ارتفع ضغطي

[شموخ]

السلام عليكم ورحمة الله وبركاته



8
8
8
8
8
8
8
8









مشكلتي مع المحمول سرعته 3000 لكنه بطئ جداً يرتفع ضغطي وهو مافتح الصفحه لي نوعه COMPAQ NX 70710 من HP تكفون شوفوا لي صرفه معه زهقت تعبت مليت ارتفع ضغطي لولا خوفي يمشوني على شهار من قريب كسرته من القهر :g: :g: :g: صرت اتصفح اغلب الوقت من الجهاز المكتبي على الرغم من أن سرعة المكتبي أقل بكثير من المحمول إلا انه أسرع من المحمول بكثييييييييييييير ..


ايش الحل تكفووووووووون صار المحمول ماله فايده عندي ...

اذا مافي حل لمشكلتي ترانى عارضته للبيع :)




تحياتي
شموخ

[شام]

سلامة ضغطك و قلبك يا شموخة

عزيزتي ..

هذه الحالة عالمية يعني لست وحدك التي تعانين من مشكلة البطئ في النقل

و بالعودة لأهل الاختصاص قالوا ..

المشكلة في الاتصال نفسه .. أو عدم توافقية الكرت مع ras الموصولة عليه .

يعني لازم تشوفي حل بالاتصال أو تغيري الكرت ..

وغير هذا لا يوجد .. شموخة

وسلامتك الف سلامة

[ابو خليف]

الحل انك تبيعين كومباك

وتشترين سوني

لعن ابو بليسك كومباك وين علم الناس به
الضاهر ان اطاره الخارجي طين هذا

[شموخ]

سلامة ضغطك و قلبك يا شموخة


الله يسلمك يالغاليه وربي تعبت ببكي من القهر .

عزيزتي ..

هذه الحالة عالمية يعني لست وحدك التي تعانين من مشكلة البطئ في النقل

و بالعودة لأهل الاختصاص قالوا ..

المشكلة في الاتصال نفسه .. أو عدم توافقية الكرت مع ras الموصولة عليه .


بس الاتصال هو نفسه اللي اتصل منه سواء من الجهاز المكتبي او المحمول .. بس عاد هالكرت مدري وشهو :a:

يعني لازم تشوفي حل بالاتصال أو تغيري الكرت ..


كرت ايش بالضبط عشان يوم اقول لهم يغيرونه :(

وغير هذا لا يوجد .. شموخة

وسلامتك الف سلامة


الله يسلمك ايمان ...

[شموخ]

الحل انك تبيعين كومباك



تشتري :)


وتشترين سوني


هونت عن البيع دام الفيد سوني مالقيت غير سوني حتى أجهزة الجوال من سوني مالها خاتمه :(

لعن ابو بليسك كومباك وين علم الناس به

والله سعره فوق سته آلاف :( يعنى هالسوني أرخص منه حسب علمي :(

الضاهر ان اطاره الخارجي طين هذا



لا ماهو طين لونه أسود :)



حفظك الله ياأبا خليف :)

[شام]

هلا شموخة

حياتي كرت المودم لازم تغيري كرت المودم

وياهلا شموخة ..

[عجايب بنت الشايب]

طيب أخر كلاااااام كم تبيعينه ؟؟

تراه خربااان يعني المصلح بياخذ فلوووس بعد ....

:)



طحياتي .......

[مناكد]

وعليكم السلام ورحمة الله وبركاته...

ياشموخ...
لايفوتس مودم اسمه البرتقاله...
ORANGE

انا قطيت الروبوتكس وركبته والسرعه 50 على الدايل باك...


سلام...

.

[شموخ]

ايمان اهلا بعودتك

يعني كرت المودم هو اللي لازم اغيره:(

[شموخ]

عجايب

اعطى المصلح فلوس ولا ابيعه عليك :) :)

[شموخ]

مناكد

طيب هالبرتقاله مناسبه لنوعية جهازي ...


