المساعد الشخصي الرقمي

مشاهدة النسخة كاملة : هاليوم وغدي


أم نــــــــــواف
08-07-2006, 01:53
مع أعذب التحايا

وصادق الموده

أهدي هذه الابيات لكم

والتي أخاطب بها والدي حفظه الله

وكما يُقـــــال " كل فتاة بأبيها مُعجبـــه " :luvlove:


شكرا لكم مقدماً على المرور



إنتبه أرجوك وإفهم مقصدي = ياللي بين الناس شخصك أقصدا




ياكريم ٍ مايقال إنه ردي = ومن جنابك مايجي أيّة ردا




لك سلام ٍ في كلامي مجددي = لك تحياتي إليك تجددا




باقة ورودي تقدمها يدي = وياحلات الورد لاصار بندا




يامهاجم في الشباك تسددي = وكل قول ٍ جاء منك مسددا




كل فارس بإنتصاراته يحدي = وإنت فارس متعبك كثر الحدا




ثابتٍ متثبّتٍ مثل الجدي = يانبيــه ٍ والخلايق رِقّــدا




أسألك بالله : من وين أبتدي ؟ = وفي ميادينك دروب تمددا!




مادحك ربّك بهالطبع الهَـدي = ياهدي ٍ فيك ميزان الهِــدا




لو نقول : الطير له صوت ٍ شدي = إنت طير ومطرب الناس بشدا




مشغل ٍ بالي على غير طرِدي = وإن حضرت فكل زول ٍ يِطرِدا




لابغيت البوح لك بوح ٍ نِدي = ولابغيت الحزم علّيــت النـدا




مدري وش بقول ؟ وش بعددي! = طار هرجي ماعرفت أعدّدا




إن كتبت الشعر عفت المرقدي = وإن رسمتك قال لوحي: بأرقدا



ماقدرت إلا من بوحي اعدي = أهرب بصمتي والوّح باليدا




إفهمن ارجوك هاليوم وغدي = ياعساني كل كلّي لك فدا


احببت ان اشارككم بها ... :thumb:

شكرا من جديد
ضحوي الاسلمي
08-07-2006, 02:19
أم نواف





الله يخلي لك الوالد ..ويحفظه ..يارب



شامخه كما عهدتك



.
( النجــــــلا )
08-07-2006, 02:20
اليوم وبكره وكل يوم جزااااااااااااااااله وابداع

شاعرتنا ام نواف

صح السانك والله يحفظ لك الوالد ويطول بعمرره


مع التحيه
احـمد الـطـرقي
08-07-2006, 04:44
مـادحـك ربّــك بهالطـبـع الـهَـدي
....................... يـاهــدي ٍ فـيــك مـيــزان الـهِــدا




لو نقول : الطير له صوت ٍ شدي
............................. إنت طيـر ومطـرب النـاس بشـدا



الف صح لسانك اختي ام نواف


ويستاهل الوالد كل خير // حفظه الله من كل مكروه





تحياتي ..//... اخوك
شريف روما
08-07-2006, 07:30
عسى الله يطوّل بعمروه


صح لسانك اختي ام نواف



ويعطيك العافية
خالد ابو الوليد
08-07-2006, 10:08
الاحساس باالتقصير عند الابناء باالوالدين امر فطري واذا فيه شي بيشفعلك عند الوالد حفظه الله هو هاالبيت كل فارس بانتصاراته يحدي وانت فارس متعبك كثر الحدى

صح لسانك اختي
فيصل حمود
08-07-2006, 11:00
صح لسانك شاعرتنا الفاضله ام نواف والله يطول عمر الوالد ويزيدك بر بوالديك.

تحياتي
نجوم الليل
08-07-2006, 13:26
مـادحـك ربّــك بهالطـبـع الـهَـدي يـاهــدي ٍ فـيــك مـيــزان الـهِــدا




لو نقول : الطير له صوت ٍ شدي إنت طيـر ومطـرب النـاس بشـدا




مشغـل ٍ بالـي علـى غيـر طـرِدي وإن حضـرت فكـل زول ٍ يِـطـرِدا




لابغيـت البـوح لـك بــوح ٍ نِــدي ولابغـيـت الـحـزم علّـيـت الـنــدا
مشاعر عذبه من شاعرة : ام نواف لاهنتي
عبدالله الجعيثن
08-07-2006, 14:14
ام نواف

صح لسانك

ابيات جزله
أم نــــــــــواف
08-07-2006, 15:14
شموخي بكم أخي ضحوي

سلمت وشكرا على دعواتك

بارك الله فيك
أم نــــــــــواف
08-07-2006, 15:17
هلا والله فيك اختي النجلا

وشكرا على ( دعوتك) و ( مديحك)

وعساني استحقه ..

