الطارف سدااااد

[سعد الحامد]

السلام عليكم

عدنا من جديد


ألا يامرحبا ترحيبتن كل الغلا فيها = تعم المنتدى واهله وشيبانه ومن زاره

ادور لي صليب الراي منصاها علاويها= طويل البال ماينقص مع المشوار مقداره

[متأمل]

هلا و غلا بأخي سعد...

الصحيح مجاراة من هم بحجمك يوجد نشوة و ثقة بالنفس...

استلم طال عمرك...



يدوم بك البقا و الفخفخه ماني بدانيها=أقوله من ضمير محب جاكم يركز الشاره

ترى الأجواد ما تقصر عن العليا يمانيها=و لكن الزمان شحيح و الأيام دوّاره

يا الربع دلوني على تنسيق قصيدة....ما لقيت محلّه

تحياتي للجميع...

[سيف الدولة]

سعد الحامد وألأخ متأمل


يالله القوة

صح ما قلتوا الصفوف جاهزة

سعد الحامد له أيام وهو موجود يبغى المحاورة

[متأمل]

هلا...أخي سيف الدوله

دخولك موضوعنا يزيده شرف...

و أنت شاعر لك مواقف معروفه...

و يا ليت يكون لك دور معنا ...


وينك يا سعد.........وينك يا سعد

تحياتي...

[ريال الفسحه]

:tongue: جاااااااااااكم قااااااااطن وجهه:315r: <<<بكيفي:242r:

تكفى يالربع ابلعب معك:023b:

صحيح ماني شاعر لكن ماحد طلع من بطن اموه عالم

يالله......<<<رايتك بيضاااا:)


حياك متامل وحياك سعد راااااعيهـــــــــا
وحي من لفى مووضوعـــــــــــك وزارهــ

جيتك عانــــــــــي من دنيا وبلاويهـــــا
جيتكم مالي بشعركم مهـــــــــــــــارهـ



اعساهن يعجبنكم.....



ريالووووووووووووووووووهـ.ـ.ـ

[ثامر]

حيالله الشعار

سعد الحامد × متأمل

شعار ولهم مكاناتهم

وسجلوني صمن الصفوف

[سعد الحامد]

الغالي سيف الدولة حيّ ذا الراس وسعيد بحضورك

الغالي ريال الفسحة يسعدني ويشرفني حضورك ومتابعتك

الغالي ثامر عليك بالصفوف وطول الزمن ازهله عليّ

الغالي متأمل أستلم لا هنت


هلا بمفخفخ المعنى على كيفه ومعطيها = تحيزم ياعميل الخير لاتبعد عن الحاره
انا بكتب علومي لك واخاف تكون قاريها = ولكن الادب مطلوب يامبعد عن دياره

[سرحــان]

متأمل.......................................سعد الحامد



يعطيكم العافيه


ومعكم بالصف متابع



:c: :c: :c:

[متأمل]

يا هلا بالشباب....حيا الله من جانا

ريال الفسحه....بأعطيك ريال ثاني و أمسك الصف

ثامر....مشكور على تنسيق الأبيات...حلّت المشكله

سرحان...لا هنت يا القرم وعساك سالم

استلم يا سعد...


يدير البوت أبو لحية كبيره ما يحنّيها=و شيّال الحمول يطيح لا من ضاعت أفكاره

كثير الناس ما تقدر تقاضيها و ترضيها=و لا يرضي مقام الشيخ يسهر دون سمّاره

تحياتي...

[سعد الحامد]

الغالي سرحان مروورك شرف لنا

استلم ياتأمل لا عدمناك


يدير البوت ابو لحية محنيها ومشقيها = بلاش من التعب ياللي تعنينا بمشواره
انا بانصب خيامي وانتظر شيخك يمشيها= واشوف اللي يحركها من اللي ماسك الطاره

[متأمل]

يا هلا...يا هلا

وين الصفوف يا عيال

استلم...


تنبه لا يضيعن الهقاوي و أنت راعيها=خصيمك من ورى بحر الجزيره دق مزماره

أنا مالي طماعه و الحيايا سمها فيها=معي صقري و أهده لو كل الناس صقاره

تحياتي...

[عواد العلي]

سعد الحامد

بدون مجامله رمز شعري متميز

انا بكتب علومي لك واخاف تكون قاريها * * * * * ولكن الادب مطلوب يامبعد عن دياره



صح لسانك يابو حامد وانا بصفك

[سعد الحامد]

استلم ياغالي وآسف على التأخير


انا مالي ومال اللي تقوله وانت شاريها = علوم اللي ورى الدمام مانهتم لاخباره
انا حدّي طريق الخرج والصمان تاليها = وشاصٍ به معاميلي مع الشعبان سيّاره

[سعد الحامد]

عواد العلي

سلم لنا حضورك ومتابعتك وصفي عامر بوجودك ياغالي

شكراً لك

[متأمل]

عواد العلي...حياك الله

مشكور على المتابعة...و أبشرك أني بين أهلي و ربعي

و صف سعد هو صفي...

استلم يا سعد...


ليا طاحت قرون الثور من يقدر يداويها=يناظرنا بنص العين لامن شاف جزّاره

ليا جوّدت سيف العز و الرايه تحاميها=تعزوى و أرخص النفس الكريمه و أنطح الغاره

تحياتي...

[سعد الحامد]

استلم ياغالي



متى مادارت الشنّه على الملعون نزويها = حرايب من نسل قحطان للميدان مختاره
ظروف الوقت ياصاحب تدور من يواسيها = مدام الجار مايسأل عن اللي ماخذن جاره

[متأمل]

يا عيني عليك يا سعد...

هذا اللي يعجبني فيك...

استلم لا هنت...

إذا تبغى النتيجة فاضرب الآله تسوّيها=ما يرضى مثلكم ربحه يجي دكان و عماره

زمانك لو صفا ساعه سموم الصيف قافيها=و من يبغى يشب النار فالصخره طفت ناره

تحياتي للجميع...

[سعد الحامد]

الغالي متأمل

اسعتدني باللعب معك والحقيقة معناك راقي كشخصك

والى لقاء قادم بمشيئة الله



إذا تبغى النتيجه لا تدور في مخابيها = حماها ربك المعبود من غاره ورى غاره
ولكن الحذر مطلوب يا باني مبانيها = زمن هتلر تولى بين شعب الله ودحّاره

[متأمل]

أخي....سعد الحامد

الله لا يهينك يا الغالي...

سررت و أستفدت باللعب مع صاحب أخلاق مثلك

تحياتي لك و للجميع...