أعط الخبز خبازه:)

[الاصمعي]

السلام عليكم

يالربع ولا يهونن الربعات موعود بلي توقيع وطلب مني أبيات وأنا قلت البيت الأول وهي تسكر أبواب ومنافذ الشعر بوجهي:g:

عصرت مخي يمار ماش ولا يطلعلي الا كم بيت ما خشن مزاجي قلت وش لك بدوخة الراس وعندك فطاحل هالشعراء الي ما يصعب عليه قاف!

فهذا أنا نصيتكم يا أهل الكار وهذا مكاني بمضيف الأشعار لين ألاقي مطلبي:thumb:

عاد همتكم وخل نشوف ابداعاتكم وقدرتكم على ترويض القوافي !


البيت اليتيم: ((إمن البشر لو غاب ما يستعاضي**ومنهم حضوره مثل غيبته أو نقص))


المطلوب اكمالها ببيتين الى أربعة أبيات فقط

تحياتي

[شام]

عسى أن تكتمل الابيات

بهمة شعراء مضايفنا المميزين

و بالتوفيق سلفاً

... ويعطيك العافية اخي الاصمعي ..

[احـمد الـطـرقي]

هلا بـ اخينا الكبير الاصمعي


تفبل مشاركه اخوك المتواضعه




ما بار حملي لو يطول اعتراضي =لو بالرحى مليون لـ ارصّهم رص

مثلي مثل عين القوي لـ اللواضي =شمر هلي عند اللقى خصهم خص

لـ سمحين الاريا مايزيد امتعاضي =وزول الردي يالاح لي .. يندفن بـ أص

بعض الرجال مدلهين لــ بياضي = وكم بعضهم عايش حياته وهو نص




لك مودتي لفتح المجال

[سعد الحامد]

اكمالاً لإبيات اخونا الفاضل أحمد الطرقي


إمن البشر لو غاب ما يستعاضي=ومنهم حضوره مثل غيبته أو نقص
وبعض العرب تشريه والقلب راضي = وبعض العرب ودك تبيعه ولو نص
وبعض العرب برقه مع الناس ناضي = ومنهم من اللي دون بيته يجصص
وناس(ن) تلاقيهم طوال(ن) اعراضي = شاربه من زود الرخامه منمص

[سيف الدولة]

جيتك ونا عجلن بليّا رياضي =أكمّل المطلوب وأكمّل النّص

يا ألأصمعي من ناس دايم حظاظي=كلّن عليك إيلد ألأنظار ويبص

بعض العرب يفيض مثل الفياضي=يعطيكم المأجود والكل يرخص

وبعض العرب طامن وفيه إنخفاضي=ما تأمنه في كل ألأشياء كما اللص

[الاصمعي]

ما شاء الله تبارك الله

سرعة تفاعل ينبئ عن قدرة من حضر ويغرينا بترقب المزيد من الدرر:goooood:

الى أن أعود للردود لك أجمل تحية وتقدير

[عبدالله الجعيثن]

إمن البشر لو غاب ما يستعاضي=ومنهم حضوره مثل غيبته أو نقص

ومنهم كما نور على الكون ياضي=يبين بالشدات علمه ويبخص

كريم يملا من عطاه الحياضي=شجاع لا شان اللغى باعها برخص

وبعض البشر بالزول كنّه رياضي=لاصوّتت بقعا يسكّه تقل لص

ثور بجسمه والعلابي عراضي=القلب من فلّيين والعقل به نقص

[سيف الدولة]

مجرّد رأي

الموضوع حماسي والمنتدى عالمي والشعراء فطاحل ومحسوبين

من رأيي عدم تكرار الكلمات للقافية!!!!

[شموخ]

وعليكم السلام

الله أثاري هنا منافسه :thumb: لي فتره أشوف الموضوع بالشريط ماحسبته هنا حسبته عند ابن جشعم قلت هم اقرب للعجن والخبز والرق بعد ،، اكيد واحد عنده مشكله بجهازه:)


المشكله يابو خالد احيان البيت اليتيم لو اكتمل يفقد حلاته وتكون حلاته بانفراده :) ...

