لمن القصيده وما مناسبتها

[شموخ]

السلام عليكم ورحمة الله وبركاته



فيه قصيده انتشرت بالجوال ( بلوتوث ) والصراحه اعجبتني كلماتها والإلقاء ونفسي أعرف

1_ لمين هذه القصيده.

2_ايش قصتها كلمات القصيده توحي بانه كان زوجها وحصل بينهم طلاق اتمنى من يعرف القصه كامله ان يوردها لنا ...

3_وهل اللي القاها بالجوال هو نفسه الشاعر وياليت لو كان متوفر المقطع الصوتي عند احد يضيفه لنا هنا .... كلماتها




صادفتها صدفه بمستوصف القمه =بالعيـن شفتهـا لحظـه وشافتـنـي

شميت انا عطرها ويابخت من شمـه =يدوخ ويسكر ولو ماهـو بشربانـي

قمـت اتذكـر زمـان فـات والمـه =لاعـاده الله نصيبـا يـوم ودانــي

هلت دموع العيون ولاباقي ولاهمـه =مما جرالـي نسيـت آلـم اسنانـي

معها اخوها وضع كفـه علـى فمـه =كنـه يقـول الله السـتـار يقـانـي

نفس الملامـح ويشبـه دمهـا دمـه =سبحان ربا خلقهـم دعـج الإعيانـي

يدري بحبـي ويـدري أمـه وعمـه =حال القدر بيننـا والحـب سلطانـي

يبكي ويمسح دمـوع عيونـه بكمـه =يبكي على شانها ويبكي على شانـي

والله لـولا الحيـا والديـن لضمـه =واسَمعه شهقة مـن قلـب شفقانـي

الحب بلوى ومنهـا النفـس مهتمـه =وش حيلتي والغضي دمي وشريانـي

جسمي يروح ويجي والقلب من يمـه =القلب عنـده يبيـه ولا يبـي ثانـي

اقسم بربي وانا لـي مذهـب وذمـه =لإعيش احبه ولو حبه علـي جانـي

شربت كاس الهوى ورويت من سمه =مامت وارتحت ولا هو بالي احيانـي

اضحك مع الناس والأحزان منضمـه =كني سعيد وانـا مبلـي بالإحزانـي

عندي وصيه وتـاي الهـرج يايمـه =الموت حقا مـع القاصـي والدانـي

وان صرت فوق النعش والناس ملتمه =مروا على بيتها وتشـوف جثمانـي

قولو لها الموت زم صويحبي زمـه =مامات حبـه ولـو بالنعـش فانـي

شلناه للمقبـره وادعـي لـه القمـه =خذي ثوابه وجودي لـه بالحسانـي

يالله يالمقتـدر ياكـاشـف الغـمـه =تفرج لمن حالته دوما بنقصاني


ولكم جزيل الشكر ..


شموخ

[راعي الوقيد]

حياتس الله ياشموخ

فرحت احسبتس جايبتن لنا غنيمة:)

فود عوجان:smileyb:

مستوصـف القمـة !!!

شميت انا عطرها !!!

هااااااي ويييييين ومضيف القصة وين:tongue:

نلقاتس ان شاء الله بالمنقول:p:

سلااااااااام ...

[شموخ]

من قال يحيا :)

راعي الوقيد


ابشر نجيب لك عيديه :)


على فكره نبي قصتها عشان تكون مناسبه للمضيف :)



تحياتي لك
شموخ

[سعد الشمرى]

هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه هههههههههههههههههههههههههههههههههههههههه ههههههههههههههههههههههراعى الوقيد عزاللة انك قلتها فود عوجان قلنا نعرف ونسمع ونقرا ماقلنا نضرب تراب ونعرف من قائل قصيدة المستوصف هههههههههههههههه

[المطنوخ]

حيالله شموخ

هناك عدة قصص حول هالقصيده

منهم من قال


هذه القصيدة لرجل كان يعشق زوجتـه إلى حد الجنون ..... وكانت بينهم قصه حب طويلة لاتنتهي

وكانت الزوجة تشتكي من العقم حيث انها لاتنجب


وبعد إلحاح شديد من أم الرجل أللتي كانت تتمنى ان ترى احفادا لها قبل موتها تم الطلاق

وبعد مرور سنين من الطلاق كان الرجل يشتكي من ألم الأسنان فذهب الى مستوصف القمه وواجها صدفه


ومنهم من قال


هذه قصه لواحد تزوج وحدة وطلقها لسبب غير معروف ويقال أنه أصيب بالعين

المهم الشاعر ألّمّ به ضرسه وذهب لمستوصف (القمة) ليعالجه ، وشاف مطلقته ومعها أخوها وقال هالقصيدة المؤثره

ويقال ان شاعرها هو الشاعر / علي الحميدي والله اعلم


بحثت طويل عن صوتية للقصيده ولقيت هالرابط بس ان ضغطتيه اقعدي فترة شوي لانه يطول على مايشتغل
واللي عقدني اني يوم نزلته مانزل على شكل ملف صوتي
يعني لي نزل عندتس حاولي تشغلينه عن طريق الريل بلير

http://maram.m.1.googlepages.com/RA

الرابط الثاني شغال وتقدرين تنزلينه وتحملينه جوال

http://www.5ymah.net/rm/sdfhhh.ra
الحفظ بإسم


اتمنى اكون افدتس:)

[شموخ]

اهلا بالمطنوخ


اخيرا بعد ثمانية أشهر يجي طلبي :)



الف شكر لك على إيراد القصه والمقطع واسم الشاعر :)



حملت كلا المقطعين . الأول أوضح بالصوت :thumb: :thumb:




هيضتني على ذيك الأيام " لايروح بالك بعيد :puzzled: اتذكر والله جمعتنا انا وزميلاتي العام بالرياض يوم سمعتنا وحده هالقصيده بجوالها اعجبتني حيل :g: :g: :g: :g:



ماقصرت ياخو طنخه :)

[المطنوخ]

لا ولو ماسوينا شي

وانا والله ماطاحت عيني على هالموضوع الا امس


وبعدين وش عاد جمعتكن الحين جمعتي مع ابوجعيثن والعزي وابوخليف :)

[عبدالله الجعيثن]

^
^
ايه وش لجاب!!!