طلب// يا أهل الشعر ..لا تبخـــــــلون ..

[عجايب بنت الشايب]

ماادري هل هذا المكان الصحيح ولا لا ؟
-------------------

بسم الله الرحمن الرحيم


ســـــــــــــــــلام يا أهل الشعر ..

لا شك ان الشعر موهبه عظيمه يعطيها الله احد وياخذها من احد

وللشعر اثـــــــــــــــــر بليـــــــــــــــــــــــــغ في نفس الشاعر والمستمع


والاثــــــــــــر الواضح هو ازالة ضيق الصدر والهم

او التعبيـــــــر عن الفرح والسرور بشكل مميز


)) وقـــــــــد عبــــــر عن ذلك الفاضل الأصمعي في موضوع له ((


طلبي ...


ابي قصيدة .. جزلــــــــــــة معبـــــــــرة (( على قولتنا تجنن ))

ابي اقراها على أبوي ......:puzzled:



ليـــــــــــش ؟


الوالد يمر بأزمة نفسية صعبه بس هو كتووم ولا يحب الضعف

نتيجة خســـــارة في حلاله تصل حدود 90 ألف

سبب هذه الخسارة ...// ســــــــــرقه ( الله لايجزاهم خــــير )


الحمد لله مااحد هالك جوع والناس بخير وبستين نعمه

بس طقة الظهر تــــــــــــــوجع ...

لأنه يقعد سنين يربي ويجي اللي مايخاف الله ياكلها بارده مبرده

قهر صــــــــح ؟

----------------

من هذا المنطلق ولان ابوي شــاعر ويحب الشعر


لدرجة ان اغلب ردوده علينا بالشعر:puzzled:


حبيت اقول لبوي قصيدة ترفع من معنوياته شوي ..

يعني اخاطبه بمايفهم ..:thumb:


والكل عارف اثر الشعر في النفوووس


&& كنت اتمنى اني شاعره فقط علشان اكتب لابوي &&

بس ما أقـــــــــــــدر ... ومالقيت الا أهل الشعر


يمكن مريتوا بقصيدة مثل هذي المناسبه

او طلعت القريحه يوم سمعتوا هالسالفه ..


لا تبخلوون على اختــــــــــكم اللي ماتبي غير رفع معنويات ابوها بقصيدة

لأن هذي بس حيلتها .. قدام هالسالفه ..


((الرجاء من اللي يلقى قصيدة يجيب اسم الشاعر لانه لازم نذكر اسم راعي الفضل ))


أنتـــــــــــــــــــــــــــظركم ...

[شريف روما]

اااااااخ

لاحول ولا قوة الا بالله



عسى الله لايوفق اللي باق ابوك يااختي

والله خبر يضيق الخلق


وان شاء الله الوالد يردهن اضعاف مضاعفه بإذن الواحد الاحد



للاسف ماني شاعر
ولا كان كتبت معلقة لخاطرك


انطري الشعار واكيد مايقصرون

[عجايب بنت الشايب]

وان شاء الله الوالد يردهن اضعاف مضاعفه بإذن الواحد الاحد

الفاضل / الزقروطي


باركالله فيك كلماتك عن عشر قصائد .....

لاهنت اخوي على مرورك ومااااااااقصرت

وننتظر الشعــــــــار ...

سلمت ......,,

[سيف الدولة]

أكيد اللي باق أبوك

له علاقه بالفله ومن اللي يمرون بها

أقصد اللي يقرأونها غير ألأعضاء بالمضايف

من شاف كتاباتك وتعليقاتك فيها

وفي كافة الأقسام بمضايف شمر

يقول هذي بنت نعمه ومن بيت غني وجرب حظه معكم

المهم يمكن كل شي جايز

أما الموضوع بنساعدك على البحث عن الطلب

[عجايب بنت الشايب]

سيـــــــــــــــــف الدوله


حياك الله

بعدين خليتني افتح ثلاث عيون على الفله :)


ماهيب غيربه عليهم خبوووول :)




بس انـــــــا فعلاً طـــــــــــامعه بردك .. علي ...

لأنك .. وبدون مجامله .. شاعر جزل .. ومتذووق درجة اولى >> متابعه :)



بارك الله فيك على مرورك....



سلمت .....

