المرأه في قبيلة شمر !!!

[ريم شمر]

إن دور المرأه في قبيلة شمر ذو تأثير واسع في مجمل الحياة العامه .
أنها مخلوق يحتوي خليطا من الانفعالات
والمشاركات والايجابيات والتناقضات في الموقف الواحد
.
.
.

و معيار المرأه في قبيلة شمر ليس في الشكل ومقياس مستواها ليس في كيف تلبس او كيف تمارس العيش أو بماذا تشتغل بل أن دور المرأة يكمن في الوضوح والثقه والتفاعل مثل الدور الذي لعبته عمشه الجربا رغم مصابها بمقتل زوجها صفوق وإعدام ولدها ...
.
.
.

ومن ذلك أنها تحاول جعل الجنس الآخر يعترف بحقها في المشوره والرأي
ويمكن ملاحظة ذلك في قول شدّه الشمروخيه :

ياصاحبي ياثمر جنه ,,, إضرب بنا درب الأنصاح
وإن كلن مابك لنا لنّه ,,,حنا بعد عنك ننزاح

أنها تطالبه بالنصح في معاملته لها
وعدم الخديعه فأن كان لديه ميل عنها فهي ايضا ستهجره .
.
.


والمرأه الشمريه ترفض وتقبل الرجل زوجا
ولكن بعد ان تنظر بحزم في مدى قدرته على العطاء الايجابي
تجاه مجتمعه ويتضح ذلك في قول الدهماء بنت نزال :

وان عاش راسي مااريد اللاش ,, حتى يجنب مواريدي


والشمريه طموحه لاتريد ان يكون زوجها غير مميز بمكارم الاخلاق
مثل ماقالت جوزا المنور :

يابنت ودي برفع الشوف ,,,من متعبين المحاميسي
واللي ماهو خير وبه نوف ... جيزة جيزة لواليس

واذا سمعت إمرأه شمريه يكاد ينصرف ذهنك عن الأنثى فيها الى الصدق الأخاذ في حديثها ، والدلائل في هذا الاتجاه كثيره ...
.
.


وتأملها وهي تستقبل زوجها من السفر
أنها تقول له مالايمكن أن تحتويه القصائد الطوال ، مما فاضت به مشاعرها :

هلا بذلولك وهلا بهالزول ... عقب البطا وعقب الاياس
ترحيبة القاع بالهملول ....ومن الظمأ القشع يباّس

وهي تبكي عليه بحرقه وهلع أن عاد رفاقه من السفر ولم يكن هو معهم :

لا والله الا عشيري ميت,,,يوم جوا ربع ولاجاني
ياما على صاحبي ونيت .... وياما عليه الخفي باني

والشمريه مامثلها أبد:)

وسلامتكم ......


نقلا عن كتاب // قبيلة شمر متابعه وتحليل ,,,
.
.

[ريال الفسحه]

ياصاحبي ياثمر جنه ,,, إضرب بنا درب الأنصاح
وإن كلن مابك لنا لنّه ,,,حنا بعد عنك ننزاح

صح لسانه ملااااااااااايين......



لا والله الا عشيري ميت,,,يوم جوا ربع ولاجاني
ياما على صاحبي ونيت .... وياما عليه الخفي باني

ياسلام ياسلاااااااااااام





والشمريه مامثلها أبد

شي اكيد.......



الله يسلمتس موضوع مميز فعلا وروعه ......


الله لايهينتس

[المهرة]

هلا بذلولك وهلا بهالزول ... عقب البطا وعقب الاياس
ترحيبة القاع بالهملول ....ومن الظمأ القشع يباّس:g:



انشهد الشمرية غير

مثل مايقولون مرة سنعه :thumb:

شرواك ياام طلال



حضوركِ يمسح الملل عن وجه الصمت

دمتِ بخير

اختك / المهرة

[فيصل حمود]

الأخت الفاضله / ريم شمر

ماقصرتي وفعلا للمرأه مكانه مميزه عند جميع القبائل العربيه الأصيله عموما وعند قبيلة شمر بصوره خاصة وكيف لا وقد كانت النساء تتلي الفرسان لتحميسهم في المعارك.

