ممكن مساعدتكم((والله اني ضايعة وابي احد يوجهني))

[ســـــفانـــــه]

السلام عليكم ورحمة الله وبركاته
ابي اعرض عليكم مشكلتي وكلي امل بان اجد الحل لديكم
انا ياجماعة الخير تخرجت من الثانوي بنسبة 91% ((علمي))
بس للاسف ما حصلت قبول في المنطقة اللي انا فيها ولا قدرت اروح لمكان ثاني
لانه من حظي الحلو كانت الجامعة اللي عندنا اخر جامعة تفتح باب التسجيل للطلاب
نظام الجامعة كان فيه القبول فوري يعني بدون مقابله ولا اختبار قياس انا كنت ابي اسجل طب بس يوم جيت اسجل عندهم قالولي اكتفينااا
الحين انا جالسه في البيت ولا ادري وش اسوي هل اسجل طب مره ثانيه هل اختار قسم ثاني
الصراااحه محتاره بالنسبه لي ابي قسم له مستقبل وضيفي لاني مابي ادرس واتعب وبالاخير
اجلس بالبيت انا شايفه ان التدريس ماله مستقبل اتوقع انهم مكتفييييييين منه مافي اكثر من المعلمات اللي جالسين بالبيوت
وبالنسبه للحاسب والانجليزي الصراحه اعتبرهم شهادات مكملة مو اساسيات يعني ممكن ادخل
اي قسم وبعد ما اتخرج او وانا ادرس اخذ دورة انجليزي وبكيذا اكسب شهادتين
يعني الحاسب والانجليزي مهمات لكن ممكن احصلهم من اي مكان ثاني غير الجامعه عشان كيذا ماودي ادخلهم
انا الصراحه ماعندي ميول لشي محدد ممكن ادرس اي شي ماعندي مانع بس اهم شي يكون له مستقبل ايش رايكم وين اسجل بأي قسم لاني الصراحه ماعندي خبره ومحتاجه احد يوجهني
فيه ناس قالولي ادخلي ادارة اعمال وفيه ناس قالولي ادخلي طب اسنان وفيه ناس قالولي ادخلي هندسة ديكور انا اللي كانت لي رغبه فيه اكثر شي طب اسنان
مادري انتم ايش رايكم
لاتبخلون علي بالنصيحة لاني بامس الحاجة لهاا
اختكم
ســـفانــه

[Doctor aljarba]

أختي الفاضلة .. سفانة ..

سأعطيك وجهة نظري الشخصية والتي لا تحمل بين طياتها توجيهاً مجبراً لكِ .. لكنها تعبر عن رأيي الشخصي حيال هذه القضية .. وهو يتركز في النقاط التالية :
1) التركيز على الميول هو الأساس في النجاح والتفوق المستقبلي .
2) الصبر والمحاولة من جديد في القبول في أي مكان وفي أي جامعة والتحويل بعد ذلك ممكن حسب الأنظمة .
3) عدم التشتت الذهني والاستماع لمن هم أبواق للركون والخمول والحياة الرتيبة .
4) استغلال الوقت الحالي في تطوير النفس في عدد من الجوانب سواء المهارية اللفظية ( كاللغة الانجليزية أو العربية أو التواصيلة )) والمهارات الإدارية (( كإدارة الوقت أو كسب المال )) أو الذهنية (( كالتفكير أو مواجهة المشكلات وغيرها )) .
5) الاستعداد لمتطلبات التخصص المرغوب الالتحاق فيه (( كالتوفل مثلا أو أختبارات القياس أو المقابلات الشخصية أو أو أو )) .

والخلاصة ..
ركزي على طب الأسنان والقبول فيه ولا تدعي الفرصة تفوتك في أي مكان ..

والله يرعاك ..

..

أخوكم المحب ..

