المساعد الشخصي الرقمي

مشاهدة النسخة كاملة : حركتوه ماله داعي..بس هل حركتي تصلح ؟


مشــــعل
19-12-2006, 04:08
الله حيهم

ماتلاحظون اني اغليتكم من تالي:)

لو نبي نعرف فلة حجاج : نجد انه ماهي خاصه للسوالف اللي تضحك:)
صح ولا لا << يبي يمهد لسالفتوه :)

سالفتي يالربع ماهي لاتنكيت ولا شي
لكنوه موقف حصل وصراحه دبل تسبدي

وانا هنا ابي رايكم بتعاملي مع هالموقف
هناك من هاوشن ومن ضمنهم اهلي:)
وهناك من قال ماسويت هو الصحيح ومن ضمنهم ابوي:)

هذا ياطويلين العمر واحدن تعرفت عليه ماهو شمري
وهو عز الله ونعم الرجل خشم طيب:) " شروا من يقرا ":)

خاويتوه وخاويت عيال عموه
اما هو فزي ماقلت ونعم الرجل .. رجالن طيب وعزالله راعي فزعه

اما عيال عموه جحلط يدبلون التسبد:) ولابهم من الطيب نتفه:)

فدايم ياتجمعنا انا وياوه لحالنا يقعد يسبهم
وكل ماهذا يقول ياولد عيال عمي يفشلون
ياجاني الضيف مايعزمونوه الواحد ياغسل يدوه بوجهوه ركب سيارتوه وينحاش

وانا عزالله لاحظت هالشي بهم:)

يوم جاء اكا اليوم وهو يتصل علي قال فيه خويانن لي عتبان من اهل الرياض
ذبحت لهم وابيك تحضر العشاء قلت من قو

يوم جاء ليلة العشاء وانا احضر
على ماحولت من سيارتي وانا اتواجه مع ثلاثه من عيال عموه عند الباب
وانا اتسالم معهم
والباقين داخل عند الضيوف
المهم هم يدخلون قبلي وانا وراهم
يوم دخلنا على الضيوف وهو يقعد يعرف بنا
قال معكم خالد الـ....... وراجح الـ......... وفيصل الـ........

يوم جاء دوري شي اكيد انوه يبي يقول معكم مشعل الشمري

لكن الغريبه انوه قال معكم مشعل الـ.......:a:
وذكرن من ضمن ربعوه
انا سكت وخليته بوجهه قلت يمكن الرجل نسي ولا اختلف

مار يوم قعدنا وهو يجلس يراعي لي ويتبسم وياخذ الدله ويقهوينا


انا يوم شفتوه تبسم توقعته انه مقصوده لانوه متوقع اني ابي اعزمهم
وافتشل من عيال عموه وقال خل عزيمة مشعل عنهم
هذا اللي توقعتوه

يوم خلصنا من العشاء وانا امسك العتبان واعزمهم على العشاء وهم يعيون ويحلفون انهم يبون يمشون
وهو يجينن حدى العتبان قال انتم يالفلان " وذكر اسم القبيلة اللي منه خوينا" علمكم غانم ونعمن بكم انا سكت وخليته بوجهه

يوم قلت لابوي ضحك وقال خله بوجهه
مار واحدن من عيال عمي شوي ويطرحن:)
قال عزالله انك مخطي ومابك خير وليه ماقلت انا شمري ماني ......
وعرفت بنفسك عشان تسان به مدحه تنسب لربعك ماتنسب لهم

فرايكم هل انا مخطي يوم خليته بوجهه والمفروض اني معرف بنفسي
ولا ماسويتوه هو الصح

عادي لاتجاملون
سيدة القـــــلم
19-12-2006, 04:30
[س] انفرثت تسبدها من الضحك :icon_lol:








لا.. لا..

لا..


منْـتب مخطي.. والخطأ ماهوب حوولك ..

والي عملته فزْعَه.. لخويك..

بَس فزعه من النوع " التئيل " :tongue:

وأنت كريْم وهو يستاهل..