[ريم شمر]

مرحبا عجايب //

اولا الله يحفظك لك الوالد ويسلمه من كل شر

وتفداه ملايين الدنيا كلها


يكفي وجوده ووجودكم حوله

والخساره والربح وارد

وعدوا اللي انسرق انه خسارة في تجارة ,,,وعموما المال الحلال مايضيع ,,


ثانيا / ياغاليه اكثرمن مره اتمنى اكون شاعره علشان اعبر عن بعض الامور

ومنها هالمره ,,,بس للاسف الشعر له جادتن ثانيه غير اللي امر عليهم :)


.
.
اتمنى من الاخوه الشعراء والاخوات الشاعرات ينجدونك بقصيدة معبره

تبعث على التفاؤل وتسلي الحزين ,,,


.
.
اسأل الله ان يفرج همكم ويزيل كربكم ,,,

[عجايب بنت الشايب]

الغلا / ريم شمـــــــــــــر


الحمد لله قلت لك .. الناس بستين نعمه


بس طقة الظهر توجع ..




ماتقصرين ياعمري

وطلتك .. قصيدة :)



سلمتي ......,,,

[مشــــعل]

الله يعوض عليه انشالله ويخليه لكم

واذا هي على القصيد

شعرائنا مايقصرون

سواء من اللي يحفظون او من نظمهم

وانشالله متى ماطرى بالي ابي ارجع

ومره اخرى الله يخليه لكم ويخليكم له

ووجودكم حوله اكبر من هالملايين كله

[عجايب بنت الشايب]

شاعرنا / مشعل الغفيلي

عز الله انك صادز ...


وشاكره لك حضورك ....


وماتقصرووون .....



سلمت ....,,

[فايز عيد الشمري]

اولا الله يشفي أبوك لان العافيه أهم من أموال الدنيا كلها
ثانيا الله لايوفق اللي سرق حلاله
ثالثا الله يقدرنا ونحصل على طلبك أنا وأخواني الشعار
رابعا أكرر الله يشفي أبوك ويقومه باسلامه أمييييييييييييييييييين

[فايز عيد الشمري]

أختي العزيزه كلي بكم أعجاب كتبة هذه الابيات المتواضعه جدا
لعلها تساعد شوي في أخراج والدك من حالته النفسيه وأعذريني أذا
قصرت لاني كتبتها بسرعه لتأثري بموضوعك وخير الكلام ماقل ودل 000



قولي له أن المـــــــال يذهب وياتــــــــي

والعافيه مـــــايشريه كثــــــر الامــــوال

دامه خسر تسعين عنـــــده بناتـــــــــي

أنتي له المكسب عن الفين رجــــال

قولي له أنك عزوتـــــــه بالحياتــــــــــي

وأقري عليه الشعر مع ضرب الامثــال

هذي ترى الدنيا بعدهـــــا مماتــــــــي

ماتنفع الاموال في بعض الاحــــــوال

قولي له أن المال مــــاهو قناتــــــــي

ماله صلاتــــه يوم ماينفع المـــــــال

وقولي له أن الخيــــر بالمقبلاتــــــــي

الرزق من ربي يجي دوم همــــــال

هذي يابنت الناس أخر أبياتـــــــــــي

عساه يسمعها ويتبدل الحــــــــــال

[سيف الدولة]

هلا والله ماقصرت

ابياتك هذي تسوى 90000 ريال

صح لسانك والله فزت بها

[هاني العجل]

.




كفيت ووفيت أخوي الذيب ... صح لسانك ودام هذا الاحساس وهذه الشاعريه



الاخت عجايب .. هنا الكل يد وحده ولاتتردين بأي طلب .. وهذا ما اثبته اخي الشاعر الذيب



ربي يحفظ لك والدك ويحمي الجميع من اي مكروه



.

[عجايب بنت الشايب]

الذيـــــــــــــــب الاحمر ..

كفووووووو الله بارك الله فيك

واشهد بالله انك رجال من ظهر رجال يالقرم .......


كلماتك صابت الهدف


عســـــــــى الله يبيض وجهـــــــــــــــــــك



هذي يابنت الناس أخر أبياتـــــــــــي

عساه يسمعها ويتبدل الحــــــــــال

عزالله انه بيسمعها ....



أكرر شكرك وباضل عااااجزه


وصح لسانك وسلمت اناملك عن النـــــــار

[عجايب بنت الشايب]

الشاعر / هــــــــــاني العجل

جزاك الله الف خيـــــــــر


وحضورك قصيدة .....


