لايحوشكم محارش

[فلاح السعد]

انحاشوا

جاكم


ياويلكم


محارش_محارش


ناوي النيه الشينه


بس عندنا الفارس المغوار


الرزقي

ولم سلاحك يابو رزق


اليوم يومك

مرحبا بروح الدعايه


مرحبا بالمرح

اسم نتوقع منه الفكاهه


بعد عناء يوم طويل


فالكل يرحب به


انه ابو الحرش

محارش

[محارش]

بووووووووووووووووووووووووووووووووووووو :cool:

>>>>>> بالله ما أخوف :p


عسى ما شر يابو سعد اشوف تسنك ناوي تنشبن بحلوق الاعضاء :(
والاعضاء منهم !!!!!
السناعيس يالله من فضلك :):):)
يعني اقل تفاهم عندهم بالمشعاب اما مسألة اخذ وعطى وهواش بالكلام يفتح الله :D:D:D

انا داري انك منقهرن مني علشاني احلا منك بس ياخي هذي من الله :) والمفروض ما تزعل منه , وبعدين مهو معناة اني ازين منك يعني انت شين وللا شهه لا سمح الله لا والله الا انت احلا واشوا من خالد الملا :D:D:D


على العموم خل نضع خلافاتنا جانبا ونبدأ صفحه جديده في علاقاتنا ايها الصديق العزيز :) وتقبل مني هذه الابيات التي يجب ان تعتبرها شهادة من شخص لا ينافق ولا يماري ( الا تسان بوه بخشيش :D )

ابو سعد مشرف منتاز :)
اسمه فلاح وابوه سعد >>>> عجيب :D
واسم امه ما يعتاز :rolleyes:
وهو من ابناء هالبلد :p

>>>>> شوي وللا يغطي على الربوض :p

عاد عطن رأيك بصراحه وخل المجاملات على شنق :p

اخواني رواد هذا النتدى الرائع بوجودي :)

احب اهنيكم بجيتي ووالله اني من زمان وانا ودي اشترك معكم بس بعض الناس حاولوا منعي ورموا الرضم بدربي ولكني وكعادة المغاوير لفيت عنهن ( عاد وانا خبلن اتوطاهن :p ) ثم واصلت سيري نحو القمه متمسكا بحبل الشجاعة والكرم ( هذي وش دخله :rolleyes: ) واكملت دراستي الجامعيه لدراسة الطب ( ياكبره ياعبره ) في اوكرانيا وتشاء الصدف اني التقي بالمشرف العام هناك الله يذكره بالخير:) وكان يدرس الهندسه النوويه ( ناوي نكبته :D ) ومن يومه صرت انا وياه خويا الله يدفع البلا :D >>>> ما يعرف يركب جمل:p
عرف ابو سعد بعلاقتي بالمشرف العام وهو اللي تشتب تسبده من القهر الله يجيرك وانا على نياتي :p اثاريه يخطط لنكبتي بس ربك حميد :)
انقلبت كل اعماله وحركاته عليه :( وهو ينعمي مصرانه الاعور ( صحيح عور بس العور اشوى من العمي :p ) ويبحلون بوه الدخاتر :(
وش السواة يالربع !!!!!!!!
وش السواة يالربع !!!!!!!!
وش السواة يالربع !!!!!!!!

تهقون وش صار ؟؟؟؟؟؟





1- قمت من النوم :)
2- هفى قبل ما يلحقونه الدخاتر :(
3- قالوا البرفسور الاندونيسي عمى عين ابوي :D
4- رب تعاونوا ما ذلوا :D

يالله اختاروا الجواب الصحيح واللي يجيبه صح او خطا يبشر بعشاء من المعازيب :D

8
8
8
8
8
8
8
8
الجواب الصحيح هو :)
8
8
8
8
8
8
8
8
8
8
8
8
8
8
8
8
ياصبر القاع على بعض الناس :D
والشهاده لله انكم صبورين تسانكم ليا هاللحين تقرون :)
واي واحد حاس انه ماشي معي صح او فاهم حاجه لازم يمر لوه شيخ يقرا عليه :D

اخواني الاعزاء في هذا المنتدى الرائع بروعتي لا لبست الفروه بمربعانبة الصيف
>>>> الذوقعنده دمار :p

ابشركم ان نهاية فلاح السعد الاشرافيه على يدي باذن اللي ما تنام عينه وانا اعدكم وعد من هذا المنبر الكريم واني لا اصير مشرف على منتداه هاللي مزعجنا بوه تقول محد يعرف يقصد الا هو يعني حنا ناقصين وللا ناقصين وللا يعني ناقصين :p
اسئلكم بالله وش رايكم بقصيدتي اللي فوق , عادي قولوا تروني ما ازعل من الحق , مهي احسن من قصايده اللي غاثنا بهن :p

