المميز والمتميز صلفيق ابو قناة :)

[صلفيق ابو قناة]

مميز أو متميز اختلف فيها العرب على قولان فالكوفيين قالوا (مميز) بينما خالفهم البصريين بإضافة التاء ليصبح (متميز)

وقد سار أكثر المتأخرون على نهج البصريين فنطقوها (مميز) :)<<لا أحد يدقق:)

المهم اني مميز وأحمد الله على ذلك:tongue:

منهو مميز أو متميز مثلي؟

قصدي من يشبهني؟

التميز نعمة:goooood:

والمتميزين قلة:thumb:

طبعاً تميزكم أوضح وأكبر من كلمة مميز الي تضاف تحت معرفات البعض:smileyb: <<مهو غايرٍ منهم أبد:)

ولا هو بتصفيف كم كلمة على بعض همن يكتبون تحت اسمك شاعر:smileyb: <<الا أنا وليه ما يحطون تحت اسمي شاعر ولا عشاني ما أنشر الا بالفلة وأهل الفلة ما عندهم واسطة:g: ومشرفين الفلة يالله بلشانين يجمعون من هالألقاب وناسينن رعاياهم:smooch:


المهم ترى مهو بس أنا المميز!

فالي أنا متأكدن منه ليا ساعة الله هالساعة ان الاسكندر الأكبر ويوليوس قيصر ونابليون ونيلسون مانديلا وبوليفار وأرسطو ورمسيس الثاني وتحتمس الثالث ونيتشه وبيل قيتس وانشتاين ومدام كوري وحجي المرهون ومحيسن الجمعان والإستاذ ياسين وعزوز هم شركائي بالتميز:goooood:

وكونك مميز/ة مهو معناه تكبر على خلق الله وتنظر لهم بطرف عينك:puzzled:

لا يا أخي ولا يا أختي بل تواضعوا واحمدوا ربكم على هالتميز:)



ونختم بإعادة نفس السؤال من فيكم الي متميز مثلي أنا وهالطحاطيح الي فوق؟


يالله مخمخوا شوي وعلموني:)

رمضان مبارك

[أبو فهد]

هلا صلفيق يالله حيووووووووووه


تبي الصدز و لا الالصدق



والله ما فهمت وش تبي <<<< وش يبي يعني صحن كوراع و 2 معصوب :)




بس تدري انك مميز أو متميز بشي و هو احلى شي




متميز باسم صلفيق و لا تقل إلا صوت صحن مطبح من الدور الرابع :)



شف أنا مانيب مميز تدري ليه


لاني لما أقول أفعل <<<<<<<< فاهم التميز غلط :7ayyoh:


كان ودي اواصل بس مهنا فواصل


-----------
تحياتي
أبو رشيد

[صلفيق ابو قناة]

^
^
مشكلتك انك ما تمخمخ:hala1:

وليا مخمخت ما تجمع:tongue:

وليا جمعت تحتفظ بالنتيجة لنفسك:)<<أعطيك دافع معنوي ولا أظنك لا تجمع ولا تحذف:smooch:

رح اقر سيرة مانديلا ورمسيس وابو قناة وشف وش العامل المميز المشترك بينهم؟

الهمام يا غلام:)

[شموخ]

وكونك مميز/ة مهو معناه تكبر على خلق الله وتنظر لهم بطرف عينك

لا يا أخي ولا يا أختي بل تواضعوا واحمدوا ربكم على هالتميز

يمكن تحسب نفسك ياصلفيق طلعت القمر على هالتميز :) :) او مخترع الذره :)


بصراحه انت مميز :thumb: :thumb: :thumb: :thumb: :thumb: بس انتبه من الكبر مو فيصل اليامي يقول
ونقول معه حنا بعد:)


الكبر لله ودوم ابن ادم صغير ............ مهما تعلى مكانه يرجع لأصله
من طين ربنا خلقنا كيف نتغير ............ دام الخطايا تزود طيننا بله
انسان مخلوق دايم طبعه يحير ........... تتبع خطاويه تلقى شغلته شغله
احيان تلقى ضميره صاحي ونير ........... واحيان من قسوته مايعترف باهله
يابن آدم احذر زمانك دامك مخير ...........لو ترجع احسن مدامك باول الزله
سهله تخون الغرائز قلبك النير ........... لكن عقلك يوافق ماهي بسهله

تحياتي لك
شموخ

[أبو فهد]

صلفيدز


والله العلم اللي دريت بوه انك تبي تهذر و تسولف و كلنا أذن صاغية



فغرد فما اجمل التغريد خارج السرب ( الفلة ) :)

[المستلج]

اها عرفت

<== وش عرفت ؟

انا ارى والله اعلم ان المميز هو اللي من يوم طلع للدنيا وهو مميز يعني يا يكون بثلاث عيون ولا بخشم فيه ثلاث عوادم ( وفي رواية شكمانات ) أو طالع براسه وبر ولا شوك

