المساعد الشخصي الرقمي

مشاهدة النسخة كاملة : مستغرب من هالشي


الفدرالي
10-09-2006, 19:44
السلام عليكم يااهل المضايف ورحمة الله وبركاته
انا عندي شي ابي اسأل عنه لاني حاس انه شي غريب وابي من اللي عنده خبره يجاوب على هالسؤال ويفيدنا .
انا دخلت اكثر من منتدى خاص بشمر وقريت عن انساب شمر
بس فيه شي مافهمته .



اللي فهمت انا من هالمنتديات ان سنجاره اربع اقسام .
وابوهم كل ابوهم اسمه محمد الحارث .
وان محمد الحارث هذا عنده اربع عيال.
واحد اسمه علي والثاني ثابت والثالث زامل والرابع زميل
------------------------------------------------------------
بس الغريب ان كلهم ينسبون لابوهم ماعدا قسم واحد .
يعني مثلا / الزميل اقسام كثيره : شلقان وشمروخ وسلمان ...الخ بس اذا اجتمعت كل اقسام الزميل يقال عنهم ال زميل ((يعني يجمعهم كلهم بزميل))
وكذلك الثابت التومان لحال والثابت لحال بس اذا اجتمعوا صار يقال عنهم الثابت.
والسويد والفداغة قسمين اذا اجتمعوا صاروا الزامل
لكن القسم الرابع عيال علي
اقسام هم منهم الرمال والقني ...الخ
اذا اجتمعوا يقولون عنهم الغفيله .
اذا هم كلهم عيال علي ليش مانقول عنهم ال علي مثل سنجاره الباقين؟
وماسبب نسبتهم لغفيله ومنهي غفيله ؟



اتمنى اللي عنده جواب يفيدنا
واسفين للاطاله
ومشكورين يامضايفنا :hala1:
راعي الوقيد
10-09-2006, 23:39
حي الله الفدرالي

هذي والله الساعة المباركة يالاخو طبتك محلنا:)

ماشاء الله عليك .. لك مشاركتين .. وكأنك بيننا منذ مبطي:)

يقولون كل(ن) يحتسي عرفه ،،،

من اللي سمعت وقريت ؛ يقال ان علي يطلق عليه غفيلة ؟؟

مثل ما يقال عن طيء فأسمه الحقيقي حسب المصادر جلهمة بن ادد ؟؟

يعني زي ما تقول ، والله العالم ، انه يمكن يكون لبدز " لبق " او كنية !؟

اما لو يمر ابو نبهان من هان عطاك العلم الوكاد:)

وياهلابك والله بيننا ومسهلا ،،،

تحيتي لك ،،،

والسلااااااااام ...
مشــــعل
14-09-2006, 05:52
يالله حيوه

اخوي انت لو تلاحظ قلت ابو السناجره اسموه محمد
مع ذلك سميو سنجاره طيب ليش مانسبوهم الى ابوهم محمد
السبب انهم نسبو الى امهم سنجاره

كذلك الغفيله
نسبو الى امهم غفيله
اللي كانت بذمة رجل من الاشراف فذبحوه علي وتزوجه

هذا اللي نسمع بوه
خلف الرويتع
14-09-2006, 11:57
الاخ العزيز فدرالي الله ماير يحييك

ملاحظه هامه التوزيع الحقيقي الى قبيله شمر 1- عبده 2- الاسلم 3- زوبع وليس سنجاره

بالنسبه الى الغفيله كما قال اخي مشعل امهم اسمه غفيله واطلق عليهم اسم الغفيله وكذلك سنجاره هي اسم امهم وهناك من يقول انها مربيه اسمها سنجاره وكذلك زايده هي ام الشق الثاني من زوبع حيث الكثير يعلم انا ابناء زوبع ابن محمد الحارثي ينقسمون الى قسمين سنجاره وزايده كل قسم ينسب الى امه مع ان زوبع اصح واشمل ولكن لتوضيح سنجاره اخوان اشقاء وزايده اخون غير اشقاء عسى ان المعلومه واصلتك والله اعلم واذا عندك علم اخر فشارك به منتظرين مشاركاتك القادمه تقبل تحياتي اخي العزيز
الفدرالي
14-09-2006, 23:27
الله يحييكم جميعا يـــــــــــــــــــا
راع الوقيد + خلف الرويتع + الغفيلي


بالنسبة للعلم يابو رويتع انا كنت اسمع بشي واللي اكده لي هالحين كلام الغفيلي :d:

معوه طرف علم الغفيلي بس ماكمل سالفتوه الله يهديه.

*** يعني منهو هذا اللي ذبحوه علي؟ وله عيال والا لا ؟ .
لاني سمعت بشي قريب من هالشي .

-----------------------------------------------------------------------
ادري اني طولته عليكم بكثر الاسئله بس الظيف حقه ثلاث ايام بعده يدبه المعزب تسان هو ازعجوه
وانا ماكملت ثلاث رسايل :d:
يعني تحمولونا مادمنا ضيوف
مشكوووورين يامضايفنا :)
المطني
17-09-2006, 23:34
الفدرالي

السلام عليك

سالفة الغفيلي ابي اكمله لك بس ابي من اخوي الغفيلي لايزعل علي

غفيله وحسب ما سمعت من كبار السن ماهو من مصدر تاريخي موثق

انه مع احد الأشراف من سلالة بني هاشم وانه جابت منه ولد وان الهاشمي هذا ذبح بحدى المعارك وتزوجه

علي ابو الغفيله وطلبت منه انه يحمى ولده وفعلا حماه ياما تمرجل وكبر ويقولون انه هو ابو الرمال من الغفيله

اللي هالحين الرمال يقولون انهم من بني هاشم هم والطواله وانهم بني عم كلهم هواشم لكن هل كلهم

عيال للولد هذا او ان الطواله لهم ابو ثاني ما ادري . هذا والله اعلم
الفدرالي
07-10-2006, 16:28
مشكور اخ المطني :thumb:
انا سمعت رواية تقول:
ان فيه رجال من بني هاشم جا يم نجد (من الحجاز جا) وكانت فيه قبيلة طي(ماكان فيه شمر) فتزوج اخونا هذا (الهاشمي) امرأة من قبيلة طي اسمه غفيلة وجابت له ولد واحد اسمه (((سعد))) بعد كذا مات الرجال(أو هو ذبح) المهم انه مات .
فتزوجه محمد الحارث (ابو سنجاره) فجابت غفيلة منه ولد سماه(علي)
وبتسذا صار علي اخو سعد من الأم (كلهم عيال غفيلة) وبنفس الوقت صار علي اخو لــ(زميل - زامل -ثابت ) من الأبو



بقى منهم عيال علي ومنهم عيال سعد


علي عياله(القني-البيطن-الصقر)


اما سعد فعياله (الرمال)
علشان تسذا مايقال للغفيلة ( ال علي) لان مهو كلهم عيال علي

فالزبدة ان سعد هذا من عياله عميرة وعمار اجداد الرمال
ويقال ان المعاكلة ايضا هم رمالات لانهم عيال عمار
وانا ادخل على الله
<<<<<< ينفض جيبه :)

والدليل انهم رمالات ان وسمهم نفس وسم الرمال بس انهم غيروا مكان (الباعج) غيروه لان صار بينهم وبين الرمال مشاكل وصاروا من البيطن هالحين

هذي روايات يالربع :) وانا سألت لاني استغربت منهن وحبيت اتأكد
والله اعلم واجل واحكم
ومشكوووورين يامضايفنا :) :) :)