د. الجربا

[هند القاضي]

صباحج ورد


هلا وغلا سفانه حياج الرحمن


يعني الحاسب والانجليزي مهمات لكن ممكن احصلهم من اي مكان ثاني غير الجامعه عشان كيذا ماودي ادخلهم
انا الصراحه ماعندي ميول لشي محدد ممكن ادرس اي شي ماعندي مانع بس اهم شي يكون له مستقبل ايش رايكم وين اسجل بأي قسم لاني الصراحه ماعندي خبره ومحتاجه احد يوجهني


عزيزتي معاج لكن الكلام هذا لما يكون معاج شهادة جامعيه وتبي تزيدي عليهم بدورات أو دبلوم ممكن لكن وحده مخلصه ثانوي وتأخذ دبوم حاسب أو E بس تقدم ع الوظيفه يسألونها شنو تخصصج دبلوم وإلا بكالوريوس إذا بكالوريوس تمام قبلوها دبلوم قالوا لها عفواً مانقبل ..!!!

بختصار


بصحح لج المعلومه الي في بالج ومنها بقولج الميول مهم لأن صعب أدرسين شي مو من ميولج كـ بدايه بتقولين عادي أهم شي ما اجلس لكن عقب بتملين


إذا كان ميولج طب حاولي وصبري وإن شاء الله ربي يعوضج


بتوفيق أختي وإن شاء الله نسمع عنج أخبار حلوووه


:smileyb:

[صدى الشمال]

اما أنا نصيحتي

على فكره أنا للحين ما تخرجت من الثانوي
بس عندي خبره من أخواني الله يحفظهم



كل باب لازم تطقوه




يعني ماتخلين تخصص إلا وتسجلين به









أما النصيحه الأكبر من هذي
إن المراه ماله إلا بيته


ولا وش رايكم





ولكم تحيتي.

[هند القاضي]

إن المراه ماله إلا بيته
يـه شنو التحطيم :surprised


ولا وش رايكم

الكلام هذا سنة السبله مو الحين الله يحفظك :tongue:

[ســـــفانـــــه]

د. الجربا
كلامك سليم 100%
الصراحة اقنعتني بوجهة نظرك
لكني خايفه من شي
اخاف اقدم للمرة الثانية طب اسنان وولا انقبل وتروح علي الفرصة في الاقسام الثانية
انا فعلا عندي رغبة فيه لكن فيه احتمال كبير اني ماانقبل لان نسبتي ماتاهلني اني ادخل طب
والصراحه ماعندي استعداد اجلس سنة غير السنة هذي...
عموما
لك مني كل الشكر على مشاركتك
وانشاءالله اقدر انفذ كلامك
اختك
ســفانــــه

[شريف روما]

كريم الشمال

ينصر دينك :)



عزالله الحرمه ماله الا بيته



بس اذا مصممه الاخت سفانه
انا اقول تنطر للسنة الجاية وتسجل بالتخصص اللي مااقبلوها بوه

[ريال الفسحه]

السلام عليكم........

اختي تبين الصراااحه اذا الجامعه تخرجك مدرسه انحااااااااااااااااااااااشي


يعني خل ناخذها بالعقل.........

دراسه اي قسم تعليمي اربع سنوات وخمس او اكثر بالبيت هذي تسع

وبعيد عن اهلتس عشر هذي تسع طعش سنه ضاعت من عمرتس<<اهي اهي

يعني خلي ببالك حاجه الدراسه للعلم مو للوظيفه لاني خايف عليتس تتحطمين

وباتسر عاد تقولين ريال ماقال<<<ههههههههه

اختي الراي الصحيح ابحثي عن اي علم تحبين تبحرين بوه<<<ركزي تبحرين

مثلا لو درستي اسلاميات حصلتي منفعه بالعلم ومنفعه بالاجر ومنفعه

الوظيفه هذا اذا فيه .........يعني نصيحتي دين.....

تنفعين نفستس وعيالتس انشاء الله......واهلتس ...