أما المتميز فهو شخص عادي طور نفسه وصار متميز

<=== وش قالوا لك ؟ بوكيمون ؟

عالعموم التميز بالتمييز هو تميز بحد ذاته ( فسر )

وشنكر يا مستر

[المطنوخ]

ياهلا بصلفيق

اسفرت وانورت وحجي وعريس والله يتسثر خيركم


افا ياصلفيق الحين جاي تدور تميز ولامميز :)

اخبر الالقاب هي تركض ورى المميزين مو العكس

وبعدين وانا اخوك انت ذايقن التميز بشهادة الفلاليين والفلاليات ولايهونون الاعراب المجاورون للفله :)

تخبر جريبستان...؟:thumb:

لكنك ماش تقل انت تمل من اللي يمدحونك لان عقبه ماشفناك الا بالمسابقه بس:)



مالنا بالطويله ...


وأهل الفلة ما عندهم واسطة ومشرفين الفلة يالله بلشانين يجمعون من هالألقاب وناسينن رعاياهم

ياخوي لازم عقيد القوكم يستأثر بكل شين اول شين وعقبوه يشوف احوال الرعايا
وبعدين ... منو قال اننا ناسينهم؟:) ((هو احد شاتسيلك؟)) تر نظامي قمعي بهذا مافيه اي اصوات للمعارضه:)

وسلمك الله اعضاء الفله شهادتي فيهم مجروحه رح لشمال المضايف ياما تودزف عند الاسلامي ليا جنوبه على جال الدعم الفني تلقى على طول الخط بصمات لهم ومابهم اللي مو معروف ماهم متقوقعين اللي الله يدفع البلا صار بمعرفاتهم ضمور من قل الحركه:)

والالقاب والدروع لاعضاء الفله هم موعودين خير مبطي وهم عندهم خبر ومايحتاج توصيه :thumb:





الاسكندر الأكبر ويوليوس قيصر ونابليون ونيلسون مانديلا وبوليفار وأرسطو ورمسيس الثاني وتحتمس الثالث ونيتشه وبيل قيتس وانشتاين ومدام كوري وحجي المرهون ومحيسن الجمعان والإستاذ ياسين وعزوز هم شركائي بالتميز

كلهم لعيبة بلوت ماعدا تحمتس تروه فنان بالكنكان:)

والله ياصلفيق مافيه شي يربط بينهم الا انهم قروا سيرتي الذاتيه واعتبروني ظاهرة لاتتكرر وجعلوني قدوتهم هاللي تميزا من تميزي



الوكاد ياقناة لاتقاطع الفله بمواضيعك اللي نخبر

واسلم وسلم

[الـمـحـروووم]

متميز

مميز

مياز

مافهمت سي من موضوعك
وأنا مخالف المصريين والبيزنطيين وعيال عمهم
وأقول أنت تقدير منتاز <<<< وش دخل :)

[صلفيق ابو قناة]

يمكن تحسب نفسك ياصلفيق طلعت القمر على هالتميز :) :) او مخترع الذره :)
ولو يا شموخ للتميز نكهة لا يحس فيها الا المتميزين :)

وبعدين أنا ومخترع الذرة (انشتاين) بنفس المجموعة:tongue:

وشلون ليا صار معي أيضاً الإسكندر الأكبر وتحتمس وبل قيتس:) << شي مو سهل بنوب :)

الا أنتي وبما أنك عرفتي (حسب الظاهر) ليش أنا مميز ، ما قلت لي انتي مميزه مثل مدام كوري ومانديلا وبقية العظماء المذكورين ولا لا :)


بصراحه انت مميز :thumb: :thumb: :thumb: :thumb: :thumb:
أحرجتم تواضعنا:)

المميز لحد الآن أنا وبس :surprised

[صلفيق ابو قناة]

صلفيدز


والله العلم اللي دريت بوه انك تبي تهذر و تسولف و كلنا أذن صاغية:)

الإنسان حيوان ناطق:(

لذلك لا تثريب على ابا قناة أو أي فتى أو فتاة لو هذر وسولف على آذان الخوندين أو الخوندات على أن لا ينقلب الموضوع شات:)
^
^
من أقوال حجي المرهون (أحد أفراد مجموعتي المميزة) غفر الله له:smileyb:



فغرد فما اجمل التغريد خارج السرب ( الفلة ) :)
الله اعلم انهم سربه مهم سرب:thumb:

أما ابو قناة فسربته حتى الآن المذكورين بأول الموضوع من أمثال الاسكندر الأكبر وانشتاين ورمسيس والبقية:smooch:

الا أنت شبلاك ما تجمع:puzzled:

سي/لام

[صلفيق ابو قناة]

هلا بالمستلج

تراك حول الدعوة يفلان خاصة بأول كلامك مار فتسر وش هالتميز اغدي يصير لك منه نصيب:)

مرحبنبك:)

[شباط]

ولله يالحبيب من امس ونا ادزلب صوابري بموضوعك
وبعد ماستنفذت كل قواي العقليه والعصبيه والنفسيه
والفسيلوجيه والأخلاقيه وكل ماابي .. :a:
لقيت ان التمرة هي السحه







.

