و بعدين

[أبو فهد]

السلام عليكم و رحمة الله و بركاته





فلاوي 100 % و لآخر قطرة خلك مبتسم و ردد لا للمخدرات

اخوكم يرجال سابحن بالمشاكل الله ووه من دعوات طنخان و ربعه

لكن و الله البلشة لان طحت بواحدن و لا يهون لو كان شايب و كل ما شافك قال يولدي انا وين شفتك و رحت اجاوبه و اقوله المرت السابقة بالمسجد و مرتن ثانية اقوله بالملحق و مرتن بعد ببيت الشعر و حال اخوكم كل ما نشد هالشايب لما صرت اشوفه احول طريدزي صوب ابليس من عمر



و ما صدقت و قضى هاهم إلا طلعولي ناسن شباب اعمارهم باعمارنا و كل ما شافني واحد قال وجهك مهوب غريب


ثمن اقولهم ايه الظاهر انك شايفني بالتلفزون أو بعرس فلان ( اجيب لوه اسم واحدن ما يعرفه )


مثل طخطيخ بن عفنان :)


و آخرها البارح يوم اني بعرس واحدن من الجماعة و هم يتجمعون فوق العشرة و كل من سلم علي يقولي وين اني شايفك قبل <<<< يا ليل الليل و تاليتها معاكم


ثمن اقولهم إيه الظاهر إنكم مشبهين على فلان بن فنتان



لكن يالربع قضن التصريفات و مالهم حل إلا و ابو عمر يقولي تدري يبو رشيد غير من ملامحك


و انا اقوله خلاص باتسر تشوفني جاي لم العرس بجينز شارليستون و مقشع و و التيشيرت عليه صورة مايكل جاكسون <<<< قديم

طبعن اقولها و انا استهبل


ثمن قال لا و انا اخوك لما جيت للعرس تلطم


و انا اقوله ليش يخوي حالقن شنبي اتلطم


قال شوف لك حلن ثاني على كذا


و أنا ناصيكم يالربع



و الليا يعطيني حل لوه عشرة




بعدين اقولكم شنهي العشرة ( شاركوا يالشفايين ) :)






----------
تحياتي
أبو رشيد

[عجايب بنت الشايب]

يالليل لهدرجه وجهك مافيه جديد
الكل يشبهك ....

مااااافيه تمييييز عندك

لاحوووووووول وشلون عاااايش ...!!



المهم


مافيه حل

الا انك ترووووح لبنان بس لاخلصت الحرب تراهم موهب ناااقصين حرب ثانيه

الاوله من تعاليل والثانيه منك بعد ؟ مايصير كذا ..!!

المهم


رح لبنان ..... واعملك ... تنفيخ براااطم

وحووول على الأردن .... يسوون لك .. قناع البحر الميت

تغدي برووونزي .....


وأفلقــــــــــــني أن أحد قالك :: ويـــــن شايفك ؟؟


لأنك ... زودنً على تنفخك تنفخت

وزودن على سوادك ... تفحمت ...


ويـــــــــــادار مادخلك شــــــــــــــر


....


وطحياتي .......

[المطنوخ]

..مشهد درامي قصير..

طنخان:مساك الله بالخير يالغالي

ابورشيد:هلا ومرحبا يالله حيوه

طنخان: الله يحييك ويبدزيك يالغالي والله اني شبعان من شوفتك ولكن مادري وين بالضبط

أبورشيد:(يبتسم ووجهه منمغط من الحيا))

طنخان:يالغالي الاخ تطلع بدعاية لاباشكيري؟

((انتهى المشهد السمج بقذف طنخان بالطماط وأخذوا عليه تعهد بألا يعود للاستظراف نوبتن اخرى))




والله يابورشيد انا اتوقع ان وجهك يتكون من خمس مناطق

أي على عدد قارات العالم

يعني فيه ابيض وفيه سواد وفيه حَمَار وفيه سمار وفيه تخشبات والاخير طبعا بالنسبه لوجيهنا المخشبه

نرجع لوجهك

يعني لنفرض ان هذا وجهك 0

ولاحظ ان وجهك مطاول يعني اول فئة من الناس اللي تشبهم يكون معيارتهم (( ابوصماخ))

طيب خلنا نشوف الحواجب

(^ ^)

لاحظ حواجبك واللي يدل على انك تشبه فئة الناس اللي ينقال عنهم فاهين او بالاحرى (( فكوكين))



طيب نركب العيون

^ ^
- -

لاحظ ان عيونك خطوط يعني انك تشبه فئة الناس اللي يكون معيارتهم (( الصيني او الفلبيني))



طيب نشوف الخشم؟

^ ^
- -
()

طبعا صورة الخشم مأخوذه من اعلى ولو دققنا فهذا معناته ان خشمك له حدبه من اعلى أي انك من فئة الناس اللي معيارتهم (( فرخ النسر ))



نشوف الافم؟

^ ^
- -
()

----^^----
_________

----vv------


طبعا مثل ما انت شايف الخط اللي بالنص قوسين هذا يمثل الحد الاعلى والادنى لبراطمك
والخط اللي بالنص هذا وانت مسكر براطمك
يعني شف براطمك وانت مسكرهن وهن هالكبر
إذن انت من الفئه التي معيارتهم (( ابو براطمات او ابو براطم))


