وش دوى الحاااردز؟..عاجل من المطنوخ [الأرشيف]

المطنوخ

12-06-2006, 09:26

أنا مريض<---الله من زين المقدمه:)

سلام عليكم كلكم

ابشرح لكم حالتي باختصار..

انا معاي حاردز (( حارق )) يجيني براس المعده وليا صكن الله يدفع البلا تغدي حالتي كسافه وتوصل بوه المواصيل دزليل البركه انه يتك نفسي همن اقعد ادور الحياة والحياة صعبه:)

وانا مايجيني البلا الا ليا كليت من الخبز...!:(

من اكله الله يدفع البلا تنعفس حالتي وينرثع بقشي:(

تبون تقولون لي اشرب حليب الازرق

اقولكم والله ان تبطون مايطب بفمي :)

هاللي والله ان جغمت منه جغيمه قعد بفمي ماتنزل قطره :)

يعني هالحل انسوووه

ابي حل لهالسالفه العوجا الله يخااااااااااااااااااارجنا

مت اشهد ان لا اله الا الله:(

وش آكل ولا وش الدبره

يعني وشلون ما آكل خبز يعني؟؟:(

وياليت ياليت انكم ماتقترحون علي آكل شي من الاطعمه لان هكالساعه يالله ادخل هواء لصدري فيشن يطب اكل:(

ابي دواء ابي شروب ابي حبوب <---حبوب طبيه للي نواياهم باطله:)

تروون اتحرى نصايحكم

أسير الحرقان .....

المطنوخ

ممهورا ببصمته الكريمه

مشعل بن حويد

12-06-2006, 09:53

ابرك !!

تبون تقولون لي اشرب حليب الازرق

اقولكم والله ان تبطون مايطب بفمي

هههههههههه

لا خلّك من الأزرق ماينفع

وبعدين متنلام يوم يجيك الحرقان

حوف كثر الهذره والدشره بالمنتديات :tongue:

اسمع

اذكر انه جاني الحاردز

وزرقت للمستشفى

ويجيني واحدن ابهصن تسنه حلياك :)

هقوتي انه فلبيني :goooood:

قال أخذ كرتون خيار

و اضرب فيه ولا تسمي

ومن عقبها وانا بخير :)

تعاليل

12-06-2006, 11:35

^
^
^
^
قالها لك .. مـكتشف من أنا ؟

:) <<<< للحين بقلبها الحره ههههه

أنا بغيت أقول لك اشرب (( تـــيـــزاااااب )) بس خفت ربي
بحريــمتك .. مالها ذنب .. !! :)

بس يا جاء الصحيح الله العليم .. انت معدتك ما تحمل الخبز
ليش إن بوه خميره ...

فعلــيك بالخيـــــــــــــــــــــــــــــــــــ ار

وإن ما حصل لك ..

علـيك بالــــــــــــــــــــثـلـج اقرش منوه لين الله يشوف لك

بس مفعول الخياااااار أسرع واعجل

شريف روما

12-06-2006, 11:48

خوذ لك حبتين بندول :)

الله يعينك

شموخ

12-06-2006, 15:15

تبون تقولون لي اشرب حليب الازرق

بالله وشنهو حليب الأزرق ؟؟ تقصد حليب السعوديه والا غيره :) إذا غيره قلي وشهو :)

بالنسبه للحرقان يفيد له العسل معلقتين عسل أصلي ويفضل العسل الصيفي أو السدر حطها في كوب ماء وحلها اللين تذوب واشربها بالهناء والشفاء وانتم عارفين ان العسل علاج مذكور في القرآن تراه يهدي الحرقان فيه ناس مجربينه :)