ولك الحريه ولايكون كلام اي شخص هو اللي يوديك ويجيبك


تحيااااااااااتي

[ســـــفانـــــه]

عزيزتي هند القاضي
كلامك صحيح
فعلا الميول مهم وانا تقريبا ميولي للمواد العلميه اكثر شي
عشان كيذا قررت اني اسجل طب اسنان
بس المشكلة النسبة ماتساعد فيه كثير اعلى من نسبتي
وفوق هذا جالسه سنه في البيت
مادري اتوقع انهم مارح يقبلوني
انشاءالله مايصير الا كل خير
شكرا لك عزيزتي عالمشاركه

[Doctor aljarba]

د. الجربا
كلامك سليم 100%
الصراحة اقنعتني بوجهة نظرك
لكني خايفه من شي
اخاف اقدم للمرة الثانية طب اسنان وولا انقبل وتروح علي الفرصة في الاقسام الثانية
انا فعلا عندي رغبة فيه لكن فيه احتمال كبير اني ماانقبل لان نسبتي ماتاهلني اني ادخل طب
والصراحه ماعندي استعداد اجلس سنة غير السنة هذي...
عموما
لك مني كل الشكر على مشاركتك
وانشاءالله اقدر انفذ كلامك
اختك
ســفانــــه

كنت متوقع إنك تقولين كذا .. وعليه كانت عندي نقاط حبيت أضيفها في وقتها ..

اسمعي رعاك الله ..

هناك كليات أهلية (( خاصة )) تقبل نسب متدنية . ولا ضرر من ذلك ..

وهناك خيار آخر وهو الدراسة خارج المملكة سواء على حسابك أو حساب وزارة التعليم العالي ..

عموما أكرر نصيحتي .. لا تتخلي عن طموحك وبالذات الطب .. فكم عندنا طبيبة !!؟؟

وفقك الله بنت الإسلام ..

..

أخوكم المحب ..

د. الجربا

[ســـــفانـــــه]

كريم الشمال
اشكرك عالمشاركه
لي تعليق بسيط على كلامك
اولا من ناحية التسجيل انا ما اقدر اسجل باكثر من قسم لانهم يطلبون الشهادة الاصلية
الشي الثاني والاهم من قالك ان المرأه مالها الا بيتها
ياعزيزي الكلام هذا قبل الحين حاجة المرأة للوظيفة اكثر من حاجة الرجل للوظيفة
تخيل معي وحدة متزوجه وعايشين بامان ونعمة هي وزوجها وعندهم درزن عيال مشاءالله
يوم من الايام الزوج سوا حادث ومات مع العلم انهم كانوا عايشين على راتب الزوج
هينا الزوجة والاولاد وين يروحووون اذا كانوا اهل الزوجه والزوج على قد حالهم
والزوجة غير موظفه ؟؟؟؟؟؟؟
مهما كان الوظيفة مهمة للمرأة وتبقى ملاذ لها وقت الحاجة
عموما هذي وجهة نظر
واختلاف الرأي لا يفسد في الود قضية
شكرا لك عزيزي على المشاركة

[ســـــفانـــــه]

يـه شنو التحطيم :surprised



الكلام هذا سنة السبله مو الحين الله يحفظك :tongue:


والله انك صادقة

[ســـــفانـــــه]

كريم الشمال

ينصر دينك :)



عزالله الحرمه ماله الا بيته



بس اذا مصممه الاخت سفانه
انا اقول تنطر للسنة الجاية وتسجل بالتخصص اللي مااقبلوها بوه

وهذا اللي ابي اسويه انشاءالله
اشكرك على المشاركة

[ســـــفانـــــه]

السلام عليكم........

اختي تبين الصراااحه اذا الجامعه تخرجك مدرسه انحااااااااااااااااااااااشي


يعني خل ناخذها بالعقل.........

دراسه اي قسم تعليمي اربع سنوات وخمس او اكثر بالبيت هذي تسع

وبعيد عن اهلتس عشر هذي تسع طعش سنه ضاعت من عمرتس<<اهي اهي




تحيااااااااااتي


تحطيييييييييييييم اجل اقعد بالبيت احسن
لا والله يا خيي انشاءالله ادخل طب اسنان بس عساهم يقبلوني
اشكرك على المشاركه

[ســـــفانـــــه]

كنت متوقع إنك تقولين كذا .. وعليه كانت عندي نقاط حبيت أضيفها في وقتها ..

