قرى ايه ياعباس !!؟ ماكنا كويسين !!

[الجوهرة]

(( ومن اللهو الذي كان خليقاً بالمرأة أن تحذقه وتتفوق فيه على الرجال , لهو الفكاهة والنكتة المضحكة , لأنها تحب أن تمرح وتلعب .................... , ولكن المعهود في المرأة أنها قليلة الفطنة للنكتة :( , إلا في الندرة التي تحسب من الفلتات العارضة :a: , وأنها لاتحسن أن تقابل نكات الرجال بمثلها مع كثرة النكات التي تصيبها في أنوثتها :590r: ))

هذا حتسي الفيلسوف عباس محمود العقاد !!

وترجمته باللغة الفلاوية :

إن معاشر الفلاويات مايجن ولا واحد بالمية من خفة دم وتنكيت تماسيح الفلاويين :)

وأنا إذ أكتب هذا الموضوع لأشجب واستنكر مثل هذه الإدعاءات الباطلة ولو كان عباس حي تسان يمديني أغيّر رأيه بعرض نماذج من بنات حتتي :thumb:

واللاتي أثبتن بما لايدع مجالاً للشك تفوقهن ونبوغهن في مجال الظرافة والملح والتنكيت :)

وهن على سبيل المثال لا الحصر :

1/ شيخة الفلة الآنسة المليحة والطالبة الفليحة :7ayyoh: كلي بكم إعجاب والتي يرمز لها في المضايف باسم (( ك.ب.إ ))

2/ ملح الفلة وشاهيها وسكرها وخطيبة شيخ الشيوخ مستر طلال بن ريم شمر :) اللي محيّرته غصبن عليه :) تعاليل والتي تم تدليعها من قبل عريس المستقبل باسم " تعتع :d: "

والقائمة تطول <<<<<< مافيه غير هالثنتين عجزت ألقى لهن ثالثة :)

<<<<<<< الله العالم إن عباس أفندي ما جاب هالحتسي من فراغ :smileyb:

خلاصة الموضوع أن البنات ماعليهن قاصر تنكيت بس اللي خلا عباس بيه ماينتبه لتنكيتهن إنهن مرهفات الإحساس ويرحمن هالتماسيح وإلا الرجال لولا جفاستهم وجرأتهم على التنكيت والا تسان شفتوا المصالة على أصولها :7ayyoh:


مو هيك ياصبايا !!؟ :055r:

[ابو ســـــيف]

فضفض ... اشوف البنات يغابشن !

بالله عطهن وحده :)




يالمطنوخ انا اشجب واستنكر مثل هالموضوع !

يعني شلون ... حقوق المرأه وصلة الفله بعد !!!

مايكفي ان لهن مضيف مانعيننا من جرة القلم به !!







هل تعلمين ياوخويتي ...

انه بكلمتين من الشبث يتفدغن كلاي من الضحك

وبرد من المطنوخ تدرين بأن الفله لها ابعاد ابعد من البعد اللي انتي تبعدينه

وبموضوع من المخاوي "الله يذكره بالخير" يكون بمثابة الضربه القاضيه لقلوبنا

وبرائعه من روائع شنقل تدري ان الادب الفلاوي مازال بخير :)




ولايهونون باقي الشله ...






كلي بكم اعجاب .. وتعاليل
ماننكر ابداعهن ..




بس هن بمثابة اللاعب الاجنبي :)

تم الاستعانه به بس علشان تحريك الركود الانثوي بالفله .. لا اكثر ولا اقل :tongue:



سوالف فلاليه :)

[تعاليل]

^
^
^
وأنت خـــــــــــــــــابرن منـتخب مابوه لاعبن أجــنبي
فــــــــاز .. لو ببطـولة الحـــــــــــــارة :)


أبووو سيـــف ... ولا يهــون الأخوان اللي ذكرتهم ..
وإبداااااااااعهم ما يعلى عليه . . . ماقلنا شين ..


بس لاااااااااا تهــضم حق عجايب ..
وتسانك منت مصدز .. أفــزع للــمتحف ..
وشوف الإبـــــــداع ..