تحياتي

شام

12-06-2006, 15:24

لا شو هالعلاج

شو حليب ازرق و احمر

شوف أخي المطنوخ

بتروح بوجهك على طبيب في الهند

برسل لك اسمه بعدين

المهم هذا الطبيب عنده اعشاب

لا تخاف بعد فترة من استعمال اعشاب الطبيب الهندي

احزر شو بيصير

بخبرك

طيب

لازم تقول من هو

الطبيب

و اذا ما في عندك صبر

هذا الطبيب

يعطيك اعشاب تريحك من المعدة كلهاااااا

( حالة نفسية ) تشفى بإذن الله

ومعافى

الشمـــ نور ــــري

12-06-2006, 19:41

أنا مريض<---الله من زين المقدمه:)

ياحرام مريض قطعت قلبي :p:

ابي دواء ابي شروب ابي حبوب <---حبوب طبيه للي نواياهم باطله:)

كخخخخ شكيت بالبدايه بس فهمت بعد التوضيح :)

والله كل ما يصير بي هالحاردز اكل من الخيار وبعدها الحمد لله
كل خيار وانشالله يبعد هالحاردز

المطنوخ

13-06-2006, 01:07

انا هاقين والله ان بعض الشماته جازت لهم هالسالفه:)

يالله دخلك...

المراجع رقم واحد:مشعل son of حويد

ابرك !!

وجعه جدي ..!!

حوف كثر الهذره والدشره بالمنتديات

اجلينن مثلك يهالجيزاني ياللي تنقل بسطتك بين هالمنتديات :)

ويجيني واحدن ابهصن تسنه حلياك

هقوتي انه فلبيني

ههههههههههههههههههههههه يعل ماتجيب الفود تسيف فلبيني!!:(

قال أخذ كرتون خيار

و اضرب فيه ولا تسمي

صدزه؟
طيب آكلوه مع ملح ولا بدون؟<---سؤال باسدز

ومن عقبها وانا بخير

حسافه:)

وانا اشوف خديداتك متنفخات اثريك من ضرب الخيار:)

ميرسوووون أوي يا بو وجنات ورديه:)

آي ويل تراي يور ادفايز

سلمان النبهان

13-06-2006, 01:15

حارقك والله من شرب ؟؟؟؟ والشاي والا الخبز المسكين ماله ذنب
العلاج / حبة زنتاك انجليزي من اقرب صيدلية وسلام سلام ...
واترك عنك الخيار والحليب والبادجان والفرولة والشمام !!!
والزنتاك الله يسلمك اربع انواع 2 سعودي 1 امارتي وانجليزي احسن شي ..
وسلامات وماتشوف شر يالمطنوخ ...

الأصيل

13-06-2006, 01:48

مابشرت الا صديدز ( شامت ) :hala1:

شف ياوليدي

الحل بسيط

الحليب .. مهو أزرق ،، ولا يوجد حليب أزرق ،

الحليب أبيــــــــــــــــــــــــض ( معلومه ) :d:

الحل طال عمري وعمرك وعمر واحد من جيراننا :good1:

اشتر حليب اللي بالعلبه الزرقاء ( تخبر الغواصه الزرقاء ؟؟؟ ) :a:

ويامنك شريتوه ، افتح العلبه ، وحط الحليب بالكوب أو الطاسه

وبهالحاله .. مايصير اسموه حليب أزرق .. وعندها يمكنك ابتلاعوه

ودمت بخير

أبوثوب

ماجستير طب أطفال

شهادة الزماله من أكسفورد:d:

سرحــان

13-06-2006, 02:17

الأصيل

14-06-2006, 08:22

قسم بالله ان العلاج عندي

وسهل وفي متناول يدك والله انه عندك بالبيت

ومجربه انا وعلمي بالحارق اربع سنين والحمدلله

بس ماني قايل لك الوصفه

واذا تبيه تروح تحب على خشم عمك الاصيل

ويجي بهذا ويحلف لي انك حبيت خشمه

بعدها ابشر بالوصفه

سلام

هذا العلاج ولا بلالالالالالالالاش :d:

.
.
.

