صورتك وأنت بسطح بيتكم !!

[الجوهرة]

منظر ولا أحلى
.
.
.
.
.
.
.
الحين تقدر تشوف جمالك الأخاذ بشرط إنك ترقى لسطح بيتكم وتطالع بالسماء وتبتسم لكاميرا الأقمار الصناعية وبعدها بتشوف كشرتك في قوقل إيرث :thumb:

برنامج روعة عن طريقه شفت قطوة حارتنا وهي متربعة في البراحة ومعها عظمة فخذ دجاج الطازج :) :) <<<<<< أبوتس يالدقة :thumb: <<< بمعنى لله أبوك أيتها الدقة :7ayyoh:

من جد خيااااااااااااال ماحسيت بقيمته إلا يوم شفت صورة بيتنا :d: خفق قلبي يوم شفته <<< صار بيض ماهو قلب :)

قلت ياربي معقولة هذا بيتنا وأنا الحين فيه وقاعدة أشوفه من فوق وأنا جوّا <<<<<<< ياشين اللي يكتب موضوع بآخر الليل <<< وش آخر الليل إلا الفجر :smileyb:

المهم هذا رابطه حمّلوه عشان تشوفون بعيونكم المكان اللي تبونه من العالم

تشييييييييييز :) (http://earth.google.com/download-earth.html)

طبعاً الصور الموجودة فيه حالياً قديمة لكن إذا اشتركت فيه " الاشتراك بسعر رمزي " راح تشوف صور طازجة من القمر الصناعي لشاشاتكم على طول

همزة وصل :

مدري إذا فيه أحد سبقني ونشر هالموضوع ولا لأ !!؟ بس تراني دورت في الخمس صفحات الأخيرة ولا لقيت شيء قلت كودهم مادروا عنه :7ayyoh:

لذلك جرى التنويه :thumb:

وسلامتكم ياحيي

[ابو خليف]

تسلمين اختي

ومشكوره على هالجلب الطيب


بس اعتقد ان المووضوع مكرر
واقصد بالتكرير ليس النص بل ان فيه موضوع سابق
يحمل نفس البرنامج وشرحه ورابط تحميله
الي هو قوقل ارث

وانشر بنفس المضيف قبل فتره

[ابن جشعم]

^^^
^
من كثر السوق اللي عندنا يابو خليف فسقان:)



مشكورة يالجوهرة على هذا البرنامج...

بالنسبة للإشتراك الرمزي كيف طريقته..

[المطنوخ]

ياقدمتس:)

[تعاليل]

الـــجوهره يا جدي

ماعليتس منهم .. تراهم ناس(ن) فسقانين

ترى لو ما أنتي .. ما دريت بهالقوقل أيرث .. :)

يسلموو خيتووو ... ...

[الشمـــ نور ــــري]

الجوهره
تسلمين ياقلبي على قوله تعاليل ذولي ناس فسقانين

احبطتوا البنت جاملوه على الاقل:)

[أبو فهد]

وش يسوي قوقل ايرث

على حسب ما فهمت اقدر ارعى غنم جدي عن طريقه :)


شاكر لتس اختي الجوهرة



------------
تحياتي
أبو رشيد

[روح الاماكن]

مشكورة

على الموضوع

وللي يقولو مكرر انا والله ما شفته

[إلـــجـــنآزه]

ياقدمتس:)

:) عز الله انك صـآدق تصدق يووم شفته طلـع من جهـآزي حمـآم بري :)


يـوه مغبره هـآلبنت :)


على العموم لا هنتي هههه :)

[الجوهرة]

أعوذ بالله :a:

جعلكم ماتطيحون لي على زلة :puzzled:

وأنا أقول ياحليلهم ثمانية رادين علي وش هالتفاعل ماشاء الله :)

اثركم ماصدقتوا تلقون جنازة عشان تشبعون فيها لطم :smileyb:

(( الجنازة يالجنازة حقت المصاريا ماهو أنت يالعضو :hala1: ))

لكن محلولة

أنا أصلا حطيت الموضوع من باب : في مثل هذا اليوم من عام .....

