المطنوخ
15-10-2006, 06:30
إحشره بسرعه..حط رجلك بافمه ..سد نفسه!!
اي بعدي هذا ولدي اللي بيخلف ابوه
الا ياخلف ابوي هالرمّه
يالله قه ياجنيني قضت مهمتنا باتسر نرجع..!
//
//
//
//
//
(من بكرا على المغرب)
قاعدين كلنا انا واهلي بالصاله بجلسه اسريه تحفها الود والصفاء لدرجة انك تقول ابو من جمعكم يالتافهين من زود المجاملات بيننا والترفيع:)
ومقعدني ابوي بجنبه وكان عمري حينها 12 سنه وهو ابتسامته من الاذن مشقوقه الين الاذن الثانيه ويربت على كتفي<--صعبه عليكم هالمفرده:)
ويقول هذا ولدي هذا خليفتي هذا اللي بيطلع على ابوه
وانا وجهي غدى تقل وجه مصري دارعن بوجبة مرتديلا وعيوني غايره للداخل من زود سخافة وجهي لاني مادري وش اقول :)
قالت امي :ها علمنا وش سوى ولدي البارح اشوفك تمدحه من اليوم من غير لاندري وش سوى
قال ابوي (وهو يطالعني): ولدتس هذا البارح والله ياانوه بغى يجيب العيد بالورع لكن يوم شفت وجه الورع زرّق دريت ان ولدي اتم مهمته بنجاح منقطع النظير
انا وهو انا يا ابوه يوم انا بعمره كنت خيخه داج بس تهقين انه طالع علي؟<--توك تقول انك خيخه ههههههه
وامي مبتسمه وهي تضف جلال صلاته وتنحرف يم القبله وهي تدعي ((يالله انك توفدز وليدي يالله انك تقويه عليهم يالله انك تعينه انه يسد نفسهم))
ونقوم من الجلسه العائليه الظريفه والمعقدة نفسيا :) وابوي يقول يالله ياولدي اليوم بوه اثنين واحد كبير وصغير انا ابستلم الكبير وانت ما اوصيك على الصغير بس وانا ابوك دير بالك تنهيه:)
وانا اقول لابوي بصوت سخيف من كثر المدح اللي جاني ..(انثالله يبه:( )
وانا اروح والبس لبس المهمات وكان اسود جلد مثل تومب رايدر:) وحنا نمشي بالشارع قال ابوي انت ياوليدي ادخل من هالجدار وانا مكاني فوق .. هالله هالله باللي وصيتك
راح ابوي وانا دخلت من الشارع على طول للبيت لا يردعني باب ولا جدار وادخل للغرفه والقى الحقير الصغير نايم بسابع نومه واقول بقلبي انا اوريك يالحقير<--بذرة شر:)
وانا اطالع لافمه وليا والله صغير تقل خرم ابره وانا ابلش لان ((الحوض عندي لو ويست (وجه مستحي) ))
واتلفت والقى دهن فازلين وامسكه واقراه ولا مكتوب للمشق وانا تندبل تسبدي واتلفت لكن ماش مابوه الا هذا قلت الشكوى لله
واتدهن واتمرخ كل جسمي ياما وصلت لدرجة اني امشي تقل فيني كساح من كثر الزلقان :)
وانا اوقف على طرف السرير وانا انقز رواسي وادخل داخل افم الطفل وانزلق بسرعه شديده ياما صار اللي خفت منه..
دقّر خصري عند افمه :)...ولييييييييييه وش هالنشبه والله للعن ابوك اجل وشلون تدخل الرضاعه بافمك انت؟ ((قاعد اسب هالطفل المقرود))
وانا اراعي وليا اللوز (البلاعيم) قدامي يتدودلن .. وانا اقضبهن واسحب روحي للداخل .. واسسسسسحب ليا قام الوغاد يرغي مختنق وانا اسحب نفسي بقوة وانا ادخل وبسرعه حاولت اخلص شغلي ولاحظت ان الولد مابوه زكمه وانا اروح اسد فتحات خشمه من داخل الافم وامسك
بلاعيمه بين اصابع رجولي واسحبهن والوغد نوبن يشرق ونوبن يصييح لكن مايمديه يطلع الصوت الا انا متبوبح داخل حنجرته واخليه يخرج ما اراد من مخارج ثانويه
مادري والا وانا اسمع هدير امواااج !! ياربي وشو هذا؟
احد مسك الوغد وحذفه بالحمام وسحب عليه السيفون ؟
ولا جاهم تسونامي على حظي؟!