اسمعي رعاك الله ..

هناك كليات أهلية (( خاصة )) تقبل نسب متدنية . ولا ضرر من ذلك ..

وهناك خيار آخر وهو الدراسة خارج المملكة سواء على حسابك أو حساب وزارة التعليم العالي ..

عموما أكرر نصيحتي .. لا تتخلي عن طموحك وبالذات الطب .. فكم عندنا طبيبة !!؟؟

وفقك الله بنت الإسلام ..

..

أخوكم المحب ..

د. الجربا

صحيح انا مافكرت في الكليات الاهلية
طيب بالنسبه للابتعاث انا ماعندي فكره عنه كيف اسجل فيه
وهل طالبين نسب مرتفعه ولا لا
بصراحة كلامك شجعني
اشكرك على اهتمامك بالموضوع
تقبل تحياتي

[ريال الفسحه]

يااختـــــــــــــي سفانــــــــــــــــــــــــــــــه

انتي خذيت من كلامي نصه ........يعنـــــــــــــــــي...؟؟


انتي تبحــــــــثين عن دراسه من اجل الوظــــــــيفه .صح؟؟؟

طيب انتي ماتشوفين اللي اللحين جالساتن بالبيوت ومتخرجات

لا والنسب ممتاز.... وانا اعرف اكثر من وحدهــ(((يقربن لي)))
وجالسات وهن ممتااااااز..........

افهمينــــــــــــــــــــي...

انا مااقول لاتدرسين ...

اقول لاتدرسين وهدفتس الوظيف بالااخص ولكن الوظيفه والفااااااائدهـ((العلم))

وبعدين وش الكلية اللي تقبل 91 طب اسنان بالسعوديه

اللحين 91 علمي ماتقبل بالكلياااات خير شر........


واتمنى رؤية كلامي من الجانبين او الفهم الصحيح له





وبالتوفيق انشاء الله

[ســـــفانـــــه]

يا اخي الكريم
انت ليش اخذت كلامي على محمل الجد
انا كنت امزح
عموما اعتذر ان كنت غلطت
وانا فاهمه قصدك زين بعدين يوم نقلت نص الكلام
لانه مالها داعي انقله كله اللي يبي يقراه كامل يشوف ردك
انا بس نقلت اللي كنت ابي ارد عليه
بعدين ابي اقولك شي
انا اعرف بنات نسبهم بين 88% و 92% داخلين طب ايش رايك؟؟؟؟
انا صحيح نسبتي مو مرتفعه مره لكن في احتمال انهم يقبلوني
دايما الطب يطلبون من 90% واعلى وانا جايبه 91% يعني فيه احتمال القبول
مثل مافيه احتمال الرفض
شكرا لك اخي واكرر لك اسفي

[ريال الفسحه]

حصل خير واااااااااااااااسف

[Doctor aljarba]

صحيح انا مافكرت في الكليات الاهلية
طيب بالنسبه للابتعاث انا ماعندي فكره عنه كيف اسجل فيه
وهل طالبين نسب مرتفعه ولا لا
بصراحة كلامك شجعني
اشكرك على اهتمامك بالموضوع
تقبل تحياتي


ستجدين ما يشفي غليلك على هذا الرابط ..
http://www.mohe.gov.sa/

وأنا بالخدمة في أي استفسار ..

تحياتي ..

أخوكم المحب ..

د. الجربا

[ســـــفانـــــه]

اللللللللللف شكر لك اخوي العزيز
د.الجربا
لقيت في الموقع كل اللي ابحث عنه
شكرا لك اخوي ماقصرت

[Doctor aljarba]

اللللللللللف شكر لك اخوي العزيز
د.الجربا
لقيت في الموقع كل اللي ابحث عنه
شكرا لك اخوي ماقصرت


وفقك الرب أختي سفانة ..

وبالخدمة ..

تحياتي

[ســـــفانـــــه]

وفقك الرب أختي سفانة ..

وبالخدمة ..

