بدر صقر
07-12-2006, 01:01
السلام عليكم ورحمة الله
أسعد الله ايامكم بالمسرات
هذة أبيات جرت بيني وبين صديق على شكل مداعبة وقافية غريبة
نضعها بين ايديكم
يقول :
أثر الهوى لحظات صعبن يفوتن = دقات قلبي حسّبن كيف فاتن
ذكرى نضم أزهارها لايموتن = كلن تمنّى رجعهن يوم ماتن
عزّي لقلبٍ نابضه في بيوتن = إن قلت باتن وإن تمنيت باتن
دنياً تبسّملي مثل وجه (بوتن) = طعم الحيا فيها مرارٍ ..وقاتن
تزيّنت لي وأثرها صبغ ( جوتن ) = تلمع وفي داخل ضميره مناتن
المشكلة ماهي تجارب نيوتن = الموت لابدّه على الناس آتن
المشكلة ايّامنا لا يفوتن = وعقب نتذكّر حلوها يوم فاتن
فكان ردّي عليه ,,,,
البارحه جتني طرايف بيوتن = من طيبهن لمشرّع القلب فاتن
وأشرعت في طامي بحرهِن يخوتن = إن قلت جيبن وإن بعد قلت هاتن
قالن بطوعك..والمعاني ثبوتن = لاجا مجالن واعرضن ..ثم واتن
ايجاوبن سرب الحمام ويلوتن = إليا تثنّن بالطرب ..ثم لاتن
حيث المحبّه شرعها له سموتن = من دونها كل القلوب استماتن
نوب يتبدّل حلوها عنزروتن = ونوبن مشاريبه على الكيف ياتن
يا صايغ ابياتك على ( آتن ..وأوتن ) = مثل الذهب لازان في عنق فاتن
عصرت من ورد القوافي زيوتن = فايح شذا روضن بها المزن هاتن
وسلامتكم مع أطيب المنى
أسعد الله ايامكم بالمسرات
هذة أبيات جرت بيني وبين صديق على شكل مداعبة وقافية غريبة
نضعها بين ايديكم
يقول :
أثر الهوى لحظات صعبن يفوتن = دقات قلبي حسّبن كيف فاتن
ذكرى نضم أزهارها لايموتن = كلن تمنّى رجعهن يوم ماتن
عزّي لقلبٍ نابضه في بيوتن = إن قلت باتن وإن تمنيت باتن
دنياً تبسّملي مثل وجه (بوتن) = طعم الحيا فيها مرارٍ ..وقاتن
تزيّنت لي وأثرها صبغ ( جوتن ) = تلمع وفي داخل ضميره مناتن
المشكلة ماهي تجارب نيوتن = الموت لابدّه على الناس آتن
المشكلة ايّامنا لا يفوتن = وعقب نتذكّر حلوها يوم فاتن
فكان ردّي عليه ,,,,
البارحه جتني طرايف بيوتن = من طيبهن لمشرّع القلب فاتن
وأشرعت في طامي بحرهِن يخوتن = إن قلت جيبن وإن بعد قلت هاتن
قالن بطوعك..والمعاني ثبوتن = لاجا مجالن واعرضن ..ثم واتن
ايجاوبن سرب الحمام ويلوتن = إليا تثنّن بالطرب ..ثم لاتن
حيث المحبّه شرعها له سموتن = من دونها كل القلوب استماتن
نوب يتبدّل حلوها عنزروتن = ونوبن مشاريبه على الكيف ياتن
يا صايغ ابياتك على ( آتن ..وأوتن ) = مثل الذهب لازان في عنق فاتن
عصرت من ورد القوافي زيوتن = فايح شذا روضن بها المزن هاتن
وسلامتكم مع أطيب المنى