وقد قال الأمير عبيد الرشيد في هذا المعنى واصفا دور المرأه في تحميس الفرسان وقت المعركه


وأصلٌها لعيون بيضٍ مفاريع = فوق الحنايا والسبايا غوادي
هذاك بيعه والصبايا مفاريع = بين القنا ومخفٌرات الهنادي

وقال أيضا:


حضر الجبل والبدو نلحق صليبين = يتلن لنا جملات سود الجدايل
جينا صباح وهم لنا مستكنٌين = وثار الدخن من حرٌ صلو الفتايل

وقد كان الفرسان ينتخوون أنا أخو فلانه ويقبلون علي الموت ولايبالون وقد كانت المرأه تتمني الفارس الكريم الشجاع ولاتريد الرجل النكره وقد قال الشاعر ابو زويد في هذا المعني:


يا عل رجل ٍ شوفته دوب حاله = عساه تطلب عشقته فيه الأبدال
الحمره تدرك معوشة عياله = والرجل يبغى منه بعضات الأحوال

ولكن هناك قله من النساء لهن رأي مخالف وعلي رأسهن الشاعره المعروفه مويضي البرازيه حيث أنها لا تتمنى الفارس الشجاع فهي تريد النكره حيث تقول:


ماهم بخافيني رجـال الشجاعـه = ودي بهم بس المناعيـر صلفيـن
اريد منـدس ٍ بوسـط الجماعـه = يرعي غنمهم والبهم والبعاريـن
اذا نزرتـه راح قلبـه رعـاعـه = يقول ياهافي الحشا وش تريديـن
ون قلت له هات الحطب قال طاعه = عجل ٍ يجيب القدر هو والمواعيين
ولو اضربه مشتدة ٍ فـي كراعـه = لاهو بشاكيني ولاالنـاس داريـن


تحياتي لك ودمت بخير

[مشــــعل]

انشهد الشمريه مامثله

ولاهو قصور ببنات الحمايل

لاهنتي اختي

[الصيرمي]

والشمريه مامثلها أبد:)
.
.



والشمري مالاح بالشمرية = والشمري لو هو بعيد عنى له

رمح ٍ لكن مركوز سيف ٍ معلق = من دونكن ما وسوسوا بالبطاله

ريم شمررر

يعطيكي الف عافيه على الموضوع

اما الشمريات الي جبتي عنهن عينه فهن ما يمثلن المراه الشمريه :)

يعني ماكل الحريم جوزاء التمياط والا نوره العيسى والا ريم شمررر:)

بعضهن ماتختار حتى ملابس عررررسها هههههه

ولا تعررررف المشاغل ولا الكوشات:)

وبعضهن ماشافوا ازواجهن وجيههن من يوم تزوجوهن لابسات البرقع على الكشرهn)

تحياتي:)

[ريم شمر]

ريال الفسحه //

حياك الله ياوخيي ياريال ،، شاكره قدومك ولو كان بمعيتك خمسميه تسان ياسلام :)

.
.

[ريم شمر]

المهره //


حضوركِ يمسح الملل عن وجه الصمت


والله البلشه مع اهل الشعر والخواطر ذولا :)


مانعرف نرد عليكم :g:



طيب وش رايتس بهذي مهورتي

حضورتس يشطب على الريم ويلغيها من الوجود :smooch:


بس لاتدري تكفين :puzzled:



لكِroooose

[ريم شمر]

فيصل حمود //

الله الله الله

يابو حمود عسى ربي يسلمك

اضفت ماكان ينقص الموضوع

شاكره جدا لك هذه المساهمه الرائعه ,,,

سلمت ولاهنت ,,

[راعي الوقيد]

ماشاء الله على خوووووووش موضوع عن المرأة في قبيلة شمرn)

والشمريه طموحه << طموحه بلغة مضيف القصة له معنى آخر !!

ريم شمر !!

طرح رائع وموفق لاهنتِ اختي ،،،

اذكري هذا المضيف بين الحين والآخر بمثل هذا الإهداء:)

لك التحيـــــــــة ،،،

والسلااااااااام ...

[سلمان النبهان]

تسلمين ريم شمر على الطرح المميز
وبنات شمر كبار وصغار لامثيل لهن ولاقياس
مع احترامي لباقي النساء .....
فالمرأة الشمرية حينما تكون شمرية بحق
فانها تكون كاملة والكمال لله ....

[شموخ]

تسلمين ريم على هالموضوع ونعم بالمرأه الشمريه :)



راعي الوقيد

والشمريه طموحه << طموحه بلغة مضيف القصة له معنى آخر !!



ههههههههههههههههههه شوف كيف اخذها على معانى البدو للطموح :) :)

تحياتي
شموخ

[ريم شمر]

مشعل الغفيلي //

هلا بك ومسهلا مليون

وشكرا لحضورك

.

