وين شعار المضايف؟

[ملاعب القيفان]

سلام اللـه عـلـى ربـعٍ لـهـم بـيـن العـرب مـقـدار

طنـايـا وان رسـت تـرسـي مـراسـيها عـلـى القمـه


وانـا من دافـع الغـيـره ابــدْفـع قـايـد الشـعـــار

عـن الكـرسـي، ولاتـحْـسـب خـطيّـه يـاهـل الذّمــــه



الدعـوه امزوح يالربع وين الشعار

[شريف روما]

صح السانك


وانطر شاعر الطنايا ؟

[سيف الدولة]

هلابك أخي ملاعب القيفان

لوسمحت لي أعجبتني القافيه

وخذ هذين البيتين على بال ما يجيك شاعر الطنايا



ترى القيفان تبغى ساس ماهي لعبة المقطار=هلا من ضيف ماهو شمري واللي تبي سمّه

نبي نلعب معك بيتين في المعنى صغار إكبار=لكن الكرسي اللي قلت يبغى راعي العمّه

[ملاعب القيفان]

أنـا مـاجـيـتـك اشـكـيـلـك، ولـكـنـك وطــيــت الـنـار

وسـيـف العــز مـايـضـرب رجـال امـلــوّثــه دمــه


تـركـّـد لاتـجـي هــدّاد قـدْم الــشـاعــر البـــيــطـار

لـيـاطـافـتْـك شـوف اللـي يـودّك زوّدت هـــمــه

[سيف الدولة]

أنا مانيب يمّك قلتها لكنني مرّار=وطيت النار من قبلك ولاتضحك لك الجمّه

تروح بديرتن ماتدري انت يمين ولاّ يسار=محد يمّك ترى والعلم مني لازم إتضمّه

[بتول آل علي]

الله الله صح لساااانكم



و يا سيف الدولة ... ترى كل من ينتمي لمضايف شمّر هو منها و منهم

وانت واحد منا و فينا

.

متاااااااااااااااااااابعه

[هايس الشمري]

الله الله




صحة السنتكم






و انا بصفك يا سيف الدولة




وااااااااصلواااااا

[الاصمعي]

الله الله

صحة ألسنتكم


متابعين ومستمتعين:)


تحياتي

[سيف الدولة]

البتول

ألأصمعي

ألأخ هايس الشمري


اشكر لكم حضوركم وتشجيعكم للمحاوره


والله مانيب شاعر محاوره بس أونس ألأخ ملاعب

حتى يرد عليه اللي زهمه

[ملاعب القيفان]

يامرحبا بالجميع وحياكم الله جميعااااااااااا


استـــــلــــم لاهــنــــــــــــــــــت

انـا راعـي وفـا،، عـاقـل، رزيــن، ولانـي المــكـار

وشـمـوخ المـجـد والـرفـعـه، تـعـجّـز منـهـج الخـمّــه

وانـا ماضـعْـت،، لكنـي اديـبٍ داخـل المـضـمــار

مشـت، والشـخص دون اسنـاد،، لايـزعـل بني عـمـه

[ملاعب القيفان]

والله مانيب شاعر محاوره بس أونس ألأخ ملاعب

حتى يرد عليه اللي زهمه




سيف الدوله>>>> لاوانا اخوك انا جيت ابي العب مع الشعار بعقل وحكمه ولاني وغد تونسه لياما يجي احد ،، لاتزعل من هالكلام بس مثلك تنحسب عليه هالكلمه يالغالي


ومادمت مانت شاعر محاوره نبي نختم الموضوع وماقصرت وصح الله لسانك يالغالي



واسمحلنا من القصور ياسيف الدوله

[سيف الدولة]

أخي ملاعب القيفان


المعذره والسموحه أنا مافكرت أن كلمة الوناسه تزعل

وتشبيهك بالوغد هذي من عندك انا ماقلتها

وان كانك تزعل من أول كلمه وشهوله المحاوره

المتحاورون يجي بينهم علوم وعلوم ويطلعون من الصفوف ماكن حصل شىء

وأنا من أول بيت حاس أنك تبي ناس معينين

ولكن لقافه مني وإسمح لي

والمضيف هذا ما أجيله..... إلاّ انا البادي أو واحد يزهمني

وبعين أنتم يا من مررتم على ماكتب ......علي حق انا أقوم به ولايصير في خاطره إلاّ الزين

على قول البعض ( انا ما ابي احد يزعل مني) في المضايف كلّها

[بتول آل علي]

ملاعب القيفان

و سيف الدولة

اذكروا الله ، ما حصل إلا كل خير ان شاء الله

.

سوء تفاهم بسيط و انتوا اكبر من هالشي ... !!!!

...

هاه ، صافي يا لبن .... ؟؟؟؟؟؟



:)

[سعد الحامد]

يالربع هذي حبة خشم

كمّلوها

جاز لي طاروقها

[الأصيل]

أنا شفت المعزب .. يوم رحّب : زعلت الخطار!!!

حصل سوء التفاهم .. ياعساها تكشف الغمه

،،،،،،،،،

قبل لاينذبح ولد المسيّر طالبو بالثار !!

و .. ترا الخطار بالذمه .. ترا الخطار بالذمه

[عواد العلي]

ملاعب القيفان
قمة الابداع
واتمنى ان تمنحني دوره في معالجة الشعر وادخال القوافي

فأنا تلميذ بدون استاذ

واستاذ من غير مؤهل

صح لسانك

[سياف حرب]

مشكورين على هذه الابيات الجميله














اخوكم سياف حرب