شمال الرياض وعمارتين مدري وينهم ( مار لو هن بقريح ينفعن ) ويذكرون انه مدرسه

مالكم بطويله يوم تكرفس سوق الاسهم وتكرفست معه وصرت مثل خلق الله داجن هاج ويرن الجوال ويقطع على طول وراعي للرقم الا هذا رقمه هو المسيكين يحسبن ابي اصك الخط بوجهه واجي ابي اتصلبه الا رصيد الجوال يقرقش ( ماهنا شين )
واخذ شوين يوم دق وانا ارد قبل لا يسكر
هلا ابو فلان
هو : هلا خربط وينك من زمان
خربط : والله بهالدنيا تو جاي من جزر هاوي ( عاد ماهو خربط بكيفه )
هو : والله ليه ماعلمتن اروح معك
خربط : والله كانت رحلة عمل ولا بغيت أشغلك ( بدا التحلس )
هو : سير علي الليله ابي اتعشا انا وياك واخذ اخبارك
خربط : كريم عساك على القوه ( سبحانه يغير وما يتغير )
هو : انتظرك
خربط : خلاص يابو فلان وجهز خمسميه تراني محتاج ( مايصمل يعلم على طول )

والله اكشخ بآخر ملابسي اللي بقت عندي ( كل حقات ايام العز بالمغاسل عجزت لا أطلعهن )
واجيه يمار اكالقصر ( عاد الله حق ماهو قصرن قصر قصير مرتب )
وادخل والرجال ماقصر يرحب ويهلي وزارتنا البركه
ويسأل عن أخباري ( طرار ويكابر ) قلت اني فتحت مصانع بالامارات وبمصر وناوي استثمر جزء من مبالغي فبنقلاديش يقولون له مستقبل سياحي ( قال وش ادريك انه تسذبه قال من كبره )
قال : آآه عشان كذا تبي خمسمية الف شراكه
خربط :( قلت ماكفشه) ايوه بس انا ودي انفعك وانت غالين من اول
هو : والله ودي بس ابي اتشارك انا والمدام نبي نبني مجموعة عماير
مخ خربط : او الله من القراده
خربط : عين العقل هذي شريكة العمر لازم تشاركه الا ماعنده أخت وانا ودي بوحده عنده فكر تجاري زي ام فلان ( خربط ناوي على الورث والا ماهمه داعج الأعيان )
هو : لا والله زوجتي هي اخر العنقود
مخ خربط : قم بس قم ياخربط انت وجه نعمه
خربط : المهم انت مرتاح
هو : قال اي والله اني من احسن حال لأحسن
خربط : الله يزيدك
مخ خربط : كش نمس ياهو نمس
تعشيت وطلعت
وزادت الاتصالات بيني وبينه واغليته ( عقب اول )
ماودي اطول السالفه وهي قصيره عاد اعترفت له بسالفتي والله يطول عمره وظفني عنده بمكتب العقار

هي تعقل ان ان القلوب توالف والا انا اول ماعندك احد وهل فعلا النفوس تغير النفوس

استقبل نقدكم الهادف :)
التجريح ماهو منا :148r: وحتى مسك الشوش بعد ماهو منا:110r:

<<< ياحبيبي يسمع بالنقد الهادف وده يحطه بمشاركه
الا انتفوه بالنقد لا عدمناكم:148r:

عجايب بنت الشايب

17-01-2007, 17:13

محجووووووز لي عوده .......!!

غاده

18-01-2007, 05:26

فضيييييييييييييييييييييييييييييييييييييي ييع

بقوه

فضيييييع حرفك وتاش << لاتسئلني عنها :)

ضحكت كثيرا وبقوه خصوصا على توديعك واستقبالك

والصحافه وملابس العز واللاندري ومخ خربط << تهبل تصوير تخليك تتخيله وهو يرد ع حاله

خلاص 000 ليس لي عوده

باي

همسه 00

لديك حس وحرف قصصي اكثر من رائع

اتوقع انك تحاول تخفيه بالحروف الضاحكه

ريال الفسحه

18-01-2007, 13:28

ههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههه

ويمسك ريالوه شوشة خربط وينتفه :) تستااااااااااهل

هذا المفروض من اول لازقن بوه:)

قصتن حلوتن مثلي:)

والله يقطع هالسوق اللي كلا حلال خلق الله
والله يرزق المسلمين والمسلمات

تعال ياخربط ابيك بكلمة راس لحالك

تسانك تخبرلي مدرستن لو بدون عماره علمن:)

