سميحان السويدي
24-08-2006, 18:12
يالله ياللي عينك بخلقك بصيـره حي وجميع الخلق لاشـك زايـل
طالبك عفوك والحيـاة الستيـره ورحمتك في يومٍ تبين الحصايـل
ومن بعد ذكرك صار للشعر سيره والشعر يعرف للنشامـى وسايـل
الشعر ديـوان العـرب وتعبيـره كم شاعرٍ قبلـي للأمثـال قايـل
لمشاعـر الشعـار شـيٍ يثيـره تذكير لو الناس ماهـي جهايـل
أشوف نـاسٍ خالفـوا للمسيـره ولاهمهم سلـم الجـدود الاوايـل
راحوا ورى رغبات دنيا حقيـره وعاشوا بعد مجد وكرامه ذلايـل
ورجلٍ بلا مبدا وشيمـه وغيـره وش عاد لو هو من رفاع الحمايل
اليا فقد مبداء الكرامـه ضميـره الموت عـز ولاحيـاة الفشايـل
والمال نوب فيه كسـب المعيـره ياصار بيديـن العفـون البخايـل
ياما كسبوا للمجـد نـاسٍ فقيـره حجرف وشايع من كبار الدلايـل
وسعدون بن عباس ذبـح بعيـره يوم الزمن على الاجاويـد مايـل
ويوجد من الوافين لاشـك غيـره هل الوفـا مـن طيبيـن القبايـل
وقبيلتـي بيـن القبايـل شهيـره لهـم بتاريـخ المراجـل فعايـل
ويـومٍ كلـن لـه قبيلـه وديـره انا انتمي لثنيـن شمـر وحايـل
طالبك عفوك والحيـاة الستيـره ورحمتك في يومٍ تبين الحصايـل
ومن بعد ذكرك صار للشعر سيره والشعر يعرف للنشامـى وسايـل
الشعر ديـوان العـرب وتعبيـره كم شاعرٍ قبلـي للأمثـال قايـل
لمشاعـر الشعـار شـيٍ يثيـره تذكير لو الناس ماهـي جهايـل
أشوف نـاسٍ خالفـوا للمسيـره ولاهمهم سلـم الجـدود الاوايـل
راحوا ورى رغبات دنيا حقيـره وعاشوا بعد مجد وكرامه ذلايـل
ورجلٍ بلا مبدا وشيمـه وغيـره وش عاد لو هو من رفاع الحمايل
اليا فقد مبداء الكرامـه ضميـره الموت عـز ولاحيـاة الفشايـل
والمال نوب فيه كسـب المعيـره ياصار بيديـن العفـون البخايـل
ياما كسبوا للمجـد نـاسٍ فقيـره حجرف وشايع من كبار الدلايـل
وسعدون بن عباس ذبـح بعيـره يوم الزمن على الاجاويـد مايـل
ويوجد من الوافين لاشـك غيـره هل الوفـا مـن طيبيـن القبايـل
وقبيلتـي بيـن القبايـل شهيـره لهـم بتاريـخ المراجـل فعايـل
ويـومٍ كلـن لـه قبيلـه وديـره انا انتمي لثنيـن شمـر وحايـل