حمرا خضرا زرقااااااااا

[الشبث]

السلام عليكم جميع

وابشركم فكو اسري وحل ابو سلطان المشكله عقب خناق وهوشه




ماعلينا المهم تواجهنا عقب برهه من الزمن








هكا اليوم يالربع والربعات

حضرت لي عرس واحدن من الشباب

ودخلت القصر وليمار هالانوار من كل لون وشكل

والبلاط ماشاء الله يلصف ( يلمع ) من النظافه

والكنب وشين يصدق وشين ماينتصدق


وعقب ماسلمت على العريس وتنحيت جانباً ( ياحلوي وانا ليا تنحيت )

خذتن الذاكره للزمن البعيد والايام الخوالي وايام الطفوله

والعروس بهكا الايام

وتذكرت عرس عمي مناحي الراشد ( قولو ونعم لا تصير علوم )

كنت بوقته طفل صغير

واذكر اني كنت متنحي جانبا ( مثل تنحيتي هذي )

واذكر بعد اني كنت متهول من بيت الشعر المبني وعقود الانوار

بس .... الكنب لك عليه

طبعا مامن كنب ولامن شي

اللهم زوليه وكم مسنده واغسل يدك

عاد تذكرت اني خذيت نظره على المساند الموجوده بعرس عمي مناحي

ليما حمرا حمرا حمرا حمرا خضرا خضرا خضرا خضرا زرقا زرقا زرقا زرقا

يعني من كل لون ومن كل شكل

واذكر بعد ان فيه وغدان ( بعمري ) جالسين على مركا بجنب وهو يكتب حديهم على المركا

بقلم طلعوه من مخباه

وهو ينقز الثاني قال يا**** لا تكتب على مركانا


وقطع حبل افكاري حس ابو العريس يقول ( تفضلو على العشاء )

وعقب العشاء

مشيت من العرس وانا اهوجس

وافكر ياربي ليه الناس يقولون اول احلى من هالحين

معجبهم زين مساندهم وهكا العيشه اللي هم عايشينه

بالله ايهن احسن بيت الشعر اللي كل شوين جادعتوه ( مطيحتوه ) عجاجه ولا هالقصر

اللي بس يتلامع


.
.
.
.
.
.
.
.
.

نعيب زماننا والعيب فينا ... ومالزماننا عيب سوانا

.
.
.
.
.
.
.
.
.
.
.

ايوالله صحيح نسيت هالبيت

والله انوه صويدز هاللي قال هالبيت حنا البلا

مهو البيوت ولا المساند

الناس تغيرت

الواحد هالحين مايشوف القاع من الكبره

واللي يبط تسبدي ويفرثه فرث اننا مانسوي شي بالعرس ونقول العروس تعب

واااااااااااي حنا



















وفي نهاية هالموضوع احب اني اقدم اعتذاري لاخي المطنوخ عن غيابي وللجميع طبعاً





وتقلدوا تحيتي

[مسرع بشويش]

ونعم والله بك وبوه ومن يقرا ( على وزن ومن يسمع)



تبي الحقيقة انت ووجهك


الناس بهكا الايام اللي انت تذكر عسى عمرك طويل ما يعرفون الكبره مثل ما تفضلت

الواحد منهم ليامنوه رزقه الله رزق

ما يآخذ يومين الا وهو ياحول مقضيهن بالكرم ومخافه الله


لكن هالحين الله يجيرك عساك تسلم وانت ما قلت شين ولا سويت شين وماشين بطريقك بظل هالكريم سبحانه


يعطيك العافيه ولا تحرمنا من سوالفك يا عسل سدر توه مجيوب مع له يمانين يذكرونه لياهالحين


مانكس يم اهله بصنعاء .وشكرن.

