وصف لرحلة سياحية مختوم بأجمل تحية:)

[الاصمعي]

السلام عليكم
بعد رجوعي من الإجازة بشوق لمصافحة كتاباتكم والتواصل معكم كنت محتار شوي وين أخط أول حروفي !!

بغيت أكتب بأحد المضايف الإدارية فتذكرت بعض من لا يستطيع الولوج هناك ، ثم فكرت بمضيف الشعر الشعبي فتذكرت بعض الأخوة الجدد ، أو من يجي بعد غيبة فيرد على (عشرين قصيدة بصح لسانك وسجلني من متابعي نزفك:thumb: ) الا نصف القصايد الى ما مضى عليه الا يوم أو يومين بالصفحة الثانية :)

المهم قلت الأوفق والأنسب مضيف الإهداءات أهدي من خلاله للجميع وصف موجز لرحلتي القصيرة الى بلاد الحضارات ومدرج الأنبياء أرض المنشر والمحشر !!

فإليكم هديتي المتواضعة التي أتمنى أن تنال شي من استحسانكم مع أجمل تحية لقلوبكم



هات القلم يا سعود والبوك لي هات=بكتب لمن ينشد وأنا أبوك مخطوط
بعد السلام وكيفكم! هذي أبيات= أوصف به الرحلة مكانات وخطوط
رحنا ديار الشام دار الحضارات=زرنا جباله وأنهره وأيضاً الغوط
نمشي مع خطوطٍ سريعات مرات=وأمرار مع لفات وصعود وهبوط
والأرض مد الشوف خضرا وغابات=شوحْ وفرلْق وسنديانٍ وبلوط
وأنهر روافدها تصب ببحيرات=تلعب نوارسها مع الوز وبطوط
وشواطيٍ تقول فضة نظيفات=ما لوثتها ناقلة زيت بنفوط
وعيون تجري ترتوي منه جنات=خوخٍ ورمانٍ وتوتٍ وعرموط
وقلاع في عصر المعزَّة مشادات=سبحان ربي جدرها كيف محطوط
ومغارةٍ قالوا لي اسمه ضوايات=تاريخها من قبل هارون مع لوط
عجايبٍ غرايبٍ حسنه آيات=عجز القلم عن دقة أوصافها يحوط
وشفنا خشوفٍ تنثر الغي بسكات=قلب الحليلة من حلاهن ضرب شوط
لو كان ما مطوعه راعي التفاتات=وقلبه مهو بمطارد البيض مشعوط
ما غير بنت العم وزينة الذات=وغيره معبينه فراغات ونقوط
من فضل ربي ما التقينا صعوبات=وتعاملٍ من كل الأطراف مضبوط
حتى الحدود بجمركه والجوازات= العفش رحت وجيت ما حِل مربوط
هذي هي الرحلة وأجمل تحيات=بالمسك والعنبر مع العود مخلوط



على الهامش: ألقيت القصيدة على صديق عزيز ذو ضرافة وخفة دم فلما سمع كلمة البوك قال وليه سعود ما يمشي الا ببخشيش:thumb:

تحياتي

[المطنوخ]

حمدلله على السلامه يابوخالد

ولا تعبت

ماشالله اثريك مشملن هناك:)

ههههههههههههههههههههههههههههههههههههه
اجل تقول..

وشفنا خشوفٍ تنثر الغي بسكـات قلب الحليلة من حلاهن ضرب شوط
لو كان ما مطوعه راعي التفاتـات وقلبه مهو بمطارد البيض مشعـوط
:
:
:
:
لا بالله راح مطوعنا :)


ياهلا بهالجيه

[شموخ]

وشفنا خشوفٍ تنثر الغي بسكـات ............ قلب الحليلة من حلاهن ضرب شوط


ههههههههههه يحق لها يضرب شوط وشوطين بعد لا تلومها :) بس مطوعنا ان شاء الله مامنه خوف مايحب هالحركات ماهو اللي يقول

نكتب شاخبيط على صفح قرطاس ...........هشيم شعر ذاريته الرياحي
به ندعي عشق لبو خد مياس ..........ونسهر طوال الليل لين الصباحي


وايضا قصيدة منازيل باسكال بلكى الاقي مطلبي بلكي الاقي منازيل باسكال :) :) لا يحضرني للأسف شي من هذه القصيده ...

الحمد لله على سلامتك يابو خالد وسلامة العائله ...


