لمن يجرؤ....(مع الشاعر مشعل بن حويد)

[المطنوخ]

بسم الله الرحمن الرحيم



--هذا الموضوع برعاية كل من:

-معجون كريست للأسنان

-حلويات يوسف عبدالله شويطر

-بربيكان ((خالي من الكحول يالمتمردين))

-ديتول ابوسيف بالنص:)




أثناء جولاتي المكوكيه حفظها الله ورعاها وجعلها سقيا بالطش والرش بالتمر البرحي


صادفت بعضا من رموز مضايف شمر العريقه والتي صدفت مرتن أن أرسل لي رئيس وزراء كولومبيا وقال لي ( موقعكم يسمح بالتتن؟ قلت والله يابوسنتياغو على حسب وشو تتنك؟؟
قال هاللي بيدي ... وانا امز منه ليا والله غدت علومي تيزي ميزي:)..قلت انحش لا رحمت والله ان قضبوك عندنا لا يعلتسونك ياللوقي <--طبعا عقب ماكثحت من التتن معه قلت هالحتسي:)))

الوكاد من ضمن هذه الشخصيات

شخصا شاعرا

رومانسيا

خفيفا..!!!!!

له من أسمه نصيب

ومن أجمل الاسامي المحببة الى قلبي ... كيف لا احبه وهو سميّي

شخصا عندما تسمع شعره

تحس انك راكبن هودجا وبطنك ممتلي من الاكل

شعره ينساب على المسامع كانسياب حية ام جنيب

فلا تود عندما تقرأ قصيده أن ينتهي

لماذا؟

لانه قصيده كسيجارتن عقب الغداء وأمامك كاسة شاهي مخدر وانت بوجه المكيف والفراش بجنبك((يعني آآآخر حلاوة))

إنه .. إنه .. إنه ............(صوت الطبل السريع اللي بالسيرك))





الشاعر والاخلاق....((مشعل بن حويد))

--

تصادفنا وتمت بيننا هذه المحادثه...

مشعل بن حويد: طنخان

طنخان: أهلا وسهلا عزيزي مشعل

مشعل بن حويد : طنخان عليك جاه الله انك تقولي شحالك

طنخان : (يولع سيجارة من سجائر رئيس وزراء كولومبيا) هلا حبي..! ( مفعول سريع )

مشعل بن حويد : انا فدى ذالخشم انك تقول تم

طنخان : تم

مشعل بن حويد : أبغاك تسوي لي توقيع وتحط لي بيت شعر انا اختاره

طنخان : أبشر من رجولي الثنتين ... مثلك تلبى مطاليبه (( لازال المفعول ساريا))

مشعل بن حويد : خشمك

طنخان & مشعل بن حويد : مطاخ .. مطاخ <---صوت الخشم

طنخان : مشعوووول

مشعل بن حويد : هاااالا

طنخان : راح اعطي هالتوقيع لواحد من خوياي وليا خلصه راح اخذ استشارة قومي فلة الحجاج ومثل ما قال اللاعب .. من لا استشارك لاتبديه بالشور

عاد هناك راح يفصفصون توقيعك ان جاز لهم او ...... بكيف الله فيك

مشعل بن حويد : تم


--------------------


وهنا أعزائي وبعد أن أنتهى توقيع مشعل بن حويد حبيت أعرضه عليكم

فيمكنكم تشريح اما التوقيع او انكم تذبون على الخفيف على التوقيع او راعيه:)

بس ها لايخرج عن الذوق العام

وهذا هو التوقيع

http://godfather81.jeeran.com/meshal(6).gif

وشرايكم هل يستاهل يحطه شاعرنا مشعل بن حويد بتوقيعه ام لا؟




طبعا أي واحد عنده توقيع وحاب ياخذ رأي الناس قبل وضعه بالتوقيع يجيني ويبشر بشعب صريحين وماهم شماتين :)

[قطراوي]

ههههههههههههههههههههههههه...

ههههههههههههههههههههههه...

:

:

صراااااااحــــه...صرااااحــــــــــه....وال� �ـراحه راحـه..

التــــوقـــيــع ..اكسبلـوشن

:

:

يسـتـاهـل .. سميــك .. عليه بالعـافـيـه..<-- شدعوه يتغدى هـو..

بـس طـلعت موب هيـن ... بالتصميم ..:)..

:

:

الله يعطيك العافـيـه..

[شام]

لمن يجرؤ ..