خلّه يتجَمل فِيك..يابو الجماِيلْ .. مادام عيال عمّه ماَ يبيضون الوجه ..


وخويك ذاا ولله انه فطين وذكي.. شلون طرت عليه هالفكرة ..؟!!:a:


والعتباان :0070: يستاهلون الِيْ يعزمهم .. :yahoo_20:



كووووووون بخير













.
شريف روما
19-12-2006, 06:29
ههههههههههههههه


تحيا يالغفيلي


والله مدري شقول لك << اجل اطلع بره ! :)


الصراحه اللي سويتوه انت صح يعني مومعقولة قدام الناس تقول لا انا شمري

بس الصراحه خويك ماعندوه سالفه المفروض يوم عرفهم عليك يقول مشعل الشمري
واذا عيال عمه رديين او ردايا << وين الجمع الصحيح :)
اذا هم ردايا هذي مو مشكلتك انت

قبيلة الـ .........؟http://www.shmmr.net/vb/images/r_smiles/232r.gif
ظلت بنفسي واذبحتن الشفايه :7ayyoh:



وبيض الله وجهك يامشعل الـ .....:tongue:

الشمري :thumb:








http://www.uparab.com/files/mFOa6F7NXupIhNGg.gif

النظارة للبيع ؟ :goooood:
عجايب بنت الشايب
19-12-2006, 14:52
حياك الله ياولد الغفيلي

وش عندك كل يومين مارن بذا ؟

مضيعن حاجه ؟ :d:








نعود للسالفه

امممممممممممممم

والله مدري وش اقووول


شف السالفه لاخرشيء صح

وبيض الله وجهك

وعز الله هذي الهقوه


بس القهر انك ماقلت انه تعذر منك

هذا دليل انه نذل

يعني العرب اللي تعشوا وراحو مايدرون عن شيء

بس هو لا يغط اسم قبيلتي ليش ( صلبي ) يومن يحشرني مع قبيلته :148r:

وبعدين انا حاااسه انه يدبل التسبد

لانه لو انه رجال ماسب عيال عمه عند الشمري ( اللي هو انت )

حنا يالحريم لو سبينا بنت عمنا عند جارتنا قامت علينا امي

موهب علي عليكن ترى ذا ردى منكن

وشلون رجاااال ؟


هو لا فكر بعد السالفه بينقد على نفسه لانه فشل نفسه عندك

والدليل انك ماقمت في المجلس وفشلته



مدري يمكن اني فورررت من حركته بعد السالفه انه ماتعذر منك

بس انت ادرى












:d: ياحليله ولد عمك نفس الطقه :d:




حياك الله نوبتن اخرى بالفله rooose3




^^^,,,.......طحيــــــــاتي ........,,,^^^
المطنوخ
19-12-2006, 16:27
^
^
^
آآآآآآآآآبو توقيعن تعرفينه يالصوماليه

//
//
//

السمي

والله ان الفله ماتزهي الا بوجودك ولاهان البادزين

لكن انت سميي والشاعر يقول ((لف شرطان الذهب فوق المتون)):)



والله يامشعل شف انا ابعلمك من وجهة نظري

انت ماسويت الا الصح

وهالشي محسوب لك انت

طبعا تبي تقول وشلون محسوبتن لي وخويك قال انك من الفلان

اول شي لو ماهو هاقين لك الطيب والنوماس ومتنومسن بك تسان ماقال هالكلمه

وثاني شين لو انه هاقين ان هالطرقيه (العتبان) يبون يقيمون بديرتكم تسان ماقال انك من الفلان

لان مصير هالسالفه تنكشف

لكنه يدري انهم من يقفون ويبطون عنكم ينسون انهم قابلوا مشعل الفلان


فا خويك عسى الله يعينوه مبلي بعيال عموه وانت بحسبة اخوه وتسد عن عيال عموه

وانت عارف البيت اللي يقول ((خطو الولد مثل البليهي اليا قام ... زود على حمله يشيل حمل وليفه))

والخويا لابد يشيل حديهم الثاني


//

وحط ببالك شي ذكرته انت...