تحياتي
شموخ

[الاصمعي]

الله يسلمك ويعافيك

لا تعبت يالغالي

مشمل وبشمل:)

أسعدني حضورك

تحياتي

[عبدالرحمن]

وشفنا خشوفٍ تنثر الغي بسكـات 000 قلب الحليلة من حلاهن ضرب شوط



طيب وقلب الحليل وش ضرب :)


ياهلا بابو خالد وعودة ميمونة ان شاء الله

وتصوير بليغ اغنانا عن السؤال عن الرحلة واين كان الاتجاه

وسجلني من متابعي نزفك:thumb: .

تحية وتقدير.

[شام]

الفاضل دائماً

الاخ الكريم

الأصمعي

ممتعة جداً الابيات

وجميلة

الف الحمد لله على السلامة

وصح لسانكـ

مشكور على الاهداء الرقيق

بارك الله بكـ

[راعي الوقيد]

لي عودة :)

[أبو فيصل]

ياهلا والف غلا بخونا العزيز
الآصمعي

ابو خالد

الحمد لله على السلامه .... اجل تدور البراد ..ماتنلامون يالشرقاويه
عاد لو انت ممده شوين لما تروح العجه عندكم كان ياسلام
بس امر الله شق القربه

عودا حميدا اخي العزيز..... اجل انا من بعد روحتي مع الآهل لهكا الديار
لهل حين ادور الجواز .... ياخوي تقل انشقت الآرض وخفست بوه
ولى يومك ماعيناوه ....

مره اخرى الحمد لله على السلامه
وصح لسانك

[عبدالعزيز]

ياهلاوالله ومسهلا بابوخالد ويعلم الله ان هالساعة من ابرك الساعات اللي تجدد به شوفك يالطربة ..

صح لسانك يالغالي .. ابدعت بالتصوير


والجاية ابيك تصير به معي :)

[ابن جشعم]

عوداً حميداً وسفراً سعيداً

صح السانك على عالجزله

وصفت فــ ابدعت

تحياتي لك

[الجوهرة]

الحمد لله على السلامة أخوي أبو خالد

وصح لسانك على هالأبيات الجزلة وهالوصف الرائع :thumb:


اجل انا من بعد روحتي مع الآهل لهكا الديار
لهل حين ادور الجواز .... ياخوي تقل انشقت الآرض وخفست بوه
ولى يومك ماعيناوه ....

تسانك يانائب مشرفنا العام مثل مطوعنا يشوف الخشوف بدون مايلتفت :)

وشفنا خشوفٍ تنثر الغي بسكـات ** قلب الحليلة من حلاهن ضرب شوط
لو كان ما مطوعه راعي التفاتـات ** وقلبه مهو بمطارد البيض مشعـوط

فأنت بتلقى جوازك عند الحليلة وقل ماقالت الجوهرة :thumb:

[( النجــــــلا )]

العود أحمد ياابوخالد

وصح السانك الين ترضى

والله يحفظ بلاد الشام من كيد المعتدين

مع التحيه

[عبدالعزيز]

لاااااااااااااااااا لاااااااااااااااااااا لااااااااااااااااااا خوذو الاخبار مني وانا ابوالعز ..


يقولون قبل امس سرى السيارات على الحدود السورية الاردنية وصل طوله 10 كيلو من هجة الناس عن الاوضاع وعلى ذمة ابوجعيثن اللي كان واقف على باب السوق الحرة يقول مر من جنبنا المطوع حاطٍ رجله لدرجة ان ركبّوه يعقبن كتوفوه من الركض وهو يباري السيارات يبي الطلعة !!


خوش انهار ياصميع:)

[المخاوي]

^
^
وانا اشوف من جانا بس ماسكن الارض يالله يمشي اقولوه وشنوح ركبك ,, يقول من برد الشام :7ayyoh:


يالله حي ابو خالد :hala1:

صح لسانك يا أصمعي

قصيده رائعه ووصف اروع :thumb:



ولولا الاحداث الحاليه ,, لكانت الروحه ميه ميه ,, ويدعمها وصفك للشاميه :)



ولك مني اجمل تحيه ,,,,,

[راعي الوقيد]

لي عودة :)
السلام عليكم

وعليكم السلام والرحمة ،،،

بعد رجوعي من الإجازة بشوق لمصافحة كتاباتكم والتواصل معكم كنت محتار شوي وين أخط أول حروفي !!

افاا عليك والله يابوخالد !!؟؟

كل مضيف القصة والقصيدة صفحة بيضاء تعانق حروفك ومدادك !!