وانا والله لولا الحياء من المشرف العام ( قل الذله وخلصنا :D ) تسان نقدت على اللي حطه مشرف :D
ضاقت مالقوا الا هو !!!!
ياخي كلكم نظر انا ش ناقصن :D
بس ارزاق وما ودي اقطع رزق هالمسيكين :D


>>>> ما تسنه طوله شوين:D

عاد ما ودي اطول عليكم ( لا ابدا لا طولت ولا شئ :D ) وانا بعد مستعجل ولنا رجعه تسان الله اراد :)
>>>>> وده يكمل بس خلص الحبر :D :D :D

:D :D:D :D >>>> مابوه زي هذولن للبيع :p

[بشير اللويش]

هلا حيالله محارش المحارش

وهذي ابرك الساعات

وننتظر مشاركاته ومواضيعه

وشكر خاص لاخي فلاح السعد

عادة الغانم مايعزم الا الغانمين

تقبلوا تحيات اخوكم الصغير

الراسي

[ابوحلا]

محارش_محارش

هلا والله والساعه المباركه التي احضرك فلاح السعد
لنا يالله ابو مرزوق بناخذك لحم ونجدعك عضم لابو مرزوق والباقي اذا فيه
باقي لفلاح السعد اتوقع الجمجمه لابو سعد
تبداء بذكر المشعاب اول ماتجي والله النيه القشراء ياخوي
بس الايام بيننا
دافع عن نفسك بالغالي



عموما والله ان المضايف انورت وزادها بها الى بهائها يالغالي

شوف اقدم لك الهدئه التاليه

http://www.hawamesh.com/html/cards/a7lot.htm (http://www.hawmesh.com/html/cards/a7lot.htm)

[الفيتو]

:D ;) :D ;) :D ;) :D ;) :D ;) :D ;)
هلا هلا هلا هلا هلا هلا
باخوي محارش_محارش
حياك الله في بيتك الثاني
ياحبيبي والله انت :D :D :D

[فلاح السعد]

ايه يابو الرزقي

يخوف الرجال

انا مفزعه من ديارن بعيده على شان بعض الناس :)

[ظبيانيه]

محارش _ محاااااااااارش


مرحبا الساع اخوي في مضيفك وتراه على يمينك مضيف خواتك مضيف الهودج طل علينا شوي ترانا يالسين نحاكم بومرزوق هاليومين :D :D

وانشالله يارب انا نشوف مواضيعك قريب وااااااااايد اللي متأكده بتكون خفيفة دم وحلوه


تسلم اخوي ويامرحبتين

[عبدالعزيز]

وييييييييينه...........وينه.......أنا اشرب فنجاله .........تدرون هونت.......مااااااااش ماينطح خويك الضاهر يابوسعد
ياااااااااااهلاومرحبا بمحارش ................شرفتنا يالغالي.....بإنتضارمشاركاتك

[ابو يزيد]

بسم الله الرحمن الرحيم

يافلاح ياخوي منهو محارش هذا :D :D :D
هاالللي ماصدق انك ترحبه الا هو جايك كله
وقبل يكتب له أي ترحيب طب فيك وفي المشرف العام لا ويبي يوهقه.

تدري اليوم وش صار:

الله يجيرك اليوم وانا والله جاي من العمل قلت ياولد افتح الجهاز وشف وش الجديد بالمضايف والله واستدني الفارة الماخوذه والله وربك ماادخل الا على مضيف الترحيب وبعدين انا اصلا مستغرب من يومين هالأسم العجيب((محارش محارش) قلت ياود وش ذا الأسم هذا والله اللي ماينحارش .
لكن يوم قريت لايهمكم محارش قلت افا والله وش هاالترحيب الزين يابو سعد والله وافتح الموضوع وربك ولا اقراء الا رد محارش .

المهم الغداء قلطوه المعازيب وينتظروني لكن أنا قفلت الباب بيني وبينهم والله ولا دريو ا الا بالصياح الهستيري والضحك قالوا اكيد هذا انهبل:p :p :p :p
وانا اقول وش هااللي يرحب بنفسه:confused: :confused: :confused:

اقر هاالمقتطفات وتعرف اسباب الهستيريا :

((على العموم خل نضع خلافاتنا جانبا ونبدأ صفحه جديده في علاقاتنا ))

هذا من اولها واصلا مافيه خلافات
................................................................................ .....
((((ابو سعد مشرف منتاز
اسمه فلاح وابوه سعد >>>> عجيب
واسم امه ما يعتاز
وهو من ابناء هالبلد )))))))

لكن احمد ربك ماقال اسم امك وتراه يقدر عليه محارش وياليته سواه بك

................................................................................ ..........