المطنوخ

18-01-2007, 15:55

اول شي تعظيم سلام حق الاسماء الزقرتيه

اي هذي الاسماء اللي ابرك من عملات :)<--- تروه مايعني ريال ابد:)

خربط بربط

ياولد دقيقه ترى عندنا سلم بالفله

ان اي عضو جديد نجيب راسه ونقيس الفتك اللي فيه كم صبع وكل ما زاد عدد الاصابع ازدادت قيمته بل واصبح في صدر المجلس متكيا:)

هههههههههههههههههههههههههههههههههههههه هههههههههههههههه

وقسما بالله مادري وش اقتبس

مير الموضوع صاير كنه خشة ارنب صغير ومرتب مقدمته روعه لكن عتبي على نهايته

كنت تقدر تحكره بقفله افضل

لكن هالشي مايمنع اني اتغافل ريال بالزراديه وامصع سنه الذهب وادقه بالجدار واعلق موضوعك مثبت

لاخلا ولاعدم يابو البرابيط

وترانا طامعين ومنتظرين الموضوع اللي يجيب فينا الصيحه واحتمال يسبب بالفله ثورة

خشمك يابطل ><

عجايب بنت الشايب

18-01-2007, 17:16

عزااااااااااااااااااااااه كلن ضحك الا انا بييييكت

مابين غمضة عين وانتباهتها يغير الله من حال الى حالي >> قامت تهيجن

خربط عز الله ان الفلوس تغير النفوووس

وتغيرها بقووووه بعد ...

مشكور على هالموضوع المضحك المبكي >> صايره حنون

:)

ويستاهل التثبيت

:)

ماشاء الله من أول موضوع تثبيت أجل وش خليت للباقييين

ذييييييييب يالذيب

وفللله يالخربط

^^^,,,.......طحيــــــــاتي ........,,,^^^

قلم شمر

18-01-2007, 21:39

محجووووووز لي عوده .......!!

هذي مرت(ن) من المرات اللي تنذكر ولا تنعاد ألا ومعي خمس طعش مليون
دخلت معرض سيارات ( ودي بلي سوييره تمشي الحال ) شفته معرض ودخلت
الا السيارات ماعمري شفتهن ابد حتى بالافلام المصريه ( الابيض والاسود ) صغيره هالسيارات مادري وشلون تنركب الا تسان منبطح قريبة للارض
ياوالله اكالسياره اللي ماهنا حليله قلت بس هذي مفصلة لك ياخربط وعلى قد قريشاتك
يالاخو ( أعني راع المعرض ) ولا يرد ومره ثانيه يالاخو ولايرد
واستفزع بالمخه يمار بحدا دهاليز المخ كلمة بالانقليزي وتطري علي قلت ( سير ) ومار يقمز ياهو عندي الظاهر انه مايعرف عربي .
بكم هالسياره قال وليش ماعم تئرا ( يمار البياع من حدا الدول الشقيقه ) واقرا الا السياره محجووووزه مكتوب بغمارته ( عاد ماهو اني ماعرف اقراء بس اجهرن السيراميك اللي بالمعرض مع اكالانوار والتهبت القرنيه عندي )
قلت ايه اسف ودي بسارتن مثله
قال : أيه تكرم عينك
بس لازم تدفع نص الئيمه أبل الطلبيه
الا معي عاد كل المبلغ حول هالخمس وعشرين الف ريال
واستفزع بالمخه ثاني مره ويفزع المخ عاد من هالقنوات اللبنانيه ياسرع ماتجي فزعة المخ
قلت : ولو بدفعهون كلهون كاش
هو : بس بتئدر تنتظر كمن شهر يعني شي تلت أشهر ( يقصد ثلاث تشهر )
انا : هوليه ثلاث شهور
هو : بنصنعها
قلتله عطن هالسياره هذي واطلبله يمكن هو يقدر يصبر انا تعبت من الليموزينات
وهو يفتح قلبه لي قال الله وكيلك هالزلمه حاجز السياره له سنه وماعم نشوفوه ودافع كل مبلغها
قلت يمكن عنده ظروف او شي ماشيات
قال : مابعرف
قلت عطنا اياه وصنع له ثانيه ( صورة وجه واحد على نياته يحسب المصنع بالخرج )
قال : طيب بترجع بكرا لعني ( لعندي ) بكون متلفن له ) ومستأزن منه
قلت بكرا سهله
قال أيه بتجيب معك المصاري
قلت هذولي هن لو تبيهن هالحين
قال : معك التشيك
قلت : لا كااااااش
هو والله انه تهول قال معك كاش مليون ونص
ومير ادوخ قلت بكم
قال مليون ونص قلت وهالمهبول داعن لكم مليون ونص
قال : أيه وحاجزها ومن سنه ماخدها
قلت يعني جا وقرط مليون ونص ومشى ولا جاكم يمكن مات رجعوهن لعياله ياعديمي الظمير ( صورة وجه عجوز تدعي )
قال : لا هو مسافر يدرس ثانوي برا
وبعد ثانوي يعني وغد وحاجزها ورايح ومخليها لاااا ورايحن برا