بغيت أكتب بأحد المضايف الإدارية فتذكرت بعض من لا يستطيع الولوج هناك ، ثم فكرت بمضيف الشعر الشعبي فتذكرت بعض الأخوة الجدد ، أو من يجي بعد غيبة فيرد على (عشرين قصيدة بصح لسانك وسجلني من متابعي نزفك ) الا نصف القصايد الى ما مضى عليه الا يوم أو يومين بالصفحة الثانية

مالك حق والله !؟

المهم قلت الأوفق والأنسب مضيف الإهداءات أهدي من خلاله للجميع وصف موجز لرحلتي القصيرة الى بلاد الحضارات ومدرج الأنبياء أرض المنشر والمحشر !!

قل يعني القصيدة مهداة لأهل تلك البلاد :)

انت كريم ،، وهم يستاهلون كل الخير ،،،

وصح لسانك ولا فض فوك

قصيدة معبرة وصادقة:thumb:


وعيون تجري ترتوي منه جنـات = خوخٍ ورمـانٍ وتـوتٍ وعرمـوط

الله الله:thumb:


وشفنا خشوفٍ تنثر الغي بسكـات = قلب الحليلة من حلاهن ضرب شوط

بعذر تسبدهـ شافت الموت الحمر اللي يذكر ؟؟


لو كان ما مطوعه راعي التفاتـات = وقلبه مهو بمطارد البيض مشعـوط

بعد راعي التفاتات !!


ما غير بنت العـم وزينـة الـذات = وغيره معبينـه فراغـات ونقـوط

ايه مالك الا حلالك يابو الليد :)

وقل عسى الله لايخلينا منهن :)

تسلم يالوافي على شرحكم الكافي ،،،

لك التحية ،،،

والسلاااااااااااااااااام ...

[فيصل حمود]

الحمدالله علي السلامه ابو خالد وماشاء الله عليك رحله حافله وممتعه واللي يبين انك استغليت كل دقيقه خير أستغلال. في وقت أجازتك وعندما كنت تستمع بالجو الحلو والأنهار والوجيه الحسنه:) كنا حنا نرزح تحت وطأة العجاج والحر والرطوبه. بس انشالله الأوضاع تهدى شوي وانشالله نروح لبلاد الشام ونستمتع مثلك يابو خالد.

وشفنا خشوفٍ تنثر الغي بسكـات قلب الحليلة من حلاهن ضرب شوط
لو كان ما مطوعه راعي التفاتـات وقلبه مهو بمطارد البيض مشعـوط


المشكله يابو خالد تسان القلب خضر ومايتحمل وراعي التفاتات:) بس علي قولتك هي فرصه لترطيب الأجواء مع الحليله وتجديد العهد بعدما تشوف هالغنادير.

حمدالله علي سلامتك ودمت بخير

[المتوقد]

صح لسانك لكن ووش معنى هالكلمات


شوحْ وفرلْـق وسنديـانٍ


وعرمـوط

[الاصمعي]

يا هلا بالجميع وحياكم الله

تدرون أني كل يوم أدخل أبي أرد وأطلع قبل أرد والسبب أني أتابع بكثرة الأخبار أجاركم الله من النار:)

بتقولون وش العلاقة؟ أقول تعليقاتكم ضريفة والرد عليه يحتاج نفس مفتوحة والأخبار تسد النفس!


قبل الرد على ردودكم الضريفة وتحاياكم الجميلة راح أوضح معاني بعض الكلمات وهي كالتالي:

الشوح والفرلَّق والسنديان والبلوط: أسماء أشجار تتكون منها بعض الغابات الي شفته هناك ، طبعاً أنا كتبت الفرلَّق مخففه عشان وزن البيت:thumb:

العرموط أحد أسماء فاكهة الكمثرى:)

الغوط جمع غوطه

لكم التحية ولي عوده

[شموخ]

كنت ناويه اشرح له وماقصر ابو خالد :)


وسنديـانٍ

يصنع من اشجارها الأثاث وخاصة اللي خشبها أصيل :)

[ابو ســـــيف]

يقول مر من جنبنا المطوع حاطٍ رجله لدرجة ان ركبّوه يعقبن كتوفوه من الركض وهو يباري السيارات يبي الطلعة


هههههههههه

بلااك ماتعرف اهل حايل :)

لو تنزلق عجوز بحوش بيتهم ... جاك الخبر قبل طيحته بدقايق :)



الوكاد كاشفينك كافشينك ... مار لوتصيف بالمريخ !





الحمدلله على السلامه ...
ولاتعبت ..

وصح لسانك ..


واسلم سلم

[فلاح السعد]

ابـــــــــوخالد اجل هاللوحات تغييرتهن من هالسفره :)


تصدق يابوخالد هالدنيا ماهي شين مادريت انك ناهجن هنا


وألا كان متعذرن بـــــــــك :)


بس عاد الرجعه هي اختياريه وألا فركيـــــــــــــــــــه :)


الحمد لله على السلامــــــــــــــه