المساعد الشخصي الرقمي

مشاهدة النسخة كاملة : اشكال وسؤال


خباري وضحى
20-09-2006, 00:17
قصيدة :
هنيت قلب داله مثل صنقور= ماهمه الدمام واللي حضابه
ماهمه اللي حطو العصر بقبور=ةاللي بكت بيضتلامع عذابه
هل هي لحمود عبيد العلي ..اتمنى قصيدة حمود عبيد العلي يوم انه ذبحو عيالهاولاد عبد العزيز المتعب وبقي سعود فيما اعلم خشه بشته وهربه الى المدينه وقال قصيدة رائعة..وشكرا لكم
إلـــجـــنآزه
20-09-2006, 09:35
قصيده الشاعر الكبير فهد الفويه في وقعة الصريف عام 1318 للهجره :


هنيت منهو داله مثـل صنقـور=ماهمه الدمام واللي سعـى بـه
ولاهمه اللي حطو العصر بقبور=ولابكى بيـض تلاعـج عذابـه
ياعل حالك يابو جابر بحـادور=وياعل دارك مايخضـر جنابـه
اللي تعادي حاكم البر وقصـور=حرٍ إلى شاف الحباري عثى به
بالمجمعة عجزوا يشيلون لقبور=وصاروا رجوم مثل نايف هضابه
في غابة يشبع به الذيب ونسور=والضبعة العرجا ملت كل غابـه



تحيآتي لـك
خالد الشمري
21-09-2006, 10:42
القصيده الاولى لفهد الفويه واحضره لك الاخ الجنازه
واما طلبك الثاني قصيده الامير حمود العبيد الرشيد :

ياليتني قيلت معهم ولاجيت = ولاشفت ذبحتهم جميع(ن) قبالي
متعب ولد بنتي ولاعنه سجيت = ومشعل ربيعي يوم يجلس عدالي
وطلال يلجالي وانا له تلاجيت = لاشفت زوله وردت الما حبالي
ومحمد اللي ذبح في رفة البيت = عز الله انه من ضناين حلالي
عز الله اني بالعهد ماترديت = مع نسل عبدالله قديم(ن) وتالي
سلطان قد بقت العهد لو ترقيت = الشمس لازالت يزول الظلالي
سلطان ورث الميت مثله غدا ميت = وماينفع المحروم كثر الحلالي
حسبي على سلطان وسعود حسبيت = حسبي عليكم كلكم ياعيالي
سلطان انا من جظة البيت جظيت = والليله القشرا سببها عيالي


وحيّاك الله معنا ياخباري
راعي الوقيد
22-09-2006, 13:56
الجنازة

ابو فراج

ياعلكم تسلمون على إجاباتكم سؤال واشكال

الاخ خباري وضحا

تحيتي لكم

والسلاااااام ...
خباري وضحى
22-09-2006, 15:25
شكرا عزيزي الجنازة وليتك تععطينا من قصايد ابو متعب(الجنازة)
وشكرا أيها المشرف المتألق خالد الشمري على الفزعة وان كنت تمنيتها كامله مع مطلع القصيدة ومنسبتها باالتفصيل وشكر لك مرة اخرى
والشكر موصول للمشرف راعي القعيد..
خباري وضحى
22-09-2006, 15:33
عفوا يابعد حيي راعي الوقيد كتبنا اسمك على عجل فاخطأنا ..مرة اخرى نعتذر ومنه راعي الوقيد هل هو علم مشهر .. وشكرا