وكالة يقولون

[خالد الهديني]

احبتي في مضايف شمر العامره قصيدة جديدة ارجو ان تنال اعجابكم ......



وكالة يقولون

المشكلة طحنا بشلة يقولون = الشله اللي كل وقته خساره

يقولون لكن لقولهم ما يسوون = باالليل ذيب ويصبح الصبح فاره

ياوجد حالي وجد حافي ومديون = في وسط ناس" حكيهم باالتجاره

وده يصير انسان مايدري شلون = يحاول يواكب مجريات الحضاره

امه توفت امس وابوه مسجون = مطلوب دم وطالب الدم جاره

عليك يادر" بها الطيب مسنون = يوم ان كل" حن لعيون داره

شمر واهل حايل بحايل يغنون = وانا اغني بكل حي" وحاره

حايل هي اللي قال عنها افلاطون = مدينة الاحلام وارض الطهاره

حبي لها حب" به جنون وفنون = حب السجين لصبح يوم الزياره

حب الفقير ليا استلم راتب الشؤون = حب الامير ليا استلم له اماره

المشكلة ماهي وكالة يقولون = المشكلة لا شب صدرك حراره

لاصرت لانت بصاحي ولانت مجنون = حمل" وديع وعايشن مع نماره

ثالث سنة من موتت اللي تخبرون = طلال ابو نواف وقت الصقاره

رمى عليه النار ابن *** ملعون = في صدره الطاهر رمى ال*** ناره

منهو سبب موته ياناس تكفوون = سكته ولا احد" اعلنه باالسفاره

تمشون ماتدرون باالغصب تمشوون =مثل ال**** اللي ينقل سفاره

[صلفيق ابو قناة]

القصيدة حلوه بس الموضوع وشو:a:

وبعدين الي يتوجد يتوجد وهو بعيد عن داره مهو توجد مسجون ولا مطلوب دم وهو عايش بنفس الدار!

شي آخر موضوع موتة طلال الرشيد حشر بآخر القصيدة ليه مادري!

أخيراً عسى الله يرحم طلال وغيره من المسلمين بس تشبيهك للناس بالحمير لعدم معرفتهم بالسبب الي تسنك تعرفه لا يليق اطلاقاً!!

[عطـاوي]

حايل هي اللي قال عنهـا افلاطـون مدينـة الاحـلام وارض الطهـاره


سأعود باذن الله


*

[خالد الهديني]

يابو قناة لا اسمح لك اطلاقا ... وردك مردود عليك ياخي مو شغلك انت اللي حشرت نفسك في كلام غير مقبول علق على جودة القصيدة من ناحية الوزن والقافية غيره مو شغلك

[أبو فهد]

تعال يخوي هد روعك ريلاكس

وشو اللي مو شغلك طيب يعني ما تبيننا نقرا البيت الاخير عادي جدا هذي امرها عند واحد من المشرفين وهو يفصل بالموضوع من غير أي مضرة أو كلام جارح لأي عضو


انا اشوف هذا أفضل حل و انت شرايك


تعلم دايم تطول بالك اوكيك:thumb:

[بتول آل علي]

أخي الشاعر /
خالد الهديني


طــوّل بالـــك

محد غلط عليك ولا حد له حق يغلط عليك ...!!!
كل ما في الأمر مجرد استفهام عادي جدا ممكن تسمعه من أي شخص إذا ما كان من صلفيق

شخص ما وصل للفكرة اللي أردت إيصالها و استفسر عنها
عااااااااااااااااااااادي

.

:(

[سطام الثامر]

خالد الهديني

صح لسانك يالشاعر قصيده فيها نوع من الحسره
على فقدان الشي الثمين الذي لا يتعوض بثمن
والله يلوم اللي يلومك
وسع صدرك وانا اخوك
وتقبل تحياتي

[عطـاوي]

*
*


*

خالد

وانا اخوكـ

انت هنا تنشر موضوعكـ

وحنا نحط ملاحظاتنا عليها



وسع صدركـ وانا اخوك


>> خل قلبك شمالي << :) :) :)



وصح لسانكـ على القصيدة


ولا هنت يالغالي .......


:)

.

[عبدالله الجعيثن]

خالد الهديني

صح لسانك

ابيات جميله ومعبره


صلفيق ابو قناه

ليس لك الحق بكل كلمه قلتها ورجاءا عدم تكرار هذا الكلام.

[صلفيق ابو قناة]

الأخ خالد الهديني المحترم

عرضت قصيده وعلقنا على أبياته بتعليق لك أن تقبله ولك أن ترفضه !