[صلفيق ابو قناة]

ياهلا بصلفيق

اسفرت وانورت وحجي وعريس والله يتسثر خيركم
يا هلا يا هلا وعليه الطلاق الذبيحة الا تذبح والغدا الا يوكل


افا ياصلفيق الحين جاي تدور تميز ولامميز :)
فاهم السالفة غلط يا جدي

مهو ابو قناة الي يدور تميز عندكم:( <<مشروع هوشه:)

انا مميز لأني بنفس مجموعة هالمميزين المذكورين أعلاه !

حزر فزر بشوووووووووووووووووووو:smileyb:


تخبر جريبستان...؟ :thumb:
لا تهيض جروحي يخو طنخة :g:



لكنك ماش تقل انت تمل لان عقبه ماشفناك الا بالمسابقه بس:)
مجالسكم ما تنمل يفلان بس ما ودي أجيكم بيدينن خلية والاحوال من تالي مصلّحة:tongue:




والله ياصلفيق مافيه شي يربط بينهم الا انهم قروا سيرتي الذاتيه واعتبروني ظاهرة لاتتكرر وجعلوني قدوتهم هاللي تميزا من تميزي
عسى مهي سيرة ابو قناة :thumb:
لا والله يفلان بيني وبينهم رابط قوي بس مخمخ حبتين:)

الا أنتم وشبلاكم متنحين يالفلالية:tongue:

طاب فالك وخدموك عيالك يالغالي ورمضان عليكم مبارك

[صلفيق ابو قناة]

هلا هلا بالمحروووووووووم

ومبروك ألف مبروك يفلان


وش هالسي الي ما فهمته يا سي محرووووووووووووم:)

مجموعة عباقرة تجمعهم صفة شو هي:232r:

حياك الله وكل ما هاه سير علانا وبنغديك من غدانا:hala1:

[ابو عارف]

الأخ صلفيق إذا أنت من أحفاد عايد أبو قناة الويباري أو الوبيري الشمري أللي يحول الفرسان من ظهور الخيل بقناته فأنت قطعاً متميز أب عن جد غصب على اللي ماهو راضي أما إذا أنت شخص آخر فبين لنا تميزك الذي يرقى بك إلى صفوف المشاهير ياصاحب المقالب المتميزه.

لاتتعب نفسك في مقلب جديد

وشكراً لي على المرور:thumb:

[صلفيق ابو قناة]

^
^
ونعم فيكم يا شمر:goooood:

وتحويلة الخيال من أردى أفعالكم مار بقناة ولا بعصى طرفى :)

مار تميز بناخيك بعيد عن القني والمحاجين:)

فهو متميز لأني في خانة وحده مع هالمشاهير الي ذكرتهم ويمكن تكون أنت أو بعض من قرأ الموضوع بنفس الخانة معانا أنا والاسكندر وتحتمس وحجي وباقي المجموعة:)

والموضوع ما فيه أي مقلب بس يبي واحد يمخمخ ويشوف العامل المشترك بين هالمجموعة المميزة:thumb:

يا هلا بك ابو عارف ومرورك أيُّه الموسوعة المتحركة يبث الدفء بأوصال أي موضوع :)

مودتي

[صلفيق ابو قناة]

ولله يالحبيب من امس ونا ادزلب صوابري بموضوعك
وبعد ماستنفذت كل قواي العقليه والعصبيه والنفسيه
والفسيلوجيه والأخلاقيه وكل ماابي .. :a:
لقيت ان التمرة هي السحه
.
ههههههههههههههههه

أجل من أمس وأنت تدزلب صوابرك خذا الله صوابر العدو:)

ماش يفلان قواك مهناش:(

مار تابع معنا ويبي يمر عليه الي ينثر عفشه ويفضح سر هالتميز:thumb:

مرحبنبك:)

[ابو عارف]

شكراً لك على المجاملة المنصفه لشمر و المبالغ فيها بالنسبة لي عافاك الله وحفظك ابو قناة.
نعم صدقت أن هناك عامل مشترك يجمع بين هؤلاء العباقرة المتميزين مجموعة ابو قناة ، ولكن مايهمني هنا.
ودي أن اعرف عن العامل المشترك بينك وبين عايد ابو قناة غير العلكية.

هل هناك عامل صله مشترك (قربى )؟. أم لاء.

Thank you Abu Qanat