ظاهر الزبن
26-10-2006, 05:03
مدخل:
الغياب:وأد الحضور
لا بل وأد نور
واشاعة ظلام
واكثره ايلاماً
ان يكون هذا الغائب
حاضراً في بالك على الدوام
الغياب :.........ادانة بالحزن
لاتصحي الهم خله ينثبر=ماتعرف ان نومة الظالم عباده
ليه تطريها ولاانت بمنجبر=وانت تدري وش يسوي اسم غاده
غاده الحلم الصغير اللي كبر =كني اعرفها قبل سن الولاده
شيخةٍ يعجز يوصفها حبر=سيدة شعري ولها حق السياده
كانت اقرب اقرب اقرب من شبر=وصارت ابعد ابعد ابعد من بعاده
راحت وصار الزمن بي يعتبر=حتى ليلي ماهو ليلي في سواده
كيف ابصبر والصبر ماينصبر=الصبر من ذاقني مابه جلاده
رسبوني كيف من قبل اختبر=ياخسارة قلبي وكل اجتهاده
ياغلاها موت وهنيا انقبر=وسط قلبٍ مات بك واعلن حداده
.
.
.
الغاده اللي نورها جرح الليل =والليل مو ناقص جروح ومجاريح
طلت من الشباك واسترسلت حيل=قالت سلام وهب مع كلمته ريح
.
.
.
اي سلام الله يرحم والديك=وانا من شفتك وانا في حال حرب
لانويت ابعد عنك ارجع واجيك=ولانويت الشرق انا روحت غرب
كل دربٍ ياخذن منك واليك= وكل خطوه مالها غير انت درب
.
.
.
ناديتها......غاااااااااااده......... وردت يالبيه....
تدرين ان الشوق ذباح راعيه....
وتدرين هذا القلب وشفيه ومن فيه...
قالت ياشاعر تسمعن؟؟؟ قلت انا:ايه
:الشوق (ظـــــــــاهر) في عيوني لو اخفيه...
حلم ليل او ليل حلم=ماادري منهو كان الأول
اه ليت الحلم علم= او ياليت الحلم طول
سافرت وبسفرته سافر معه=قلب ماادري فكر ماادري كل شي
هذا صوته كني الحين اسمعه=وهذي ايدينه انا المسها بيدي
كان ماطاع الزمن قالو طعه=قلت كانه عيا ياقلب انت عي
يوم جيته ناويٍ اودعه=صرت كني ميتٍ في ثوب حي
انكسر قلبٍ تعبت اجمعه=وانتثر شوقٍ ملا هالكون ضي
وراحت تجر القلب معها وغابت=وانا هنا لازلت الملم كياني
غيمت لين غيوم هالعين ذابت=حتى الفضا سمعت صوته بكاني
وشلون سابتني كذا اشلون سابت=ليته خذتني دام حبه خذاني
.
.
.
غابت وهي ماغابت الا عن العين=وهذا العذاب اللي يسمونه غياب
احسها فيني هنا لا هنا وين=الا اسكنتني وقفلت دونها الباب
.
.
.
ورحتي وزودتي هالاحزان...احزان=هذي جروحك يااااه ياهي اليمه
مرت علي ايام ماهي بالازمان=الله وكيلك مظلماتٍ عتيمه
ماغاب فيها طيفك بكل الاحيان=دايم معي واقول يالله تديمه
كنت اكتبك وادوزنك بااعذب الحان=كنت ارسمك في عز هالصيف غيمه
كنت احلمك طفله واضمك بالاحضان= واتخيلك رغم الخساير غنيمه
كنت الغريب اللي يدور بك اوطان=من لوعة الغربه وقسوة جحيمه
لايابزوغ الفجر ياورد الاغصان =يااعذب من الهمسات ياطهر ديمه
يااحلا من الرشفه على فم عطشان=وياابرد من النسناس لاارسل نسيمه
ويااقسى من النظره من عيون زعلان=وياارحم من الدمعه بعين اليتيمه
اعطيتك اغلا شي يملكه الانسان=قلبٍ تميزه النوايا السليمه
واهديت لك ااحلا القصايد والاوزان= وهمست لك همس النديم لنديمه
واوفيت عهد الحب يانور الاعيان=في وقت فيه الحب دقه قديمه
وحطيتك لصفحات هالعمر عنوان=ولقيت نفسي من لقى السين جيمه
فرقاه يامحمد ماهي اي فرقا=فرقاه تقتل كلمتي في شفاهي
رغم الهموم السود انا غصب اببقى=ولاغيرها من الغيد شد انتباهي
ماطحت بك ياهم انا فيك ارقا=رغم الحزن لازلت عايش ولاهي
ااااه يازماني ماكفاك= عامين والثالث بدا
وش فيك قل لي وش بلاك= تزيد همٍ ماهدا
لا انتا معي ولا انا معاك =ولاني بوياك وددا
مسموح بس ابعد وراك =واللي مضى لعينك فدا
تعبت اصوت باسمها
غااااااااااااااااااااده
ويجاوبني صداي
غاااااااااااااااده
ولا تسمع نداااي
.
