الهمزاني
10-10-2006, 17:43
يـــا الآدمــي سمـــر الليالــي تبيـدك=
تنبيك نكبات المخاليق عنها
دنيـــاك بسهــــوم المنـــايا تهـددك =
اللي ومن رقط الأفاعي ومنها
لازم علــى حــوض المنيـــة توردك =
ما تاخذ إلا من سحوته كفنها
لابد ما قناص الأرواح صايدك=
كم صيدةٍ قبلك برمحه طعنها
ترحل وعن دارك والأصحاب يبعدك=
وتنزل بدار مارجع من سكنها
وحيد تسكن والهوادي وسايدك =
في حفرة تزوغ الأبصار منها
في محنتك مافيه حي يساعدك=
إلا الذي مثقال ذرة وزنها
هو الذي يعلم خوافي عقايدك =
اللي خسف في قوم لوط ولعنها
واليا أنعثرت وجاير الوقت عاندك =
وعج الدهر هز الغصون ودفنها
إعنز على اللي كون الكون واوجدك=
إمن العدم وأرزاق خلقه ضمنها
وخالف هوى نفس بغيه تراودك=
احذر تقودك للضياع برسنها
واخفض جناح الذل واخدم لوالدك=
بر الذي عامين ترضع لبنها
وعلى الرفاقة لاتعضض نواجدك=
ترى الحقد غش النفوس ووهنها
ربعك بحزات اللوازم سنايدك=
في عزهم عينك تنام بوطنها
ويا صرت شاعر تسمع الناس واردك=
ومثايلك دولاب فكرك وزنها
نزه عن الزلات منهج قصايدك=
قصايدك عن لاذع النقد صنها
ياصار تقصد وأنت محدٍ منشدك =
سلعتك ترخص بالمجالس ثمنها
وبعض الأمور بحد ذاته تعقدك =
لو كان يبعد عن ضعونك ضعنها
للشاعر مشفي حمود الجرواني الشمري
تنبيك نكبات المخاليق عنها
دنيـــاك بسهــــوم المنـــايا تهـددك =
اللي ومن رقط الأفاعي ومنها
لازم علــى حــوض المنيـــة توردك =
ما تاخذ إلا من سحوته كفنها
لابد ما قناص الأرواح صايدك=
كم صيدةٍ قبلك برمحه طعنها
ترحل وعن دارك والأصحاب يبعدك=
وتنزل بدار مارجع من سكنها
وحيد تسكن والهوادي وسايدك =
في حفرة تزوغ الأبصار منها
في محنتك مافيه حي يساعدك=
إلا الذي مثقال ذرة وزنها
هو الذي يعلم خوافي عقايدك =
اللي خسف في قوم لوط ولعنها
واليا أنعثرت وجاير الوقت عاندك =
وعج الدهر هز الغصون ودفنها
إعنز على اللي كون الكون واوجدك=
إمن العدم وأرزاق خلقه ضمنها
وخالف هوى نفس بغيه تراودك=
احذر تقودك للضياع برسنها
واخفض جناح الذل واخدم لوالدك=
بر الذي عامين ترضع لبنها
وعلى الرفاقة لاتعضض نواجدك=
ترى الحقد غش النفوس ووهنها
ربعك بحزات اللوازم سنايدك=
في عزهم عينك تنام بوطنها
ويا صرت شاعر تسمع الناس واردك=
ومثايلك دولاب فكرك وزنها
نزه عن الزلات منهج قصايدك=
قصايدك عن لاذع النقد صنها
ياصار تقصد وأنت محدٍ منشدك =
سلعتك ترخص بالمجالس ثمنها
وبعض الأمور بحد ذاته تعقدك =
لو كان يبعد عن ضعونك ضعنها
للشاعر مشفي حمود الجرواني الشمري