تحياتي

اللهم امين
الله يوفقنا وياك على كل خير
كثر الله من امثالك اخوي
شاكرة لك اهتمامك

[عجايب بنت الشايب]

طيب انتي ماتشوفين اللي اللحين جالساتن بالبيوت ومتخرجات

لا والنسب ممتاز...

8
8

اقوووول لا احد ينغز ......


لا ومرتبة شرف بعد ...


ليتهم معطيني مرتبة لسيارة ابوي ابرك ..



سفــــــــــانه بعد كلام د. الجربا

مالي كلاااااااام الا الله يوفقك في اللي فيه خير لك .......




طحياتي .....

[ســـــفانـــــه]

سفــــــــــانه بعد كلام د. الجربا

مالي كلاااااااام الا الله يوفقك في اللي فيه خير لك .......




طحياتي .....
ااااااااااااامين اجمعين انشاءالله
شكرا لك اخي الكريم للمشاركة

[ريال الفسحه]

الا ياعجووووووووز الشر وين ماطس لياهي لاحقتن


حتى لو انا بجحر ضب<<<يسمع به ومعجبتوه


على العموم سفانه بالتوفيق

[ســـــفانـــــه]

الله يوفقنا وياك الى كل ما فيه خير
يا اخوي الكريم
ريال الفسحة

[موته على ايدي]

الكليات الأهليه رسومها كثير 00 يعني يمكن يكون صعب عليكِ

عالعموم استخيري ( صلاة استخاره) وربي يوفقك انشاء الله
ولو ما قبلتي أختي بقسم الطب ، تأكدي ان ليس لكِ فيه خير < والخيره فيما أختاره الله>
و < عسى ان تكرهوا شيئا" وهو خير لكم > صدق الله العظيم

يعني مو كل طموح نستطيع ان نحققه 00
لكــن لو ما قدرتي تحققينه ، بإمكانك تستبدلينه بآخر وتنجحي فيه ، ولكن لا تيأسي

وبالتوفيق انشاء الله 0

[ســـــفانـــــه]

موته على ايدي
شكرا لاهتمامك بالموضوع
والله يهدينا وياك لطريق الخير
تحياتي لك

[عنزي خواله شمر]

اختي سفانه

.
.
انا صارت لي مثل مشكلتك اول ماتخرجت بس انا كنت مخرج شرعي (ادبي) , المهم وش لك
بالطويله اناقز من منطقه لمنطقه ومن كليه لكليه اخر شي فتحوا باب القبول للطلاب المتخرجين
من الشرعي انهم يسجلون بالتمريض .. والله انا استانست طبعاً المهم طلبوا مني 50 الف ريال
قلت لابوها حاله واروح واقول للشايب وماقصر ودبر لي 50 وسجلت فيها بتخصص علاج طبيعي
وهذا انا متخرج من المعهد والحمد لله الراتب متسنع والدوام متسنع وهذا انا ممرض < يعلقون عليه
اهلي يقولون سستر خخخخ

.
.
المهم انا انصحك بالمعاهد الصحيه اشوووف ان البنااات طايحين فيها لانهم يبون ممرضات كثير
( اكيد اهلك ماراح يوافقون لان الممرضه اكيد بتحتك بالرجال بنسبة 90% )
ومادري شووفي كان قبلوا اهلك ترى محتاجين ممرضات لانهم بيخلون كل المستشفيات بالمملكه
الموظفين فيها سعوديين ...


و


الله يوفقك ان شاء الله ...

[شمعة الجدي]

أيوووه صحيح

القبول في الجامعه مو مضمون .. وماتضمنين انك ماتجلسي بعد سنه ثانيه في البيت

وناهيتك عن جلسة البيت

ممله درجه اولى

اذا ظروفك تسمح سجلي بأحد المعاهد الصحيه .. والتمريض مرغوب وان شاءالله تضمني الوظيفه

وصحيح كلام عنزي خواله شمر .. يبون المستشفيات سعوده وبعد الاولويه للممرضات وليس الممرضين .. هذا اللكلام اللي انا سمعتوه .. بحكم دراستي .. انا بمعهد صحي ادرس صيدله وباقي لي التطبيق .. دعواتك