والله وكيلك ياعجايب من هكاليوم تصير عندي حساسيه من محجوووووز أخاف انك تحجزين الرد وتسافرين ( صورة وجه مفلوق )

يسلمووووووووو عجوبه ( صورة كلي بكم أعجاب مدلعه )
د

قلم شمر

18-01-2007, 21:45

لديك حس وحرف قصصي اكثر من رائع

اتوقع انك تحاول تخفيه بالحروف الضاحكه
الملاك غيداء والله انك أخجلتيني ( صورة خربط مستحي )

تابعي هالشخصيه وحصرياً بالمضايف ستعرفي ان هناك حروفاً مجنونه لا تحب الركود وترتيبها غير الترتيب الأبجدي .

الا وشي لاندري ( دورت باللي كتبت مالقيت لاندري أخافك قاريتن موضوع ثاني )

يسلمووووووووووووووووووو غيداء أنجل ( صورة وجه خواجه )

قلم شمر

18-01-2007, 21:52

ههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههه

ويمسك ريالوه شوشة خربط وينتفه :) تستااااااااااهل

ريال فسحه فك شوشتي وافك

بالنسبه لكلمة الراس
حتى المدرسات هاليومين منتفات تاخذها من هنا كل راتبها أقصاد لأهلها هذي أقصاد جمس لأبوها وكامري لأخوها وبيت لأهلها وتبتلش تسدد عنها أقساطها .

تعال عندي كلمة راس ثانيه

تبي الراحه خلك عزابي :tongue:

قلم شمر

18-01-2007, 21:58

اول شي تعظيم سلام حق الاسماء الزقرتيه

اي هذي الاسماء اللي ابرك من عملات :)<--- تروه مايعني ريال ابد:)

خربط بربط

ياولد دقيقه ترى عندنا سلم بالفله

ان اي عضو جديد نجيب راسه ونقيس الفتك اللي فيه كم صبع وكل ما زاد عدد الاصابع ازدادت قيمته بل واصبح في صدر المجلس متكيا:)
<

يسلم راسك يالمطنوخ ( صورة راشد الماجد وهو يغني أجيلك يسلم راسك )

اما هالسلم ( اللي اوله سلم اخره نور )
والله يافتك براسي طول نهر النيل بس اني تسويت عنه ( من الكي ) وكان اخر العلاج ولكن صار الفتك كبر المحيط الهادي
على قدر هدوءه متلاطم الامواج ( ماله من الهدوء نصيب في صخب الحياه )

برب ( رايح لسوق الذهب أسعر سن الذهب حقت ريال )

يسلموووووووووووو عزيزي

قلم شمر

19-01-2007, 01:00

عزااااااااااااااااااااااه كلن ضحك الا انا بييييكت

^^^,,,.......طحيــــــــاتي ........,,,^^^

له له له ياعجايب كم كنت اتمنى ان لا أرة دموع من ترسم البسمه على شفاهنا
ولكن أين المفر من أنوثتك الطاغيه ... التي داعبت هذا الموضوع بأبعاده الأنسانيه

عزيزتي ... رغم الخيال في هذه القصه الا انه يجب ان تأخذ بعداً اخر هو ان الانسان يتغير من حال الى حال .
كان الجميع يبني الاحلام على سوق الاسهم ... ولكن بغمضة عين تبدلت الأحوال
امور الحياة هي المضحكات المبكيات .

عجايب تراني جالس أهيجن معك

عجايب لروحك >>> rooose2

سنين

19-01-2007, 01:31

ههههه

اتصدق ياخوخو احس اني اعرفك من زمان على هالحبابه :)

.