[الشبث]

يابو شويش هد اعصابك شوين


شنوحك تقل تبي تعضن


هههههههههه




ترن لهالحين مامنت على الشباب مبطين علمي بهم






الوكاد تسلم يابعد فرثي هالفث




وتقلد تحيتي

[أبو فهد]

واكد اني سامعن حمرا و خضرا و زرقا جاء على بالي إشارة المرور :) <<<< بس وش دخل الزرقا :puzzled:



والله و طحنا يالسعوديين بالايتيكيت الزايد الواحد اسمه ( صلفيق بن قعيدان ) و هو يقول بلهجة الكبارية ( يالله ان تحييهم يا هلا و مسهلا جب القهوة يا ورع ) :)




الله يسلمك يالشبث على هالسطور الجميلة





------------
تحياتي
أبو رشيد

[سيدة القـــــلم]

乂
乂
乂

:tongue:

:tongue:

:tongue:

انَاَ مَاَ فَقَدتْ المسَاَنِدْ..

لأنِي مَاَ كَنتْ انْتبِه لهَاَ..

انَاَ فقدَتْ الرشَاَرشْ .. وكرسِيْ فَهَد.. والمَزنطْ او المخنقَه :p:

ولا يهُون درزن الغوايشْ





شُكْرَاً شبَثْ







.

[سلمان النبهان]

ياسلام ياحبيبي يالشبث سوالفك حلوه مره
اقول صارت سوالفك بالعرس والليالي الملس ...
سبحان الله تحن على القديم وانت راعي جديد !!!
عموما مافيه مانع تسوى عرسك ببيت شعر ..
وتزف بخيمه على نور سراج قزازته كله صدى ...
وماتشوف الا القديمي يلمع بيد شريكة العمر ....
*****************************
سيدة القلم سقط سهوا مسمى المرتعشه والزمام
والغوايش دقة الدركتر ....
******************************

[شموخ]

واللي يبط تسبدي ويفرثه فرث اننا مانسوي شي بالعرس ونقول العروس تعب

يوووووه لاتذكرني بالتعب بالله :(
الوقفه لحالها تهد الحيل وخاصة بزواجات الأخوان أوقف أستقبل مع أمي المعازيم وكل ماجلست الا احد داخل ورجعت ووقفت هذاا مو تعب الا موووت نقف ونجلس اللين ينتهون :) وربي اجلس يومين بعد العرس وانا تعبانه من الاستقبال :(


الا ياليت عرس زمان يرجع شكله حلو :)

[صلفيق ابو قناة]

هههههههههههههههههه

أي والله حمر وخضر:wink:

ولا تنسى الأباريدز والدلال وكاسات آل فلان وفناجيل آل علان الي ما يبقى منهن الا بادريق ملعون ابو الشيب:)


مبروك العرس شبيثان وعقبال درزن وغدان:)

[الشبث]

والله و طحنا يالسعوديين بالايتيكيت الزايد الواحد اسمه ( صلفيق بن قعيدان ) و هو يقول بلهجة الكبارية ( يالله ان تحييهم يا هلا و مسهلا جب القهوة يا ورع )

اخوي شقردي

عزالله انك صدقت بهالكلمه


وفيذا ومافيذا


يعععععععععععععععععع



ياشين السرج على العنز بعد مهو البقره






وتسلم على مرورك الكريم




وتقلد تحيتي

[الشبث]

حيالله سيدة الاقلام كلهن مهو بس واحد


حتى اقلام الرصاص


وصدقتي بكل حرف كتبتيه


القصد من هذا الموضوع ان فيه اشياء اختفت وظهر بدائلها باقل ملوحه منها

ههههههههههه حلوه ملوحه






شُكْرَاً شبَثْ

الله يهديتس

ليه زعلانه ني وانا اخوتس


هالحين عاجزتن لا تضيفين ال التعريف


هاللون صرت نكره ههههههههههه



اممممممممممممممممززززززح






وشاكر مرورتس الطيب




وتقلدي تحيتي

[الشبث]

وماتشوف الا القديمي يلمع بيد شريكة العمر ....