يعني هالبرنامج اللي يجيبونه في كل قناة قررت أجيبه عندكم هنا وكل يوم أستعرض لكم موضوع من المواضيع القديمة وأذكّركم به :) لكن بصياغتي الخاصة :smileyb:

لي عودة مسائية للرد عليكم عضوة عضواً <<< ليديز فيرست :thumb:

[مصيول]

اوف عز الطلب :thumb:


يعني اقدر اسرح بغنم جدي وانا على النت !!



لا ماني مصدق !



معئوله حلمي اتحئئ !

يالهووي ياخرااابي ـــــــ يامصيبتي




بالله واحد يقرصني مع خدي :)






كل يوم حالتي حاله رح طلق البهم رح اسرح بالغنم ولارح احلب الناقه !

اخيراً بتنتهي معاناتي !


به له تيس عند جدي موذي موذي اغيب عنه دقيقتين القاه قاعطن نص الحدود وجهته شمال :(




والله برنامج حلووو مره مره مره



بس ماقلتي لنا وين ندفع الفلوس حقات الاشتراك :)



واذا مافي كلافه ــــــــ هاتي لنا برنامج يسوي البقل بدون بصمات العجز :tongue:

[شريف روما]

ههههههههههههه

عزالله ماتسوى عليه منزله هالبرنامج لكم

اثاريكم ذيابه تناهشتوه من كل صوب :)




يابنت الموضوع مكرررررررررررررررررررررررررررررررررررررر رررر << الراء للطنازة :)



بس شلون بسعر رمزي وين اروح وادفع
انا اقول اعين من الله خير واحط راسي وانام وبلاها دوخه:)



شكرا جزيلا على الموضوع اللي ينشر لاول مرة :)

[الجوهرة]

أخوي أبو خليف

تسلم أخوي على التوضيح

والمعذرة على التكرار

حياك الله

[الجوهرة]

أخوي ابن جشعم

ربنا يقبر بخاطرك زي ماقبرت بخاطري :)

فشيلة والله

أنت اللي منزل الموضوع من سنة تقريباً :smileyb:

هذا رابط موضوعك :

قوقل ايرث ابن جشعم :) (http://www.shmmr.net/vb/showthread.php?t=30366)

ولقيت بعد موضوع قديم لابو فارس فيه برنامج يشبه قوقل ايرث شكله هو نفسه بس الظاهر قبل ماتشتريه شركة قوقل !!

وهذا رابطه :

أبو فارس ايرث :) (http://www.shmmr.net/vb/showthread.php?t=26888)

بالنسبة لسؤالك عن الاشتراك الرمزي فالموقع اللي جبت منه موضوعي يقول إن قيمة البث المباشر للبرنامج 400 دولار !!

وطريقة الدفع من عندي :)

والله مدري كيف طريقة الدفع ولو توفرت معلومات عندي ماراح أبخل بها عليكم

كل الشكر لحضورك أخوي

[الجوهرة]

المطنوخ

ياقدمي !!؟

وش دراك !!؟ :)

القديم يتجدد هذي هي الموضة هاليومين :smileyb:

حياك الله

[الجوهرة]

تعتع

ياحيي أنتِ

ترى ماحطيت هالموضوع إلا لك خصيصاً :)

مدري وش فيني عليك هاليومين !!؟

الظاهر انك بديل احتياطي لريم شمر <<<<<<<<< خربتها :)

والله انك غالية غلاً خاص مستقل عن ريومة :thumb:

يسلمو يالغالية على رفع المعنويات :hala1:

[الجوهرة]

نور الشمري

يابعدي أنتِ

تصدقين عاد ما انبسط إلا اذا صاروا صريحين :)

ماتعجبني المجاملة لأني ما أعرف لها :smileyb:

هيك أحسن :thumb:

يسلمو ياعسل على هالتشريف

يكفيني مرورك اللي يكنسل احباطهم :)

[الجوهرة]

شقردي

تقدر ترعى الغنم

وتعرف مناطق الربيع

وتشوف الشعبان اللي سايلة واللي ماسالت قبل ماتتوهق وتكشت على عماها :)