وحوار انتهى بتوقيع

و التوقيع كان لازمه اشعار

و الاشعار من شاعرنا مشعل

لمن يجرؤ ..

من يجرؤ يقول

غير التوقيع

كله على بعضه حلو ...

[سنين]

توقيـــــع ذرب صراحه وذوق تسلم الايادي .



بس تعليق صوووغنن .. :)




لون الخط نفس لون الخلفيه .. يعني مووش واضح للي نظرهم على قدهم مثلــي :(




ويسلموو




سنين

[ريم شمر]

عقب هالمقدمه السنعه

ماظنتي نقدر نقول شي :puzzled:



توقيع حلو واخونا مشعل يستاهل كل خير
.
.
.



بس منهو الضحيه الثانيه :)

[عجايب بنت الشايب]

>>> كومة غبار مقبل مثل اللي في ماوكلي <<<<


طنخـــــــــــــــان وش ذا الزين

الموضوع مو التوقيع ...!!

التوقيييع

على قولتهم ..... مش بطال

بس بالله قل له يشيل يده من حنكه


ليش يبغى يثبت بهالحركه انه شااااعر



مايحتااااااج شاعر رغم الأنوووف


بس

هالحركه ... فيه بيني وبينها .... سؤ تفاهم



وبعدين الله واكبر يالتقنيه عااااااد



ليش ماخلت بيت الشعر يتحرك ....؟؟



وخليت الخلفية ... تناسب الكلام


مثلاً هو يقووول (( هذا سمرك في ضلوعي احطبه قم احطبه ))



حط خلفية تخلينا نستشعر الأبيات


ولا اقووول


خلاااص خلاااااص


خلوووه خلووووه >> لا تكفيين وافقتي ؟؟

ولا اقووول


شيله احسن ...!!>> لا والله




اقووول

وين المشرف العام .... يحذف عضويته .... علشان يرتح من هالموضوع

8
8



عليش يأخوان هذي صورة مبسطه عن اضطراب وأنفصام الشخصية ..!!!



عادي



للبطاله دوووور ......فعال مثل سيجارة الرئيس ......!!!







همسه * طنخان سنايدي .. على كم الحبه ..؟؟ .....:)







وااااااااااااااااويلي ........>>> صوت قرقعة جراكل ......




طحياتي .....

[شريف روما]

مطنوخ بيك

تبي رايي تعال مرّن البيت وخوذوه :)



لا عاد تبي الصحيح

التوقيع مثل وجهي (( يعني حلو )) :)


ويستاهل بن حويد

[أبو فهد]

طنخان وش خليت لابن جشعم ؟؟؟؟؟؟؟؟؟



مرررررررررة صاير هالأيام بتاع كلووووووو




أقول يوليدي هالحين قضن الخلفيات يوم إنك حاط خلفية تقل فرشة صلاة عجايز :)



و لا أبو الشباب الثاني ورا ما يدس خنيفساتوه و يدلي عليهن شماغوه موب أحسن و أكشخ ( مدري أكانت موضة هالليلة ) :)


توقيع حلو لا بأس به و الموضوع احلى



الله يقرفك قل آمين و تجوز الزقاير عقب براطم الكولومبيون و لا الطين من العجين و الخباز واحد :)



و الشي الغريب الأخ باعشن ما حط لوه دعاية بالموضوع ما تلاحظون !!!!!!!!




و بعدين تعال يابو العنطزة و الدكتاتورية هالحين موكل الناس و مجوع عيالك أنا أخبر اللي أمه خبازة ما يموت من الجوع بس ما خبرت عنز تدمن لتوكل دجاجها <<<< لا تدققون :)



--------------------------------------------------------------------------------------------------



مشالله يا شمعله صاير تصمم و انحن اخوياك و ربعك ساحبن علينا (شوف لا تقولي عطن صورتك و ابشر بسعدك ) <<<< ما وده من تاليها يلقى اسموه مع جماعة أبو سياف :)


أدري أول ما قريت كلامي وقت شعر سيقانك و تصلب راسك ( المفروض العكس )


بس من حدرها تنكست هالدكتاتورية لما تحدر حدر ماريانا ( انشد هل الجغرافيا )




لا تفكر ماريانا اسم مسلسل كارتوني لـ كلي بكم إعجاب :) و لا هوب من مشروباتها




أكيد طرا لك طاري و تقول علامه ذا قلب علي صح ( إذا موب صح يعني وجهك مثل مقفاك و ما عندك إحساس ) :)