شاكره لك اخي الكريم بدور على البرتقاله :)

[ابو خليف]

والله سعره فوق سته آلاف يعنى هالسوني أرخص منه حسب علمي

لعن ابو بليسك

اردى سوني فوق هالقيمه

[الفاضي]

^

^
^
تشوف وشلون يابو خليف
قال ايش قال الكومباك اغلى من السوني

شمووووخ انا انصحك تفرمتين الجهااااااز وما تحطين ولا برناااااامج حمااااااااايه وتشوفين سرعه الجهااااااااز
اسالي مجرب :):)

طااااااو

[المشرف العام]

رفع الضغط .. هقوتي ازين من هبوطه

خليتس على الضغط المرتفع ، اصلا ماعمري شفت حجازي ماهو مرتفع ضغطه ، الظاهر كذا يجي [ بلت إن ] :)


/


ابدأ / تشغيل / regedit / اضغطي مفتاح الادخال enter
ثم اتبعي التسلسل التالي :
HKEY_LOCAL_MACHINE\SOFTWARE\Microsoft\Windows\CurrentVersion\Run

إذا وصلتي إلى run

بالشاشه المقابله تجدين ايقونات ، اضغطي عليها بزر الفاره اليمين واختار حذف ، إذا انتهيتي من مسح جميع الموجود .

اعيدي تشغيل الجهاز

وتلقين جهازك يطاااامر :)

ملاحظة /
إذا تعرفين برامج الحمايه ومضاد الفايروسات لا تحذفينها ، وإذا ماتعرفينها او لحقك شكككك ، فـ ـ ـ إحذفيهم

[شموخ]

فويضي :)


انت جاي تشمت فيني :(

وتبيني احذف برامج الحمايه بعد:a: وش ناوي عليه :)

[شموخ]

رفع الضغط .. هقوتي ازين من هبوطه



كله شر ان ارتفع طق عرق وجات الواحده جلطه وان انخفض راح بغيبوبه ومات :)


خليتس على الضغط المرتفع ، اصلا ماعمري شفت حجازي ماهو مرتفع ضغطه ، الظاهر كذا يجي [ بلت إن ] :)



لا توصي مايحتاج يابويا :)




ابدأ / تشغيل / regedit / اضغطي مفتاح الادخال enter
ثم اتبعي التسلسل التالي :
HKEY_LOCAL_MACHINE\SOFTWARE\Microsoft\Windows\CurrentVersion\Run

إذا وصلتي إلى run

بالشاشه المقابله تجدين ايقونات ، اضغطي عليها بزر الفاره اليمين واختار حذف ، إذا انتهيتي من مسح جميع الموجود .

اعيدي تشغيل الجهاز

وتلقين جهازك يطاااامر :)


تسلم والله بروح اشغل المحمول واجربها :)



ملاحظة /
إذا تعرفين برامج الحمايه ومضاد الفايروسات لا تحذفينها ، وإذا ماتعرفينها او لحقك شكككك ، فـ ـ ـ إحذفيهم


اللي عندى نورتن ماادري اذا فيه اكثر من برنامج بالجهاز :)


شكرا لك ياأبا سلطان اثلجت صدري بهذا الرد وانخفض ضغطي قليلاً :) بس عساه ينفع مع جهازي :)

[ابو فارس]

شكل الموضوع من زمان
بس مهما يكن بعطي سعر اعلى
خمس مية
مية تنطح مية
حتى لو تبينها ريال ريال ماعندي مانع
وش قلت؟؟

دمت بخير

[الفاضي]

فويضي :)


انت جاي تشمت فيني :(

وتبيني احذف برامج الحمايه بعد:a: وش ناوي عليه :)


ليييييييييييييه:a: :a:
وقسم بالله ان جهازي مابه ولا مضاد للفيروسات ابد
اللهم الفيرول حق الوندز بسسسسس:):)