(((((((اخواني الاعزاء في هذا المنتدى الرائع بروعتي لا لبست الفروه بمربعانبة الصيف
>>>> الوق عنده دمار ))))))))

................................................................................ ................................

((((((((اسئلكم بالله وش رايكم بقصيدتي اللي فوق , عادي قولوا تروني ما ازعل من الحق , مهي احسن من قصايده اللي غاثنا بهن ))))))))))

صراحة يامحارش و الله قصيدتك دامك حلفتنا بالله انه قصيده :D :D :D

................................................................................ ......................................


(((((((عاد عطن رأيك براحه وخل المجاملات على شنق

اخواني رواد هذا المنتدى الرائع بوجودي

احب اهنيكم بجيتي ووالله اني من زمان وانا ودي اشترك معكم بس بعض الناس حاولوا منعي ورموا الرضم بدربي ولكني وكعادة المغاوير لفيت عنهن ( عاد وانا خبلن اتوطاهن ) ثم واصلت سيري نحو القمه متمسكا بحبل الشجاعة والكرم ( هذي وش دخله ) واكملت دراستي الجامعيه لدراسة الطب ( ياكبره ياعبره ) في اوكرانيا وتشاء الصدف اني التقي بالمشرف العام هناك الله يذكره بالخير وكان يدرس الهندسه النوويه ( ناوي نكبته )))))))))

................................................................................ ....................................................................
:D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :p :D :D :D

((ترحيب ياشباب))

أخيرا يامحارش الف الف با با

لا لا قصدي الف الف ترحيبه وانا اخوك بهالطله اللي الله اعلم به

بس لي طلب واحد عاد يوم مدحتك ورفعت معنوياتك لو انك والله شكل وجهك مسول (بصابون) ولا عندك باحد

بس ياخوك تكفى لاتعرضن عقب هالترحيب بس حبيت اقول أن اليوم هو اسعد ايام الشبكة يوم طبيت علينا واشوى انك لفيت عن الرضم اللي حطوه بوجهك واثبت انك ماانت خبل علشان توطاه .

تحياتي:D

[وميض]

يا هلا فيك أخوي محارش ..
نوّر ت مضايف شمر بوجودك ..
ولا تحرمنا من مشاركاتك ..

أختك وميض ..:)

[محارش]

الله يبدزيكم ويخليكم لعويناتن ترجيكم :D
المعذره من الله ثم منكم على التاخير :(

لي عوده معكم بس حبيت اتعذر <<<< من متى هالاخلاق :D

[محارش]

8
8
8
8
شوفوا وجهي عقب الفشيله :p
---------------------------------
فشلتوني وخيبتوا ظني يا احفاد حاتم بس مقيوله النار ما تعقب الا الرماد :p

الله يفشلكم زي ما فشلتوني انتم ومشرفينكم ومراقبينكم :(
لعنبوا بليسكم ما بكم اللي عزم لو على حويشي ( الله من كبر الشرهه :D ) او حتى خروف او دجيجه افا والله :(
حتى الماء الحار مانين بوه :(

صدقوني اني ما شرهانن على الاعضاء العاديين لانهم يالله يلحقون عل طلبات المدارس :(
ولا تهون المعزبه :p والمطشي ما يسوى :(
مار شرهتي على المشرفين والمراقبين هاللي يلهطون من الدراهم وعلى كيس المعزب الله يغنيه :)
واللي يقهر انهم يبي يرسلون لوه التقرير بنهاية الشهر ويلزقون زيادة المصاريف بظهورنا :(
وانهن راحن بحفلات الترحيب بالاعضاء الجدد شرواي ( شرواي الطيب :D ) والقيام بواجبنا :)
والمشرف العام المسيكين مصدق :Dوبس يعطيهم من هالزرق :D
والمشكله ان هالمشرفين مايشبعون ما غير لهط :D
لعنبوا بليسكم استحوا على الاقل جيبوا لنا لو بربر :D وسجلوه نعيمي وللاحتى حاشي :D
اهم شئ نشوف شئ :D

