ولد الـطـنـايـا
15-06-2006, 04:07
هذه قصيدة رائعة جداً للشاعر / محمد بن عبدالرحمن بن سعد الصفيان والتي يرثي فيها عمه ناصر بن سعد الصفيان - رحمه الله - بعنوان [[ مـرحـوم يـا حـر ]] :
يالله يلي رحمته طالبينة = يامن لنا عون على كل مشكاة
اغفر لنا في ماقفٍ واردينة = وجعل لنا من ماقف العسر منجاة
وفرج لنا كرب الـقلوب الحزينة = وجعل عسرها حالت اليسر يتلاة
وشمل بعفوك من رحل فاقدينة = وتجزاه بالغفران يارب تجزاه
مرحوم ياحر ندر في سنينه = زبن الذي حده زمانه على اقصاه
شيخ شمخ من هيبته هايبينه = مثبت ساسة على قو مبناه
كريم وافي والكرم في يمينه = نبع الوفاء والطيب في كف يمناه
والله والله كلنا فاقدينه = والله والله نشتكي حر فرقاه
يالله عسى الرحمة تباشر جبينه = وفي جنة الفردوس منزال مثواه
ويعطى بها حور وقرار وسكينة = ويبلغ بها ما تشتهي النفس ومناه
ولنا الفخر في عياله المقتفينه = احرار تافي كاسبة من مزاياه
تفديك بالغالي والأنفس رهينة = توارثو طبعه على الطيب شرواه
يـالله وفـقـهـم عـلى امـره وديـنـه = وجمع شملهم ياجامع الشمل يالله
ولي وقفتن مع سيدي في عرينه = ولي الشرف لي الشرف يوم نطراه
يستاهل الوافي وقبل يمينه = نايف عـسى شر المنايا تعداه
وفيت يامعطي الجزيل الثمينة = ويبقى لنا ذخراً تحفظه وترعاه
وعزي لقلب زاد حزنه ونينه = كلما هجع تذكر الوقت وشقاه
متذكر وقت مضى خابرينه = لاشك عشنا في سنينه وشفناه
وقت مضى فيه العيال الفطينه = الكل منهم حزة الضيق ننصاه
قروم تغيث المنتخي له تعينه = من فعلهم تعود عداه تخشاه
وبذكرهم تـسلى النفوس الحزينة = يازين ذكراهم ويازين طرياه
وجدي على هاك الرجال الرزينة = اللي لهم مجد مدون ونقراه
وجدي عليهم وجد باكي ظنينة = من زود حزنه فارق الشوف عيناه
الله من عين بكتهم حزينة = والله من قـلب توجد بلاماة
يالله ترحمهم ياراحم دفينة = وفي جنتك تجمع شملنا ملاقاة
حنا على الدنيا بحر والسفينة = اليوم عاليته وباكر تحت ماة
والموت كاس وكلنا شاربينه = ذاقه نبي الله ولابد نسقاه
وتذكرو يـوم لنا حاضرينه = الكل يلقى ماعمل من خفاياه
وصلوا على المدفون برض المدينة = وعيدو صلاته وكررو زود ذكراه
الـشـاعـر مـلازم أول / مـحـمـد بـن عـبـدالـرحـمـن الـصـفـيــان
يالله يلي رحمته طالبينة = يامن لنا عون على كل مشكاة
اغفر لنا في ماقفٍ واردينة = وجعل لنا من ماقف العسر منجاة
وفرج لنا كرب الـقلوب الحزينة = وجعل عسرها حالت اليسر يتلاة
وشمل بعفوك من رحل فاقدينة = وتجزاه بالغفران يارب تجزاه
مرحوم ياحر ندر في سنينه = زبن الذي حده زمانه على اقصاه
شيخ شمخ من هيبته هايبينه = مثبت ساسة على قو مبناه
كريم وافي والكرم في يمينه = نبع الوفاء والطيب في كف يمناه
والله والله كلنا فاقدينه = والله والله نشتكي حر فرقاه
يالله عسى الرحمة تباشر جبينه = وفي جنة الفردوس منزال مثواه
ويعطى بها حور وقرار وسكينة = ويبلغ بها ما تشتهي النفس ومناه
ولنا الفخر في عياله المقتفينه = احرار تافي كاسبة من مزاياه
تفديك بالغالي والأنفس رهينة = توارثو طبعه على الطيب شرواه
يـالله وفـقـهـم عـلى امـره وديـنـه = وجمع شملهم ياجامع الشمل يالله
ولي وقفتن مع سيدي في عرينه = ولي الشرف لي الشرف يوم نطراه
يستاهل الوافي وقبل يمينه = نايف عـسى شر المنايا تعداه
وفيت يامعطي الجزيل الثمينة = ويبقى لنا ذخراً تحفظه وترعاه
وعزي لقلب زاد حزنه ونينه = كلما هجع تذكر الوقت وشقاه
متذكر وقت مضى خابرينه = لاشك عشنا في سنينه وشفناه
وقت مضى فيه العيال الفطينه = الكل منهم حزة الضيق ننصاه
قروم تغيث المنتخي له تعينه = من فعلهم تعود عداه تخشاه
وبذكرهم تـسلى النفوس الحزينة = يازين ذكراهم ويازين طرياه
وجدي على هاك الرجال الرزينة = اللي لهم مجد مدون ونقراه
وجدي عليهم وجد باكي ظنينة = من زود حزنه فارق الشوف عيناه
الله من عين بكتهم حزينة = والله من قـلب توجد بلاماة
يالله ترحمهم ياراحم دفينة = وفي جنتك تجمع شملنا ملاقاة
حنا على الدنيا بحر والسفينة = اليوم عاليته وباكر تحت ماة
والموت كاس وكلنا شاربينه = ذاقه نبي الله ولابد نسقاه
وتذكرو يـوم لنا حاضرينه = الكل يلقى ماعمل من خفاياه
وصلوا على المدفون برض المدينة = وعيدو صلاته وكررو زود ذكراه
الـشـاعـر مـلازم أول / مـحـمـد بـن عـبـدالـرحـمـن الـصـفـيــان