و لو يحصل لي احذف الوندز تسان حذفته:):)


ابو سلطان الملفات هذي الي قلت لشموخ تحذفه
وش ملفاته ؟؟
بالعربي وش وضيفته ؟؟
لاني جيت ابحذفه لقيت اغلبه برامج انا محدد عند بداية التشغيل:):)
فياليت تعطينا معلومه

تحياتي
طااااااو

[المشرف العام]

^
^
هلا بالفاضي

هي مثل ماقلت , برامج تم تسجيلها بذاكره ويندوز للتشغيل تلقائيا عند إقلاع ويندوز

فالكثير من البرامج ، تاخذ حيّز من الرام وتستهلكه ويتأثر اداء وكفاءة الجهاز حسب سعة الرام المتاحه ، واعتقد ان مضاد الفايروسات والجدار الناري هي اهم تلك البرامج والباقي تاخذ عليك الرام [ على قلّة سنع ] :)

[ابن جشعم]

اللي يقصدوه ابوسلطان بس ندخل عليه من باب ثاني...

اذهب للتشغيل RUN
وأكتب الإختصار التالي
msconfig
راح يظهر لك مثل اللي بالصورة..

http://www.geocities.com/fss_ush/msconfig.jpg
اختر satrt up
وبعدين بالتك اختر البرامج التي لاترغب بتشغيلها عند الإقلاع.

سؤالي عن البطء بالتصفح..
هل الوندوز اصليه أو كانت اصليه وقمتي بالفرمته عند حيالله احد
ونزل نسخه مظروبه...!!!
اتوقع ان الوندوووز مانزلت مزبوط من واقع تجربه مع جهاز صديق وتم الحل
بالفرمته من جديد عند محل متخصص..



والسلام

[إلـــجـــنآزه]

عــنديـلتس طـريقـتين إنشــآءِْ اللـه يـنفــعنتـس :)

الطريقه الاولى :
اول شي تروحين الى إبدأ بعدها تختارين تشغيل الي هي
run
بعديـن تطلعلتس نا فذه تكتبين فيها هالامر
regedit
الي هو امر دفتر الريجستري بعدين يطلعلتس دفتر الريجستري تروحين وتظغطين على
HKEY_CURRENT_USER
بعدين تختارين
Control Panel
وبعدها
desktop
اذا ظغطتي عليه راح تشوفين ملفات طلعت لك على اليمين تظغطين عليه بالفاره اليمين وتختارين
New
وبعدين تختارين من قائمه نيو
string Value
وراح يطلع لك ملف باليمين جديد تروحين وتظغطين على هالملف وتغيرين اسمه وتحطين الاسم هذى
MenuShowDelay
يعني بنفس الحروف الكابتل والصمول ولا احسن لك انسخيه واللصقيه عشان ما تضيعين طبعا تغيرين اسم الملف سهل ما يبي له شي يعني تظغطين عليه بالفاره اليمين وتختارين
rename
بعد ما تغيرين اسم الملف تظغطين عليه بالفاره اليمين وتختارين
modify
را ح يطلع لك مربع صغير اكتبي بالمستطيل الرقم
0

وبس بعدين قفليه وعيدي تشغيل الجهاز وراح تشوفين الجهاز طياره << مـآظنتي :)

وفيه بعد كذى طريقه مثلا حذف ملفات الانتر نت المؤقته
وهذى الملفات بتحصلينها بمجلد بالوندوز اسمه\
c:windows/temp
الحين خلـصنـآ من الطـريـقـه الآولـىْ... :)
______________________________________________
الطريقة الثانية :
انتس تقللين من البرامج الي تفتح معىْ بدأ التشغيل الي مالها داعي
وهذى طريقتها

تروحين الى إبدأ بعدها تشغيل
run
واذا طلع لتس المربع تكتبين هالامر
msconfig
بعدها تطلع لتس نافذه تختارين منها
start up
بعدها بتشوفين كل البرامج اللي تشتغل مع بداية التشغيل الي تشوفين انه مو ضروريه تشيلين الصح من المربع الي جنبه وهذي على فكره تبطيء الجهاز في بداية التشغيل كثرة البرامج

وفيه طرق كثيره بس هذي اهم الطرق الي انا اشوف انها مفيده
وسلآمتـك :)
إتمنـى لتس الشفـاءْ العـــاجل :)

تحيـآتي
.
.
.
.
http://www.up07.com/upload-5/wh_421888687.gif

[سامي الشمري]

شموخ ..