يسلمون الشعراء ماقصروا بالإبداع :)

ولي عودة باذن الله لو روق المزاج وطلع معي شي :)


تحياتي
شموخ

[الاصمعي]

حياك الله أخت ايمان

وحضورك وتشجيعك محل تقدير فلك جزيل الشكر

تحياتي

[الاصمعي]

ما بار حملي لو يطول اعتراضي =لو بالرحى مليون لـ ارصّهم رص


كفو كفو :goooood:

حياك الله والأول دائماً غير

تحياتي

[الاصمعي]

وناس(ن) تلاقيهم طوال(ن) اعراضي = شاربه من زود الرخامه منمص
هههههههههههههههههه:)

أضحك الله سنك يا سعد:goooood:

أبيات روعه

تحياتي

[الاصمعي]

جيتك ونا عجلن بليّا رياضي =أكمّل المطلوب وأكمّل النّص

ما قصرت كملت المطلوب وفوق المطلوب:goooood:

لك جزيل الشكر والتقدير

تحياتي

[الاصمعي]

وبعض البشر بالزول كنّه رياضي=لاصوّتت بقعا يسكّه تقل لص

ههههههههه:thumb:

مبدع يبو غازي

لا هنت على المشاركة وعلى التثبيت لإعطاء الغائبين فرصة المشاركة

تحياتي

[الاصمعي]

المشكله يابو خالد احيان البيت اليتيم لو اكتمل يفقد حلاته وتكون حلاته بانفراده :) ...

رايك محل تقدير وهذي ما تسمى الشوارد من الأشعار ولكن لا أظنه ينطبق على بيت أخوك ابو خالد الأقل من عادي :goooood:

ننتظر مشاركتك فمن يحفظ يبدع وأنتِ ما شاء الله تبارك الله ابن خميس المضايف:thumb:

تحياتي

[أم نــــــــــواف]

ماشــــــــاء الله

صح لسانك اخوي ابو خالد

وسلمتوا أيها المشاركيــــــن الأفاضل


أبيات في منتهى الروعــــــــه .... " وحنّا خوي مايخلي خويه "


دمتم هكذا أحبّه إن شاء الله

[الثمالي]

الاصمعي

ماطلبت عسر وابشر وتستاهل

ولو اني ماني بشمري لكن طلبت الخوي تلزم الرجال


((إمن البشر لو غاب ما يستعاضي**ومنهم حضوره مثل غيبته أو نقص))



وانا من رجال ٍ بها الكون ياضي=شمر هل الطالات والكل يبخص
خوال الملوك اللي نزلوا بالرياض ِ=وارسوا دعايمها الى قصور اباالحص
في وجيهنا للضيف تلقا فياض ِ=ويوم اللقا مانته بلاقي بنا نص
نظاف الدواخل والوجيه البياضي=وأما الكرم فخص شمر بها خص



واعذرني ان كان به قصور يابعدي

الثمالي

[المخاوي]

هلا باصمعينا

بيت روعه

وتلته ابيات رائعه


والخبز وقع بيد الخباز :)


طب وتخير :)


همسه :

كأني أرى البيت لم يعد يتيما بأبيات ..... :rolleyes:


تحياتي

[احمدصقرالكميان]

الله عليك الله عليك الله عليك


صح لسانك مليون مايكفون
صح فكرك النابض واحساسك المرهف

تقبل خالص تحياتي


اخوكم

[راعي الوقيد]

البيت اليتيم:


إمن البشر لو غاب ما يستعاضي**ومنهم حضوره مثل غيبته أو نقص

المطلوب اكمالها ببيتين الى أربعة أبيات فقط

ماتبي لك خمس ابيات ست:)

يا ألأصمعي من ناس دايم حظاظي *** كلّن عليك إيلـد ألأنظـار ويبـص

ههههههههههه

والله صويدز:thumb:

وهذا يدل على محبته الأخوية عند الكل << عيني عليك كووووول:)

وبعض البشر بالزول كنّه رياضـي ** لاصوّتت بقعا يسكّـه تقـل لـص

ثور بجسمه والعلابـي عراضـي ** القلب من فلّيين والعقل به نقـص

ابو غازي مبدع:thumb:

والمخاوي:smooch: ماجبت لك بيتين على الطاير:)

اقول تسان ما انت عجل عليهن ابي اتكزهن لك بالويك اند:)

ماهو هالقريب اللي بعدهـ !! تخبر ورانا جذاع يب يعرس يعله اوله:)

يعطيكم العافية يالشعراء على تجاوبكم السريع مع طلب اخونا الكبير:)

تحيتي وسلااااااااااااااامي ...

[فلاح السعد]

حنا الجمهور نصفق



روعة شعراء في قمة شاعريه



لكم الود

[سامي الشمري]

فاضي أنا و أعمل على الكيف " قاضي .!!
.............................. و وّدي أكمّل ما تبقى من النص ..

لكن وش الموضوع ؟؟ هل هو رياضي ؟؟
........................... ولاّ ثقافات الحظارة تبي قص ..؟؟!