الا ياربي وانا تسافتن عليك

قديمي قديمي


لا والله اجل ياعله ماتعود هالعوايد



تسيف تبيه تدغن بهالليلة المبروكه

هههههههههههه


اضافه جميله من كاتب اجمل




وتقلد تحيتي

[الشبث]

هلا بالاخت الرائعه شموخ


والله يالغاليه لو ترجع الايام الاولى تسان يجيتس شد عضلي


انتي تعبتي من الاستقبال


اجل وشلون لو تقهوين


حرام يطقتس رباط صليبي





الا ياليت عرس زمان يرجع شكله حلو


اقول ابلعي العافيه

ههههههههه




وتقلدي تحيتي

[الشبث]

اييييييييييييه يابو قناة


ذكرتي ببريدزن لنا ضر ضاع بعرس محمد السعود من هالسنين ههههههههه





مبروك العرس شبيثان وعقبال درزن وغدان


الله يبارك بك ويجزاك خير



والوغدان يجيبهم ربنا



ااااااااااااااي




وتقلد تحيتي

[سيدة القـــــلم]

هههههههههههههههههه

أي والله حمر وخضر:wink:

ولا تنسى الأباريدز والدلال وكاسات آل فلان وفناجيل آل علان الي ما يبقى منهن الا بادريق ملعون ابو الشيب:)


مبروك العرس شبيثان وعقبال درزن وغدان:)


ياعزيلهم من هالعيشه..:a:

طيب.. اليابغوا يرجعون الكاسات.. والفناجيل .. شلُون يفرقون كاسات فلان عن علان..؟ :tongue:


.

[الشبث]

.
.
.


يحطون قرعه وحظك نصيبك


ههههههه




وتقلدي تحيتي

[المطنوخ]

والله وصرنا نحتسي بالعروس من عقب الدبتسه واللعب فوق المراكي:)

هييييييييه ياشبثي رجعتن 45 سنه ورى يوم اعرس انا وهكالحين عزوز وابوخليف ما ظنو وابوسند كان جذيعن مانا حليلوه

هكالحين الله يخارجنا بالزفه مامن سيارات

طقه مشي الين توصل لغريفتك ولا كلك رطشه من العرق :)

اقول عسى الله لايغير علينا

والله ياعروس قبل انه شقى وهدت حيل



شبثي تراك تهدد مستقبل العزابيه وتحاول تسوي بلبله
اترك العزابيه لحالهم

على الاقل ينكسون متى مايبون بالليل ويسافرون على كيفهم :)



((آخر العظماء العزوبيين ..... طنخان ))

[شريف روما]

مبروووووووووووك مقدما


والعرس حلاتوه بالتعب ولا مايتسمى عرس
خاصتن عقب السامري والدحه ملابسك تغدي كنه ملابس صعيدي من العرق :)

[الشبث]

هييييييييه ياشبثي رجعتن 45 سنه ورى يوم اعرس


اييييه ياطنخان

يوم تاخذ نملتك الشمطااااا


الله يذكر هكا الايام بالخير


ياخي يقولون كان بينكم عشق عجيب



بس ياريت انت طلقته ولا وطيته وماتت




هههههههههه


عاد اذا ماتت وش تكفنه بوه هههههههه

منديل وكثير عليه هههههههههههههه






وتقلد تحيتي

[الشبث]

مبروووووووووووك مقدما


والعرس حلاتوه بالتعب ولا مايتسمى عرس
خاصتن عقب السامري والدحه ملابسك تغدي كنه ملابس صعيدي من العرق

الله يبارتس بك يالزقروطي

وعقبالك


ويعلم الله انك صويدز العرس حلاتوه التعب



بس مهو للعريس

للي حولوه ههههههههه






وتقلد تحيتي

[مشــــعل]