اخوي المشرف العام :) <<<< انواع التلزق :D

انا انصحك يوم النصايح بلاش قبل لا يجي يوم تصير بفلوس انك تنتبه لها المشرفين قبل خراب مالطا :D
وما فيه باس لو شلتهم :D
ومالك الا واحد يساعدك بادارة المنتديات واستثماره الاستثمار الامثل :D
طبعا مثلك عارف ان ضخ دماء جديده زيي ( امحق :D ) سوف يساعد على تحريك المنتديات وايجاد افكار واساليب اخرى غير اساليب المشرفين اللي تاعي جدي :D

قولوا جميعا :
نعم لقشع المشرفين القدامي :D


ولي رجعه ويا اناياانتم :D
<<<<< الله من وساعة الوجه :D

[الرازي]

لقد زاد بها ونور المضايف بقدومك الينا
فاهلا وسهلا بك

[محمد الربع]

هلا وغلا والله بمحارش


و اللي يجي من الغالي غالي


اسفرت وانورت وانا ما احب احارش احد


هلا بك اخا بين اخوانك

[محارش]

<<<<< قاط مع فلاح بالموضوع :D

فلاح :)

مشكور ايا بعدي والله على هالاستقبال لو انه مابه لا حتي ولا فتي :(
<<<<< شحووووووووووووووووووذ

بشير اللويش :

مشكور يابعدي .
وبيض الله وجهك على هالاستقبال المنتاز لو ان ينقصه الدسم :p

ابوحلا :

ابو حلا والله سعد الدين مهو انت :D
جاين الله يدفع تصفق بيديك لا هذي ولا هذيك , مار لو كنافه :)
تسلم يابعد حي وهذا انا متجهز للحرب <<<<< متلطم يحسه هوشه :p

ابـــو مـــرزوق:

اهلا يابابا :p <<<< متنح :D
مشكور يابعدي

ابو سعد :

اهم شئ لا تنسى المعلوم :) وللا ابعلم انك قلت لي اهم شئ تغث المشرف العام :p

ظبيانيه :

حياج يابوج وهاي الساع المباركه اللي شرفتينا :D <<<<<< ابوك يالرطن :p
تسلمين اختي وطلبتس من عيني <<<<< عور :D

الشلة البادزيه باتسر او عقبه ان شاء الله :)

[محارش]

ابو صياح

ما شاء الله عليك على طول تبي تشرب فنجالي!!!!!!!!!
ياخوي اعزمن قبل ثمن تعال تقهو عندي واشرب فنجالي
<<<<< فاهم السالفه غلط :D
حياك ابوي وهذي الساعة المباركه اللي شفناك :)

ابو يزيد

هههههههههههههههه
هاللحين اينا اللي جاين كلي :p
شف ردك ما بقى الا تقولنا وش غداك:D ( اتوقع يكون كبسه <<<< ياعيني على الاستنتاج :p)
والله بقدر فرحتي بدخولي هالمنتدى بقدر م افرحن ردك( اللي زي وجهك :D) يالغالي :)

وميض

تسلم ( ين ) يالغالي (ه) <<<< والله من جد ما ادري هالاسم توهيقه :eek:
على العموم ثانكيو الوط :D

الرازي

فعلا فعلا معك حق حتى الشعب قبل كانوا يسموني سراج ( فريج :D ) وانا داري اني كلي ملح ( يرفع الضغط :D) وحلا ( يجيب السكر :D )
حيك يابه حيك :)

محمد الربع:

لا يهمونك ترهم يبون يشوهون صورتي ( من زينه :D ) وللا انا ما هنا حليلي :p
مشكور يابعدي :)

[ابو غازي]

الشيخ ( محارش )
نبيك تتذكر هذا التاريخ 21 / 3 /2002 م
لعلك تحن علينا يالغاالي ونشوفك هنا بمضيف التراحيب
ونقدم لك قصيدتك بفلاح االسعد
هديه لك منا
***
على العموم خل نضع خلافاتنا جانبا ونبدأ صفحه جديده في علاقاتنا ايها الصديق العزيز وتقبل مني هذه الابيات التي يجب ان تعتبرها شهادة من شخص لا ينافق ولا يماري ( الا تسان بوه بخشيش )

ابو سعد مشرف منتاز
اسمه فلاح وابوه سعد عجيب
واسم امه ما يعتاز
وهو من ابناء هالبلد
***
هذه الأسماء عزيزة علينا أين هم الأن
1 - ابو حلا
2 - ظبيانيه
3 - وميض
4 - الرازي
وغيرهم الكثير من الأسماء موجوده ولاكن هم أين لماذا هذه القطيعه
سامحكم الله