(الرجــــــاء افـــادتي)..مـــن لـــه هـالـقصيـــده؟؟؟..

[شمــــر هلن لـي]

اكبر مصيبه يوم قالوا لنا مات...وسود الليالي والمنايا خذنه
هز الخبر قلبي على فايت فات...وليت الليالي من هناها عطنه
ياما شكالي من هموم وضيقات...يشكي من الأفراح يوم هجرنه
يشكي علي ويقول بالليل مابات...اهموم قلبي عن منامه قزنه
واقول عش وسط الهنا بضع ساعات...ويقول كيف أسلى وبالقلب ونه
واقول طار الموت مافيه لذات..قلبك من الأحزان يازين حنه
وجاوب كلامي له بحسره وعبرات...يقول طار الموت للقلب وجنه
وابعد عن الدنيا بكل المسافات...وخلا قلوب بالحنان اغمونه
مرحوم يامن باقي له علامات...ذكراه لو ان الليالي محنه
حزني عليه اكبر من الموت مرات...يشهد على حزني دموع بكنه

[شموخ]

اهلا وسهلا بشمر :)


القصيدة هذه للشاعره أغاريد السعوديه ..


وهي ايضا اللي قالت


يانجد قلبي لك حبيب ويهواك =كم عشت بك من خافيات الشجوني
ياللي رعيتينا عسى الله يرعاك =ويسقي ثراك من الحيا والمزوني
ياقلب لاتبعد عن الدار بخطاك =خلك قريب من مضنة عيوني
عش وسط نجد اللي بها ايام مرباك =أيام والله غالية ماتهوني
في وسطها شوقك وحبك ونجواك =ربيعها لك يافؤادي فتوني
يانجد ياديرة هلي كيف ابنساااك =مانساك انا يانجد لو يبعدوني

ولها ايضا بيت يبن عزة نفسها في قصيدة طويله تقول


نفسي عزيزة والجفا ماتدانيه = ليجالها بالحب شكن وريبه



تحياتي لك
شموخ

[شموخ]

معليش اخوي قريت بداية الابيات على الطاير بس يوم رجعت اقراها بتأمل لاحظت فيه أخطاء اعتقد انها كيبودريه عندك في بعض الابيات واحيان يختلف المعنى من بعض الاخطاء :)


وجاوب كلامي له بحسره وعبرات...يقول طار الموت للقلب وجنه

وجاوب كلامي له بحسره وعبرات...يقول طار الموت للقلب جنه




وابعد عن الدنيا بكل المسافات...وخلا قلوب بالحنان اغمونه


وابعد عن الدنيا بكل المسافات...وخلا قلوب بالحنان اغمرنه



حزني عليه اكبر من الموت مرات...يشهد على حزني دموع بكنه


الصحيح تشهد على حزنى دموع بكنه



انا اعتقد انك من السرعه اخطئت في كتابتها ولكن من باب التصحيح للقراء قلنا نصحح :)

ابو خالد لا شكر على واجب :)

[احمد الكبيسي]

والله تسلمين على القصيده الجميله

وتسلم شموخ على التوقيع الرائع

اخوكم احمد الكبيسي

من الفلوجه المجاهده