:) ياناس هالبنت هذي .. لو أمصع مخـيخها . غير
ألقى بوه .. غبره .. ووغدان يلعبون .. عجايز يسولفن ويقشمن حب ..

عجاااااااايب والله إنتس عجبه من عجايب الزماااان ..
سيري والرب معاااااااااااااااك ..
ولا يهمتس حقد الحاقدين :) << بالخير ابو سيف









الـــــــــــــجوهرة ... ياجـــــــدي هالوجه ..
ماعليتس زووود يالغاليه .. بس عاد خربتيها يوم
تقولين محيرتن طلول .. غصبن عليه ..

:goooood: ياناس صدقوني هو اللي ناشبن لي







تشاااو

[سيدة القـــــلم]

.
.

مَقُولَه العَقَاَدْ لَنْ اُعَلِقْ عَلِيهَاَ .. حَتَىَ لا يَنقَلبْ المُوضُوعْ عَنْ مَسَاَرِة ..
.
.
.
بَسْ بغِيتْ اذكّرِكْ بِـ الأختْ " اخَر العنقُودْ "

مَنْ جَدْ هالبَنتْ " نُكته " بقُوووه ..

انبسَطْ كثِيرْ لَمّا اشُوفْ معَرفهَاَ بالمَضَاَيفْ

ولله انِي اتبَعَهَاَ واتبَع ردُودَهَاَ .. الله يحفَظهَاَ .. مِن كُلّ سُوء

خفّه دَمَهَاَ عجِيبَه .. :tongue:

.
.

وتعَاَلِيلْ وكلِي بكمْ اعجَاَبْ .. هَنْ مَلَح الفَلَه .. وبركتهَاَ ..


شُكراً لَكِ


كُونِي بِخِير







.



.

[حائــــ 100/100 ـليه]

هههههههههههههههههههههههههاي
وبس
:luvlove:

[عجايب بنت الشايب]

ياعــــــــــــــــــــــــــــــــــــر ب >> جاكم الأعصار عضيدة سنيورات الفله

ياعرب انا لو تجيبون هاللحين سيفين ماقطعر رقبيتي


بذمتي يالجوهره انك جوهره

وانك ياتعاليل ...... نمبر ون >> يقال أمدحت

ولا تهوووون مزيونتنا سيدة القلم >> ياامي انتي


يابنات اهديلكم حااااجه أنزلن


7
7
7
7
7

شقرديوووه أرجع مع أبو سيف يالله

7
7
7
7

إهدااااااااااء خااااااااااص لكن

ليتني وياكن يازين السجايــــــــــــا

وسط صندوقً ومقفولً علينــــــــــا >> كناية عن الحب الشديد !!




والله عاد البركه فيكن ولا من كثر هالمواضييييع وعلى الطاري مواعدتن المباركين

بحفلة عباره عن ذبايح وأرز داخل موضوع بالفله أنتطروني ....

الجوهره حياااااتو مشكووووووور موضوعك يستحق برنامج تليفزيوني



طحياتي ........

[قـــوت]

البركه في الموجودين ونطمع في المزيد

سيدة القلم شكرا لك على الاطراء

[تعاليل]

آخر العنقووووود

خلي عنتس التواااضع ..
على قولة سيدة القلم ... عليكي نكته
ودم عسل ..


<<<< بالله ما تعلمونن وش عندهن يمدحن ببعض





حائلـــــــ100% 100ــــــــــــيه
دوووم هالضحكة خيتووو


عجااااااااايــب
أرحمينا من الأغلاط
الإملاااااااائيه ..
ماغير امشي وراتس واتهجى

:)

[أبو فهد]

ترى يا صبايا موب من عادتي اتدخل في شئون المطبخ و لا بعمري و لا مرة وحدة لعبة بربر
( اللي ما يعرف بربر ) تراها لعبة للبنات يقومون يشخبطون على الارض و يناقزون على شخابيطهم :)