يعني فوائده لاحصر لها بس أنت حمّله

حياك أخوي

[الجوهرة]

روح الأماكن

هلا بك

والموضوع منكم ولكم :)

وأبرك الساعات اللي طلع موضوعي جديد بالنسبة لك :7ayyoh:

شكراً لحضورك

[الجوهرة]

:) عز الله انك صـآدق تصدق يووم شفته طلـع من جهـآزي حمـآم بري :)

وش رايك عاد إن موضوعي كبر في عيني من عقب ماطلع من جهازك حمام بري :smileyb:

بالله عليك من يحصل له هاليومين يطلع له حمام بري !!؟

أنا أشهد إن حتى غباري مفيد :7ayyoh:

[الجوهرة]

هلا بك أخوي مصيول

من اليوم وطالع تقدر تقول إن تيس جدك في الحفظ والصون :smileyb:

وأبشر ببقل بدون بصمات في مشروع برنامج لقوقل اسمه :

قوقل بقل وِذ آوت بصمة :)

وإن شاء الله مايسبقني أحد عليه

حياك أخوي

[الجوهرة]

ايه والله صدقت يالزقروطي ماتسوى علي :)

بس ولو حلاتها مثل هالكفشات :smileyb:

رح نم وأحلام سعيدة :)

وشكراً على الحضور والفزعة اللي ماكملت :goooood:

[ابو فارس]

ولقيت بعد موضوع قديم لابو فارس فيه برنامج يشبه قوقل ايرث شكله هو نفسه بس الظاهر قبل ماتشتريه شركة قوقل !!

وهذا رابطه :

أبو فارس ايرث :) (http://www.shmmr.net/vb/showthread.php?t=26888)

افا والله
اثري برنامجي مبيوع وانا مدري؟
بس عساك اخذت عمولة البيع؟

الف شكر اختي على البرنامج
بس بصراحة انا ابحث عن كيفية شراء البرنامج
الى درجة طقطقت الجوال على ابن جشعم ابغى اسأل بس مارد علي اكثر من مرة


لكن يلا انت اللي جبتي البرنامج ولازم تعرفين لي طريقة الاشتراك


بانتظارك
وشكرا لك

[الجوهرة]

حياك الله أخوي أبو فارس

والمعذرة على التأخير

بس ماحبيت أرد عليك ويدي فاضية :)

قلت لازم أجيب لك طريقة الإشتراك وعن طريق النت بعد !!

هذا رابط للصفحة اللي تقدر تشترك منها عن طريق بطاقتك الإئتمانية <<<< حسب مافهمت :)

بس أنصحك لاتشترك :) (https://registration.keyhole.com/choice_kh_initial.html)

لأني عقب فرفرتي ودوجاني في هالمواقع عشان أعرف طريقة الاشتراك لقيت ان اشتراك الأفراد ماينفعهم إلا بشيء واحد بس هو أن الصور راح تكون أوضح وتقدر تستفيد منه في الربط بينه وبين أجهزة تحديد المواقع مثل جارمن وماجلان لكن البث ماراح يكون مباشر !!

أتمنى أكون خدمتك !!

وشكراً لك

[سرحــان]

الجوهره هالكود وصل لي عن طريق الاميل


وقلت يله نجيبه للجوهره وتعطينا اخباره


وهذا الكود وبحث عنه في محرك قوقل

يعطيكم الكميرات بالعالم ويقول مباشر والله اعلم


intitle:liveapplet inurl:LvAppl

للي فيه عرق زوله رابط قو

http://www.google.com.sa
تحياتي للجميع

[الجوهرة]

سويت قوقلة للمضايف :)

ولقيت موضوع للعضو o.O (ViP) O.o عن هالكاميرات :) :

كاميرات o.O (ViP) O.o (http://shmmr.net/vb/showthread.php?t=34854)

<<<< شكلي بوقع العقد مع برنامج "في مثل هذا اليوم من عام..." :)

حياك الله أخوي سرحان

وشكراً لحضورك