انشدك عن ورع على البنت ينقاد

[الاعصار]

اليكم لغز جديد

اسالك عن ورع على البنت ينقاد= ياطا عليها ولا يعرف الغريه
ان ماحملت فالبنت بنت للجواد= ولياحملت حرمت علينا سويه

مع التحية والتقدير للجميع

[المتوثب]

الغريـه
^
^^
طلب إيضاح لهذه أخي الاعصار

[الاعصار]

الغــــريّــه..ماخوذه من الغريه على المحارم وعلى العموم ليس لها علاقه بحل اللغز
تقبل تحيتي

[سيف الدولة]

أخي ألإعصلر

الزناد والبندقيه

[الاعصار]

أخي ألإعصلر

الزناد والبندقيه


مالك لوى يالغالي
تقبل تحيتي

[ناصر الحق]

اخوي القير والسياره

[الاعصار]

ناصر الحق
سررت بمرورك
مالك لوى وانتظر المرماع القادم
تحيتي لك

[ناصر الحق]

العقال والغتره
بشر ؟؟ اخوك ناصر الحق

[الاعصار]

اخوي ناصر الحق
مالك لوى يالغالي
تقبل تحيتي..

[مستريح البال]

صح لسانك

وش رايك بالوسم على الدابه

تحياتي ،،،

[ثامر]

هلا اخوي الاعصار وصح لسانك على هالغز
بس عندي سؤال لو تكرمت الورع هذا هل جماد او محسوس

[الاعصار]

مستريح البال
حياك الله يالغالي
والرمعه مالك لوى
تقبل تحيتي

[الاعصار]

مشرفنا الغالي
صح بدنك وغالي والطلب رخيص

اسالك عن ورع على البنت ينقاد=ياطا عليها ولا يعـرف الغريـه
ان ماحملت فالبنت بنت للجـواد=ولياحملت حرمت علينا سويـه
وليابغيت ايضاح اجماد بجماد=والورع من منشاه لجل الخطيه


تقبل تحيتي

[ثامر]

هلا بالاعصار يالله حيو مشكور على توضيحك بس عني سوال - لو انه كثرت الأسئله تمله اللغز -

ان تقول :


ان ماحملت فالبنت بنت (( للجـواد )) = ولياحملت حرمت علينا سويـه


مدري هي : ( للجواد ) كذا ولا انت تبي كذا ( للاجواد ) يعني خطا مطبعي

[الاعصار]

حياك الله اخوي ثامر وهذي الساعة المباركه
المقصود للاجواد وانا كتبتها حسب نطقها بالعاميه وليستقيم الوزن
لك مني التحية والتقدير

[دمعة فرح]

يا رعاك الله هو لغز واللي سل سيف
هونها بتلميح فصيح

[سالم الويباري]

صح لسانك اخي الاعصار

عندي رمعتين

الاوله
البطاقة والرقم السري

والثانية
الجوال والشريحة

[الاعصار]

اخوي سالم
ياهلا وياغلا وشرفني مرورك
والرمعتين مالك لوى
تحيتي لك

[مستريح البال]

سلام

وش رايك بالقلم والورقه

[الاعصار]

وعليكم السلام
مرحبا اخوي مستريح البال
الرمعه حلوه ولكن اعد قراءة اللغز وتبي تذبحه ان كان عندك خلفيه عن الموضوع المقصود باللغز
تقبل تحيتي

[سالم الويباري]

الطابعة والورق

او

الفاكس والورقة

او الرسالة وختم البريد

[الاعصار]

الطابعة والورق

او

الفاكس والورقة

او الرسالة وختم البريد
شرفني مرورك يالغالي
ومع الاسف مالك لوى
تحيتي

[غيم الشمال]

صح لسانك
شرايك بجهاز كشف التزوير على الخمس مية ريال
هو جهاز يشبه القلم

[الاعصار]

غيم الشمال
صح لسانك وبيض الله وجهك

نعم
هو قلم كشف التزوير

وعمله عبارة عن تمريره على الخمسمائه وتكون مزوره اذا ظهر اثره عليها وتكون سليمه اذا لم يظهر له اثر

[مستريح البال]

صح لسانك ياالاعصار وماقصرت على هالالغاز الجميله

وصح لسانك ياغيم الشمال على حلك للغز :)

واللغز ميه ميه

[غيم الشمال]

صح بدنك اخوي مستريح البال
وصراحه رمعتك الوسم والدابه هي اللي قربتني للحل ورمعتك للقلم والورقه قربتني اكثر للحل
يعني استفدت من رمعاتك الحلوه
ومستور الغازه دايما تطربني ولاهو مهونتا بباقي الاخوان
وتراني انتظر رمعاتك على لغز مستور البنات اللي مطلبي في حشاهن يمكن تساعدني عليه
ودمتم