كم سؤال بسألك ..




أولا ً / كم حجم الذاكرة عندك ؟؟


ثانيا ً / أنتي مركبة برنامج " كاسبر " كاشف الفايروسات ؟


ثلاثة / أذكري لي البرامج اللي مركبته على جهازك من برامج تصاميم إلى برامج حماية .



سلالالالام ..

[سالم]

سلاااااااااااااااااااااام ..

* ياشموخ الكومباك اخبره يوم امريكا صنادق :)
يمدحون توشيبا .. دلع على كيف كيف كيفك ..

[شموخ]

ابو فارس

خمس ميه بس :)


لا منت بحول السوم :)

[شموخ]

الفاضي


طيب محد اخترق جهازك للحين :)

[شموخ]

ابن جشعم

تسلم على الشرح طبقته والله مدري :( لقيت 27 برنامج محدد عليها وشلت اغلبها واحس ماهو ذاك التغيير ...


بس ايش فايدة تشغيل هذه البرامج عند بداية التشغيل واذا شلتها من بداية التشغيل ايش راح يتغير يعنى هل ماراح اقدر اشتغل على هالبرامج والا كيف ؟

[شموخ]

اهلين بالجنازه


تسلم ياخوي على الشرح الله يعطيك العافيه ..

[شموخ]

شموخ ..



كم سؤال بسألك ..


تفضل :)

أولا ً / كم حجم الذاكرة عندك ؟؟


512


ثانيا ً / أنتي مركبة برنامج " كاسبر " كاشف الفايروسات ؟

نورتن انتي فايروس


ثلاثة / أذكري لي البرامج اللي مركبته على جهازك من برامج تصاميم إلى برامج حماية .

والله كثيره بعضها مااعرفه تصاميم عندي الفلاش هذا عشاني ماعرف له والفتوشوب اعرف له ماركبوه لي :(


سلالالالام ..


الله يسلمك اخوي

[شموخ]

سلاااااااااااااااااااااام ..



وعليكم السلام


* ياشموخ الكومباك اخبره يوم امريكا صنادق :)


ههههههههه مدام يوم امريكا صنادق اجل انا صندقه للحين :)


يمدحون توشيبا .. دلع على كيف كيف كيفك ..



عند ولد اخوي والله حليو بس يقول حساس مره عاد انا عفشه مايصلح لي الشي الحساس :)

[ابن جشعم]

ابن جشعم
بس ايش فايدة تشغيل هذه البرامج عند بداية التشغيل واذا شلتها من بداية التشغيل ايش راح يتغير يعنى هل ماراح اقدر اشتغل على هالبرامج والا كيف ؟
الفايدة فقط انّه يكون شغال اوتوماتك مع تشغيل الوندووز ويكون جاهز للأستخدام..

يعني اهم شي يكون شغال...برامج الحماية فقط والباقي مالهن داعي تشغيلهن وخصوصا وقت الإقلاع..

اذا احتجتي برنامج شغليه وتحصلينه بالبار تحت وإذا انتهيتي منه يفضل بالفاره يمين وإنها..
اذا كان شغال من غير داعي راح يضعف الذاكرة ويبطي بالجهاز:)

آمل ان تكون الفكرة وصلت..

[سامي الشمري]

أقول ..


سوي فورمات للجهاز و ريحي بالتس :)



:(