يا حبي لكم يا صبايات الفلة




شقرديوووه أرجع مع أبو سيف يالله

لاه وش جابني لبياع الابيالات و الرز :)


ولو ان بيع الابيالات اصرف من مقابل خشومكم يا بنات الفلة :p:



عجايب بعطيتس شغلة و اشغلتس بعد التخرج بعطيتس يا طويلة البقا منشة و ابيتس تنشين الذبان الليا على ثوب تعاليل :) :) :)




اكتفي بهزا القدر من العجة <<<< عشان ما تزعل ايمان :)






بي رايت باك <<< يقلد دكتور فيل الاقرع



------------
تحياتي
أبو رشيد

[الجوهرة]

هلا بك أخوي أبو سيف

على قولة تعتع الله لايحرمنا من فلتاتها :)

ماحرك الأندية إلا اللاعب الأجنبي :thumb:

يعني هذي شهادة منك بإبداع الصبايا هذا وهن ماتفرغن للفلة بقوة :smileyb:

يعني لاهيات بباقي المضايف والا لو يتفرغن لكم هالثنتين تسان حالتكم حالة

بعدين ترى ربعك هاللي جايزينن لك ماننكر مواهبهم بس هذا كله ماجاء إلا بعد السنترة والإقامة الأبدية في الفلة بدليل إنهم من كثر ماهم معششين في الفلة ولا يطلعون منها حطهم أبو سلطان مشرفين عليها لأنه ماهو لاقي أحسن منهم من ناحية الإقامة الجبرية :)

<<<<<<<<< ماصدقت يزل لسانه :)

حياك يابو سيف وأبرك الساعات مرورك وتشريفك

[الجوهرة]

تعتع

بلاش تواضع يابت :)

كلنا عارفين تعتع مين :) <<<<<< تسني رابطة مشجعي الزمالك المصري :good1: <<< وهو فيه زمالك سوداني :smileyb:

حياك الله ياعسل

وطلول هاللي ناشبن لك أنا أجيب لك خلاصك منه <<<<<<< خوش فزعة :)

[الجوهرة]

هلا والله بسيدة القلم

آخر العنقود وغيرها من البنات كلهم فيهم الخير والبركة

بس أنا حددت هالثنتين لأنهن أكثر الصبايا إقامة في الفلة :)

وإلا لو بنعد صاحبات الحس الظريف كان عدينا كل البنات <<<<<< تسنها مصخت المبالغة :smileyb:

شرفني مرورك يالغالية

[الجوهرة]

حايلية مية بالمية :)

تسلم لي هالضحكة وبس :thumb:

[الجوهرة]

ياحيي ياعجوبة

شفتو وش قصدي الحين !!

رد عن موضوع

ضحك وفرفشة ولو أن الحتسي مشبك ببعضه بس عادي ينبلع وينفهم والمهم اننا نضحك :) <<<< خربتها :smileyb:

عجوبة امضي لاكبا بك الفرس :7ayyoh:

[المطنوخ]

أني أرى رؤوسا قد أينعت وحان وقت قطافها ومو أنا لقاطفها!!<----ذل انه يقول واني لقاطفها:)


بيان من دار تاج الرمان من بلاد الانهار السبعه



من طنخان سيد الخواتم والزمان الى قوارير المضائف....اما بعد

فإنه قد توارى الى مسامع والي تاج الرمان طنخان انه هناك متنفسا لتمرد نسائي وأيا تمرد الا أن يقضى عليه من قبل حكم ديكتاتوري جعله للعافيه الدائمه وعافاه من حاردزه الذي أصبح هاجسه اليومي والذي ينازعه على عرشه المجيد
وقد أوصى والي تاج الرمان طنخان بفاكس أرسله الى وزيره في الكوفه أبي ثوب قائلا بالحرف الواحد ...(( العلم وشو ياغليم؟)) فرد عليه وزيره أبي ثوب بفاكس آخر قائلا....((وخذنا ياوالي الدجه!!)) مما أدى تنفخ أوداج الوالي واستشاط غيظا عندما همّ بالرد على وزيره ولكنه تذكر أنه سيرد عليه قائلا...((طق راسك بالجدار)) مما جعله يصرف النظر عن الرد ويفكر بطريقة لوأد هذا التمرد
وأثناء تفكير والي تاج الرمان طنخان أضاءت لمبة فوق رأسه المبجل مما حدى به الى أخذها وتركيبها محل لمبته غرفته الخربانه وصاح قائلا ...وجدتها!!!
وعندها أصدر الامر الملكي السامي بأن يجبر كل رجل متزوج بواحد أن يتزوج بأخرى حتى يشغل النساء ببعضهن البعض وإن كيد النساء لعظيم.