طبعا بعد التشريح السابق رأيت انه لا علاج لك
لأن وجهك مثل الجحه اليا انشطب وتبي تعدل فيه محد راح يعرفك لدرجة انك انت لي قمت من النوم وتبي تغسل وشفت روحك بالمرآة تبي تقول صبحك الله بالخير يالغالي بدون استنكار لانك ماراح تعرف روحك


انتهى



دكتور:طنخان مروان المطوع

دكتوراه في علم الفلسفه وعلم النفس وعلم فرنسا يتكون 3 الوان

[أبو فهد]

كلي بكم إعجاب حسبي الله على ابليستس


اجل وجه مألوف أقوم أشوه فيه خخخخخخخخخ


الكل يشبهن طالع على ابوي ىدم الله يغفر له و يحكم روحه الجنة و يغفر زلتوه يوم حطنا بذا يومن يعايرنا العجز ( عجايب ) و يومن يعايرنا الايرانيين ( المطنوخ )




رح لبنان ..... واعملك ... تنفيخ براااطم

وحووول على الأردن .... يسوون لك .. قناع البحر الميت

تغدي برووونزي .....


حرام و الله تنفيخ ليش عالأقل يسوون لها تسمير ( للون مهوب مسامير ) لانها فاقعة من البياض أما هالماسك اللي تقولينه ما بعد وصلنا علموه



بعدين شدعوه برونزي و الله لو اني مكثر من اللبنة كل صباح ما غديت برونزي <<< فاهم برونزي غلط




وأفلقــــــــــــني أن أحد قالك :: ويـــــن شايفك ؟؟


اللي قبلي ما خلو لي مكان افلقتس بوه و هو القنفذ من وين ينفلق :)




لأنك ... زودنً على تنفخك تنفخت

وزودن على سوادك ... تفحمت ...


هالزليخة تحسب قرعة الهالوين على قولة طنخان هي صورتي و تقولي ركب براطم و ادهن وجهك بديزل يالله لك الحمد



أمنية أشوف صورة تحت معرفك لبنت موب لواحدن من الوغدان


-----------------------------

والله بردي ذا مدري وش أبي صايرن جرول ( الحطيئة )

-----------------------
تحياتي
أبو رشيد

[أبو فهد]

وخر يالايراني انت و فرتك الليا تقل دازينها بكرباج




^ ^
- -
()

----^^----
_________

----vv------


غديت من قبائل جزر الواقواق ولا عمري وقوقت



انتم تدرون انكم قاعدين تتمدحون فيني يوم اني كل من شافني يقول وين شفتك و كلن قاصدني


يعني صرت مشهور بين الناس بس اني ما احب الشهرة


و اتغلى على الناس



ابو طنيخ ما تسنك راسم صورة هالقرعة اللي تحت معرفي بعد أنت الثاني



ما تلاحظون يشباب إن الفلاوي إذا فتح موضوع تمت محاربتوه من كل الجهات


كلي بكم إعجاب من تحت الأرض و المطنوخ يبرز دكتاتوريته بالتدحرج على المنزلق و الفاضي تفحيط هو و موتروه الليا تقل و على قولة القصمان ( سير سي كود اندس ) :) على هامش الموضوع و كلن يغني على ليلاه ( أي كلن يمارس تخصصه )



كفانا الله شركم يالفلاوين

---------------------------------------


رسالة لشقردي شيخ شمل شقراد : ادلع يا كايدهم :)







------------
تحياتي
أبو رشيد

[مناكد]

بالخير يابو رشيد...


الحل سهل جدا...


دور لك افغاني متعافي (وهم بهم اللي ماهو متعافي) ولخوه باقوى حيلك على الصابر...



بعد كذا مضمون ما احد يبي يعرفك حتى ابوك!!!




سلام...

.

[أبو فهد]

^
^

هيا خذلك أقوله توهقت مع خلق الله يقولي رح لفرن تميس و امسك سرا :)


ما عليه بنترجم هالموضوع بعدة لغات عشان ما يختلط الفهم



بالعربي مثل ما كتبت أنا بموضوعي



بالفلبيني مثل ما كتبت لكم اختنا عجايب



بالفارسي ( الايراني ) مثل حبيبنا المطنوخ



بالانجليش نتحرى متبرع




وش عاد باقي اكتب لكم




يا ناس وش الحل آخرها بزواج حضرتوه يوم الخميس اثنين جوني و كل واحد يقول للثاني هذا وين شفناه و انا بينهم تقل وغيد يمسحون على راسه :(



و الحل يا جماعة





-----------
تحياتي
أبو رشيد

[قطراوي]

ههههههههههههههههه..

قول لهم..انا ماعمري شفتكم ولا اعرفكم..

:

:

وبس مو لازم تقعد تصرف..^^

[أبو فهد]

^
^

تبيهم يقولون هذا قروي و ما يعرف يحتسي مثل باقي العربان


بعدين لو واحد فيهم عقب ما قلت لوه ما اعرفك و لا تعرفني ( متطاقين :) ) و قالي وشتبي وش اقوله



لا تكفى ترى الشرهة غالية




مرحبن بمرورك



----------
تحياتي
أبو رشيد