يوم قلت لابوي ضحك وقال خله بوجهه

والله حكم كبار السن


علمك غانم يالسمي

وان قاطعت الفله تره ماهو احسن لك يابومناظر سود:)
ريال الفسحه
19-12-2006, 16:40
8
8

والله يارايتس مو شين



وهناك من قال ماسويت هو الصحيح ومن ضمنهم ابوي

اني لارى الحكمه تتناثر منك ومن اباك ايها الغولام الفذ<<زين وانا حتسي عربي

ليه اول تحتسي بنغااااالي

فعلتك هذي ياسنايدي بحد ذاته طيب منك ومن اصلك
كونك خليته تمشي وعزمتهم تبي ترفع راسوه هذا طيب
بوه اما انوه يثمر ويشيل الجميل او انه يعطيك ركبه:)


الصح ماسويت ولو انك قايلن انا شمري تسان فاضحن خويك
ومقللن قدروه وهذي عيبتن لك ولوه والا لا؟؟؟؟


لاهنت والطيب منك وبك ولاانت مخطي يابعدي



يو ار رااااايت>>>صحييييييح
المطنوخ
19-12-2006, 16:45
^
^

والله يارايتس مو شين

مو احلى من رايتس انتي ياحلوهroooose
ريال الفسحه
19-12-2006, 17:02
مو احلى من رايتس انتي ياحلوه

هلابتس يالغلا يابعد عمري الله لايخلينن منتس:) <<مااااااصخين


انا كنت فاتح الصفحه وتاركه على رد الذيبه اللي فوقك :)

ار يو اندرستاند؟؟
سامي الشمري
19-12-2006, 19:07
^
^
^

عينن خير :)


...............................


هلابك يا مشعل ..!


من وجهة نظري ..!


أنه موقف رجولي منك .. و من زميلك ..!


لأن / زميلك .. يعرف ردى أبناء عمّه ..!


فـ لذلك جعلك أبن عمّه لـ فترة زمنيـة بسيطة ..!


لأنه يعرف شهامتك و رجولتك في مثل هذه المواقف ..!


حتى لو قال أنك ( مشعل الشمري )

فـ أن العتبان و جميع القبائل تعرف كرم هذه القبيلة ..!

و بما أنه نسبك لـ قبيلته في موقف مثل هذا

فـ لا يعني أنه ينقص من قيمة أبناء عمّه ..!

فـ أنه زاد من كرمهم عندما نسبك إليهم ..!


موقفك رائع جدا ً ..!


شكرا ً لك على موضوعك


تحياتي لك
الجازي
19-12-2006, 21:41
عاد أنا جنيي أحد يغلط أو يتغيلط بعائلتي :)

حتى لو بالحركات :)

بس هنا دام خويك يشكي عليك ردى عيال عمه فأنا رايي من راي أبوك الله يحفظه يعني شغلك هو الصح

وشمر ماهم بحاجة المدح :) طيبهم سابق
عجايب بنت الشايب
19-12-2006, 21:58
طنخانه - رياله - غريبه .. براااااااا :(
ريال الفسحه
19-12-2006, 22:05
8
8

هذا هو وشنباته وش جابوه تغطن ياوخيواتيطنخه رياله غربه حلللللللللللوووووووه ياعجوز ......
الشاهري العبيدي
19-12-2006, 22:19
صراحه خويك ما سوى هالحركه الا تقديرا لك !!

ولا سواها الا لانه يعرف معدن الرجال

لما عرف خويه رفع راسه بكل اريحيه
خويك هذا أصيييييييل
عجايب بنت الشايب
20-12-2006, 14:43
الغفيلي ممكن اغير جوابي :) >> مسابقه ؟



لاجد احس اني اذنبت في خويك وسبيته


بس يومن قريت ردود الشباب فوق

دريت ان يالحريييم خرطي


على العموم صدق من قال لا تاخذ علمك من عجايب :) >>لا بياخذ تكفيين ..!!