قلم شمر

19-01-2007, 01:44

سنين
أعجبتني خوخو خخخخخخخخ ( ياخوفي بعد من بوبو وطوطو ورورو )
أتشرف بمعرفتك ياذوق
:)

<<< أول مره يدلعونه ( ياحلو طعم الدلع مثل طعم حلاو راحة حلقوم :eat: )

غاده

19-01-2007, 04:35

8

8

8

ما تلاحظون انه ....... بقوه مع التدليع

وكنسل الرد علينا كلنا

بما فينا مشرف الفله <<< اللهم لاشماته :)

الدلع خلاه يمسك الدرج من اخره

ولاكم خوخو
:)
:)
:)

قلم شمر

19-01-2007, 04:52

خخخخخخخخخخخخ غدغودو ( تعلم للدلع )
الله بالخير ( كفشتك شكلك تلبسين نظاره وراميتها الحين )
والا جايه من حفله وعليك عدسات مظلله

رديت ... يا غدووووووو

خوخو كذا :) ماينفع لازم خوخو كذا :050104_em

طحياتي ( صورة سروق )

غاده

19-01-2007, 05:10

يقطع بليسك والله ما ينفع فيها تعديل

والله مااحذفها كيفها :)

تبي الصدق

راجعه من بارتي

وميته نعس

وصورتك الرمزيه تهبل بقوه

تبي الصدق ساحرتني <<< وجه مستحي

وغير كذا ابي اشوف ردود هالشخصيه الجديده ا لي ع طول انسجمنا معها

اضف لكل هذا الي تشوفه تحت

77

فاتحه 3 صفحات بوقت واحد تلومني لو انحولت :)
http://www.sss2.com/uploads/5c647635ac.jpg (http://www.sss2.com)

الله يعيني على تعليقاتهم

باي

قلم شمر

19-01-2007, 05:19

يقطع بليسك والله ما ينفع فيها تعديل

والله مااحذفها كيفها :)

تبي الصدق

راجعه من بارتي

وميته نعس

باي

بدينا نرمي أخطاءنا على النعس
هين هين كفشناك جايه من بارتي يعني الدعوى فيها عدسات
ياشماتة ابلى كلي بكم أعجاب فيكي ( صورة أبلى فتحيه ) واذا ما توفرت ( صورة أبلى نبويه )

يسلموووووو غدغوده

الدكتور محمد الشمري

19-01-2007, 16:25

قلم شمر

19-01-2007, 19:09

*----------------------*
خربط
*----------------------*
مريت أنا من هنا وشايل شنطة العدة

أقصد شنطة الأدوية
( جنطة الأدوية = Q8 كلام )

أحد يبقى شيء

تعرف دوم عندي رأي
صديقي مخباي
(نترجمها عربي يعني جيبي نقربها أكثر يعني محفظتي )
*----------------------*
تحية من القلب

حبيبي دكتور محمد أختلاف اللهجات لا يفسد للود قضيه
حتى حنا عندنا جنطه بس بمعنى آخر ( وهي مؤنث جنط ) بس ماتفرق دام الدعوى فيها عده لأن الجنطه فيها عده والجنط مايفك الا بعده ( مفتاح كفر )

يازين صديقك ليا صار مخباك
بس المشكله اذا ناظرت لمخباك وقمت تدور ولا لقيت حتى ريال فسحه فيه
وش تسوي
تشق مخباك وتقرطه لأنه ببساطه خانك

دوم يادكتور مخباك عامر بالملايين ولا تحتاج لحد

عجايب بنت الشايب

20-01-2007, 02:53

هههههههههههههههههههههههههههههههههههههههه ههه

ياشماتي ببعض الناس ؟

لا والله حرام عليك مااحب الشماته على الناس لاني اول ماافكر اتشمت

يتشمتون بي يعني هذا وانا أفكر شلون لو طبقت ؟

عزااااااااااااااااه

أما سالفتك مع المحجوووووووووووووز

شيء تمر القلب مرررررن مبرحاً

أنا اخوي نقوله لا تخرجت لااااتخرجت من الثانوي سيارتك عند الباب

ويوم تخرج الضعيف وجاب نسبتن زينه

تغيرت علومنا

ووغسلنا ددسن ابوي وغيرنا مراتبها لأن الغنم موصختها

وعطينا اخوي مفاتحيها :)

( صورة اخوها يتعبر )

التعبر = نقطة البداية لانطلاق الدمعه

اجل مليون ونص ؟

ومخليهن ؟

ومسافر ؟

تلقاه ناسيهم ؟

وشاري من معرض ثاني ؟

ولا سارقها ؟ >> هذا انتم يالبدو

ذكرتي بسالفه

يوم حنا صغار و لا انتشرت الجوالات ذاك الحيين عند الرجال
وعند الحريم معدومه

شفنا وحده من ال ...... محترمه ودك لاشفتها تقوم تقول السلام الملكي

معها جوال

وحنا نتغامز بيننا من القهر

تراه لعبه تراه لعبه

موهب حقيقي

أمممممممممممممم يازمان الضيم

هاللحين صارت جوالاتنا احسن من جوالها

بس موهب كل شيء

هذا جاب طاريه محجوووز ..:)

طحياتي ...