سلمت ....,,

[ابو عارف]

والله لو إني شاعر جزل الألحان *** لفتح قفل سجن البيوت المساجين
أهجي بهن شين الفعايل والإيمان *** السارق المجرم حليف الشياطين
الجاني اللي صـار للعيب عنوان *** ناقص شرف وإيمان و العقل والدين
شخص بزوله والفعل فعل حيوان *** نسي حسابه يـوم وضع الموازيـن
يوم الملاء تجمع جميع بميدان *** وتنطـق عليه الإيـد والـرجل والعيـن
والكل خايف والعرق طال الإذان *** ويبداء حساب المجرمين الخبيثين
يعرف بسيماهم قليلين الإحسان *** ويفضح ستر من خان بين الملايين
نصيحتي حدد مصيرك من الآن *** ورجٌع حقوق الناس وربك لك يعين
لا تشوف شيء يوم روغات الأذهان *** ترمى مع ناس في جهنٌم مقيمين
وللشايب اللي صار ضايق وزعلان *** أبشر ترا ياشيخ ماضايعن شين
حقك يجي من دون زود ونقصان *** يبقى إدخار دون شك وتظنين
ومشاكل الدنيا نشوفه بالأعيان *** شف العراق وشوف غزة فلسطين
وشف الذي سوي بجنوب لبنان *** بيوت تهدم فوق روس المساكين
والصبر مفتاح الفرج كل الأحيان *** واذا تبي شيء ترا مستعدين
والله ماقوله لك مجامل وأنا فلان *** وشمر ترى له عادةٍ توفي الدين
وننخى اهل الفزعات ذربين الايمان *** ونفتح اسبوع للرجال المسمين
وصـلاة ربي عــد مـاكـاينن كــان *** على الرسول إعداد جمع المصلين

[عجايب بنت الشايب]

أخــــــــــــــر ستني يابو عارف ... جزاك الله الجنه


امام هذا الابـــــــــــــداع صح لسانك ماذا اقووول


والله كثيــــــــــــــر علي هالكلام ....... بارك الله فيك



والله لو إني شاعر جزل الألحان *** لفتح قفل سجن البيـوت المساجيـن


عزالله انك جـــــــــــــــــزل وجزل ..



يعرف بسيماهم قليلين الإحسان *** ويفضح ستر من خان بين الملاييـن

انـــــا أشهـــــــــــد



لا تشوف شيء يوم روغات الأذهان *** ترمى مع ناس في جهنٌم مقيمين

عزائنا ان وراه ملك ... علام الغيوب ,,



والصبر مفتاح الفرج كل الأحيان *** واذا تبـي شـيء تـرا مستعديـن


كفوووو والله .... بس الناس ولله الحمد بخير وعاافيه ...




والله ماقوله لك مجامل وأنا فلان *** وشمر ترى له عادةٍ توفـي الديـن


انا اشهــــــــــــد والله .... وشمر ترى له عادةٍ توفـي الديـن







بيـــــــــض الله وجهك .. وحرم الله اناملك على النار

وشاكره لك قصيدتك ...



بارك الله فيــــــــــك ..









سلمت .....يابـــــــــو عارف ...

[راعي الوقيد]

صح لسانك يابوعارف عز الله انك كفيت ووفيت

وان شاء الله تكون البلسم الشافي لرفع معنويات الشايب

تحيتي وسلااااامي ...

[هايس الشمري]

صح لسان يالذيب الاحمر و يا ابو عارف



و الله يعوض عليكم



و يحفظ لك والدك




اخووك

[عجايب بنت الشايب]

راعــــــــي الوقيــــــــــــد

لاهنت على المرور ......


سلمت .....

[عجايب بنت الشايب]

هايـــــــــس الشمــــــــري


جزاك الله الجنـــــــــــه



ولا هنــــــت على هالمرور الطيب



سلمت ....,,

[ابو عارف]

صحٌت أبدانكم جميعاً شاكراً ومقدرً لكم هذا التفاعل المعهود بارك الله فيكم.

[ابو عارف]

شكراً أخي راعي الوقيد على الإطرى هذا من حسن ذوقك لاهنت.

[احمد الهاجرى]

على الله الخلف


والله لو اعرفه اني لانصحه نصيحه طيبه جدا


وهي يزوجيتس وياخذ مهريتس ويفتك يعني يضرب عصفورين بحجر مفتك وراجعت(ن) عليه

فلوسه


غشمره ثقيله بس تحملي


الله يعوضه عن كل ماراحله من تعب السنين

ماعليه وانتي بنته ليس اطراء فيتس لا

ولكن قليل من البنات الى مثليتس يهتمن بوالديهن ويعرفن مافي خطرهم (لاتغترين)

وفقيتس الله لمايحب ويرضى

[عجايب بنت الشايب]

احمد الهاجري


الله يسلمك و يجزاك ويجزا والديك الجنــــــه




لا هنت على هالكلمات


سلمت ...,,