ياحي الله الشبث

عاد تدري يامني تفطنت لعروسنا قبل خاصتن اهل رفحاء

او مايفطن علي رقص الحريم وحركات الزقرت مايحتاج اقولهن:)
والطبابيخ اللي يبنون خيامهم:)

الحاجتين هذولن ياهن فله:)

تسلم يابعدحيي

[هايس الشمري]

الشبث




بهالمثيني :) <<<<<<<<<< حلوه بهالمثيني




حضرت لي عرس واحدن من هالبدو



ندور العريس العصر الا هو رايحن يرررووووي ما جا الا قبل المغرب





يوم جا و حنا نروح نكب للشياااااااه علف



هههههههههههههههههههههههههههههه




و كل شوي و هو قامزن من مركاه يبي يصب القهوة و الشاهي












يالله لا تغير غلينااااااااااااا ياااااااااااااالله

[الشبث]

عاد تدري يامني تفطنت لعروسنا قبل خاصتن اهل رفحاء

او مايفطن علي رقص الحريم وحركات الزقرت مايحتاج اقولهن
والطبابيخ اللي يبنون خيامهم

الحاجتين هذولن ياهن فله

تسلم يابعدحيي

الله يحييك اخوي مشعل

وياعل رفحاء للسيل


اما رقص الحريم ههههههههههههه

والطباخين هههههههه

مقرد منهم تلقا هالوغادين يلعنون جدفهم

هههههههههه





تسلم يابعد تسبدي على هالمرور المشرف





وتقلد تحيتي

[تعاليل]

عاد تدري يامني تفطنت لعروسنا قبل خاصتن اهل رفحاء

او مايفطن علي رقص الحريم وحركات الزقرت مايحتاج اقولهن:)
والطبابيخ اللي يبنون خيامهم:)



أيه أيه ... أعرفهن حركات الزقرت أعلم :d: << ياحلوتس وجه
خيوو مشعل .. يومني وغده من كم سنه حضرت لي عرس برفحاء
النيه أنوه خال أمي .. .. عرس الحريم فوق الســـطح :d:

وعرس الرجال قدام البيت .. وحنا يا هالوغدان لنا دبيك من السطح لبيت الشعر
تقل متسحوتين .. واخبر حركات الزقرت اللي تقول ..
يا إني متهولتن هاك الحين n) كنت أسال روحي هم ليه بهذا ليه مايروحون لبيت الشعر
....
اثررررررررريهم ماسكين خفاره .... :d: << سكتوها لا تجيب العيـــد


بعدين بسأل سؤال .. حريم العرس والضيفات .. كلهن قايمات بالعرس ويقهون ويقدمن ويأخرن
أجل منهو كان يرقص ....

اللي يشوف الحين التصمصم والأتيكيت .. كاس ماء ما تجيب .. تنتظر أحد يجي ويجيب لها

وأحسن شئ بعروس قبل .... يا خلص العشاء .. قامو يفرقون عشاء للشيبان والعجز اللي ما قدرو يحضرون العرس .. وتشوف كل وغد معوه لوه صحن ولا قدر .. رايح يودي طعمه :)
تكــــــــــــــــاسي ماحنا وغدان :d: توصيل طلبات


ياحلوها من أيااااااااااااااااااااااااام ... بس تعب صراحه






على فطنه :7ayyoh:
الشبث .. الله حيوووووه عند أهلوه

[الشبث]

على فطنه
الشبث .. الله حيوووووه عند أهلوه


الله يبقيتس اختي تعاليل



وشاكر لتس مرورتس الطيب




وتقلدي تحيتي

[شهـد]

وافكر ياربي ليه الناس يقولون اول احلى من هالحين

معجبهم زين مساندهم وهكا العيشه اللي هم عايشينه

ههههههههه
هههههههه

مشكله عروس هالايام يجيك الواحد يسلم عليك وهو غاصب نفسه
هذا اذا سلم..

بالعكس انا اشوف عروس اول احلى..