[ريم شمر]

الصيرمييييييي//

ياهلا ومليون مسهلا مع كم الف مرحبا ,,,:)

نورت ياوخيي


والشمريه

بكل احوالها وحالاتها وتناقضتها وعيوبها ومزاياها مثل الشمري
مااااااااااافيه مثلها ابد ابد n)

يسلم لي هالحضور ,,

[ريم شمر]

راعي الوقيد //


والشمريه طموحه << طموحه بلغة مضيف القصة له معنى آخر !!

طموحه والا طامحه :)


اذكري هذا المضيف بين الحين والآخر بمثل هذا الإهداء

مايحتاج توصيني يابو فيصل ,,هالمضيف هو نجمة المضايف

والمشاركه فيه ومتابعته من اهم اولوياتي ,,


.
.
تسلم يابو فيصل
وترى هذا جزء مما وعدتك به سابقا
والقادم اكثر شموليه ,,,

[ريم شمر]

سلمان النبهان //

هلا بك ابو سند

ومثل ماقلت بالضبط ومازيد على كلامك الا قولة الا الله يسلمك

شاكره حضورك ,,,

[ابو تغريد]

ريم شمر عفاكي الله

طرح جميل



وهي تبكي عليه بحرقه وهلع أن عاد رفاقه من السفر ولم يكن هو معهم



وهاكذا تقول كنه الشمريه


يادار ماجاك عبدالله ~ مامركم حين الادماسي
يادار انا ناشدك بألله ~ اي المراجا والاياسي

[هند القاضي]

والنعم في المرأه الشمريه وغيرها فالحمد لله بنات الحمايل كلهم فيهم الخير والبركه ولا فضل حد ع حد



يعطيج العافيه http://www.shmmr.net/vb/images/smilies/15.gif

[ولد الـطـنـايـا]

تسلمين اختي على هالموضوع الرائع






تقبلي تحياتي العطره

[ريم شمر]

شموخ //

هلا بك يالغاليه وماعليك زود ,,,:d:

.
.

ماش هالمره ياشموخ ماشفنا شعر ولاقصايد :a:


وينها

هذا وقتها !!!:thumb:


.
.
ولك الحب roooose

[ريم شمر]

ابو تغريد //


ويعافيك ربي

شكري وتقديري لحضورك واضافتك ,,

دمت بخير

[ريم شمر]

هند //

هلا بك ياهند مليون هلا ومثلها مسهلا ,,:d:


والنعم في المرأه الشمريه وغيرها
فالحمد لله بنات الحمايل كلهم فيهم الخير والبركه ولا فضل حد ع حد

ماعليك زود ياغاليه

وتأكدي ان مدحنا للشمريه احقاقا لحق وتوضيحا لحقيقه

ولايعني ابدا مسبة لغيرها او انتقاصا ,,

حاشا لله ان نقول ذلك

مدح قبيله لايعني انه شتم لقبيله اخرى

ومدح نساء قييله لايقلل من شأن نساء قبيلة اخرى مطلقا ,,

وذكر مميزات الشمريات لايلغى مميزات غيرهن

وفي النهايه التفاضل بالتقوى وليس بالحسب والنسب ,,


حياك الله هنوده

شرفني حضورك

ولك كل الغلا roooose

[نزف القلم]

تسلمين ريم شمر على الموضوع الرائع

واللي اعجبني كثيرا


ونعم والله والف نعم بالشمريه


الله يعطيكِ الف عافيه ولا يحرمنا منك ولا من جديدك الرائع


دمتِ بود

[بـنـت النـور]

ريم شمر يعطيكِ العافيه ,,

رائعه بطرحك سلمتِ ودمتِ بنور ,,

[ريم شمر]

ولد الطنايا //

حياك الله اخوي وتقبل شكري وتقديري لحضورك ,,

[ريم شمر]

نزف القلم //

ياهلا بك والله يسلمك ويحفظك

شاكره ومقدره هذا الحضور الرائع ,,

[ريم شمر]

بنت النور / /


هلا بك ياغاليه ويسلم لي هالحضور ,,

[Doctor aljarba]

قديماً كانت لمرأة تلعب دوراً أساسيا وحساساً في البيت البدوي .. وإن انتقل بعض هذه الأعمال االيوم معها ..
لكنه تجسد بصورة أوضح قديما .. فلصعوبة الحياة المعيشية ربما ..

عموما موضوع جيد .. للشمرية تحية .. ولكل نساء الأشراف ألف تحية ..

تحياتي roooose

د. الجربا

[ريم شمر]

د/ الجربا

ولك مليون تحيه دكتورنا على قدومك واضافتك المميزه ,,