فلتسجل تلك الخطبه في التاريخ وليشهد أن والي تاج الرمان طنخان قد كتب هذا الخطاب وهو متمركيا على مركاه



العلاقات العامه للذود عن والي تاج الرمان طنخان
ممهورا ببصمته البهيه

[شريف روما]

انا اقول عينن من الله خير وكل وحده تروح تسوى فطور وعقبوه قوري شاي احسن له :)

[أبو فهد]

^
^
^
^
^
^^
^^
^^

قوري ؟


هالحين قوري وشهو براد و لا ترمس و لا ثلاجة و لا دلة و لا ابريق و لا فنجان و لا ابيالة و لا كاس و لا قلاص و لا كوب و لا وعاء و لا إناء و لا قنينة و لا محقنة و لا قطارة و لا قارورة و لا وشووووووووووووووو

^
^
^

المرجع كتاب العلوم صف سادس :)

[شريف روما]

^
^
ههههههههههههههههههههههههههههههههههه


القوري = دلة شاي :)

[الجوهرة]

آخر العنقود

هلا بك يالغالية

شرفني حضورك

كل الشكر لك

[الجوهرة]

تعتع

ليتك كملتي معروفك ورديتي على الباقين :)

<<<<<<<<< تسنها تلمّح :smileyb:

ياحبيلك ياشيخة دائماً وأبداً :thumb:

[الجوهرة]

حياك الله أخوي أبو رشيد

ويعطيك العافية على هزا القدر من العجة :smileyb:

شاكرة لك مرورك

[الجوهرة]

ثبت شرعاً

أن تنكيت الرجال واستخفافهم لدمهم يورث الحاردز

شهد بذلك حضرة والي تاج الرمان :)

ومعه شهادات طبية وفحوصات اكلينيكية تثبت صحة أقوالي

عشان كذا خلوا عنكم التكلف وارجعوا لطبيعتكم حتى لو هي طبيعة مافيها ملح :smileyb:

<<<<<<< الغيرة وما تسوي :)

[الجوهرة]

هلا بالزقروطي

أما قوري !!

بصراحة حركة :)

شكراً لمرورك

[المستلج]

صح لسانك يالعقاد ... ولا يهونون الفلاويات


ولكن المعهود في المرأة أنها قليلة الفطنة للنكتة , إلا في الندرة التي تحسب من الفلتات العارضة

^
^
^
أحسن عبارة <==== متذوق للكلمات

وبما اني انسان حيادي وعادل ومتحضر ومتعلم <=== لا يكثر

فأقول ان المرأة مخلوق متقلب المزاج

فمرة من المرارير تلقاها تضحك بسبب أو بدونه

ومرة تبكي بلا دموع <==== إعلان ولا عنوان تمثلية

ولكن فيه حالات خاصة يطغى عليها الحس الفكاهي والفرفشة وفلة الحجاج وهذا ناتج عن طبيعة المكان وطريقة المعيشة وسبل التربية <==== بدت الفلسفة

لكن عالعموم أتمنى من مشرفي مضيف عالم المرأة الخاص انشاء دورة تدريبية عنوانها ( كيف ومتى تضحكين )

حتى لو اضطروا لاستضافة احد فلاويتنا وخبراءنا المختصين

وشنكور يا مسيور

[ابوحنفي]

والي تاج الرمان خير ما سويت بقرارك انك تشغلهن بارواحهن

والله ان ما لقن اللي يشغلهن ليشعلن الحرب بين الاخو واخوه

ودي اعرف شيء يا رجال ليش ما يتجرا احد منا في شن الهجوم عليهن ؟؟

والي تاج الرمان تكفي يا بعدي فزع عليهم جيوشك واحشرهن بمضيف المطبخ ولا نشوف لهن شخابيط بهذا .