قلم شمر

20-01-2007, 12:30

هههههههههههههههههههههههههههههههههههههههه ههه

التعبر = نقطة البداية لانطلاق الدمعه

طحياتي ...

انا قلت قلبت البنت حساسه وتبي تعبير وراحت لتعبر
واثريها كلمة بدو ( صورة بنت تقصد حنا بدو عمى عين العدو)

منين تجيبين هالالفاظ اللي مغبره وتجيب الربو

ودي أجيب سالفه على طاري الجوال اللعبه بس خايف تقولون كل حياته سوالف وراعي هذره
( صورة واحد معزم يقول سالفته بس بمقام أخر )
وعلى طاري مقام الله يرفع مقامكم وقدركم
( صورة قدر على ثلاث رضم وبوسطه كبسه تنشنش )

ماذبحنا الا تنشنش والكشنه علي

تشاووووو

الدكتور محمد الشمري

20-01-2007, 12:39

قلم شمر

20-01-2007, 12:44

*----------------------*
صرف واحد دواء
*----------------------*
بخاخ ربو لخربط
http://www.getpharma.com/Product/73/ventolin.jpg
*----------------------*
تحية من القلب

يسلمووووووووو دكتور
ومشكور حرصك على صحتنا
بس ممكن أحتجب عن قراءة ردود كلي بكم أعجاب
يقولون الدكاتره وانت أبخص الوقايه خير من العلاج

يسلم قلبك دكتور محمد

عجايب بنت الشايب

20-01-2007, 16:08

دكتووووووور محمد

والله انك فللللللله رهيييييييب :)

ماعليك هذا ماعليه الا العافيه

بس يتكبى على بخور جاوني ومعمول يسلم من الربو خلاص

قلم شمر

20-01-2007, 16:22

بس يتكبى على بخور جاوني ومعمول يسلم من الربو خلاص

واويحنوووو وتدزلة والينا ( صورة مصري بمسلسل تاريخي ويقول ويلاه واقلة والينا )

الحين بعذرنا يادكتور لو ماتطورنا بالطب خذ وصفات عجوبه ( صورة عجايب بالجلال ومعه المخطر حق الكوي )
كبوا ثلاث مرات باليوم ... تسي عند الضروره ... صعوط قبل النوم ... مره ( قوة 500 ) ثلاث مرات .
لا وانا وجهي أدور كبو بالصيدليه خذ عاد

دكتور اتأسف لعلمك ( صورة قديمك نديمك )

عجايب بنت الشايب

20-01-2007, 17:08

8
8

امممممممممم ياغميضتك ياصيته وينك ياشيمه

ترى ياولدي اللي ماله اول ماله تالي ...

قلم شمر

21-01-2007, 01:34

8
8

امممممممممم ياغميضتك ياصيته وينك ياشيمه

ترى ياولدي اللي ماله اول ماله تالي ...

صيته ... شيمه :)
اصبري بشخص قدام الغنادير كنك تدرين ان وحده بنت الجيران
والثانيه تقرب لي

:)
:)

:) ميل عقاله ولد شمر
.
.
.

عبدالله الوبيري

21-01-2007, 12:54

خربط انت تحفه <<< لا واثريه بعد

موضوع في قمة الجمال والهستره

<<< انتهت المواصفات

قلم شمر

21-01-2007, 15:59

خربط انت تحفه <<< لا واثريه بعد

موضوع في قمة الجمال والهستره

<<< انتهت المواصفات

عبدالله الله يتحف ايامك بالسعاده
الا هذي ( لا واثريه بعد ) وشمعناتها تخبر مانا من أهل الديره :)
مدام ( ماله اي علاقه بالمدام الزوجه ) ان الموضوع بقمة الجمال لا تخلوننا من بعض ماعندكم من الهستره

لا أصبر ليش انتهت المواصفات باقي فتحه ( وعلى قولت مسيو ( مطنوخ ) الفتك ) عشان اصير موضوع بموافات خليجيه

يسلمووووووووووووووووووووو