هنا أبو ثـــــــــــــوب

أستقبل من لديه طلب لحب خشمي:thumb:

من الساعه 9 ـ 10 الضحى

ومن الساعه 5 ـ 6 المسا

ونعتذر عن استقبال المراجعين بالعطل والجمع والأعياد الرسميه:7ayyoh:

كما يمكنك أخي المريض بالحاردز أن ترسل حبة الخشم عبر البريد الالكتروني:a:

دبليو دبليو دبليو . دوووت . أبوثوووب . دوووت . كووووم:good1:

صلفيق

14-06-2006, 18:02

( عالجها باللتي كانت هي الداء )
عليك بالخبز المحمص لدرجة ماقبل الأحتراق مع منقوع الشاهي الدافيء ، وعلمك بالشر.
ومثل ماقالت أختي مجد في مقال سابق (أحذرك من تحميص الخبز على نار غير مكتملة الاحتراق).

وإذا تبي الأدوية ... عليك بالزنتاك (ولكن لاتكثر منه) أو البيبسين ، وعلى رأي أخوي ابو سلمان .... قبل (...) خذ لك علبة روب ، تروه مايصلح على جوع.

المطنوخ

15-06-2006, 10:51

تعاليل

لاجابتس جياب المطر يهيييييب ياوجه الشوم

اجل انا تشربيني تيزاب:(

والله يالو تدري بتس وزارتي لا تمصع عمودتس الفقري من علباتس:)

بس يا جاء الصحيح الله العليم .. انت معدتك ما تحمل الخبز
ليش إن بوه خميره ...
اهااااااااااااااا

اجل هذي البلا

فعلــيك بالخيـــــــــــــــــــــــــــــــــــ ار

وإن ما حصل لك ..
والله كل ما احاول اجربه البلا اني اكون وقته منتك نفسي وما اقوى آكله

علـيك بالــــــــــــــــــــثـلـج اقرش منوه لين الله يشوف لك

انتي اللي مصلطتس علي منهو؟؟:(

اقول

بلاشكره

مابي لتس نصايح

ادهجي للفلة هناك لاشوفتس بهذا

المطنوخ

15-06-2006, 10:55

الزقروطي

انت من راحت شخطتك وانت منت مضبوط

اقول

راحت موضة البندول

الحين فكس:)

المطنوخ

15-06-2006, 10:59

شمخمخ

ياحيالله براعية القصيد

ماش انا قلت الحين تمسطنا ببيت طبي:)

بالله وشنهو حليب الأزرق ؟؟ تقصد حليب السعوديه والا غيره إذا غيره قلي وشهو
شماااته الله يخارجنا:)

والله شوفي فيه حليبين

بالسعوديه حليبكم لون كرتونته ازرق وعندنا حليبنا كرتونته ازرق

فا مافيش فرق:)

عاد ياشين اللي يحبكها:)

بالنسبه للحرقان يفيد له العسل معلقتين عسل أصلي ويفضل العسل الصيفي أو السدر حطها في كوب ماء وحلها اللين تذوب واشربها بالهناء والشفاء وانتم عارفين ان العسل علاج مذكور في القرآن تراه يهدي الحرقان فيه ناس مجربينه

هذي ياحلالي للي متربعن بالصاله وحاطن رجل على رجل ويقول ياعرب هاتوا لي العسل

لكن ليا صرت بالدوام؟

او بعشاء؟

أو بمجلس؟

ابي شي سريع وخفيف

يسلموووو شموخ وان شالله بمشي على هالنصيحه الطيبه
على الاقل تفيدني بالبيت وبرى هين

تحياتي

أبو فهد

16-06-2006, 16:46

اما لك دوا عندي لو تكب المعاير و الحرااااااااااااش ( تكب = تترك ) :tongue:

فيه شي يمدحونه يسمونه فلاش تراه يبيعونه بسوق الحمام :)

أبد يا طويل البقا و السلامة كم قطرة و لما تفك ما حتسك :)

أما الحاردز فهو الظاهر انك غاص بعكرة ضب و قاعدة تدودل بحنجورك

اشوف وشك بخير

-------------
تحياتي
أبو رشيد

عبدالرحمن

16-06-2006, 23:00

هذي ياحلالي للي متربعن بالصاله وحاطن رجل على رجل

ويقول ياعرب هاتوا لي العسل

ابشرك قربت تربعتك بالصالة ومن وراء فرتك :) !!