[الجوهرة]

حضرة والي تاج الرمان

هل الديكوريشن في جزيرتكم هي نفسها السحالييشن عندنا :) ؟؟

<<<<<<<<< وينك ياعباس على هالصيدة :thumb:

ترى الدعوى ايزي يعني سحالي في مقابل تماسيح نو بروبلم :7ayyoh:

هذا بالنسبة لوالي الرمان :)

نجي للمستلج !!

أول شيء مسيور هذا مين !!؟ أنا والا والي الرمان :)

شنكور وعرفناها ومسيور أخبرها فرنسية حجاجية تنقال للفلاويين بس !! أما الفلاويات فيامدموزيلات يامدامات :)

هذا أولاً

أما ثانياً بتركها رأفة ورحمة بمشاعر الفلاويين :smileyb:

حياك الله أخوي المستلج

[الجوهرة]

أبو حنفي حياك الله

شن هجوم !!؟

لهالدرجة مستضرين منا :)

والله يابو حنفي الود ودنا ننحشر بمضيف المطبخ بس أخاف تفقدون شخابيط الصبايا وتصير حالتكم يرثى لها :smileyb:

لكن العلم عند والي الزمان

يعطيك العافية على المرور

[المستلج]

احم احم

كني سمعت مدموزيلات ومدامات

ذكرتين بشيين للمره

الاولى مثل قودزيلا ( للي ما يعرفه هذا ديناصور اسطوري عند الشرق اسيويين والظاهر والله اعلم انهم يقصدون به الامريكان خاصة وان خشمه معتدل )

تقولون وش دخل هالقودزيلا بالموضوع أقولكم ان هذا الأخير مفترس والافتراس طبيعة في المرأة

والثانية هي الايدامات وهذا تخصص الوالدة الله يحفظها

وبالنسبة لسعالك حول موضوع كلمة شنكور يا مسيور فهذي سالفتها طويلة بس ان شاء الله القى الوقت اللي اقولها لكم فيه

وبالطبع كل متذوق للشعر العربي يعرف ان فيه ضرورات شعرية <=== ايه هين

فهذي من الضرورات الشعرية والتي يتم التغاضي عنها في فلة الحجاج ويقصد بها الشباب والسحليات

ولكن درءا للمشاكل والعنصريات سيتم فصل الجملة حتى لا يتم الالتباس على السحليات

وستكون للسحليات عبارة خاصة ستلاحظونها في هذا الرد

أتمنى ان اكون قد اجبت على جميع التساؤلات التي تدور حول الموضوع من كل الجوانب <==== يا شين اللي يبي يسوي مثقف

وشنكورة يا سنيورة

^
|
كيف بس عساها جت سليمة :)

[المطنوخ]

ابوحنفي
اتسفت بهالرابط:)

http://www.shmmr.net/vb/showthread.php?t=24615


----

[أبو فهد]

الظاهر انهوووووم ما يتوبون يبيلهم غارات اخريات لانهن قامن شوشهم يكشكشن <<< قابلني ان افهموها


المطنوخ <<<< على ايديك

[الجوهرة]

الاولى مثل قودزيلا ( للي ما يعرفه هذا ديناصور اسطوري عند الشرق اسيويين والظاهر والله اعلم انهم يقصدون به الامريكان خاصة وان خشمه معتدل )

تراك تتكلم عن خشمه ماهو عن أحوال الطقس :)

وش اللي معتدل :smileyb: !!؟

أما سالفة الافتراس هذي فهي مربط الفرس !!

والله اثرنا مرهبينكم وحنا ماندري :) :)

يسلمو يالمستلج