مادريت وانا متبوبح ببلعومه الا والشي اللي دفعني وقذفني برى وبوجهي للجدار اللي قدامي الصق فيه
الا حليبه لا بارك الله باللي رضعه قذفوه كله برى
لعنبوه حيوه كل هذا راضعوه؟ والله لو ان معدته خزّان طائرة جامبو:)
على دخلة ابوي والا الدنيا محيوسه والوغاد يصييح... طالع لي وابتسم واشر لي بصبعه الابهام فوق واشر لي براسه يعني ( هيا بنا):)
وبعدها صرت ارافق ابوي ويشار لي بالبنان <--طراها الايقونه:) وسط اعجاب فتيات حارتنا الجنيات :) وقد تعددت مهماتي فكنت اذهب الى الدكتور والنجار والاستاذ والمهندس والبائع والمشتري:)
الى ان مرتن الله لايعيده من مره
قال ابوي ياوليدي ابيك تروح للعنوان هذا وعطاني مخطط للبيت مبين فيها الغرفه المطلوبه قال من تقرب راح تعرف المطلوب من شخيره
وانا اقول تم يا يبه
وانا اطير للعنوان ... ثواني الا واسمع صوت تقل واحد حاط ملعقة بالزفلت ويسحبها<--الله من زين الوصف:)
وانا اقرب لوه يوه قلبت الدنيا خضرا بعيوني
يااااااااداااااافع البلا وش هالريحه من افمه؟
انا وشلون ادخل داخل الحين؟
((على فكره انا ما ادخل الا مع الافم))
ياربي
وانا اطلع للحوش والقاهم شارّين ملابسهم على الحبل وانا امصع معلاق خشب :) وانا احطه بخشمي كأني من الغواصين:) وانا اقرب لبوريحه هالجيفه
وانا اقعد على يديني وركبي واقعد امشي ورى الين وصلت لافمه واحاول ابعد وجهي عن افمه لاني ماش الدعوى ماهي لحية تحمل:)
وانا ادعس رجلي والا الوصخ يلحس رجلي يحسبها زقارة:) ويشفطها يوم بغيت اولي بحلق هالحقير عاد نوعيته رئته من داخل تقل مزبلة بلديه وانتم بكرامه :) الوكاد يوم شفطن وانا منزلق لداخل وانا احط رجلي الثانيه على بلعومه وامسك بلعومه بين اصابع رجلي واقعد الوي رجلي الين
انقطع نسمه وتقل قمت اسمع صوت طيارات وسيارات واثري هالمزعج من قوي شخيره معدم الاصوات حواليه ماتسمع شين لهم ابد ابد:)
الوكاد زهقت وطفشت بصراحه من هالخياس وقلت ليه ما استعجل شغلي بحركه حقيره شوي:(
وانا اوقف على سنونه واقرب رجل لبلاعيمه الين حسيت اني وصلتهن وانا ارفع رجلي حييييييل فوووق واضرب فيها بلعومه وادعس رجلي وافركها دااااخل بحقد وعيوني معصبه وطايره من الزهق
وانا امسك خشمه واستخدمه علشان انزل نفسي تحت اكثر وتسني ما ادري اقعد اضرب افمه من داخل واصبخ برجلي بكل مكان وبغيت اجرم فيه لكن ادركني اقتراب الصباح
والرجال قام يرافس تقل ذبيحة مذبوحه ويرافس الين عرف ان الله حق وانا اقوم واخذ شاور من حمامهم واطلع للبيت:)
//
//
//
طبعا بعد مرور السنوات اكتشف ابوي اني املك قدارت واساليب خارقه وحيوانيه وحقيره لسد نفس خلق الله
وجاء ابوي وخذاني للسلطان وقال اقدم لك ولدي .. أعظم جاثوم بالسلطنه
لم تلد الجنيات مثله قط
واعلم رعاك الله انه سريع الحركه خفيف السمكه <---مادري وش تبي هالكلمه بس جازت لي للسجع:)
وقال ايها السلطان لاثبات قدرات ولدي لأحب ان اريك بعضا من مواهبه .... ((وهو يطالع لي ويغمز بعينه ))
مادرى السلطان الا وانا أأشر لأبوي من خشم السلطان وسط ضحكات الجميع واعجاب من زوجة السلطان <--هذي الزبده:)
وانا يجيني ابوي ويسحبني من خشم السلطان وعينني على رئاسة الاركان العامه للجواثيم
وتعددت مهماتي على الجنسين من كبار الشخصيات من الانس الى ان تم أختيار المطنوخ وتجنيده لصالحنا معشر الجواثيم لانه من اذكى واروع واجمل انسي :)
وبلغناه اننا سندخل بجسده لنكتب باسلوبه عن حياتنا واساطيرنا لانه سبهه لا يعرف كيف يكتب لانه لو كان به خير تسان ماطوّل عليكم ولكن حنا طالبينكم انكم تسامحونه
والسموحه على الاطاله والمصاله
اي بعدي هذا ولدي اللي بيخلف ابوه
الا ياخلف ابوي هالرمّه
يالله قه ياجنيني قضت مهمتنا باتسر نرجع..!