ولاّ غنم ... ناقص عليها الحياضي !!
......................... ماتت عطش .. ماجاء لها راعي القنص ..
ولا " عراوي " الأخ .. حسـّـان.. راضي !
........................ يدعم سبايب زودة ٍ داخل البنص

فاضي .. و أنا بكيفي أباصير فاضي ..!
....................... و إذا زعلتوا .. أمسحوا عنّي النص

:chinese:

[الاصمعي]

حياك الله أختنا وشاعرتنا أم نواف

ولكن أين المشاركة؟

تحياتي

[الاصمعي]

حياك الله أخوي الثمالي

وصح لسانك على هالأبيات العذبة

جزيل الشكر والتقدير

تحياتي

[الاصمعي]

همسه :

كأني أرى البيت لم يعد يتيما بأبيات ..... :rolleyes:

((كأنك)) يقين ابو خالد:thumb:

والبيت فعلاً ما عاد يتيم بعد مشاركات شعراءنا المميزين:)

مرورك عسل:)

تحياتي

[الاصمعي]

الله عليك الله عليك الله عليك


صح لسانك مليون مايكفون
صح فكرك النابض واحساسك المرهف

تقبل خالص تحياتي


اخوكم
هلا والله بالكميان

أجل أعجبتك قصيدتي:)

شفت شلون فكري النابض واحساسي المرهف يفلان:thumb:

تحياتي

[الاصمعي]

إاقول تسان ما انت عجل عليهن ابي اتكزهن لك بالويك اند:)

ماهو هالقريب اللي بعدهـ !! تخبر ورانا جذاع يب يعرس يعله اوله:)


هلا والله وغلا ببو سمي:)

أبد خذ راحتك ويك اند ويكندين ثلاث ويكندات منث اند منث اندين ثلاث منث اندات بس هاه لا تنسى:thumb:

ويعله مبروك عرس هالجذع وعقبال لغير الجذع:)

تحياتي

[الاصمعي]

حنا الجمهور نصفق

وليه بس تصفق:(

وين تكملة الأبيات؟

حياك الله ابو ضاري

تحياتي

[الاصمعي]

فاضي أنا و أعمل على الكيف " قاضي .!!
.............................. و وّدي أكمّل ما تبقى من النص ..


:chinese:
كمل كمل كلنا آذان صاغية يالقاضي الفاضي:)

صح لسانك وأبيات بمنتهى الطرافة

تحياتي

[الاصمعي]

الموضوع حماسي والمنتدى عالمي والشعراء فطاحل ومحسوبينمن رأيي عدم تكرار الكلمات للقافية!!!!
طيب يا ترى وش يمنع هؤلاء الفطاحل من المشاركة:(

أذكر قبل فترة قام الشاعر سلطان الحجاج بإنزال موضوع عن النقد ولم يشارك أغلب الشعراء!!

وأذكر قديماً موضوع للشاعر فيصل اللويش حول كتابة أبيات أشبه ما تكون بالعتابا ولم يشترك الا القليل جداً وقبله وقبله جاءت كثير من المواضيع التي تتطلب المشاركة وفيها استحضار لقوة موهبة الشاعر وقدرته وكان حضور الشعراء فيها قليل جداً:(

فيا ترى ما هي الأسباب؟

هل هي عدم مقدرة؟ أم هو تعالي؟ أم ماذا!!!!

اذا كانت عدم مقدرة وأن الأغلب هم من المبرمجين على لون واحد من الشعر وأكثر شعرهم محاكاة لغيرهم فلما يكتب تحت أسماءهم شعراء ولما يتم تلميع أشباه الشعراء بدل البحث عن الشعراء الحقيقيين !!

أما ان كان تعالي فلماذا التعالي؟؟ وما المدى الذي وصلوا له ليتعالوا على المشاركة بالمواضيع التي تبحث في أمور الشعر أو المسابقات المحفزة للإبداع؟ فحسب علمي لا يوجد معنا من يكثر ظهورهم بالإعلام المرئي أو المسموع وحتى لو كانوا كذلك فلا يشفع لهم بالتعالي فالذي أعرفه بأن الشاعر الحقيقي لا يتأثر ولا يغتر بالصخب الإعلامي حوله!!

وأذكر أني رأيت مقابلة مع الشاعر والراوي ومؤلف الكتب "المسيميري" يقول قصائده بتحفظ ويصر على عدم وصفه بالشاعر من قبل المذيع وهو من هو فكيف بشاب ينشر قصيدة بالنت ويرد عليه عشرة أو عشرين لا يدري مدى معرفتهم بالشعر وتمييزهم بين غثه وسمينه!!

بصراحة نمطية الشعراء الذين لا يشاركون الا بقصائد "لون واحد" وردودهم لا تتعدى صح لسانك دون أن يكون لهم حضور بقصة وقصيدة ولا الألغاز أو المواضيع المتعلقة بالشعر لا يعجبوني وأشك بثقافتهم الأدبية وبقوة شاعريتهم كثيراً:)

أخوتي كتبت تعليقي بالأعلى تطلعاً لرقي مضيف الشعر وحرصاً على تفاعل شعراءه!

شكراً جزيلاً لكل من شارك ولكل من فعل المشاركة !!

لكم التحية ومنكم السماح