العلاج السريع

1 - ملح

2- تفاح

3- خيار

اقووول ترى وحدة من الثلاثة

مهو تسفهن كلهن:tongue: .

الجوهرة

18-06-2006, 00:49

وأنت وش مخليك تطق إعلان هنا والمستشفيات تتمنى شوفتك :smileyb:

تراهم من تالي صاروا يدورون الضحايا تدوير:)

المهم بعد الدعاء لك بالشفاء العاجل ومن خلال مجالستي لعدد كبير ممن يشتكي من نفس أعراضك وحرقانك اتضح إن أسباب الحرقان لاتعد ولا تحصى

يعني ممكن يكون عندك قرحة في المعدة تسبب الحرقان

وممكن يكون عندك ثقب في الاثنى عشر يسبب الحرقان

وممكن يكون عندك جرثومة المعدة واللي صايرة موضة هاليومين :)

<<<<<< أحس انك حقدت علي بقوة :smileyb:

يعني أنصحك أول شيء تروح تسوي تحاليل للكشف عن جرثومة المعدة لأنها منتشرة بقوة هاليومين وإذا طلعت سليم مالك إلا المنظار الله يعينك :)

عشان يشوفون عندك ثقوب وتقرحات وإلا لأ !!

إذا عندك بيعطونك العلاج المناسب وإذا صرت صاغ سليم مالك إلا الأزرق :7ayyoh:

ودمتم سالمين

المطنوخ

18-06-2006, 15:57

ايمان قويدر

يقوله اللي ماحضر حرب تشرين ...الجندي الهارب من وطنا:)<--مادري وش دخله بس زبدته ان فيه منطقه عندكم اسمه تشرين:)

والله يا ايمان ان رحت للهند اخاف باتسر انكس لكم الا انا لابسن جلال بردقاني من فيدين التيبت :)

الا الهندي هذا اخاف انه يطلب ثمن علاجي اني اكفله..!:puzzled:

المطنوخ

18-06-2006, 16:00

نور الشمري

بلاتس ماتدقين من هالخبز مثل ما انا ادقه :)

الله يدفع البلا اكله تقل يبي ينقطع باتسر:)

وكل خيارة وانتي بخير:)

إلـــجـــنآزه

19-06-2006, 09:45

إلمطـنووووخ إخو جعصـه عنديـلك حل يـآطــربتي :)

خخخخخخ :)

علــيك بـآلآندوومي :)

والا تدري شلون رووح للدختووور وخلووه يصرفلك تحاميل :)

تحاميل على وزن تعاليل :)

إتمنى لك الشفـآء العـآجل سي يوو :)

إلـــجـــنآزه

20-06-2006, 15:23

http://www.q8boy.com/uploads/1fa923c70d.bmp (http://www.q8boy.com)

:7ayyoh: :smooch:

المطنوخ

02-07-2006, 13:38

لي يومين وانا ادوج واقول انا وش ناسي

فيه موضوع اخبره بس وينوه؟

اثري دزليل البركه مدزعي بهذا

سوري بالانجليزي

آسف بالعربي

بونجور بالفرنسي

اجاهي بالهندي

سويس رول بالاسباني

مياميغو بالمكسيكي

كلهن آسف بكل لغات العالم

على تأخيري بالرد عليكم

ادري بكم تبون تقولون وش عاد اللي راد علينا الحين المطنوخ...اقولكم انا المطنوخ واكيد راح تستانسون:)

لكن شكرا جزيلا لكم

واعرفوا اثابكم الله ان كل خيارة قد سقطت في جوفي بسببكم

واعرفوا ان الحارد قد قل بعد ان مشيت على 99 % من ارائكم

ورأي واحد طنشته

تبون تعرفون منو؟

آسف:)

فلهذا شكرا لكم كلم وان شاء الله نتجتمع بموضوعي القادم ....(( آآآه ياعصعصي))

fman allah