.
.
وااااااااااااه لو تدرين
آاااه لو تدرين هالآااه اشتسوي=ياهي مره ياهي تسوي سوايا
لازفرته ينسمع صوته مدوي = كنها زلزال في وسط الحنايا
ترجف بصدري وتقلب حيل جوي= والضحايا اهـ ياكثر الضحايا
واتوارى وانزوي واشوف ضوي=ينكسر كنه مثل قلبي شظايا
كلما قلت اركدي تقول توي=ماخفي اعظم وباقي لك بقايا
ماابي منك هدايا بس هوي=عن خفوق ٍشاف من جورك رزايا
ليه هذا الحزن مع قلبي مخوي=مايفكه كنها خوة طنايا
كم نشف ريقي عطش وانا اروي=كم سترت جروح وجروحي عرايا
كنت احل اعقدهم وانا امتطوي=كنت معهم ليه ماصاروا معايا
اذكر اني كنت بالصبر امتقوي=بس عاد الحين ماباقي بقايا
علميني وش اسوي وش اسوي=لاوقفت وشفت نفسي بالمرايا[/center]
الغياب:وأد الحضور
لا بل وأد نور
واشاعة ظلام
واكثره ايلاماً
ان يكون هذا الغائب
حاضراً في بالك على الدوام
الغياب :.........ادانة بالحزن
لاتصحي الهم خله ينثبر=ماتعرف ان نومة الظالم عباده
ليه تطريها ولاانت بمنجبر=وانت تدري وش يسوي اسم غاده
غاده الحلم الصغير اللي كبر =كني اعرفها قبل سن الولاده
شيخةٍ يعجز يوصفها حبر=سيدة شعري ولها حق السياده
كانت اقرب اقرب اقرب من شبر=وصارت ابعد ابعد ابعد من بعاده
راحت وصار الزمن بي يعتبر=حتى ليلي ماهو ليلي في سواده
كيف ابصبر والصبر ماينصبر=الصبر من ذاقني مابه جلاده
رسبوني كيف من قبل اختبر=ياخسارة قلبي وكل اجتهاده
ياغلاها موت وهنيا انقبر=وسط قلبٍ مات بك واعلن حداده
.
.
.
الغاده اللي نورها جرح الليل =والليل مو ناقص جروح ومجاريح
طلت من الشباك واسترسلت حيل=قالت سلام وهب مع كلمته ريح
.
.
.
اي سلام الله يرحم والديك=وانا من شفتك وانا في حال حرب
لانويت ابعد عنك ارجع واجيك=ولانويت الشرق انا روحت غرب
كل دربٍ ياخذن منك واليك= وكل خطوه مالها غير انت درب
.
.
.
ناديتها......غاااااااااااده......... وردت يالبيه....
تدرين ان الشوق ذباح راعيه....
وتدرين هذا القلب وشفيه ومن فيه...
قالت ياشاعر تسمعن؟؟؟ قلت انا:ايه
:الشوق (ظـــــــــاهر) في عيوني لو اخفيه...