//
//
//
//
//
(من بكرا على المغرب)
قاعدين كلنا انا واهلي بالصاله بجلسه اسريه تحفها الود والصفاء لدرجة انك تقول ابو من جمعكم يالتافهين من زود المجاملات بيننا والترفيع:)
ومقعدني ابوي بجنبه وكان عمري حينها 12 سنه وهو ابتسامته من الاذن مشقوقه الين الاذن الثانيه ويربت على كتفي<--صعبه عليكم هالمفرده:)
ويقول هذا ولدي هذا خليفتي هذا اللي بيطلع على ابوه
وانا وجهي غدى تقل وجه مصري دارعن بوجبة مرتديلا وعيوني غايره للداخل من زود سخافة وجهي لاني مادري وش اقول :)
قالت امي :ها علمنا وش سوى ولدي البارح اشوفك تمدحه من اليوم من غير لاندري وش سوى
قال ابوي (وهو يطالعني): ولدتس هذا البارح والله ياانوه بغى يجيب العيد بالورع لكن يوم شفت وجه الورع زرّق دريت ان ولدي اتم مهمته بنجاح منقطع النظير
انا وهو انا يا ابوه يوم انا بعمره كنت خيخه داج بس تهقين انه طالع علي؟<--توك تقول انك خيخه ههههههه
وامي مبتسمه وهي تضف جلال صلاته وتنحرف يم القبله وهي تدعي ((يالله انك توفدز وليدي يالله انك تقويه عليهم يالله انك تعينه انه يسد نفسهم))
ونقوم من الجلسه العائليه الظريفه والمعقدة نفسيا :) وابوي يقول يالله ياولدي اليوم بوه اثنين واحد كبير وصغير انا ابستلم الكبير وانت ما اوصيك على الصغير بس وانا ابوك دير بالك تنهيه:)
وانا اقول لابوي بصوت سخيف من كثر المدح اللي جاني ..(انثالله يبه:( )
وانا اروح والبس لبس المهمات وكان اسود جلد مثل تومب رايدر:) وحنا نمشي بالشارع قال ابوي انت ياوليدي ادخل من هالجدار وانا مكاني فوق .. هالله هالله باللي وصيتك
راح ابوي وانا دخلت من الشارع على طول للبيت لا يردعني باب ولا جدار وادخل للغرفه والقى الحقير الصغير نايم بسابع نومه واقول بقلبي انا اوريك يالحقير<--بذرة شر:)
وانا اطالع لافمه وليا والله صغير تقل خرم ابره وانا ابلش لان ((الحوض عندي لو ويست (وجه مستحي) ))
واتلفت والقى دهن فازلين وامسكه واقراه ولا مكتوب للمشق وانا تندبل تسبدي واتلفت لكن ماش مابوه الا هذا قلت الشكوى لله
واتدهن واتمرخ كل جسمي ياما وصلت لدرجة اني امشي تقل فيني كساح من كثر الزلقان :)
وانا اوقف على طرف السرير وانا انقز رواسي وادخل داخل افم الطفل وانزلق بسرعه شديده ياما صار اللي خفت منه..
دقّر خصري عند افمه :)...ولييييييييييه وش هالنشبه والله للعن ابوك اجل وشلون تدخل الرضاعه بافمك انت؟ ((قاعد اسب هالطفل المقرود))
وانا اراعي وليا اللوز (البلاعيم) قدامي يتدودلن .. وانا اقضبهن واسحب روحي للداخل .. واسسسسسحب ليا قام الوغاد يرغي مختنق وانا اسحب نفسي بقوة وانا ادخل وبسرعه حاولت اخلص شغلي ولاحظت ان الولد مابوه زكمه وانا اروح اسد فتحات خشمه من داخل الافم وامسك
بلاعيمه بين اصابع رجولي واسحبهن والوغد نوبن يشرق ونوبن يصييح لكن مايمديه يطلع الصوت الا انا متبوبح داخل حنجرته واخليه يخرج ما اراد من مخارج ثانويه
مادري والا وانا اسمع هدير امواااج !! ياربي وشو هذا؟
احد مسك الوغد وحذفه بالحمام وسحب عليه السيفون ؟
ولا جاهم تسونامي على حظي؟!