وطبعا الصيدله مو مثل التمريض .. في ضمان الوظيفه .. التمريض مرغوب اكثر


وبالتوفيق

سيي يو

[ســـــفانـــــه]

عنزي خوالة شمر
اشكرك لاهتمامك ويسعدني تواجدك بالموضوع
بالنسبة للتمريض اهلي عادي ما عندهم اي مشكلة
وسامحين لي ادخل اي قسم ابغاه
بس انا مو مقتنعة بالتمريض ومو حابة هالقسم ابدا
استحاااالة ادخل تمريض
انا الان عرفت اللي ابغاه بالضبط بس انشاءالله تتسهل اموري
واشكرك مرة ثانية اخوي
تحياتي لك
rooose2

[ســـــفانـــــه]

شمعة الجدي
هو من ناحية ان جلسة البيت مملة
هي مو بس مملة الا تجيب العلة
اسالي مجرب
بس الحمدلله الحين ادرس في معهد لغة انجليزي
اشوف ناس مو زي اول ما بدت الدراسة جلست شهر كامل
بالبيت ملل من قلب
اما بالنسبة للتمريض انا ماعندي اي رغبة فيه هو صحيح وظيفته مظمونه بس ماني
قادرة احب هالقسم
وزي ماقلت للعنزي انا الحين عارفة ايش القسم اللي ابغاه بس اهم شي
دعواتكم ان الله يسهللي اموري واقدر ادخله
والف شكر لك
تحياتي
roooose

[الداعيه / براك الفريسي الجربا]

في ختام حواراتكم المثيرة

اسأل الله العلي العظيم ان يوفق الجميع إلى كل مايحب ويرضى وان يجعلنا ممن يتعاونون على الخير دائماً



الاخت الفاضلة

ترى الدعاء في مثل هذه المواضيع الحساسة والمصيرية في الحياة الجامعية مهم واساسي لآنك لا تدرين الخيرة في ذلك .
لذلك يجب توخي الحذر في بعض القرارات لأنها ممكن تسبب لك انكسارات وضياع صحيح تحققين النجاح والشهادة ولكن قد تكونين عرضة للفتن .

قدمي قرار يحوي اقل الفتن على القرار الاعلى للفتن خصوصا وانك لا زلتي في مفترق الطرق


اسأل الله ان يسدل عليكِ استار الحشمة وان يقيكِ شر كل من فيه شر وان يهديك لما ينفعك بالدنيا والاخرة



كلمة : الاستخارة لها مفعول عجيب والدعاء مفتاح الحوائج






بالتوفيق

[سارة الجرباني]

اسمعي نصيحتي انا راحت عل سنة وانا قاعدة بالبيت كان كل ميولي الطب
وماكنت ابي ادخل شئ غيرة يعني مصممة بس كان عندي امل بالله
والله العظيم اني كنت في كل صلاة ادعي وبكل وقت استجابة دعا كنت ادعي
وفي رمضان عقب ماختمت القران دعيت ومن المعروف ان دعا عقب ختم القران مستجاب
والله والله العظيم ماعدت 6اشهر الا واعلان في الجريدة عن القبول في الطب
وانا الحين بالسنة الاولى والحمد لله
بس للعلومة...
ان الطب مايدخله الا من يختاره الله انتي عارفه هذي الروح امانة والله اعلم لمين يحمل المسؤلية
وانتي عارفة ان الطب مايقبلو الا قليل لكن من فضل الله دخلت
نصيحتي ...
ماعليك الا في كل صلاة وفي كل وقت تدعين
...والله يوفقك ويوفق كل عيال المسلمين.,

[ســـــفانـــــه]

الداعية/براك الفريسي الجربا
والاخت سارة الجرباني
اشكر لكم اهتمامكم بالموضوع
واشكركم على النصائح
فعلا اهم شي الدعاء والاستخارة
وفي النهاية الخيرة فيما اختاره الله
حتى لو ما تحقق اللي في بالي
أنا عندي قناعة تامة ان اللي ربي كاتبه لي أفظل
تحياتي لكم