وش صار معك انكس ..!!؟؟
مشــــعل
21-12-2006, 02:38
ياهلا بسيدة القلم


منْـتب مخطي.. والخطأ ماهوب حوولك ..

رايتس من رايي:thumb:


والي عملته فزْعَه.. لخويك..

الله يقدرنا على هالشي

وأنت كريْم وهو يستاهل..


ماعليتس زود

لاهنتي اختي الكريمه
وشاكر مرورك العطر
وابدائك رأيك













.[/center][/size][/font][/color][/QUOTE]
مشــــعل
21-12-2006, 02:43
ياهلا بالزقروطي



والله مدري شقول لك << اجل اطلع بره ! :)

لا قل :)



الصراحه اللي سويتوه انت صح يعني مومعقولة قدام الناس تقول لا انا شمري

يمينك ياشيخ وهذا اللي جاء ببالي مار ناس ماتفهم:)


واذا عيال عمه رديين او ردايا << وين الجمع الصحيح :)

الجمع الصحيح رديين:)


ظلت بنفسي واذبحتن الشفايه :7ayyoh:

ماني معلمك:)


وبيض الله وجهك

ووجهك ابيض
لاهنت يالبناخي
مشــــعل
21-12-2006, 03:08
ياهلا بــ "اعجاب"


حياك الله ياولد الغفيلي
تحيين يالمعزبه:thumb:


وش عندك كل يومين مارن بذا ؟

مضيعن حاجه ؟ :d:
ارخو ابوي :a:
هذي عقب التحياه:)



وبيض الله وجهك
ووجهتس ابيض

بما انك غيرتي ردك ابي ارد على الردين بتاعاتك:)

انتي اولا ماخطيتي بحق الرجل بالفعل كل ماقلتيه صح
عيب على الواحد يردي بني عموه
حتى لو كانو رديين المفروض انوه يذكرهم بطيب ويسترهم عند الاجناب

بالنسبه لمسالتك انك تزعلين لو انك مكاني
بالعكس كلن وعرفوه هناك من يزعل بسرعه والظاهر انتس هالون وهناك منهو وسيعن صدروه
وهناك من مايدمح كل خطا وهناك من يدمح كل خطا

اما بالنسبه للرجل لي فتره ماشفتوه وسالفتنا ماله مده
الاسبوع اللي مضى

لاهنتي اختي
بالمختصر..
21-12-2006, 20:10
هـــــــلا بك اخوي مشعل :7ayyoh:



انا مااشوف انك سويت شي غلط

و لاحتى خويك (إلا اذا مااعتذر ولا بّرر موقفه)

واتوقع انوه يبي عيال عموه يتفشلون بس !!

وعلى ماقيل (الغايه تبرر الوسيله):)
أبو فهد
22-12-2006, 15:27
يا بناخي اللي صار صار و ما فات مات <<<<< رد يدبل التسبد من جد :)




لا يا جدي


يوم انك حطيتها بوجهه اعتقد انوه مثل ما قلت و نعم و يستاهل و مثل ما ذكرتوه لنا


و انشالله انك ما عملت إلا الصحيح



و يوم انهم رجالن ما تعرفهم و يمكن ما تشوفهم عينك نوبتن ثانية قل براسك يا فلان




-----------
تحياتي
أبو رشيد
المهرة
26-12-2006, 20:13
الله يكفيك شر رأي :)

انا اشوف والعهده على الراوي :a:

علومك طيبه مثل قصايدك بس وش السالفه تارك النبطي وراقد بالفلهn)

<<<خافت من طنخان وعجوبه:d:

تبي الصدق ولا ولد عموه لو مفشل خويك ازين:)
وماسك عيال العم وطاقهم وتركت لكل واحد منهم علامة فارقه بجبهته :)


بس هذا رأي الراوي واذا علي اقول مايلحق حضرتكم قصور
وزين ماسويت بس لاتعودها وتسكت عن حقك :)

تشااااااااااااااااو