شف معك 24 ساعة و إذا ما جاني التوقيع بقولك ( الجواب ما تراه لا ما تسمعه ) <<<< ثكلتك امك :)





و لي عودة حميدة





-----------
تحياتي
أبو رشيد

[عبدالله المهيني]

يعني لازم كل الأعضاء
يدرون إنك مسوي توقيع لــ مشعل :)


ياخي أول أبي أطلب منك توقيع
لكن الحين عوووووووووووووووع


مشعل بن حويد أنا طالبكـ تقول تم

ذب توقيعه بوجه ومن تركـ شيء لله عوضه خير منه :)

[ابو خليف]

تبي الصرااااااحه

الله يخلف على مشعل الي قاعد يطلب منك

والتوقيع بكل صراحه من جنب امها

ومثل خثارز واحد الله يذكره بالخير

[المطنوخ]

يعني الحين انتم ذابين ولا وشو بالضبط

الى الان ماشفت رد فيه ذب قوي يخليني ارد عليه



لله دركم ما امصلكم

[عجايب بنت الشايب]

8
8
لا والله حنا من هووول الصدمه عجزنا نعبر .. ولا ندري وش نقوول .......!!

[أبو فهد]

لا يبعدي انت من يقدر يذب عليك بس هذه هه تقدر تقول شوين من التعليقات ( و ليست العلقات ) المحترمة التي تكون أقل ما يمكن تقديمه لمشرفنا الغالي أما إذا ذكرنا طاري الذب فهذا يعني ان المطنوخ مسوي شي غلط صح و لا لا لكن انت جزاك الله خير و بيض الله وجهك ما قصرت سويت اللي عليك بس كان موضوع تعليقاتنا انك مطنوخ و تقدح من راسك و لكن لو نظرنا إلى الوجه الآخر للسالفة لشفنا إنها تحيز و تعنصر للاسم و هذا شي باطل و ما بني على باطل ولو كان حقا فهو باطل



لك أجمل تحية عزيزي الكاتب
------------------------------


^
^
^

شرايكم بالكلام الحلو اللي فوق المطنوخ يبي واحد يقوله طال عمرك و الثاني يفتح لوه الباب و الثالث يلبسوه الثوب و الرابع يدعك ظهره المنعوج :) <<<< ما تبي ارسل لك واحد يضبط لك تسريحة أزين من عش الغراب


^
^
^

ما هيب ذبات هذه تميرات كلها كلات الحتات يوم انك مربع النعيرات

[الفوووحي]

الله يهديك يالمطنوخ هذا توقيع والا دعاية :)



اما التوقيع حليل يعني 50%



اتمنى من شاعرنا مشعل لا يزعل علي مزحه خفافيه :)


تحياتي لك

[عبدالعزيز]

ياشيخ وين تبي لمعجون كرست وديتول وهالشركات ؟

هذا علي بالحرام لو يدرون به رز الوليمة وبنجابي المهيدب الا يقاولون له اللي صممو برج العرب ويعطونك انت زريفٍ من حدر الطاولة بوه اللي يسافر بنا انا وياك للقاهرة ويسكنا بالهيلتون رميسيس لاسبوعين :)

لكن الصراحة خوش توقيع لابوحويد والله انه يستاهل ..




همسة بإستحياء <---- ماهي العادة:)..


عطن زقارة تكفى :)

[الـمـحـروووم]

التوقيع مايصلح

لأن الأيميل اللي بالتوقيع ناقص نسيت تحط دوت كوم:) :)

[عجايب بنت الشايب]

8
8

مساااابقة هي ؟؟ أكتشف النااااقص ؟؟

مادرينا ....!!

[المطنوخ]

الا راعي التوقيع وينوه؟؟


اللي يشوفوه يدربيه لهذا

[أبو فهد]

^
^

راعي التوقيع يعني يسقيه و يطعمه و لا صاحبه مخاويه :)



المطنوخ ابيلي توقيع بدون صورة و إذا لزمت على الصورة تراها تحت معرفي :)






-----------
تحياتي
أبو رشيد

[المطنوخ]

الا اللي حدر اسمك هذا وشو قرع؟

كم مهذا اللي يسمونه عيد الهالوين؟

[أبو فهد]

اهيب عليك ذهين الولد


يسمونه هلاوين مثنى كلمة هلا ما اتوقع انك تنتقد هالصورة لا تخليني اكب رزك و رزتك

[دمعة فرح]

ماشاء الله فلة حجاج فلة ومواظيعها علي
اصحابها دالة