ان كنت قرأت بتعليقي ما يمسك شخصياً فأنا آسف وأعتذر أما البيت الأخير فأنا مصر على أن فيه سب لكل من يقرأ قصيدتك وأستغرب أنك لم تطلب ازالته بعد ملاحظتي السابقة فالرجوع عن الخطأ فضيلة!



الشاعر ومشرف مضيف الشعر/عبدالله بن جعيثن
ردي أمامك وتحت تصرفك فأنت المشرف ويجب عليك تعديل أي رد فيه كلام غير لائق!

أما وقد تركت ردي كما هو فهذا دليل عليك أن ردي ليس فيه ما يستدعي ملاحظتك من خلال ردك على القصيدة!

عبدالله الجعيثن البيت واضح ولا يحتاج شرح لمعناه ولمن موجه بل يحتاج الى حذف أو تعديل فقط!!

فالأخ خالد يقول بآخر بيتين:
منهو سبب موته ياناس تكفـوون**سكته ولا احد" اعلنـه باالسفـاره
تمشون ماتدرون باالغصب تمشوون** مثل ال**** اللي ينقـل سفـاره

فالبيت ما قبل الأخير يسئل الناس (من يقرأ أبياته) من هو سبب موت الأمير طلال رحمه الله؟
ثم ينتقل من السؤال الى تقريع الناس (من يقرأ أبياته) بقوله تمشون ما تدرون ثم يزيد به الغضب على الناس(قراء أبياته) فيصفهم بالحمير ونقله للأسفار كما وصف الله سبحانه اليهود!!

عبدالله ان كنت فهمت المعنى كما فهمته وأتوقع يفهمه أي قارئ عنده أدنى المام بالشعر فأستغرب أن تبقي البيت كما هو وتوجه كلامك السابق لي!!

كانك فهمته على معنى آخر فياليت وضحت لنا شلون فهمته ولنرجع عن فهمنا الي جر علينا عتب المشرف والشاعر ابن جعيثن!

[خالد الهديني]

ارجوك لا تقراء قصايدي مرة اخرى ولا ترد رجاء اخوي لو سمحت اقولها بكل ادب ارجوك ارجوك ارجوك ولا تعلق عليها

[سامي الشمري]

عزيزي خالد الهديني

لي تعليق بسيط على جمال الأبيــات أتمنى منك أن تقبلة

و لكن أنتظر ردّك بالموافقة أو الرفض

لأني أنوي أن أوضح فكرة معينه للجميـع

أتمنى منك إتاحة الفرصـة بما أنك لا تقبل النقد أوّد استأذانك أولا ً ..


أنتظرك ..

http://00op.com/up/uploads06-08-17/f540e282c6.gif

[خالد الهديني]

عزيزي غربة صدقني اخجلتني بكلامك باالعكس اقبل النقد بكل صدر رحب ولكن ارجوك اقراء رد رد ابو قناة يقول ليش تحشر طلال باالقصيدة والله ماازعجني الا الكلمة هذي يااخي انا طلال باالنسبة لي قضية ومن مات اقسم باالله انني متاثر جدا وكل ماافكر بقصيدة اول مايطري علي طلال ياخي هذا هاجسي مااقدر اتحكم فيه ثانيا يقول اسئت للناس انا لم اعم الناس انا تكلمت في قضية طلال فقط نعم مازلت مصر اننا في قضية موت طلال كاال**** يحمل اسفاره لا ن ولا واحد يدري عن اي شي عن هذه القضية وانا اول **** في هذه المسئلة انا لم اسب احد

[خالد الهديني]

يكفيني اانصافك يابعد حيي .... واسف على احراجك

[سامي الشمري]

هلا و غلا خالد ..


لا أشكك .. ولا أحد يستطيـع أن يشكك في شاعريتك و جمال أبيــاتك ..


خصوصا ً النص هذا ..

ياوجد حالي وجد حافـي ومديـون
............ في وسط ناس" حكيهـم باالتجـاره

وده يصير انسان مايـدري شلـون
.............. يحاول يواكب مجريـات الحضـاره

امه توفت امـس وابـوه مسجـون
.......... مطلـوب دم وطالـب الـدم جـاره


أعجبني جدا ً التشبيـه ..


و ذكرني كثيرا ً بـ قصيدة منصور سعدي ..

وا وجد حالي وجد من جيب مكتوف ..


.................

خالد ..


و الجميـع ..


لـ يعلم الجميـع أن الدخول في موضوع و الخروج من موضوع في قصيدة واحدة صعب جدا ً ..

و من يجيدة فهو فعلا ً شاعر ..

و أنت أجدته :smooch:


و لكن أخي خالد ..