حلم ليل او ليل حلم=ماادري منهو كان الأول
اه ليت الحلم علم= او ياليت الحلم طول
سافرت وبسفرته سافر معه=قلب ماادري فكر ماادري كل شي
هذا صوته كني الحين اسمعه=وهذي ايدينه انا المسها بيدي
كان ماطاع الزمن قالو طعه=قلت كانه عيا ياقلب انت عي
يوم جيته ناويٍ اودعه=صرت كني ميتٍ في ثوب حي
انكسر قلبٍ تعبت اجمعه=وانتثر شوقٍ ملا هالكون ضي
وراحت تجر القلب معها وغابت=وانا هنا لازلت الملم كياني
غيمت لين غيوم هالعين ذابت=حتى الفضا سمعت صوته بكاني
وشلون سابتني كذا اشلون سابت=ليته خذتني دام حبه خذاني
.
.
.
غابت وهي ماغابت الا عن العين=وهذا العذاب اللي يسمونه غياب
احسها فيني هنا لا هنا وين=الا اسكنتني وقفلت دونها الباب
.
.
.
ورحتي وزودتي هالاحزان...احزان=هذي جروحك يااااه ياهي اليمه
مرت علي ايام ماهي بالازمان=الله وكيلك مظلماتٍ عتيمه
ماغاب فيها طيفك بكل الاحيان=دايم معي واقول يالله تديمه
كنت اكتبك وادوزنك بااعذب الحان=كنت ارسمك في عز هالصيف غيمه
كنت احلمك طفله واضمك بالاحضان= واتخيلك رغم الخساير غنيمه
كنت الغريب اللي يدور بك اوطان=من لوعة الغربه وقسوة جحيمه
لايابزوغ الفجر ياورد الاغصان =يااعذب من الهمسات ياطهر ديمه
يااحلا من الرشفه على فم عطشان=وياابرد من النسناس لاارسل نسيمه
ويااقسى من النظره من عيون زعلان=وياارحم من الدمعه بعين اليتيمه
اعطيتك اغلا شي يملكه الانسان=قلبٍ تميزه النوايا السليمه
واهديت لك ااحلا القصايد والاوزان= وهمست لك همس النديم لنديمه
واوفيت عهد الحب يانور الاعيان=في وقت فيه الحب دقه قديمه
وحطيتك لصفحات هالعمر عنوان=ولقيت نفسي من لقى السين جيمه
فرقاه يامحمد ماهي اي فرقا=فرقاه تقتل كلمتي في شفاهي
رغم الهموم السود انا غصب اببقى=ولاغيرها من الغيد شد انتباهي
ماطحت بك ياهم انا فيك ارقا=رغم الحزن لازلت عايش ولاهي
ااااه يازماني ماكفاك= عامين والثالث بدا
وش فيك قل لي وش بلاك= تزيد همٍ ماهدا
لا انتا معي ولا انا معاك =ولاني بوياك وددا
مسموح بس ابعد وراك =واللي مضى لعينك فدا
تعبت اصوت باسمها
غااااااااااااااااااااده
ويجاوبني صداي
غاااااااااااااااده
ولا تسمع نداااي
.
.
.
وااااااااااااه لو تدرين
آاااه لو تدرين هالآااه اشتسوي=ياهي مره ياهي تسوي سوايا
لازفرته ينسمع صوته مدوي = كنها زلزال في وسط الحنايا
ترجف بصدري وتقلب حيل جوي= والضحايا اهـ ياكثر الضحايا
واتوارى وانزوي واشوف ضوي=ينكسر كنه مثل قلبي شظايا
كلما قلت اركدي تقول توي=ماخفي اعظم وباقي لك بقايا
ماابي منك هدايا بس هوي=عن خفوق ٍشاف من جورك رزايا
ليه هذا الحزن مع قلبي مخوي=مايفكه كنها خوة طنايا
كم نشف ريقي عطش وانا اروي=كم سترت جروح وجروحي عرايا
كنت احل اعقدهم وانا امتطوي=كنت معهم ليه ماصاروا معايا
اذكر اني كنت بالصبر امتقوي=بس عاد الحين ماباقي بقايا
علميني وش اسوي وش اسوي=لاوقفت وشفت نفسي بالمرايا[/center]