مادريت وانا متبوبح ببلعومه الا والشي اللي دفعني وقذفني برى وبوجهي للجدار اللي قدامي الصق فيه
الا حليبه لا بارك الله باللي رضعه قذفوه كله برى
لعنبوه حيوه كل هذا راضعوه؟ والله لو ان معدته خزّان طائرة جامبو:)
على دخلة ابوي والا الدنيا محيوسه والوغاد يصييح... طالع لي وابتسم واشر لي بصبعه الابهام فوق واشر لي براسه يعني ( هيا بنا):)
وبعدها صرت ارافق ابوي ويشار لي بالبنان <--طراها الايقونه:) وسط اعجاب فتيات حارتنا الجنيات :) وقد تعددت مهماتي فكنت اذهب الى الدكتور والنجار والاستاذ والمهندس والبائع والمشتري:)
الى ان مرتن الله لايعيده من مره
قال ابوي ياوليدي ابيك تروح للعنوان هذا وعطاني مخطط للبيت مبين فيها الغرفه المطلوبه قال من تقرب راح تعرف المطلوب من شخيره
وانا اقول تم يا يبه
وانا اطير للعنوان ... ثواني الا واسمع صوت تقل واحد حاط ملعقة بالزفلت ويسحبها<--الله من زين الوصف:)
وانا اقرب لوه يوه قلبت الدنيا خضرا بعيوني
يااااااااداااااافع البلا وش هالريحه من افمه؟
انا وشلون ادخل داخل الحين؟
((على فكره انا ما ادخل الا مع الافم))
ياربي
وانا اطلع للحوش والقاهم شارّين ملابسهم على الحبل وانا امصع معلاق خشب :) وانا احطه بخشمي كأني من الغواصين:) وانا اقرب لبوريحه هالجيفه
وانا اقعد على يديني وركبي واقعد امشي ورى الين وصلت لافمه واحاول ابعد وجهي عن افمه لاني ماش الدعوى ماهي لحية تحمل:)
وانا ادعس رجلي والا الوصخ يلحس رجلي يحسبها زقارة:) ويشفطها يوم بغيت اولي بحلق هالحقير عاد نوعيته رئته من داخل تقل مزبلة بلديه وانتم بكرامه :) الوكاد يوم شفطن وانا منزلق لداخل وانا احط رجلي الثانيه على بلعومه وامسك بلعومه بين اصابع رجلي واقعد الوي رجلي الين
انقطع نسمه وتقل قمت اسمع صوت طيارات وسيارات واثري هالمزعج من قوي شخيره معدم الاصوات حواليه ماتسمع شين لهم ابد ابد:)
الوكاد زهقت وطفشت بصراحه من هالخياس وقلت ليه ما استعجل شغلي بحركه حقيره شوي:(
وانا اوقف على سنونه واقرب رجل لبلاعيمه الين حسيت اني وصلتهن وانا ارفع رجلي حييييييل فوووق واضرب فيها بلعومه وادعس رجلي وافركها دااااخل بحقد وعيوني معصبه وطايره من الزهق
وانا امسك خشمه واستخدمه علشان انزل نفسي تحت اكثر وتسني ما ادري اقعد اضرب افمه من داخل واصبخ برجلي بكل مكان وبغيت اجرم فيه لكن ادركني اقتراب الصباح
والرجال قام يرافس تقل ذبيحة مذبوحه ويرافس الين عرف ان الله حق وانا اقوم واخذ شاور من حمامهم واطلع للبيت:)
//
//
//
طبعا بعد مرور السنوات اكتشف ابوي اني املك قدارت واساليب خارقه وحيوانيه وحقيره لسد نفس خلق الله
وجاء ابوي وخذاني للسلطان وقال اقدم لك ولدي .. أعظم جاثوم بالسلطنه
لم تلد الجنيات مثله قط
واعلم رعاك الله انه سريع الحركه خفيف السمكه <---مادري وش تبي هالكلمه بس جازت لي للسجع:)
وقال ايها السلطان لاثبات قدرات ولدي لأحب ان اريك بعضا من مواهبه .... ((وهو يطالع لي ويغمز بعينه ))
مادرى السلطان الا وانا أأشر لأبوي من خشم السلطان وسط ضحكات الجميع واعجاب من زوجة السلطان <--هذي الزبده:)
وانا يجيني ابوي ويسحبني من خشم السلطان وعينني على رئاسة الاركان العامه للجواثيم
وتعددت مهماتي على الجنسين من كبار الشخصيات من الانس الى ان تم أختيار المطنوخ وتجنيده لصالحنا معشر الجواثيم لانه من اذكى واروع واجمل انسي :)
وبلغناه اننا سندخل بجسده لنكتب باسلوبه عن حياتنا واساطيرنا لانه سبهه لا يعرف كيف يكتب لانه لو كان به خير تسان ماطوّل عليكم ولكن حنا طالبينكم انكم تسامحونه
والسموحه على الاطاله والمصاله