الترتيب و التسلسل في القصيدة أمر لابد منه ..


حسب فهمي للأبيــات على حسب صياغتك لها ..!!

أنك مُغترب عن حائل منذ وفاة المغفور له طلال الرشيد ..

و كما قلت ..


عليك يادر" بهـا الطيـب مسنـون
............. يـوم ان كـل" حـن لعيـون داره

شمر واهل حايـل بحايـل يغنـون
.......... وانـا اغنـي بكـل حـي" وحـاره

حتى وصلت إلى ..

ثالث سنة من موتت اللي تخبـرون
............... طلال ابو نـواف وقـت الصقـاره

هل لك ثلاث سنوات عن حائل ؟

إذا كنت فعلا ً بعيد عن حائل و لك ثلاث سنوات فـهي فكرة رائعة جدا ً

و لكن لم تكن واضحه !

أمـّـا إذا كان مُجرد خروج من موضوع و دخول في موضوع فهذا أمر آخر .


......................

تمشون ماتدرون باالغصب تمشوون
............. مثل ال**** اللـي ينقـل سفـاره


تمشون = جمع و ( المقصود الكل ) وهو أانا و أنت و فلان و علان و و و ... إلخ ..

مثل ال*** <-------<< خانك التشبيه يا أبو وليد :puzzled:

لأنك شبهت حتى نفسك ..!!

و أعتقد أن رد الأخ صلفيق كان على البيت هذا بس ماكان عارف شلون يوصّل لك الفكرة ..

على العموم في بعض التشبيهات أحيانا ً الشخص من ثورة جنونه على الشعر يهجي حتى نفسه ..

على العموم أخي الكريم ..

أقسم بالله العظيم .. أن القصيدة رائعة رائعة رائعة رائعة

إلا آخر بيــت ..

عفس الدنيا فوق تحت :(

امه توفت امـس وابـوه مسجـون
............. مطلـوب دم وطالـب الـدم جـاره

أخ يااخي حرام عليك خربت جمال البيت بآخر بيت

http://www.shmmr.net/vb/smiles/006.gif


على العموم أخي خالد ..

أشكرك على إتاحة الفرصـة و أتمنى أني ماكنت ثقيل عليك بالرد

و أتمنى أن تتقبل الرد هذا بكل رحابة صدر


لك كل الحب ..

http://00op.com/up/uploads06-08-17/f540e282c6.gif

[خالد الهديني]

غربة لك الشكر اجبرتني اشرح لك الموضوع ولكل من قراءني موضوع القصيدة مع انه خاص بس ابشرحه لكم بيحتو سدي .. اتصلت علي اغلى بشر باالوجود امي اطال الله عمرها وقالت صحيح ياخالد انك ناوي تتزوج وحده من الديره الي انت فيها ولا انت ناوي تعلمنا قلت ياالغالية من قالك قالت والله ياوليدي (يقولون) في البداية غضبت على يقولون وقلت المشكلة طحنا بشلة يقولون ** الشلة اللي كل وقته خسارة ... بعد لاحظات وجت نفسي اضحك على نفسي من هم يقولون عشان اكتب فيهم قصيدة .... وقلت ... المشكلة ماهي وكالة يقولون ** المشكلة لا شب صدرك حرارة .... اناء عندي مشكلتين باالحياة ولا فيه شي يهمني غير هاالمشكلتين وذكرتهم .. المشكلة الاولى هي غربتي عن اهلي ومسقط راسي حايل وتوجت عليها بالله الف واربع مية كيلو ماهي غربة ... المشكلة الثانية ...... موتت الامير طلال الرشيد مر عليها ثلاث سنوات ولا ندري وش السالفة يااخوان طلال لم يموت بفراشة مات مقـــــــــــــــــتول البيت الاخير الي سبب مشكلة انا لم اعم افهموني انا اعني وضعنا في قضية طلال فقط لنا ثلاث سنوات نحمل قضية لم نتعرف على اقل تفاصيلها ياهوه انا اعي مااقول فنحن المعنيون في طلال كلنا كاال**** يحمل اسفاره من لا يعنيه طلال خارج التشبيه كل من تشدق من هذا التشبيه كذالك هو خارجة ... واناء اول الحمير اذا يرضيكم ... مازلت مصر اني لم اغلط على احد وكل كلمة قلتها اعنيها ومسؤل عنها ياخوي ياغربة ... ارجع واقول انني اعتذر لكل عقل قصر عن فهم القصيدة انا اسف

[عبدالله الجعيثن]

خالد الهجيني

شكرا اخي

ولكن الموضوع اخذ اكثر من حقه

اعذروني لا اقفال الموضوع