بارك الله فيك
أم نــــــــــواف
08-07-2006, 15:18
ألف شكر

مع كل التقدير

لك أخي أحمد

بارك الله فيك .. أسعدني مرورك
أم نــــــــــواف
08-07-2006, 15:22
صح بدنك اخوي الزقروطي

والله يعطيك العافيه

شكرا لمرورك واسعدني حضورك

بارك الله فيك
أم نــــــــــواف
08-07-2006, 15:25
اهلا بك اخي خالد

هي كما قلت فشكرا لك

اسعدني حضورك وبارك الله فيك
أم نــــــــــواف
08-07-2006, 15:35
تسلم والله اخوي فيصل


شكرا لقلبك

وشكرا للمرور

بارك الله فيك
أم نــــــــــواف
08-07-2006, 15:36
هلا والله فيك نجوم الليل

شكرا للمرور وطيب الحضور

بارك الله فيك
أم نــــــــــواف
08-07-2006, 15:41
صح بدنك اخوي عبدالله

شكرا لمرورك
فايز عيد الشمري
08-07-2006, 20:47
ام نواف مليون صح لسانك قصيده أكثر من رائعه ويعطيك العافيه
والله يخليلك والدك ويستر عليكم جميعا 00000000000000000
سلمان النبهان
08-07-2006, 23:38
صح لسانك اختي ام نواف ماقصرتي
والله يطول عمر الوالد ويمتعه بصحته
واكيد ..اكيد ان الوالد رد نبي الرد ..
من حقنا نسمع الرد على هذه الرائعه ..
محمد العربي
08-07-2006, 23:58
فعلاً كل فتاة بأبيها مُعجبة ..


أحسنتِ وأبدعتِ اختي الكريمة أم نواف ..

حفظكِ الله وحفظ لكِ أبيكِ
هايس الشمري
09-07-2006, 15:54
إن كتبت الشعـر عفـت المرقـدي *** وإن رسمتك قـال لوحـي: بأرقـدا



الله الله يا ام نواف




صح لسانك و الله



و حفظ الله والدك



اخوك
أم نــــــــــواف
09-07-2006, 23:10
أخي الذئب الأحمر


أهال بك وبمرورك الكريم


شكرا لدعواتك الأخويه

بارك الله فيك
أم نــــــــــواف
09-07-2006, 23:21
أهاااااا
:surprised


الوالد وردّ الوالد !!


أنا مامون إلا على قصيدي

ابوي قصايده معه أنا مالي دخـــل .. :)

وبعدين وش دراك ان ابوي شاعر ؟؟ :thumb:

تعيش وتسلم اخوي سلمان


بارك الله فيك
أم نــــــــــواف
09-07-2006, 23:23
بارك الله فيك اخوي محمد


شكرا لمرورك ولمعان حضورك


وشكرا أخرى لدعواتك الاخويه
أم نــــــــــواف
09-07-2006, 23:24
هلا فيك اخوي هايس


شكرا لكلماتك وحضورك وصادق الدعوات


بارك الله فيك
ركبان
10-07-2006, 00:12
كـل فــارس بإنتصـاراتـه يـحـدي وإنـت فـارس متعبـك كثـر الحـدا




ثـابــتٍ متـثـبّـتٍ مـثــل الــجــدي يـانـبـيــه ٍ والـخــلايــق رِقّـــــدا

ونعم والله يستاهل ........... ويستاهل بنت نشمية مثلك

وصح لسانك والله يكثر من أمثالك يأم نواف


تحيات أبو نـــــــــــــواف
سنجار
10-07-2006, 01:57
ام نواف

صح لسانك

ابيات شامخه وجزله في بر الوالدين

نسأل الله تعالى له بطولة العمر والعافيه

ولك بالتوفيق ورضا الوالدين..






كـل فــارس بإنتصـاراتـه يـحـدي وإنـت فـارس متعبـك كثـر الحـدا

ثـابــتٍ متـثـبّـتٍ مـثــل الــجــدي يـانـبـيــه ٍ والـخــلايــق رِقّـــــدا
أم نــــــــــواف
11-07-2006, 23:01
صح بدنك اخوي سنجار

حضور كريم من أخ كريم


شكرا لدعواتك الصادقه

بارك الله فيك وفي صفحتي هذه الله يحييك



ويــــــــاهلا
سرحــان
12-07-2006, 02:14
عسى الله يطوّل بعمروه


صح لسانك اختي ام نواف


تحياتي
جمال الشمري
13-07-2006, 00:47
أم نواف



وهنا يكون الشعر


رونق خااص ، وجماليّات متناثرة


سأنصرف وأترك بعضي


تحياتي


ابو مزون
ابــو فــهـــد
13-07-2006, 07:42
الأخت الفاصله

ام نـواف

دائماً استمتع بقراءة منظوماتك الشعريه
واجد بها ما انشده من بعض التعبيرات التي تتفق مع ذائقتي


والف صح لسانك على هذا الأرتقاء الرائع بالشعر والأسلوب

كنا بألأمس نردد شعراً لأم نواف بالولد وهاهي اليوم تخاطب الوالد

تقدير لك ولشعرك ولشعورك

ودعواتي لك ولولدك ولوالدك
أم نــــــــــواف
14-07-2006, 01:53
أخي ركبان

أعتذر فقد رددت على تعقيبك ولكن يبدو أنني لم اكمل الإرسال


شكرا لك على بهاء الحضور

وكلماتك شجّعتني وربي


بارك الله فيك
أم نــــــــــواف
14-07-2006, 01:54
أهلا بك اخي ابو مزون


وشكرا لك على هذا الثناء


بارك الله فيك
أم نــــــــــواف
14-07-2006, 01:57
اخوي ابو فهد خلّيتني فاصله الله يهديك

تراها بحق :)

:) :)


صدقاً وجودك يسعدني ومرورك أنتظره دوما

فأنت ممن يقرأ بإحساس


شكرا لدعواتك وصدق كلماتك

وعساني عند الهقوة


بارك الله فيك