عمر السخني
09-09-2006, 15:27
السلام عليكم ورحمة الله وبركاته
سلام معطر وفوّاح بكل الاطياب..سلام لأحلى المضايف واغناها على الشبكه بكل ما تحتويه..
آآآآخ000آآآآآآآخ...والله من زمان ما جيت وذبحني الشوق.. الشوق لكلامكم ولشوفة حروفكم..
اعذروني اخواني الاعزاء غيبتي هذي غصب عني..اضطريت اسافر خارج البلاد وجات السفره مفاجئه
وما سنحت لي الفرصه اعطيكم خبر..يشهد الله اني اشتقت لكم حيييل حييييييل.
ما اخبي عليكم..اثناء السفر اكتشفت اني ادمنت حبكم..والله اني عانيت(بما فيه الكفايه)
ثلاثة اشهر مرّن علي سنين في البعد عنكم..والحمد لله رجعت بالسلامه..رجعت لعيونكم
رجعت بشوقي ولهفتي..رجعت وكل شي فيني ينادي باسمائكم..
رجعت واخترت لنفسي (لقب) نادوني به الله لا يهينكم....
(( أختي الفاضله بتول آل علي..الى متى هذا الجفاء؟؟؟ ))
هذا انا.....
مخلب الذيب
ذيب(ن) صحا في عتمة الليل طلاّب=يطوي حنايا قلب(ن) اندق بابه
عقب الضما ما حدّته وحشة الغاب=وحش البراري ينحسب له حسابه
نور(ن) سطع في عينه براس مرقاب=شتت مشارف نظرته لين صابه
قلّب مواضي هجعته والشعر شاب=مثل الوحيد اللي لقاله عصابه
قام ايتلوى والمعاليق ترتاب=سم(ن) من الحرمان أعمى صوابه
من جا يودّه..يقبل الود كسّاب=ومن جا يردّه..يندفن في ترابه
بيته عطا نفسه وطيبه له أطناب=يكرم مناعير الوفا والمهابه
ما يقبل انّه يآمن وغيره يهاب=يلزم كفوفه مع كفوف الغلابه
كف(ن) تشيّد للكرم صرح وقباب=وكف(ن) تضيّق للفقر وسع بابه
وكف(ن) تفّل من العنا ألف كلاّب=وكف(ن) تخفف من بلاوي عذابه
همّه يجي مع ذرّة الخير ويثاب=سواة جدّه والسلف والصحابه
واللي طعن في هقوته دونه حساب=لو هو من عيال الأهل والقرابه
من لابة(ن) تندى لها سيوف وحراب=عز الخوالد تخضع له الفين لابه
جوفه فضا ما تجرحه لمعة شهاب=لو هو على الحدّين سيف(ن) غدا به
كن في مسيره بالضحا خيل وركاب=وكن في مسيره فالمسا..سر غابه
ضحكه أدب مع سلّة قدود الانياب=تقل من العاج النقي به صلابه
الحرف عنده ضربه بحد مخلاب=أليا نطق تنساق فوقه سحابه
تبرق من جزال المعاني للاشناب=ترعد على مسمع سليط الطرابه
تنحت على وجه الرواسي والاتراب=وتمحي من ذبول المباسم كآبه
ياما قلوب بحضرته دوم تنصاب=واليوم ينشد..من يداوي مصابه؟؟
يدري الشعر ينراد له فكر واسباب=في لجّة الغاز العجب والغرابه
لا تحسب انّه من عنا الوقت مرتاب=الذيب(ذيب) ولو تونّى جوابه
وما كل ذيب(ن) ينحسب حسبة ذياب=بعض الأسامي..والأسامي تشابه
أخوكم الشاعر
(( عمر السخني ))
(( مخلب الذيب ))
سلام معطر وفوّاح بكل الاطياب..سلام لأحلى المضايف واغناها على الشبكه بكل ما تحتويه..
آآآآخ000آآآآآآآخ...والله من زمان ما جيت وذبحني الشوق.. الشوق لكلامكم ولشوفة حروفكم..
اعذروني اخواني الاعزاء غيبتي هذي غصب عني..اضطريت اسافر خارج البلاد وجات السفره مفاجئه
وما سنحت لي الفرصه اعطيكم خبر..يشهد الله اني اشتقت لكم حيييل حييييييل.
ما اخبي عليكم..اثناء السفر اكتشفت اني ادمنت حبكم..والله اني عانيت(بما فيه الكفايه)
ثلاثة اشهر مرّن علي سنين في البعد عنكم..والحمد لله رجعت بالسلامه..رجعت لعيونكم
رجعت بشوقي ولهفتي..رجعت وكل شي فيني ينادي باسمائكم..
رجعت واخترت لنفسي (لقب) نادوني به الله لا يهينكم....
(( أختي الفاضله بتول آل علي..الى متى هذا الجفاء؟؟؟ ))
هذا انا.....
مخلب الذيب
ذيب(ن) صحا في عتمة الليل طلاّب=يطوي حنايا قلب(ن) اندق بابه
عقب الضما ما حدّته وحشة الغاب=وحش البراري ينحسب له حسابه
نور(ن) سطع في عينه براس مرقاب=شتت مشارف نظرته لين صابه
قلّب مواضي هجعته والشعر شاب=مثل الوحيد اللي لقاله عصابه
قام ايتلوى والمعاليق ترتاب=سم(ن) من الحرمان أعمى صوابه
من جا يودّه..يقبل الود كسّاب=ومن جا يردّه..يندفن في ترابه
بيته عطا نفسه وطيبه له أطناب=يكرم مناعير الوفا والمهابه
ما يقبل انّه يآمن وغيره يهاب=يلزم كفوفه مع كفوف الغلابه
كف(ن) تشيّد للكرم صرح وقباب=وكف(ن) تضيّق للفقر وسع بابه
وكف(ن) تفّل من العنا ألف كلاّب=وكف(ن) تخفف من بلاوي عذابه
همّه يجي مع ذرّة الخير ويثاب=سواة جدّه والسلف والصحابه
واللي طعن في هقوته دونه حساب=لو هو من عيال الأهل والقرابه
من لابة(ن) تندى لها سيوف وحراب=عز الخوالد تخضع له الفين لابه
جوفه فضا ما تجرحه لمعة شهاب=لو هو على الحدّين سيف(ن) غدا به
كن في مسيره بالضحا خيل وركاب=وكن في مسيره فالمسا..سر غابه
ضحكه أدب مع سلّة قدود الانياب=تقل من العاج النقي به صلابه
الحرف عنده ضربه بحد مخلاب=أليا نطق تنساق فوقه سحابه
تبرق من جزال المعاني للاشناب=ترعد على مسمع سليط الطرابه
تنحت على وجه الرواسي والاتراب=وتمحي من ذبول المباسم كآبه
ياما قلوب بحضرته دوم تنصاب=واليوم ينشد..من يداوي مصابه؟؟
يدري الشعر ينراد له فكر واسباب=في لجّة الغاز العجب والغرابه
لا تحسب انّه من عنا الوقت مرتاب=الذيب(ذيب) ولو تونّى جوابه
وما كل ذيب(ن) ينحسب حسبة ذياب=بعض الأسامي..والأسامي تشابه
أخوكم الشاعر
(( عمر السخني ))
(( مخلب الذيب ))